點點心

Open Now

Now Closed

第一次試呢間點點心，有少少失望每杯茶都要收錢之餘，食物價錢又貴需知道呢類型既食點心食店周圍都有而冇過人之處，食物質數又不是特別的好很快會被淘汰。今日下午去食下午茶兩個人食幾個點心都係有限錢，不過估唔到點心款式咁少，套餐價都唔係特別平我食左個套餐豉油王炒麵同蝦餃味道屬一般，一個咁貴租既地方咁唔明點解仲生存到

叫左個蝦腸 味道正常燒賣就不過不失春卷入面係千島醬 鐘意傳統既春卷就唔好叫懷疑奶皇包翻叮 就是熱 入面都好水 糯米雞仲衰過可以買翻屋企叮既珍珠雞 鳳爪都正正常常仲唔掂係佢唔收一千蚊紙 雖然倒水啊姐好有禮貌但收銀個啊叔態度唔掂啊ma 整體而言 成個晚餐都覺得好差feeling特別係個糯米雞真係要再三提醒大家唔好叫完全唔值呢個價 連酒樓用荷葉包住糯米雞都好食過佢 同埋個奶皇包 真係唔好嗌 嗌咗你一定會後悔！！！ 絕對要再三提醒大家！

依間好近個地鐵站 出左尼之後就係先達小巴站果邊話咁快就到左 入到去裝修吾錯 配色格調都潮既 吸引下後生因為7個人叫左好多籠 但平均除翻開都係$100一個 我覺得飲茶就差唔多依個價 而且好飽另外 我覺得好處係每一個人都可以用到自己想飲既茶 因為係每人一杯飲自己想飲既茶葉包 咁就吾會有分歧 有菊普、鐵觀音果啲 都幾多選擇仲有 野食味道同普通茶樓一樣啦 無乜差別 唯一特別係個豬仔流心奶黃包 真係幾cute而且仲可以打卡金錢肚好正同埋個豬肚湯都幾好飲

點點心自從佢由舊鋪搬左去隔離兩個鋪位之後都未黎食過～今日就黎試試睇佢同之前有咩分別先～首先裝潢靚左好多，位置都多左闊左好多～野食都多選擇左！睇睇menu 先～不過留意，佢係冇飲品提供比你，茶的話要自己叫，幾多個人要飲就叫幾多杯，自已選擇想飲咩～之後見到你飲晒就會加水咖啦～香片姐係JASMINE TEA 呀～去圖～～點心方面都係一樣高質呀！不過胡椒鹹菜豬肚湯就稍稍略鹹～但個鹹水角好好食！賣飛佛呀～個茄子同腸粉我都覺得係必需要點的！心心眼所有點心都係熱騰騰的～新鮮出爐，但要小心熱呀～

成日經過先達都想試。。以前未搬大舖時食過也ok。。但搬新舖後今晚見無咩人就試。。應該無下次。。炸雲吞。。好脆。。但個汁又稀又吾酸吾甜。。👎 唔知佢想點。。虎皮尖椒叫做最滿意。。😍黑松露腸。。。吾好食。。吾鍾意呢隻質地似水晶皮的腸粉😞叉燒包叫做正常。。不過不失。。蝦餃。。得個型似。。入面多蝦。。但無咩味。。皮厚。灌湯餃無。。 點心種類一般啦但係就有好多飯類。。茶位唔算好貴最平$6起。。。不過有啲一位$30就真係唔多識欣賞。。而且呢度食點心仲要加一添。。今晚比較夜黎食其實坐得唔係咁舒服。入面大把位侍應就經常叫你坐門口。。。佢門口有盞大光燈。。光線滲入座位感覺唔舒服。。影食物唔同角度都反晒光。。

今日同家姐去試吓點點心. 因為平日通常冇人排隊. 諗住試吓佢哋啲嘢食又幾好味啦. 點不知係極度失望. 求其搵間酒樓點心都好味過佢.我哋叫咗四款點心（佢哋嘅價格係唔平嘅）而本人是素食者, 眼見佢哋都有幾款素食選擇.我自己就點左鮮竹卷，黑松露腸粉.而家姐口講叉燒腸但佢畫左牛肉腸(哈哈)同帶子蝦餃.首先先嚟咗鮮竹卷，第一啖食落去口係好味嘅，覺得終於都搵到間點心係有其他嘢可以食到. 但係其他嘢食係好唔好味嘅. 腸粉皮極度厚，又唔夠熱，入面啲餡又冇味.帶子蝦餃冇特別，牛肉腸一樣皮極厚.都唔明白點解咁多人去排隊食。冇下次

每次行過點點心到大排長龍，見今日冇乜人即刻試一試食🤤🤤芥末咸水角🤩大愛！本身唔係好鐘意食咸水角，不過佢食落煙un👍🏻👍🏻芥末味又岩岩好！必叫！蟹籽燒賣皇🙂普普通通，不過口感都札實既黑松露小籠包🙃黑松露味唔夠出，小籠包唔多湯汁，好一般⋯七味一口豆腐🙃炸粉唔厚既，不過豆腐唔夠滑汁燒虎皮尖椒🙃都係一般之選，但佢每一條都啖啖肉，加左小小分既銀杏胡椒咸菜豬肚湯🤩個湯反而有啲驚喜，胡椒味足夠二個人食岩岩好🙂

經過先達舊果間成日都好多人排開左間新既大間好多座位多d都坐得舒服d 唔洗再等位一人一個茶位$5-6豆苗餃必食好飽滿既豆苗 皮薄炸蝦腸粉 好特別 腸粉中間係天婦羅炸蝦咁食過最好食既腸粉金錢肚 夠淋夠入味 有蘿蔔索哂d 汁鳳爪正常水準兩人埋單$200左右食到好飽唯一要彈既係d員工帶住手套 看似衛生但又走去掂垃圾桶又掂野食 又出菜 又掂塊抺台布 睇到唔開胃

旺角先達附近竟然有兩間，當然試這間新開仍在試業中的，我食過佐敦店同灣仔店，佐敦店CP 值好高，今日帶埋媽咪來試旺角新店，燒汁釀茄子保持水準、蝦膠爽口、茄子唔太油，蝦餃的皮有點厚，燒賣王皇豬肉有點硬，叉燒包的麵包皮不太軟、叉燒的肥膏太多，魚翅灌湯餃的湯味精有點重手。可能因為仍在試業中，服務員的答案不一致，我向第一位服務員要求清水，她說沒有免費清水供應，一定要order茶，然後才可以給我們水，後來我哋差唔多吃完的時候，看見隔離枱沒有order茶，她們向另一位服務員要求水，就有水供應了，可見服務員也不太清楚😂

「點點心」是新開的小店，顧名思義餐廳主打各式中式點心。三人同行先後嚐過九款點心及一款蒸飯。甫坐下後先點茶，每人一杯自選茶包出品。雖然是茶包，但這杯「林奇苑 普洱」的味道比很多酒家出品要好，沖泡數次仍有一定餘味。晶瑩鮮蝦餃：餃皮略厚，蝦肉餡料爽甜。金沙肥豬仔：出品熱辣可愛，流沙效果明顯。醬皇蒸鳳爪：調味稍鹹。香芋蒸排骨：選材半肥瘦，容易帶來平均軟腍的食味。藥膳綿花雞：與一般綿花雞的最大分別是多了藥膳原素，尤其是置底的綿花，吸汁後風味明顯。翠玉瓜叉燒腸：腸粉賣相油潤通透，只是叉燒選材碎而乏味，影響了評分。鮮蝦脆雲吞：脆而實是小編的評價。燒汁虎皮尖椒：尖椒有一定辣感夠惹味。古法馬拉糕：出品對辦，甜度鬆軟感適中。花菇滑雞飯：餸料相對多，雞件味香挺滑。結賬人均消費約 $90，與附近的酒家消費相約。有機會會再來享用點心。

點心店來越多，始終都是香港人的至愛。不過水準就因人而異，今天在這裏是了幾款點心，發現水準都十分之高。蟹籽燒賣皇，入口感受到鮮蝦的彈牙和豬肉的肥美，最重要是不會嚐到咬不開的肥豬肉，這個很重要，蟹籽反而是可有可無的。沙茶牛肉腸粉，這個中規中矩，因為沙茶牛肉的味道不明顯，還幸腸粉皮做得不錯，下次可以試吓其他餡料。蛋白翡翠菜苗餃，這個十分之好味，入口滿是新鮮的蔬菜，而蛋白令到材料更豐富。醬汁燒茄子亦是不會輸的，最重要就是入口要夠熱，這個絕對合乎標準。鳳爪排骨飯就會用超值之選形容，雖然不是驚為天人，但絕對是吃得過的。因為價錢相當便宜。