丼道 (上水廣場)

Open Now

Now Closed

上水廣場新開了一間滿滿日式風味既餐廳 今晚找了機會試一試！🥢是日菜式: *親子丼(滑蛋雞肉丼) –炒蛋好滑嫩、雞肉都係好入味及多汁、再撈埋甜甜既洋蔥汁搭珍珠米真係絕配。而且份量大大碗好滿足!*咖哩吉列豬扒丼 – 咖哩汁出色，甜咖哩不會好咸而且是不辣的! 吉列豬扒炸粉比例岩岩好, 外脆入面仲保持住肉汁，非常厚切!*串烤小甘薯 – 塗上牛油又香又甜 *自家制免治雞肉串 – 沾上可生吃既雞蛋一齊吃 啖啖肉很滋味!*蜜味脆魷魚 –魷魚好爽口彈牙 又粗又大條 炸得香脆伴酒一流! *意式軟雪糕配紅豆、白玉丸子 – 呢款雪糕牛奶味好濃 好滑 白玉丸子煙煙軔軔!*自家制和風栗子蛋糕 – 栗子蓉幼滑香甜 整體甜度係比較低 岩哂少甜又愛吃甜品之人!📷餐廳氛圍: 溫暖的和風設計 寬敞 店員親切有禮十分HELPFUL😋美味指數: ***** 滿分，食物高質，非常推薦!

成日行過都見到排隊，今日終於唔使排，即刻入去試下啦😋不得不讚賞呢間餐廳環境好舒服😌啲位夠闊落，職員態度又好👍🏽而且食物都好食，就等我介紹吓啦親子丼🐔賣相吸引，大大碗飯加上半生熟蛋汁😌😌雞蛋好有蛋香味😊而雞肉就有濃厚嘅醬汁味道，稱得上係高質嘅丼飯😋鰻魚丼🐟雖然嗰碗望落去係比起親子丼細但係其實佢個碗係好深，所以飯嘅份量絕對唔少😜而鰻魚亦唔少，堆滿成個碗，鍾意食鰻魚嘅你一定要揀呢個👍🏽性價比極高只係需要$92👍🏽👍🏽👍🏽仲要有埋椰菜沙律🥗加蜂蜜茶😌正自家製免治雞肉串好特別，免治雞肉入邊有啲軟骨，食落去口感特別😌仲配埋一隻生雞蛋🐣點個汁又係另一個食法👍🏽檸檬鹽雞軟骨有驚喜👏🏽分量一啲都唔小😌檸檬鹽有淡淡的檸檬味而且雞軟骨炸到超級脆，令到有食完一粒又想再食嘅感覺🙈🙈意式軟雪糕配紅豆白玉丸子🍡扭紋有兩款口味可以選擇，3.6牛乳或者抹茶，如果想兩種味道都食就可以選扭紋😬😬雪糕軟滑360牛乳偏甜，抹茶有茶味唔會太甜👍🏽好味總括嚟講呢間餐廳都係值得推介😊

以家上水廣場多左好多不同餐廳，終於唔駛食黎食去都係個幾間。今日我地去位於上水廣場3樓「丼道」丼飯專門店食晚飯。餐廳有多款丼飯、小食、甜品選擇，餐廳亦有自家製的和風蘋果咖喱飯/烏冬，選擇多元化。餐廳以QR落單，方便快捷又環保。海鮮刺身丼配味噌湯和有機烏龍蜂蜜綠茶賣相吸引，刺身鋪滿飯上面，刺身有赤蝦、三文魚、吞拿魚、油甘魚、馬刀貝、八爪魚、魷魚、鮑魚刺身、玉子燒，刺身厚薄適中，夠新鮮，而且丼飯用上日本國產高級食米越光米，越光米飯粒飽滿，口感粘糯，軟硬適中。親子丼滑蛋雞肉丼雞肉用上「日本九州產華味鳥」華味鳥飼養過程不含賀爾蒙、激素或添加劑。雞肉味重，口感結實，配上滑蛋一齊食，簡單又美味。朱古力芝士蛋糕濃厚的朱古力香氣，朱古力與芝士配搭得很好，質感幼滑軟身。京都宇治抹茶芝士蛋糕濃濃的宇治抹茶，芝士蛋糕軟綿柔滑，配上蛋糕底下的餅乾碎，口感有層次。

上水廣場有間人氣好旺的日本料理專食丼飯，仲有唔少甜品選擇，今日嚟試吓。店內好多日本陳設，寬敞，坐得舒服，餐牌都做得好有心思，而且全日免收加一。每個餐跟椰菜絲沙律柚子醋或麵豉湯同凍茶。海鮮刺身丼賣相好靚，擺得整齊有序，刺身有三文魚、吞拿魚、墨魚片，鮑魚片，大蝦等，同埋玉子。刺身新鮮，款式齊全。丼飯採用日本新潟縣越光米，口感念念地好有質感。吉列豬扒咖喱飯 同樣跟餐，日本咖喱汁唔會太辣，吉列豬扒炸得好鬆化，而且好大塊，賣相好靚。栗子紅豆抹茶軟雪糕中餅賣相好靚，抹茶軟雪糕放在中餅內，中餅底內層鋪滿栗子蓉同紅豆蓉，感覺好得意。綠茶味雪糕好香滑，唔算太甜。意式軟雪糕配紅豆 • 白玉團*扭紋(牛奶＋抹茶)可以揀鴛鴦口味，雪糕質地好香滑，白玉團煙煙韌韌，紅豆蓉甜甜的，加埋一齊食，層次豐富，值得推介。

2月16日 丼道 上水 下午茶時段店舖環境可以 需要掃碼下單 並且只接受非現金支付 下午茶餐為主食+凍茶+椰菜絲沙律 基本上只有主食需要烹調 而餐牌選擇基本以咖哩為主，另有滑蛋飯及甜品供選擇 毫無疑問咖哩，甜品及炸品都基本預先準備，所以我選擇滑蛋肥牛飯，下單等候並不久但質素完全不行一，汁水過多，似粥多過似飯二，蛋唔夠熟，蛋清依舊生結論係一間以日式門面作招徠 但骨子里係一快餐店只不過食物比較日式而已，下午茶中唯一肯定係要即做嘅食物做成咁，可想而知。 盛為60元正

我成日行上水廣場，都覺得無乜好食餐廳，今次有新派和風居酒屋，點都要食下，餐廳裏面簡約日式風格，坐位多而且寬闊，有大玻璃窗，足夠光透入。平日夜晚時間未見要等位。叫咗海鮮刺身丼，米飯採用日本新潟縣產越光米，時令刺身有三文魚，吞拿魚，赤蝦、八爪魚，墨魚片，另外散叫咗厚切三文魚$40和油甘魚$48，有3片同5片選擇，非常新鮮。三文魚蟹肉蟹膏茶漬飯，將鰹魚湯倒入飯後，暖笠笠既湯飯停留係口腔內，渾之不去。炸芝士年糕2件$22。

今日入上水同個朋友拜年，喺佢樓下吃餐丼飯，過咗午飯時間，可以慢慢傾慢慢食。地方闊落，玻璃窗入自然光使人感覺好舒服，加上装修以木系為主，下午和煦的陽光令人感覺好舒服，整個環境令人置身日本旅行，QR code 揀好餐入購物車送出確認落單便成了，快捷可靠。鰻魚丼~鰻魚獨特嘅香味冇其他魚脂可以代替，配合鰻魚汁飯已經美味無比，再加入溫泉蛋就更上一層樓，這店子的鰻魚飯做得唔錯，個丼本身包咗麵豉湯或柚子醋沙律，仲有一杯凍綠茶。刺身丼~喜歡魚生刺身嘅朋友梗係要食呢個刺身丼，三文魚、吞拿魚、油甘魚、八爪魚等等各款新鮮刺身啖啖肉，加入壽司醋嘅壽司飯來至日本靚米。和式雜錦拼盤~下午茶餐包麵豉湯或沙律仲有蜂蜜凍茶，可以叫其他飲品-鮮奶抹茶（半價），各款小食即叫即做，新鮮熱辣辣炸起蟹肉忌廉薯餅，七味雞翼脆非常香口，芝士年糕煙韌可口，仲有熱辣辣脆卜卜嘅薯角。另外再點多個抹茶芝士蛋糕，完全滿足曬抹茶控嘅需求。

好耐無試過 或者從來都無試過係上水見到啲咁有質素既食店仲要係日式餐廳🎏開中我個範 無理由唔去試吓🫢店舖裝潢充滿日系風格 呢個亦都係負責人既心思位🥰環境頗為闊落 用餐時候感覺舒服 坐耐咗都唔覺至於食物方面 除咗平時會比較常見到既丼飯之外負責人亦都透過自己既經歷 將一啲地道啲既丼飯列入餐牌😲就好似深川丼 我唔敢講出面無 但絕對係少見🫣以丼飯為主 連咖喱飯都有 可以話係照顧晒大家唔同既口味👍🏼➷🪐 深海池魚刺身冬天既時令魚係深海池魚🐟佢地都會因應季節去推出唔同既刺身魚俾大家享用😋深池本身較為爽口 魚味鮮甜突出 唔會有任何腥味👍🏼當然大前提都要睇吓刺身係咪有呢度既咁新鮮油脂唔會太豐富 所以比較輕身唔會太油膩😌 §🪐 鰻魚丼鰻魚丼係佢地其中一個主推丼飯 大人細路都岩食😋份量唔算小 擺設上都放咗心機 好有和風氣息🍱鰻魚切得厚身 甜甜地既醬汁滲透到飯裡 非常惹味🤤再加上有隻溫泉蛋點綴一下 更加提升咗佢地既味道 §🪐 海鮮刺身丼我就揀食返我最愛既刺身丼飯🦐佢唔會有特定既刺身 會根據返當日新鮮既刺身去配搭如果擔心當中會有唔岩食既野 可以先向店員查詢🔍做海鮮丼最緊要都係刺身既質素同埋佢既多元化我就食到成個

同屋企人喺上水廣場附近搵食，發現呢間好新淨既餐廳，食物選擇都幾多幾吸引，一於試試😉餐廳入面嘅佈置充滿日本風，啱晒打卡吉列豬滑蛋丼：香噴噴 吉豬熱辣辣 炸粉唔厚食落一d都唔“鞋“口鰻魚丼：睇落精緻細細碗 但其實份量好夠！ 超軟腍ge鰻魚好食！淋上鰻魚汁 再加隻溫泉蛋拌飯 滑滑口感正丫～自家制免治雞肉串：黎到伴生蛋食 好新奇 食落多左陣蛋香味😆最後當然唔少得甜品做結尾意式軟雪糕配紅豆·白玉團子：牛奶同綠茶兩款味 兩個都想食 我揀左扭紋！份量兩個人食都得！ 除左有紅豆蓉同白玉團子 仲配有少量水果 不時配下唔同ge食物 真係唔會食厭！

到上水廣場行街行到有啲肚餓，一於去食個下午茶，去到三樓就俾佢嘅大門面吸引住，有日本超人、鐵甲人display，門前亦放咗用心設計嘅menu供客人參考。望到店內風格係簡約日式和風設計，大玻璃窗採光度十足。睇到店名叫丼道，顧名思義應該係食丼，咁就一於入去試吓，我哋選擇咗窗前卡位，座位寬敞，下午陽光透入嚟感覺幾溫暖同舒服。#迷你粒粒刺身丼 $60選擇咗下午茶輕食Tea Set，所以預咗係細細碗，粒粒刺身角切，有鯛魚、三文魚、吞拿魚，玉子粒及青瓜粒，食材就較為平實，刺身食落有少少筋，呢個價錢有呢個配套，整體嚟講都唔錯，鍾意食日本嘢可以頂到一吓刺身癮。可能係下午茶關係，我覺得刺身份量少啲，飯比例就多咗。#滑蛋牛肉丼 $60下午茶餐細細碗，如果肚餓嘅話，建議叫返正常丼，滑蛋汁都煮得幾滑，加埋洋蔥肥牛片，都幾好送飯。個餐已經包咗有機烏龍蜂蜜凍茶，可以選擇椰菜絲沙律或者味噌湯，餐廳提供柚子醋可自行加入椰菜絲沙律，味噌湯就正常發揮。#丼道地址：上水龍琛路39號上水廣場3樓317-320號舖

🎈食物：🌕🌕🌕🌗🌑今日同朋友一齊食lunch，次次經過上水廣場都比呢間嘢吸引，今次終於得閒坐低食，叫咗個鰻魚飯，味道都ok，90$分量有啲少，同埋鰻魚有骨。杯嘢飲都一般般。🎈環境：🌕🌕🌕🌕🌗現場環境都乾淨，坐得坐得好舒服，有位擺袋。😁😁😁🎈服務：🌕🌕🌕🌕🌑掃qr code落單，另外會比本Menu你，方便睇，出菜率速度就一般，要等一陣先有得食。🎈回購：🌕🌕🌑🌑🌑呢個價錢呢個質素，性價比較低，回購率應該都比較低🥹🥹🥹🎈溫馨提示：呢間舖頭不會收現金

✨️日式咖喱吉列豬排飯 配涷蜂蜜綠茶，味噌湯 $78一上枱就聞到好香咖喱味🤤咖喱係日式咖喱，入面有紅蘿蔔同薯角。吉列豬排食落外脆內軟😋 個飯最特別係入面有一塊蘋果😂，等大家喺食完濃味嘅咖喱之後可以清一清口腔，令口腔有番啲清新嘅感覺😂套餐仲包一杯涷蜂蜜綠茶同埋味噌湯(或沙律)。以呢個價錢可以有咁多items真係好吾錯😆

食飯同粉面呢d成日食都真係已經悶悶地，見有間新開的食日式既就試就佢，叫左一個刺身飯，份量比例好岩，唔會話一d刺身就好小，而d飯就好多咁～個去餐跟個沙律或者麵豉湯，我選左一個沙律，通常跟餐比既沙律，都會都係得一淡兩淡咁既，但係佢呢個又唔會咁小，係真係正常份量，所以感覺都幾良好既不過呢，個刺身飯既刺身就可圈可點，因為其實整體就唔錯的，但係我就略選謙有好幾淡刺身，食落口既時候，其實有好多都係筋位呢， 如果呢方面都改善埋就應該會好好多～

經過三年疫情洗禮 上水轉變了 廣場轉變了多咗好多餐廳😋😋《丼道》係近期新開既其中一間店鋪好大 有自助水吧 用手提落單 方便快捷 📍丼道 (上水)上水龍琛路39號上水廣場3樓317-320號舖⭐️😋（新推出）三文魚X蟹肉蟹膏茶漬飯配鰹魚湯跟涷茶$75天氣太凍喜歡飲熱湯食熱飯 食茶漬飯就岩記得一定要追加溫泉蛋$5會好食好多😋漬吞拿魚刺身x丼跟凍茶$125呢個價錢超級高質 吞拿魚好新鮮 份量都幾多😋七味雞翼（3隻）$25雞翼炸完之後都超大隻 皮脆肉嫩😋炸芝土年糕 (2 件)$22小心熱一定要趁熱食 有芝士流心效果！😋蟹肉薯餅（2件）$18外層脆脆的 餡料好creamy

越嚟越多餐廳開係上水廣場，但上OpenRice 一睇，見好多間都好多差評咁，最尾揀咗呢間日本嘢。-❤️粒粒刺身丼一上菜就見到啲刺身唔算多，蓋唔過下面啲白飯。入口第一啖俾佢腥親，但再食第二啖又冇腥味喎，食晒成碗大概有兩次食到腥味，應該係某款魚嘅某個部位好腥。但總體嚟講係OK嘅，啲刺身亦啱啱好夠配飯。-❤️‍🩹海鮮刺身丼呢款比粒粒刺身丼貴，但刺身更少。每款海鮮只有薄薄一片，完全唔夠配飯，刺身亦冇咩特別。👎🏼-總體來講，唔係特別好食，但冇講到咁差。