鼎泰豐

Open Now

Now Closed

多年來都能夠成為米芝蓮推介的台灣著名食府，水準一定有保證原料的嚴選堅持、食材的細膩虞理、烹飪的嚴謹調味、上桌的品質服務，每一個環節都謹慎面對，層層把關，才能將這份信念送到客戶的餐桌上食物方面:原味水晶肉 : 豬手肉味道鮮美，豬皮嚼勁彈牙，一道美味的必食夏天開胃菜菜肉紅油抄手 : 紅油微辣帶甜，菜肉抄手足料美味胡椒排骨湯麵 : 湯麵清湯美味，手工麵煙韌彈牙，炸排骨有肉味，外皮胡椒味濃

身為上海人，小籠包作為當地平民美食由細到大食唔少。台灣鼎泰豐好多好多年前在香港紅磡剛剛開店時就幫襯過，印象是不好吃性價比低. 今天路過銅鑼灣鼎泰豐，家人想吃小籠包，ok冇問題，再试吓無妨俾多次機會佢（簡直好了傷疤忘了痛）兩個人叫了兩籠小籠包，一籠糯肉燒賣，一碟烤夫，一碟蒜香粉皮肉. 主角小籠包啲肉又松散又乾又渣又冇味，係有汁嘅，但除咗油又係完全冇味，難食到啊！連點小籠包嘅醋都淡到冇味，可以講係我食過最難食小籠包! ! 蒜香粉皮肉，啲白肉唔知擺咗幾耐，完全風乾曬，肉乾甘，加粉皮拌口感差而且一點味道都冇，烤夫和糯肉燒賣都係中下等之作👎成餐飯冇樣嘢好食，應該講係難食👎再有連沖茶嘅水都唔够熱，一間超級失敗嘅餐廳，竟然仲係米芝連一星，所以話所謂米芝連餐廳，除咗貴性價比低就只能呵呵了！這個以小籠包出名的餐廳，小籠包都可以甘難食，仲可以生存咁多年，開甘多分店，真係奇蹟

原味水晶肉 - 好好食嘅前菜，簡單嘅食材，複雜嘅烹調方式，令到平平無奇嘅豬肉變成超級好食嘅水晶肉，佢最值得讚嘅地方係唔會散，正絲瓜蝦仁小籠包 - 香港好少有其他口味嘅小籠包，佢入口時，有絲瓜清新，唔會太肥膩，好適合減肥又為食人士食春菜肉絲湯麵 - d麵好幼細，而且彈牙，唔易斷，個湯清清地唔錯台式膽膽撈麵 - 同平時食開嘅膽膽麵唔同，佢無肉，只有花生，但味道濃郁，少少辣，唔錯蝦肉蒸餃 - 入面嘅湯汁好清新，但改成煎餃應該會提升口感迷你芝麻包 - 近年流行流心，佢就唔係呢樣，但都好好食，細細個，可以一啖食完再食其他野

因為住係附近酒店，系街見到橫額又貼左小籠包既廣告就試下。聽朋友推薦呢度既小籠包一向都唔錯，另外叫左炒飯，小食多滋味，個人最滿足都系小籠包，外皮唔系太厚，食落去味道都相當唔錯。

My all time favorite restaurant that serves awesome xiao long bao, appetizers, noodles and rice.  Countless visit to this joint in various locations and all of them are consistently good without failing even once.Came early on a Saturday to avoid the long queue and the staff was considerate to put us (with 2 kids) at a corner away from the crowd.Tossed shredded beancurd & seaweed & bean sprouts: finished it in less than 2 minutes and had to order another one simply because it's too goodTossed sh

又黎「鼎泰豐」食家鄉菜，老老實實要計佢究竟好吾好食，我只可以講佢只係中規中矩級數，不過貪佢價錢抵、上菜快。提早六點左右吃飯，已經坐得滿滿。我每次來都發現銅鑼灣店特別多外藉人士客人。店員也多，快手快腳，ok 㗎！點左四樣嘢，不須十分鐘上齊，同快餐有得揮。乾扁四季豆加上XO 醬香口惹味四喜烤麩醬油吾入味，用料亦未夠足，一般以下。小籠包吾知真定假，「小籠包」好似細粒左，舊肉同湯包都削左，冇以前咁好吃。蝦仁炒飯以珍珠米炒飯，炒飯底吾算乾身，但又炒得幾好食，珍珠米甜甜地，蝦仁大隻亦爽口，份量就細左小小。

自從covid之後,都有起碼成兩年冇去過台灣，台灣嘅鼎泰豐小籠包，差唔多每次去台灣都會去食。今晚咁岩要去灣仔睇話劇，睇之前又諗唔到食咩好，就去銅鑼灣搵吓有咩嘢好食，經過鼎泰豐見唔使等位，就去尋找下台灣嘅味道，食咗當去咗。當然叫咗小籠包，鮮蝦炸春卷，炸豬扒同埋豆沙小包。小籠包，皮薄多汁，一籠六個，兩個人食有啲唔夠喉。鮮蝦炸春卷，有驚喜，雖然其貌不揚，味道唔錯。炸豬扒好好味，有好似食緊台灣便當幸福嘅感覺。豆沙小包，又係每次去鼎泰豐必要嘅，唔會太甜，好香豆沙味。

下畫放假，見鼎泰豐無乜人，唔洗等位，一於試下。⭐️水晶肴肉 & 烤麩⭐️肴肉入口好有香肉味，很清新絕對無膩嘅感覺。烤麩咬落qq彈彈，唔會又濕又軟。⭐️紅燒牛肉麵⭐️好普通，個湯唔濃，好似係味粉溝岀嚟，麵唔掛湯，肉就正常啦，不過不失。🙂⭐️小籠包⭐️果然係招牌菜呀！外皮薄透內餡多汁，底用白布鋪住，唔怕夾起上嚟會穿漏汁！🤩⭐️赤豆鬆糕⭐️有驚喜！個餡非常有紅豆香味，沒有紅豆沙的地方則有糯米香！鬆糕軟軟綿綿有彈性，好味！食得飽坐得舒服，小籠包同鬆糕尤其推薦！

好耐無食過台灣名物 鼎泰豐 今次一個人午餐見到不用排隊就決定回味一下單價不便宜,一個人食2碟已經過百蚊蘿蔔絲伴海蜇皮 海蜇落了麻油夠爽口夠香 當前菜食不錯招牌小籠包 5分鐘左右上得鼎泰豐嘅小籠包算係數一數二，熱辣辣送到食落皮薄餡靚，咬開後啲湯流晒出嚟非常鮮味多汁消費$150銅鑼灣怡和街68號地舖

我認識的鼎泰豐是在20多年前跟團去台灣時在此吃午餐 第一次吃就已經很喜歡 因為皮薄 肉汁多又鮮味 價錢又十分親民 後來知道它在香港開分店 更加第一時間去光顧 時至今日 很多店鋪的小籠包都做得十分出色 更加入新的元素 令它百花齊放 各有特色今天去了銅鑼灣的店 發現裝修沒有太大改變 所以看起來有點老氣 等了大約15分鐘就有位 廚房採用半開方式 可以見到師傅在工作 服務員白衫黑褲 負責廚房的有載帽子 令人感覺很舒服及衛生 餐牌上品種不多 保持臺式的風味我點了假日獨有的小籠湯包連蛋花湯 和一般的小籠包不同 外皮像雲吞皮 大小也和雲吞差不多 內裡也是鮮肉餡及有湯汁 放入蛋花湯來一起吃 別有一番風味蒜香粉皮肉 香而不辣 粉皮很滑 肉切得很薄 清燉牛展湯麵 湯一點油也沒有 味濃而清 一片片的牛展 入口十分軟滑 配上彈牙的麵條 正最後都是忍不住再加單 要多一客小籠包 吃得真是暢快啊雖然價錢相比之下有點小貴 但是值得的

香干馬蘭頭$66先嚟個前菜馬蘭頭，基本上次次食上海野我都會叫呢樣餸，因為所需嘅功夫太多，同埋唔係度度地方都食到，鼎泰豐嘅馬蘭頭的確幾出色，馬蘭頭爽口乾身👍🏻👍🏻-小籠包$66鼎泰豐嘅小籠包算係數一數二，熱辣辣送到，食落皮薄餡靚，咬開後啲湯流晒出嚟，非常鮮味👍🏻👍🏻-香菇素餃$66如果鍾意食素餃嘅朋友仔，相信鼎泰豐嘅香菇素餃一定啱你口味，唯一覺得個香菇味道唔夠重🍄-香蔥拌麵$56拌麵嚟講我覺得唔夠味，自己加左少少醬油後，你就即刻出曬嚟，拌麵麵質彈牙，配上香蔥非常香口☺️☺️☺️-菜肉紅油抄手$64我覺得冇乜特別，你就普通一個菜肉紅油抄手，性價比唔高🙈🙈-酸甜川子雞$108我覺得酸甜川子雞係我每次到鼎泰豐必食之一，酸酸甜甜熱辣辣嘅川子雞，味道非常香口惹味👍🏻👍🏻🥰🥰不過略嫌個價錢貴咗少少🙈🙈-荔芋小籠包$52最後甜品叫咗荔芋小籠包，用小籠包嘅皮包住芋頭泥，味道唔錯，不過鹹嘅小籠包好食啲🤣🤣🤣

唔知食乜就會食鼎泰豐😂今次試下銅鑼灣分店先～黑松露小籠包$190只係得六件，到底值唔值？答案係唔值🤷🏻‍♀️一上枱打開過籠同咬開嗰下都聞到好濃烈黑松露味。但食落只係普通小籠包加咗一匙黑松露喺肉餡上面。味道係同佢普通小籠包一樣，唔係唔好食嘅但合格囉雖然嗰一匙都真係好大匙，但食落去其實味蕾冇好大嘅感覺😔香干馬蘭頭一道好考功夫嘅菜式，菜同豆干要切得夠碎又搾得夠乾水先至叫做合格嘅馬蘭頭，鼎泰豐係做到呢個水準。少少麻油已經足夠調味，味道滿意酥炸排骨非常薄身 粉醬唔厚 炸得酥脆 熱辣辣上枱一下子就清晒🤩 簿簿長長咁要分幾啖咬蒜蓉炒通菜睇相都知佢應該用咗成噸油去煮🤷🏻‍♀️通菜本身已經索油仲要落咁多油🤦🏻‍♀️🤦🏻‍♀️蒜蓉味就真係食唔出 兩啖就不了清燉雞湯朋友叫咗盅燉湯，超級多雞件，但湯唔冇牛肉湯咁大碗。偏鹹似普通史雲生雞湯🐤 雞肉都煮太老少「鞋」成日食尖沙咀嗰間鼎泰豐但銅鑼灣呢間都係第一次食。好似水準爭咁啲🧐🧐連斟茶都要叫幾次先嚟🤷🏻‍♀️

因為落大雨，係physical做完Gym，就食鼎泰豐啦⋯⋯平時都有食開餃子，小籠包之類嘅上海菜，知道鼎泰豐係最有名的一間，所以再決定好耐冇食，再試一下！要咗一個紅燒牛肉麵，招牌小籠包，炒油麥菜，小窩雲吞紅燒牛肉麵- 雖然牛肉得四舊，不過一咬即溶，好林，好入味，個面都係爽口彈牙嘅，好食招牌小籠包-見到個皮係好薄，差唔多睇到入邊啲餡，加埋啲醋，係好味。不過對比其他食物，比較遜色，因為冇乜特別驚喜。小窩雲吞-個皮唔係特別薄，不過個皮食落有啲粉皮嘅感覺，幾有咬口，好特別！雖然一碗得六粒要成$76，性價比好貴，不過係好食嘅總結：叫咗四樣嘢，都成$350，又唔係食得特別飽，所以性價比好貴，未必有下次

銅鑼灣 鼎泰豐嚇了一跳！面前這一碟海蜇皮，有没有再細 D? 味道只是普通，没特别。6.個小籠包也很细小，吃完連半飽都未够。味道嘛，算好，但未至於極好。記憶中，及不上台湾本店。而上海的普遍水准也比它好，而且包也大碼一些。没想到鼎泰豐會貴到這個地步？它在台灣，是平民食堂！在香港，貴到，啞咗。餐廳的装修很平實，像 canteen 而已， 不值這麽貴。餐廳很大，估計有 200 至 300 座位。地點是銅鑼灣，邊寧頓街口。這個是極度的三煞位，冇人做得長。鼎泰豐都算挨得！它的周圍都被欄住，紅綠燈等到頸都長。今天祗因避雨，才剛好跑進去。看價錢就住就住來點餐，也仍然頗爲出血。

到銅鑼灣鼎泰豐點了一個高湯炒芥蘭（$78），一放落口，芥蘭又老又硬，於是同侍應講，侍應回應‘我們這裏的芥蘭是特別硬的’，然後打算離開。於是我們說請找經理來，經理3分鐘後出現，然後又重複‘我們這裏的芥蘭都是比較硬的’。我可不是第一次吃芥蘭，應該是老的菜才會硬，於是他黑口黑面沒有尾音的說，‘得，幫你換’。以此推想，當我們去一間餐廳用膳，然後投訴餸菜有異味，酒樓的人就回覆，我們餐廳所有的餸菜都有異味。以前鼎泰豐服務細心有禮，點解會變咗而家咁樣😩