鼎泰豐

Open Now

Now Closed

記得對上果次食鼎泰豐已經係 N 年前既事，記得當時質素普普通通，所以之後就無嘜點幫襯，今日朋友提議去食，見咁耐都無幫襯，所以就再試試，入座無耐待應就好快手擺放餐具同斟茶，餐牌好似同當年無咩點變過，叫咗原味水晶肉、蘿蔔絲拌海蜇皮、小籠包、蝦肉紅油炒手、紹興酒醉雞、台式酸辣湯、排骨蛋炒飯。原味水晶肉 ($64) : 一碟十二件排得好整齊咁上枱，肉味清清地之剩肥而不膩。蘿蔔絲拌海蜇皮 ($62) : 呢個比我預期中好食，蘿蔔絲同海蜇皮肥嘟嘟好飽滿，而且爽口彈牙。小籠包 ($64/6粒) : 小籠包晶凝通透，夾起又唔易爛，餡料足，而且價錢又合理。蝦肉紅油炒手 ($68/6粒) : 第一次食用蝦肉做既紅油炒手，醬汁味道甜甜地幾特別。紹興酒醉雞 ($78) : 酒香味幾濃郁，雞肉幾嫩滑，雞皮亦幾爽口。台式酸辣湯 ($55) : 味道麻麻地，可能因為唔夠酸同唔夠辣既關係。排骨蛋炒飯 ($90) : 呢個炒飯炒得超出色，啲飯炒到粒粒分明之剩重好香口 🤤 不過排骨就遜色咗啲，雖然好大塊，但口感有點梅，同無咩肉香味。👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻 👍🏻

今日同女朋友係沙田行街行行下肚餓又見到依間鼎泰豐無乜人排隊好耐之前係台灣食過唔錯就入左去試下啦食得上海野一定要叫既一定係小籠包啦不過小籠包皮比我食過既厚肉餡都唔係話特別juicy 有點點失望之後仲叫左一個紅油抄手因為女朋友唔係好食辣所以差唔多我食哂依個夠香而且餡料十足算係唔錯仲有個四喜烤麩係女朋友叫食落鹹鹹香香都唔錯係我平時少食既一道最後叫左個排骨麵充下肚豬扒有d乾 湯麵既湯底亦一般總括來說係平平無奇既一餐

好久沒有吃了。😀當然叫我最愛的酒釀鴨舌，蒜香粉皮，凍肉。開下我的胃口，整😀菜肉雲吞皮靚餡正😂糯米燒賣加一點醋吃果然香味濃郁，野味可口海蜇頭白蘿蔔，清爽香口，吃落爽歪歪蝦春卷熱辣辣脆卜卜正煎餃子脆卜卜，野味仲有當然叫了一籠小籠包忘記影相，吃下正

今日同老公去食小籠包，我自己就第一次喺香港既鼎泰豐食野，即管睇下佢拍唔拍得住台灣總店既水平先。下午茶時間，店內客人唔多，座位舒服，我地兩人唔算太餓，所以就冇嗌粉麵飯。先上菜既係酸辣湯，記得攪勻左先食，味道比肉眼望落淡少少，木耳絲偏淋，爭左d口感，因為個湯淡味，所以反而令豆腐味幾突出，好唔好就見人見智啦。之後係熱辣辣既小籠包，薑絲係由店員送上，而醋就本身放左喺枱面，小籠包個皮好薄，但唔會一夾就散，識食一定係成粒放入口，湯汁味濃，亦食得出肉餡新鮮，唔錯。呢個紅油抄手都幾失望，一上枱就心諗: 份量咁少既，其實佢都有6粒，但感覺唔太抵食，味道非常非常一般，同小籠包差距幾個level，唔推薦。總結，除左小籠包比較好食，其餘兩樣我都覺得屬中下 (考慮埋價錢)，綜合黎講俾個OK佢啦。

都有一段時間冇食鼎泰豐，今日反正唔駛等，就同屋企人入去食lunch.蒜香粉皮肉蒜頭夠多夠晒香，豬腩肉唔會過肥，好林，粉皮好夠滑。什錦豆乾絲豆腐乾木耳粉絲等，加上好香嘅麻油同陳醋等調味，極佳配搭，必食之選👍🏼四喜烤麩上海菜好常見嘅前菜，雖然唔係咩特別菜式，但味道的確唔錯香酥蝦餅就如其名，香香軟軟，唔係假嘅蝦餅，真係有蝦味㗎🤣小籠包唔需要多講，鼎泰豐小籠包最出名皮薄餡靚多湯汁，好味，無論幾時食佢地都能夠保持水準👍🏼😋油炸排骨湯麵&排骨蛋炒飯其實鼎泰豐嘅排骨又係好出色，雖說油炸，但完全唔似其他上海菜餐廳落好多粉去炸個種排骨。食落唔似係炸，唔會有油膩，粉多過肉嘅感覺。湯麵麵質適中，唔會過林，湯亦好清，冇「味精湯」感覺；而炒飯味道亦唔錯。最後加埋個甜品，豆沙小籠包👍🏼鐘意食豆沙嘅你係冇可能唔食！皮夠薄，豆沙餡勁多，超級好味😋可能有時大家都會講鼎泰豐有咩咁特別呀，係有名氣姐，但我真心覺得每次去食佢都保持到水準亦唔會令人失望，所以有名氣係有原因嘅😊

小病初愈，拉了朋友陪我吃清淡一點的菜色。▶️小籠包外表精緻，有好細緻的摺纹。皮夠薄，幾乎吹彈即破。內裡的豬肉餡料都不錯，幾新鮮。▶️蟹黃小籠包🦀除了豬肉，加了少少蟹黃。其實味道不重，性價比一般啦，不過總算為小籠包加添一份層次。▶️蝦肉 雲吞 湯麵 🥟🍜湯頭很清，喝得好舒服。▶️菜肉 雲吞 湯麵 🥟🍜湯頭很清，喝得好舒服。菜肉餡調味正常，未算很出色。▶️台式紅燒牛肉麵 🐮🍜▶️蒜泥白肉蒜香很重，很惹味。

全家入沙田食飯, 順便做冬. 商場內有多家餐廳, 最終選擇鼎泰豐. 早已安排在聖誕元旦去台灣玩, 如今又係鼎泰豐!! 誰叫星期六晚, 難得餐廳有位, 就要盡快入座.   點了一桌的主菜和小食, 可是大家仍覺得不滿足, 還要來個糕點甜品作完美的句號. 千層油糕 48元/2件   這種神奇的糕點, 聽說是有豬油, 糖, 麵粉製作, 但層層相間共九層, 感覺有如千層蛋糕一樣.今天就要試試!  一籠只得2件的油糕, 米白色, 有多層. 每層掀開, 看到多個小粒粒. 再單單食一層, 軟綿綿, 夠鬆軟, 而那些白色粒粒, 感覺似伍仁月餅裡面半透明的肥肉, 甜中帶滑. 一層層的撕下來, 很快就消滅了千層油糕了. 赤豆鬆糕 56元/2件    除了紅豆蓉, 還有原粒紅豆, 加上綿密的鬆糕, 打造多重口感. 而且甜而不膩, 真想再來一份. 可是56元/2件, 即是每件28元!  可能台灣當地鼎泰豐的價格會更抵食!!!!!!   

晚飯時間過去但唔使排隊，趕住睇戲是但啦。以一餐普通便飯來講，味道算係正常。但若果以米芝蓮一星嘅標準來講，sorry，沙田店嘅小籠包就變得好普通，好似是但一間中菜都做到好過佢嘅水準：細粒、皮厚又唔juicy。唔值呢個名、唔值呢個價。另外，我比較鍾意貨真價實、入邊好多豬肉/鮮蝦餡料嘅雲吞，所以鼎泰豐細細粒嘅上湯雲吞就唔係我口味：味精湯底。碟蒜蓉炒菜炒得幾好，唔會太油。紅燒牛肉份量不大，但肉太淋了。名氣過大。

食物質素還可，就是分量少得好可憐，好似超市試食咁，食左成千蚊5個人都唔知食左咩，如果開試食，應該算負責任，總括唔會再核一次，睇嚟都只可以做遊客一次性生意，希望會有多點一次性遊客啦，因為多次回頭都幾難。

2019年1月5日約左成年。終於約到出黎食飯啦。明明我都一早食飯。都好多人。都等左兩個字。茶位。叫左三個前菜。三個都冇乜特別。最好食都係個個醋木耳。酸辣湯。不過不失。小籠包。我覺得鼎泰豐嘅小籠包真係唔錯！但係香港嘅鼎泰豐同台灣嘅鼎泰豐比較。我都係鍾意台灣嘅鼎泰豐多啲！呢個係我哋全台都同意嘅意見。同行友人係咁話酸菜肉絲湯麵好食，咁我就叫個酸菜肉絲拌麵試吓。唔係好夠味嘅菜。下次要叫佢後上凍左唔好食。都係台灣好🤣🤣🤣🤣🤣台灣又好食又抵食。香港唔可以話唔好食。但係冇台灣咁好食。仲要又貴過台灣喎。

鼎泰豐於香港立足已經有一段時間，位於沙田新城市廣場這分店一般都有人排隊，進食時間只限1小時15分鐘，今日午飯時間晏咗少少，唔算多人，等一陣間就被安排座位，等嘅時間唔算多，唔緊要，趕住去睇戲，最緊要快，食得快。馳名的上海小籠包，皮薄餡靚， 記得加醋吃，錦上添花。蔥油撈麵，小小辣，麵質爽口。炸排骨，大大件，炒飯底好香口，正！酸辣湯夠辣，落咗豆腐醉，喝的時候要小心，非常搶喉。仲有上海前菜~四喜烤麩，醃製味道唔錯。整體來說，食物水準係keep到嘅。

由於係中餐Fans，諗起一年前去台灣朝拜過，食過總店鼎泰豐的味道，香港又有分店，特意去食下佢地個小籠包（畢竟人家跟大人物見面也喜歡秀師傅包小籠包的手藝）。海外分店管控有難道，又需要適應當地人口味及習俗，服務質素好難照搬總店那套來港，但多少在員工培訓及餐設安排方面看到影子，可能食客關係，多少滲了香港大茶樓飲茶的感覺。兩人個人叫左四個送，味道水準有台灣總店所食的八成，小籠包皮特別簿，用白楊布托底避免黐底而失去肉汁，淡濃適中，雖然知道醉雞是冷盤，但入口仍有雪櫃拎出來的凍感，稍稍扣分，其他菜式雖not my tea但其實味道唔差，整體感覺不錯，是一家大小餐聚之選！

鑱咀萬萬歲!🙌🏻ChamZeoiLongLongLife!!!🙌🏻但呢餐一啲都唔萬歲...🤨小籠包 $64賣相👅👅👅味道👅👅👅口感👅👅份量👅👅性價比👅👅🐭同台灣差好遠，個「頂」啲皮硬嘅，份量細粒菜肉紅油抄手 $64賣相👅👅👅味道👅👅👅口感👅👅👅份量👅👅性價比👅👅🐭咪道正常，個皮幾滑，又係好細粒油炸排骨湯面 $68賣相👅👅味道👅口感👅份量👅性價比👅🐭面既份量少，湯底啖塊排骨望落似老麥塊漢堡扒，咬落係「柴皮」乾爭爭，食落只有濃烈胡椒味糯肉燒賣 $56賣相👅👅👅👅味道👅👅口感👅👅份量👅👅性價比👅👅🐭塊皮幾薄幾滑，入面只有糯米沒有肉，冇乜味，好齋蝦肉煎餃 $88賣相👅👅味道👅👅口感👅👅份量👅👅性價比👅🐭煎得不夠香，蝦肉肉質還可以，不值這價錢雜蔬蛋炒飯 $85賣相👅👅👅味道👅👅👅口感👅👅👅份量👅👅性價比👅👅🐭最正常的一味🐭食神鼠到此最後一遊，拜拜你條尾👋🏻👋🏻👋🏻

今日嚟到呢間位於沙田嘅鼎泰豐，一入門口招待員非常有禮貌，安排位置之後，服務員馬上遞上袋套感覺非常貼心。本人非常喜歡食上海野，其實鼎泰豐嘅係台灣傳入來架，今次試咗佢最出名嘅小籠包，豬扒飯，蒜蓉炒白菜仔！ 豬扒飯即係同平時嘅炸豬扒呢口感好唔同，用嘅飯底呢都係炒飯底，但一啲都唔油！個豬扒你個肉質呢拗口非常充足，啖啖肉有別一番滋味。個小籠包果然係本店招牌菜，可以話係皮薄餡靚同上一次都係介紹過食小籠包方法一樣不過呢依家呢比起上一次既小籠包，更加多湯每一次來都會點一點蒜蓉白菜味道唔算太濃，適合呢一班鍾意食蔬菜嘅朋友！價錢同食物質素係成正比啊， 都值得經常嚟幫襯啦附近返工嘅朋友都不妨下午過嚟啦，不過都多人排隊㗎！

鼎泰豐喺我必食上海菜館排頭位，雖然佢個menu好少選擇，但每次食都唔會失望，真係好好食。每次都會例牌叫小籠包、酸辣湯、蘿蔔海哲、菜肉雲吞。小籠包每次都做到perfect好好食唔會失水準。唔知大家有冇食佢既酸辣湯呢?佢裡面啲豆腐切得好幼細好考刀功，真係要俾個叻佢，味道方面都唔錯㗎。而蘿蔔海哲既配搭真係好match,好爽好正菜肉雲吞佢整到好滑入面啲菜好多肉少，啱晒鐘意少肉多菜既朋友但我之前忘記影相食到一半先記得，所以份量冇咗一半，哈哈