蒂蒂香 (Closed)

又要到灣仔會展被勞役，收工搵好野食舒緩一下。上網發現蒂蒂香，似乎有點特色。格局舊式大陸快餐店，燈光陰暗，霉氹氹感覺。麻醬撈手打麵，比預期中普通，質地微彈少少黏的中式拉麵，本身沒什麼味道，全靠個醬喇。甜甜厚厚麻香肉醬，肉粒甜美鬆軟，撈埋辣椒醬黏黏漿住我的嘴仔，鹹鹹辣辣後帶甜，惹味開胃。凍豆漿，清淡不帶甜，輕輕豆香。品嚐濃味肉醬後來點清清的，舒服晒。滷水牛筋腩，牛筋腍滑膠濃，滷水完全滲透其中，內外都程現亮麗淺啡色。牛腩鬆化，有咬口沒半點渣，牛味濃郁不羶。兩者滷水清香不咸不濁，普普通通的平凡。生菜驚喜的甜美鮮爽，出乎意料。炸魚腐，即叫即炸，新鮮出爐熱到燙嘴，不過油淋淋，反晒光喎！再怎麼看都唔見得似魚腐，根本就係腐皮卷囉。濃厚腐皮味道，非常香口，餡料少到食唔出有什麼餡，味道似響鈴。何解家鄉野整篤泰式雞醬落去呢？不倫不類，甜淋淋難食，把幾火！香煎墨魚卵，期望越高，失望越大！香煎金黃，質地幼滑綿綿帶少許彈性，只有咸咸味道，唔講唔知係墨魚卵。都唔好食既，不想浪費，照樣食晒去。搞咩又整篤泰式雞醬呀？您唔會全部跟茄汁！配返個中式醬先正確。煎韮菜粿，熱騰騰帶著焦香，微脆濕潤，嚥韌黏黏的粿皮，裡面藏著嫩菜，

行過旺角, 見到呢間粉麵主打汕頭, 就即管試下手打撈麵 - 上面有肉碎, 汁酸酸濃濃, 好濃花生醬味, 麵爽口, 賣相以為是橋麥麵, 食落更爽口, 有點似上海麵魚蛋米 - 魚蛋有很多少孔, 比一般大粒, 食落魚米濃, 好爽口,比一般的彈牙墨魚羅白煎 - 煎得好靚, 食落似羅白糕, 不過加左墨魚肉後, 令食落好彈牙,味道都可以. 但因煎時落太多油, 食落口感覺好漏.食左半件已經五想再食.最出色竟然是辣椒醬, 又香又夠辣, 落在墨魚羅白糕上, 好夾.

呢間開到凌晨12點架，醫肚要緊，呢間墨魚蘿蔔煎、魚腐卷粉絕對值得你放低手上工作去食！墨魚蘿蔔煎食落口感豐富，質地煙韌，蘿蔔絲混在墨魚漿及糯米，清新而不膩口！而魚腐卷粉既魚腐卷即叫即炸，香脆可口。外層為腐皮內餡為香蔥魚肉，一試難忘。墨魚蘿蔔煎 ($30/6件)魚腐卷湯粉($29)翻轉會見到魚腐卷個底係勁香脆，生鮮炸後上碟，熱氣都照食座位人手唔多夠，2-3侍應經常會在場內跑來跑去勁衝忙

坐低叫左一碗雜錦河（加6蚊多2條魚腐春卷，係呢款河先有得加），一碗推介既魚蛋河，一碟墨魚羅白糕，本身想叫d涼拌小食但幾款都冇哂魚蛋河先上，呢度d魚丸標榜係全魚肉製冇加粉既，食落真係鮮魚味同彈牙既。 雜錦河有5款餸每款2件超大碗，有魚丸，魚卷，魚餃，墨丸，札肉。我一路都麻麻地鍾意有馬蹄粒既墨丸，响d彈牙嘅丸入面有d一粒粒爽既野颯颯聲感覺好突兀又唔襯，但呢度d墨丸中間既馬蹄係好微粒既，鮮味爽口得黎又唔怪。另外幾款餸都好正。魚腐春卷即叫即炸都唔錯，好多枱都有叫2個人食完依d其實都飽左啦…最後黎既係墨魚羅白糕，即煎既我放左陣先食都好燙口，面頭感覺有點油膩，食落冇乜墨魚味但口感有dd煙煙韌韌似軟身既年糕，有少少羅白絲但冇乜羅白味……頭先有d餓掛住食完全忘了影食物相，食到得番d水尾時先記得……下次一定會記得相機食先架啦下次再黎想試埋d涼拌小食同推介既牛丸同手打麵，魚丸類製品應該都會番㗳

門口大大隻字寫住潮式粉麵，入到去又有大大個電視播住制作過程又有蔡瀾介紹好似好正咁啲粉嘅種類都好多，又有魚麵又有沙茶湯底咁。叫左兩個有個嘅粉啦，一個係達濠魚蛋粉，一個係紫菜四寶河。不過上到黎我地撈勻左，交換左啲餸。仲加左啲辣醬。啲丸同片頭都林過平時，感覺同平時食落啲魚蛋粉好唔同。而魚餃個樣睇落都扁啲。食落啲丸阿果啲都係偏林，但係食得出好鮮嘅。煎墨魚卵，我以為食落會好似墨魚餅咁好爽啦。不過佢食落都係林嘅，但係個皮就煎到好脆好香口。但我都係鐘意墨魚餅多啲。

今晚要快食，魚蛋粉一定是好選擇。其實經過蒂蒂香好多次，但次次都有少少因為門口呀姐叫賣，所以唔想試。但因為要快食，但又要等朋友來，見到唔多人(即唔會比人趕)，所以比次機會佢。叫左個墨丸魚腐卷撈手打面，喂呀!真係ok好食，墨丸有湯跟上；魚腐卷係現炸，分開上，唔會浸冧左；至於個撈麵，麵質適中唔會淋，個醬都幾好食。朋友叫左個魚蛋魚片河，魚蛋好食，魚片較硬身。人地仲要加2蚊有熱飲，本人表示滿意。下次會再來，想試下佢的小食

去到太子找魚麵食，有人在門口推介，所以入去一試，價錢有些貴，但食物也不錯，他們推介了煎三寶，炒魚麵，和墨丸和牛丸河。而他們除了有辣椒油，還有咖喱醬，是好特別的醬料，如街邊咖喱魚蛋味一樣，是其他地方少見的。煎三寶有九菜粿，墨魚卵餅和墨魚蘿蔔餅，一次可以試三款，又不用怕太多。全部都好新鮮和熱，香口味道特別，即叫即做。炒魚麵，味道比較重，麵是魚肉條，好像一味餸魚片炒菜。加飯食都得。個清湯可能是比食得不太重味的客，洗一洗不用太重味。墨丸，牛丸河湯好清，湯有淡淡魚香。他們出名牛和墨丸都是他們手打都，是比超市買的好食和口感不同，河粉都好滑。全部味道不錯，只是價錢比較貴一點點。

幾年前去過潮州，找回那天的風味，好好食。餐廳主打潮州粉麵同小食。不同其它潮州食店，价格算合理，近太子地鐵站，方便食平DD。因為自己一人所以未有記會試豪餅，下次夠人一定會去試。熱飲加$2，凍飲加$4，油菜加$8。我食左炸魚片, 薄薄的似薯片($13) & 肉扎粉, 加埋熱lemon tea , 合共44!! 超值

來這裡是老媽介紹的，因為老媽本身煮野食超勁，所以佢既介紹都甚有份量，於是我就按圖索驥到這裡叫了一份撈麵。以麵檔來說，這裡的價格不算便宜，但裝修明快，令人對其食物質素有所期待。撈麵的醬料是鮮褐色的，見到有肉碎，食起來咸香帶甜味，咀嚼下都幾香。但神髓在於麵條。麵條很彈，十分之爽口帶彈性，撈埋黎食都十分具咬口，超讚。雖然我自己偏愛有點辣度的撈麵，但這個撈麵也是不錯的。

行過蒂蒂香門口，見到有個大媽不停叫人入去試下，而我就係其中一個唔知點解真係行左入去的客人。坐低叫左碗撈麵，個汁驚為天人，濃郁到好似沙爹，又少少似有麻醬，味道咸中帶甜，仲有些許肉粒口感，重點係汁的份量剛剛好，唔會搞到個麵太濕，剛剛每條麵都有汁包住，完勝好多沾麵店。再加埋個手打魚丸、魚片，雖然唔係好彈牙個種，咬落實實地，但魚味非常濃郁，應該係近期食過最好味的麵食喇！

今天中午，我們好友一同到附近吃午餐。想了很久也想不到吃什麼，翠華太車水馬龍。大家經過「蒂蒂香」，就光顧她。店內差不多坐滿了食客，好不容易找到一個位置坐下。看了看餐牌，便馬上下單。我點了個「腐皮卷河粉」每一卷腐皮大大件，外皮呈金黃色，外型是長方條，一咬下去粉稔可口，外脆內軟，炸得香囗的腐皮脆卜卜，內裏就是魚膠，粉稔狀有點彈口，魚膠像棉花吸引所有精華，有魚肉的味道。雖然實而不華，但在腐皮裏面，簡直升值百倍。河粉只是一般，只要加上辣油就美味非常。如果有機會經過「蒂蒂香」我會試一試其他食物。

食店裝修簡單，就係一般粉麵鋪既格局，店員態度友善點了：魚旦生麵加底 $29+$5加底汕頭撈麵 $34魚腐4條 $24 ($6條)魚旦3粒 魚片2片，生麵爽口撈麵既醬好好味，有啲似日式芝麻醬既味，中間有少少豬肉碎，手打麵質地彈牙，有啲似公仔麵，隨麵送的魚湯亦同樣好味，十分鮮，感覺唔似有落味精。魚腐即叫即炸，十分香脆，點埋枱面上既辣椒醬就更好味！雖然比一般潮州魚旦粉麵店貴，但食物味道不錯，可以再食！

好像有成兩年無來了，本來想去食餃子的，怎知初九先開門，順勢黎左呢間食。記憶中呢度既撈面幾大碗下，所以先是一人點了一碗面，不夠再點小食吧！滷肉撈手打面50滷肉其實是豬頸肉，實物和餐牌上的同樣吸引，鬆化無比，面質具彈性，吃得出真是手打呀，配上充足的濃郁似沙嗲沙茶汁醬，帶肉碎很香口，實在好吃可取。牛筋腩撈魚面63上次來吃過這特別的魚面，和一向所吃的好不同，實為一碗都是如魚旦切條的面面，很是貨真價實，所以定價並不貴。面好像沒當年吃的大碗，份量普通，有少少魚香。牛筋腩筋肉參半，肥瘦適中有咬口，配了好惹味的肉末汁料很正斗，但一較下就不如滷肉來得滋味喇！凍奶茶跟面才四元大大杯，好抵飲，叫少冰也真有少，奶味香，茶味夠，相宜解渴！兩者相較，我倒是更喜歡新嚐試的手打面，很有口感，十分驚喜。

今日放工好肚餓，嚟呢間醫肚，叫了手打麵,扎肉和手打魚丸。好正！湯麵很清，加上香蔥，黃色紅色辣醬油，將麵的味道釣出。麵的質感可口，扎肉比越色的很不同，值得一嚐。魚丸真的彈得很！單吃這碗麵可能未必夠飽。叫了個煎墨魚卵，彈彈的一塊煎香墨魚卵，油分徧多，聽說是慢火煎的關係吧。吃完很濟。跟餐還有杯熱豆漿，豆味很濃，杯面還有一層薄衣。讚！

同朋友分手後準備回家有點肚餓走入嚟求其找個位坐底叫咗個雜錦河加個墨魚餅 兩樣野都好快到雜錦河見到都好多配料魚丸魚味濃口感一流，爽滑彈牙魚皮餃煙煙韌韌咁,豬肉餡味道濃厚墨丸彈性稍遜不過都ok,腐皮魚卷口感煙韌河湯底本身沒有過多師傅,但感覺淡淡地河粉份量比較少煮得腍但不失口感墨魚餅表面尚算對眼,煎得幾香仲好有鮮味的確十分爽口彈牙,講真有點油膩仲有呢度平均價錢都有點貴