丼道 (上水廣場)

Open Now

Now Closed

今日去開上水做開野, 去左上水廣場到見到呢間舖”丼道” Doncurry. 人客比較多, 就入去試下. 食左呢個滑蛋和牛丼同凍番茄芝麻醬, 價錢唔算貴, 但真係好有質素. 雖然係上水區, 但真係好有驚喜, 環境幾好, 唔會座得太迫及幾舒服. 服務員態度OK.😋😋😋見我唔係太識用電話去叫菜, 都過黎幫下我同介紹食物. 個滑蛋的確滑🥚🥚🥚，個凍番茄🍅🍅🍅勁開胃同新鮮. 有機會再試下其它食物. 同埋個餐牌公仔好得意，見到個餐牌就覺得佢哋有心機去做食物，下次會試吓咖喱炸豬扒🍛🍛🍛🤤🤤🤤🤤

嗌個外賣，鋪面唔多人，但等左半小時，仲叫我慢慢等，要有耐性等左咁耐，催單態度又愛理，比我遲好多入去坐入鋪嘅，都晨早有得食！落單見到呢到有頗多正評以為還好，下次還是信那些不是一味吹噓嘅評價！沒有下次！

疫情令生活轉變了；經濟轉變了；廣場轉變了……經過三年疫情洗禮，所有商場都有着大大小小的轉變，當你細心觀察就會發現週遭有着點點不同。上水廣場這年多了好幾間食👅👄店，越開越多……這間《丼道》是近期新開既其中一間，店鋪都算大，裝修以木材為主，走光亮簡約感覺。打完疫苗，順便在此食個晚餐再回家休息。用手提下單，好快就有美食上枱。簡簡單單點了粒粒刺身丼飯，丼飯份量不算大，見索價相宜，抵食。🐟剌身有三文魚加油甘魚配玉子🥚和青瓜，刺身切得大粒，而且都新鮮肥美。椰菜沙律 用上柚子醋，🥬很爽脆開胃。丼飯套餐配上🥬椰菜沙律、飲品涷烏龍茶🥃，抵食。月見牛肉丼飯，故名思義是生雞蛋牛肉飯，牛肉份量多，沾滿雞蛋醬和洋蔥，營養又好食。京都宇治抹茶蛋糕，小小一件，有茶香 不太甜，食完很滿足。雖然《丼道》食品款式不是太多，但是麻雀雖小，五臟俱全，由前菜到甜品都有提供，足夠填飽肚子，而餐廳洋溢着日式氛圍，環境清潔舒適♥️。

個幾月前聽同事講上水廣場3樓開左間新既日本餐食丼飯聽佢地講野食好食但上餐速度比較慢所以一直放lunch都冇去撞直今日星期六放假一於去試試佢。 一入去坐左個窗邊位放假既時候去食飯仲可以望下窗外既景真係一流。一入到去店員已經解釋自己自助用qr code落單，仲細心介紹左今日有新鮮到貨日本直送既時令魚。咁中意食刺身既我一於叫個原條飛機魚丼飯黎威威佢 一黎到見到個丼飯好靚睇得出師傅刀功唔錯。條魚真係連魚骨原條上，刺身係薄切。丼飯仲跟左個椰菜沙律，聽店員講係落檯面枝柚子醋去撈。食完覺得有啲新奇，柚子醋酸酸地配個爽口椰菜沙律，幾開胃。佢仲跟左杯凍茶，飲落去甜甜地有啲茶香，應該係落左蜜糖。睇返個menu杯茶係自家製，算得上係誠意之作。 講到個刺身飯，隔離跟左一碟刺身豉油同一碟酸汁。刺身食落口好鮮，配酸汁食岩岩可以中和左本身池魚自帶既重魚味問題，入口雖然係薄切但都食到爽口既感覺。丼飯大大碗，但同個池魚既比例岩岩好，一啖池魚配一啖飯真係好滿足以原條魚師傅即叫即開黎講，上餐速度都算快，等左20分鐘左右就開得餐除左原條池魚，佢仲有深海池魚丼。

今日買咗這間店嘅外賣見有12個舔舔脷 又話個咖喱飯好出色咁就諗住一試 買個外賣返屋企食點知難食到想嘔 從來未食過咁差嘅咖喱咖喱牛肉飯咖喱完全係普通嘅咖喱我喺屋企自己煮都煮到做九唔搭八有舊蘋果 牛肉un 到完全食唔到 求其淥熟啲牛肉 淋個汁系面 好之俾少少誠意沙律唔知佢用啲咩醋 個味超級難聞酸酸叔叔好似變咗味咁 我而家諗起隻味都想嘔牛肉豬肉漢堡扒乾爭爭 好難食 煎到乾晒咁嘅質素同價錢完全吾成正比相信食評中。。。吾知有幾多真實顧客

上水廣場新開的日式丼飯，遇上假日人真多，但幸好可能上一輪客人剛好離開，排十多個號也只是等了10分鐘左右就有位了。坐下後有QR code下單，點了親子丼和免治雞肉棒，餐牌上介紹親子丼是用日本華味鳥，上網看看日本介紹的華味鳥，肉質比一般雞肉結實彈牙，沒有一般雞的「蘇」味，上桌時見有一個日本蛋黃，拌勻飯一起吃，口味非常濃厚，讚👍免治雞肉棒亦是配日本雞蛋黃一齊食，雞肉混合了雞軟骨，食落有口感。丼飯配有椰菜沙律，配上柚子醋汁，吃過濃郁雞蛋之後，口腔清爽一番。亦附有蜂蜜烏龍茶，不太甜，茶味剛好，整體感覺非常好，親子丼$78，沒有加一服務費，以這價錢有些質素，性價比高。

唔好講笑，上水真係好遠，但一場入黎打波做完運動，點都要食番間好味嘅！|泊上水廣場，為左要有泊車優惠，一於同朋友響番上水廣場覓下好西食，見呢間日式丼飯專門店《丼道》，已經深深比門面張浮世繒吸引住，忍唔住打左卡，又忍唔到試埋。3個人可以安排到闊落嘅卡位，點左：🌟「粒粒刺身丼」- 粒粒三文魚、油甘魚、玉子都切得好大粒，配埋青瓜粒，爽口配上魚生嘅鮮味，鍾意食日本野真係無法抗拒！🌟「滑蛋吉列豬扒丼」- 原塊吉列豬扒切成6大件，炸到幾酥脆，想讚下佢嘅自家製福神漬，好入味，配埋原塊燒蘋果，當日式咖喱遇上呢三樣食材，真係要比個讚！🌟「七味雞翼」 - 炸到外脆內嫩，唔會overcooked，雞肉食落亦冇粗榎感，忍唔住再點多份！🌟「免治雞肉串」 - 雖然食得出係原材料，不過配埋日本雞蛋，又幾有日本風味！其他小食：🌟「胡麻醬蕃茄」、「油甘魚刺身」、「三文魚刺身」總括，想讚下呢間洋日餐廳嘅丼飯，首先份量好充足，每個丼飯都會配椰菜絲沙律，柚子醋仲可以因應個人口味自己落，仲配杯蜂蜜凍茶，性價比真係幾高！

上水有食肆新開張，一於去試下掂唔掂未行到埋去就見到有人喺出面企，以為要等位行到埋去鋪頭，職員即刻問有幾多位，飛都唔洗㩒直入餐廳炒野菜～好少喺出面食到咁「健康」嘅炒菜，我希望係健康又美味😂，加返啲味就好喇蟹肉薯餅～無期望，無失望就係一pat好cream嘅野比啲粉同面包糠包住，急凍鋪買到嘅蟹肉薯餅炸芝士年糕～係全晚最好食嘅野牛肉飯～跟餐有個椰菜絲沙津同烏龍蜂蜜職員話椰菜絲可以加埋枱面嘅柚子醋落去一齊食個人喜歡椰菜絲加芝麻醬，奈何職員話呢度無呢度個牛肉飯唔啱我口味。可能食慣連鎖店牛肉飯，叫開牛肉飯加汁，呢個飯無乜汁，食落好乾又無乜味，牛肉都唔好食吉列豬扒咖喱～係呢度signature signature都係唔可靠無下次，完。

Lunch 時間要用40分鐘先上到餐，真係超慢😡😡😡，食物味道一般牛肉都冇乜味🥹，又唔可以加錢轉其他飲品。餐跟一杯甜凍茶，味道奇怪🤔，環境有幾好都冇用啦

海鮮刺身丼 $115丼飯包括多款時令刺身，我呢碗有三文魚、赤身吞拿魚、𩶘魚、赤蝦、八爪魚、墨魚片同蚌刺身，仲有蛋，好豐富☺️啱哂我呢個刺身控，一次過可以食多款刺身，而且味道好新鮮。飯就採用咗日本新潟縣產越光米，黏性同口感都係極佳帶廣豚肉丼 $85北海道名物丼飯，豚肉片係日本豚肉肉眼嘅部位，肉汁豐富帶油香，用醬油同糖調製嘅醬汁好濃，好入味，有水準所有主食類食品均配沙律同茶，性價比高👍🏻椰菜絲沙律椰菜絲清脆，配埋柚子醋食，酸酸哋好開胃有機烏龍蜂蜜凍茶蜂蜜味都幾濃三文魚刺身3片$40如果覺得丼飯嘅刺身唔夠喉可以另外散叫，厚切嘅三文魚食落好新鮮，好肥美自家製福神漬 $12福神漬係日本嘅一種非發酵型漬物，以蘿蔔、茄子、紅刀豆、蓮藕、黃瓜丶紫蘇果實、香菇同白芝麻等7種蔬菜為原料，甜甜哋嘅漬物，用嚟伴飯一流餐牌好精緻餐廳環境舒適同埋裝修都有特色仲有打卡位添

上水廣場近期開了幾間新餐廳，「丼道」是其中一間，這裡提供多款唔同口味嘅丼飯、洋風忌廉咖喱意粉、和風蘋果咖喱、還有小食、甜品、飲品和酒。餐廳嘅裝修都以原木色設計為主，店內還放置了一部街頭霸王小遊戲機，小編當年都很喜歡玩這遊戲，充滿我嘅童年回憶。除了遊戲之外，還有一些小精品和鐵道模型及書籍。來這裏用餐之餘還可以作購物和玩樂。✨海鮮刺身丼飯 $115 附送有機烏龍蜂蜜凍茶及椰茶絲沙律🥤烏龍蜂蜜茶都幾香，又唔會太甜。🥗椰菜絲沙律加入咗黑醋酸酸地，作為一道開胃菜絕對適合。🍚海鮮刺身丼飯有三文魚、油甘魚、赤身吞拿魚、赤蝦、鮑片、八爪魚、墨魚片、玉子⋯⋯刺身全部新鮮直送食起來新鮮美味。丼飯都是選用日本國產高級食米 - 新瀉縣產越光米，煮出來的飯特別香鮮甜又具彈性。✨吉列蝦咖喱飯 $75附送有機烏龍蜂蜜凍茶及椰茶絲沙律🍛吉列蝦炸得好夠脆，蝦都好彈牙，咖喱好香有蘋果味仲甜甜地幾好味，伴飯都唔錯。🐔自家製免治雞肉串 $48兩串雞肉串外皮炸得好香脆，雞肉軟嫩，用日本產雞蛋，沾上蛋汁口感更香濃順滑。

上水新開的和洋料理居酒屋，看見環境優美，當然要入去試試。凍蕃茄焙煎胡麻醬 $18這個凍蕃茄很少地方有得食，沒想到這間竟然有，而且還是好好味的！！蕃茄很甜，胡麻醬加了醋，酸酸甜甜的，剩下的醬可以留下，與套餐的椰菜絲一起食，很美味的。全日早餐 $90這個中規中矩，特別之處是炸魚，很少會出現在全日早餐中，但炸魚比較鹹，適合配飯食。其次是香腸，食時感覺不到香料，是原汁原味的。吉列豬扒咖喱飯 $78這個有點失望，因為菜單上沒有列明，以為是日本「甜」蘋果咖啡，食了一口，才發現是「辣」的.......。酸酸甜甜的蘋果片有驚喜，炸豬排有些軟有些硬，不過以這價錢來說是正常的。滑蛋牛肉丼（和牛） $115這個也有點失望，蛋煮得剛剛好，熟得來又滑，但是牛不似和牛的口感，又煙韌又瘦。蟹肉薯餅 $18外層是脆脆的，餡料很creamy，有少少蟹味。牛奶意式軟雪糕 $28這個有3個款式：牛奶/抹茶/扭紋（可現上）牛奶不蘇，又滑又香。原味芝士蛋糕 $28這個芝士蛋糕較西式。凍拿鐵 $26咖啡味比較重。抹茶拿鐵 $26抹茶香得來又苦，雖然加了糖，也很苦，而且飲落會有抹茶粉的口感。P.S. 每個餐都有椰菜絲和有機烏龍蜂蜜

🍽 丼道 📍地址: 上水龍琛路39號上水廣場3樓317-320號舖💰只供參考💰人均$100-$200😋👉🏻 滑蛋吉列豬扒丼 跟凍茶,沙律 $75滑蛋出色 半生熟 滑漏 豬扒炸得岩岩好 肉質嫩 跟餐送沙律 但有點dry 佢既醬係自己落 但好難自己落得岩🤣食左幾條菜就無食 不過個茶就好肉 好濃茉莉花香 👉🏻蟹肉薯餅（2件）$18推介‼️好食 即叫即炸 仲要係蟹肉做餡 唔係一般既可樂餅 好味 用蟹肉+薯仔做出黎特別好食👉🏻滑蛋雞肉丼（日本博多華味) 跟凍茶 沙律 $78正 除左滑蛋 仲有隻溫泉蛋係中間 雞肉係雞髀肉 米都係珍珠米 飯量多 食一半都好飽了👉🏻七味雞翼（3隻）$25少少辣 7味粉重 入味 外脆內軟 即叫即炸🤭好味指數: 4/5性價比: 3.5/5 無加一 上水黎講可以更平🤭但對出面黎講好平🤣環境: 4/5 日式裝修

竟然在邊疆上水小區發現一家丼飯店！極端稀有！門面超乾淨有特色環境：好fancy的餐廳，店內還有很多有關於街頭霸王的figure，最正的是竟然有部街機可以打街霸2代，咸豐年的遊戲！即使不計算這些，店內還是有相當多的綠色植物，驟眼看去眼晴覺得十分舒適服務：𣎴俗，非常殷勤食物：看到之前有人投訴食物份量較少，我倒是沒有這問題，丼飯是足夠一個人吃飽的滑蛋牛肉丼（和牛）$115竟然可以吃到入口即溶的和牛肉丼！肥美又無筋配少量滑蛋跟熟洋蔥甜而不膩，正丫！而且飯量夠大，此外還配有椰菜沙律跟甜的綠茶🍵，完全不覺得少親子丼$78就是雞蛋跟雞肉雙併的丼物，入面的滑蛋超甜美，雞腿肉彈牙，份量夠大，這份餸的份量更多，非常貼心小食七味雞翼$25三大隻超熱的炸雞翼，外脆內juicy，的確炸得出色，七味粉的微微辛辣吊出香味，意外地很不錯意式軟雪糕配紅豆白玉團子$38竟然有雙併！抹茶跟云尼拿味加起來竟然那麼順滑相襯，紅豆甜團子🍡煙韌，很有日本風的感覺！

過來上水換身份證，第一次行上水廣場！睇咗一圈發現都幾多野食，但係最想食深川丼🥹所以就來丼道試下。✨17:35入座，掃碼點餐，已經提示深川丼售罄💔店員姐姐話仲有一客，佢跑去幫我落單先。不過等佐5分鐘，廚房都係話賣曬，所以今次就試唔到深川丼😭✨點咗「咖喱吉列豬扒飯」，店內主打蘋果咖喱，食起身真係幾好！真係同在日本🇯🇵本地吃的咖喱一樣👍而且豬扒炸的岩岩好，唔會韌！每個定食都會送一杯凍茶🍵+一份椰菜沙律🥗唯一覺得不足就係，咖喱汁太少💔整個飯吃到一半就已經冇咖喱，希望之後可以改進多d咖喱汁。✨加點佐兩份小食「蟹肉可樂餅」，「串燒小紅薯」。 可樂餅裡面夠濕潤，唔會一口都係薯泥dry到爆，小紅薯夠香甜，兩款小食都好滿意👍總體服務好好，餐品質素又好，下次會再去幫襯！