東哥點心籠仔蒸飯專門店 (Closed)

這間位於旺角的東哥點心，晚市主打點心雞煲火鍋放題，一次過可以滿足3個願望，每位都是$200，非常超值。飲品方面，除了有汽水、茶之外，竟然包啤酒。點心有十數款，全部以件數計算，不怕浪費食物。蝦餃燒賣就必食，平時飲茶一籠都要$2X-$3X，食返兩籠都可以回本。蝦餃皮薄蝦肉爽，燒賣肥膏不多，而且豬肉結實，質素跟外面酒樓差不多。灌湯餃都是必食，有淡淡人參香味，裏面的餡料不算太多，味道正常。蝦春卷炸得金黃香脆，可以一試。其他點心都不過不失，不過要留肚打邊爐，所以都沒有全部試過。之後可以揀雞煲或火鍋底，我們食力較低，加上屋企人唔食得辣，所以就揀了胡椒豬肚雞煲。一次性的手打墨滑真是高質，有墨魚肉彈牙鮮甜。打邊爐必食的肥牛有四款，美國肩胛肉及牛板腱，澳洲和牛粒及普通肥牛，試了前3款，最好味是肩胛，脂肪跟肉的比例適中，不會過肥或過瘦，肉質較鬆化。海鮮有脆肉鯇、廣島蠔、扇貝，脆鯇新鮮，蠔及扇貝味道尚可。其他火鍋料都不錯，如鮮蝦韮菜餃及雲吞，當然不少得多款蔬菜。整體性價比高，食物味道不俗，而且有任飲啤酒，價錢實惠。

男人的浪漫唔一定係豆腐火腩飯既，其實打邊爐都係男士聚會的首選。今晚同朋友去了食火鍋，時下的餐廳真係各出奇招，今次這間除了火鍋還有點心供應，多款選擇而且價錢又便宜。火鍋底要了胡椒豬肚雞煲，胡椒味很香又多雞肉。牛肩胛及牛板腱都是美國貨，肉味較濃郁又有咬口。手打墨魚滑很彈牙又好味，可惜只是一次性供應。廣島蠔鮮甜唔腥。扇貝細細粒味道一般。脆肉鯇魚肉質鮮甜爽口。其化火鍋料都比較大眾化。點心有十多款，全部都叫了少少試一下。鮮人參灌湯餃有人參香味。蝦餃的鮮蝦爽彈。流沙煎堆香脆又不會太甜。男人們點可以無啤酒，這裏有嘉士伯任飲，百多二百元就有此質素，絕對有下次。

雞煲火鍋食得多，今次食呢間除咗雞煲火鍋之外仲有點心放題。餐廳嘅環境簡樸，面積唔算好大，但係幾有風味，因為主要做街坊生意。我同朋友一行兩人平日晚上黎度。食先講個火鍋，湯底有幾款選擇，雞煲就為之其中一款。我哋點左一份雞煲，如果細食啲嘅就可以叫半份，揀咗小辣，覺得有啲味道會香濃啲。雞煲個溫度夠晒，香濃味道令人食慾大增，小辣唔算好辣，雞煲配料幾豐富。煮雞煲嘅同時，我哋點左幾款點心。春卷係我哋較為喜歡嘅一款，外皮鬆脆，內裏係沙律汁再加蝦，幾有口感。點心點少得燒賣同埋蝦餃。燒賣蝦餃各三粒，完全係酒樓級數，不愧係主打點心嘅餐廳。火鍋方面，食完雞之後加咗牛肉。有兩款牛肉，分別係美國頂級肩胛牛肉同埋特選頂級肥牛。牛都切得幾簿，好快就可以熟。配菜方面，我哋點左芝士腸、貢丸同埋魚皮餃。呢啲都係我哋嘅最愛款式，都算係幾多選擇，非常抵食。另外，仲有罐裝嘅汽水任飲，仲有啤酒，非常滿足。

本身好鍾意食雞煲&點心，見到呢間東哥可以一次過滿足晒，即刻約人黎食加埋一，每人都只係$220仲要點心&火鍋任食，真係抵到笑麻辣雞煲 (半隻)雖然價錢好抵，但個雞煲完全唔hea 㗎！好足料，味道又夠香麻辣味好入味越食越惹味！火鍋料都好新鮮西班牙豚肉嘅脂肪比例唔錯，肉質雖然未算十分嫩滑，但都唔會好鞋仲有鵝腸食，鵝腸洗得好乾淨，完全無腥味！不過脆鯇片就有啲失望，口感好散，又好粉……原隻帶子烚嘅時間唔好咁耐，咁就可以保持到細滑嘅口感新鮮手打墨魚滑呢個墨魚滑每檯只可order一份！有墨魚粒係裡面食落好有口感，墨魚滑口感好軟滑，唔會好實蝦餃王蝦餃皮夠薄，中間既蝦好豐富炸饅頭新鮮炸㗎，熱辣辣好脆口，點煉奶食最好味而且唔會硬綁綁，中間好軟的！沙律蝦春卷千層紅棗糕呢個紅棗糕真係值得推介口感好Q彈，岩哂煙韌控！紅棗香味好突出，甜度亦岩岩好流沙擂沙球

最近同屋企人黎左一間打邊爐店，平時火鍋放題就食得多，加埋點心一齊放題都係第一次😍😍好正呀，飲住夜茶打邊爐😆餐廳門面好似一間茶餐廳，但其實入面都幾闊落🥰有卡位同大枱👍🏻睇下餐牌，早午市都係食點心，而晚上有點心火鍋放題🥰最初以為得幾款點心揀，但原來好多熱門點心揀🥳仲要係熱辣辣🤩東哥蝦餃皇，蝦餃勁大粒蝦🦐，乾身唔會油🥰蟹子燒賣皇，入面有蝦，唔會太多肥豬肉👍🏻鮮竹牛肉球，口感好彈牙😎鮮人參灌湯餃，平時係出面好少見到e個點心，灌湯餃好正宗🥰真係有人參😍湯餃入面有蝦仁同雞肉😆除左點心仲有酒樓嘅小食，沙律蝦春卷同流沙擂沙球，2樣都炸到脆卜卜，好好味🥳我地湯底要左澳門豬骨煲，入面係腐竹，粟米🌽，仲有豬骨煮成嘅湯底，味道清甜☺️我地點左幾樣配料，有澳洲和牛粒，美國頂級肩胛牛肉&牛板腱，肥瘦適中，味道濃陏。西班牙豚肉，口感都幾爽口，唔油膩🤩仲有廣島蠔，鮮脆魚腩，原隻扇貝& 鵝腸。廣島蠔好肥美😍扇貝都好大隻。鵝腸吸收湯汁，好入味😍

前陣子探望友人，經過東哥點心籠仔蒸飯專門店，看到點心雞煲火鍋放題只是188元每位，一次過可以吃到我最喜愛的點心，雞煲和火鍋，這個價錢，這個份量，不來一嚐對不起自己吧。蟹子燒賣皇可謂經典的點心，光看橘紅的蟹子在燒賣上頭點綴，超能誘發對食物的殺意，燒賣外皮皮薄，蒸後不乾口，內餡扎實有彈性，蟹子燒賣皇蠻有水準。東哥蝦餃皇餃皮如水晶般晶瑩透光，若隱若現，無懈可擊，蝦餃皇碩大渾圓，包住滿滿的蝦仁，用料實在，蝦隻鮮甜彈牙，十分討喜。鮮人參灌湯餃顧名思義大餃子泡在鮮人參湯，灌湯餃好不充實，包有冬菇，蟹柳，豬肉，內餡細嫩汁多，加上鮮人參湯入口甘甜，我們至今仍念念不忘這味兒。沙律蝦春卷很棒，咬下去是會卡滋卡滋的那種，春卷皮薄脆， 春卷吃在嘴裡，沙律甜味在口腔奔放著，蝦肉鮮美跟沙律相親相愛，沙律蝦春卷涮嘴卻不膩口。千層紅棗糕紅白相間，紅棗香氣四溢，令人食指大動，甜度恰到好處，一端上桌，我們一口接一口把千層紅棗糕吃清光。個人覺得這裡的流沙擂沙球是必吃甜點之一，它比一般流沙包更「芝」味。流沙擂沙球外表撲滿黑白芝麻，圍繞整個流沙擂沙球，脆脆的咬感，帶著滿滿芝麻香。流沙擂沙球裡頭更是真功夫，流出烏黑濃郁的黑芝麻漿

男人老狗去食放題最緊要係咩呀? 就係啤酒!!係社文平台谷見到有谷友介紹呢間有得任飲嘉士伯都只係$188,仲有係任食火鍋雞煲, 再加點心放題!去到真係幾多人, 好采BOOK左枱, 見到個個枱上都好多籠點心, 似乎都OK!湯底可以揀雞煲/胡椒雞醉雞煲既, 肉都係任食, 不過肉就普通, 唔太差!仲有蠔同鵝腸, 呢D少食D既食材都有~反而點心幾好喎! 蝦餃燒賣都有,質素以任食黎講我覺得好OK,所以都係咁ENCORE!唯一唔好係冷氣唔夠, 打邊爐就爭DD, 唯有飲多幾罐啤酒

188任食點心火鍋. 價錢真係平既, 200樓下既任食已經接近見唔到.首先講下湯底先, 湯底就係豬骨湯, 入面有好多豬軟骨,但係奇怪既係豬骨湯好少會有加芫茜所以味道會有小小怪.肩胛牛, 唔算差既, 係美國肥牛之上, 牛味普通,但口感唔錯的. 但唔算好靚既牛. 主要係口感OK我覺得松葉蟹柳反而唔錯, 幾好食. 魚就鮮度OK, 呢個價錢合理.點心我只叫左, 千層紅棗糕, 口感OK既, 味道有點點偏甜. 但點心選擇其實唔算多. 醬料選擇就唔夠多, 就得醬油, 同4個盒既乾料, 無其他醬料. 如果有d沙爹醬點牛肉個d就會正好多.整體黎講, 呢個價錢質素係合理, 而家已經好少200蚊都唔洗既任食.呢到服務係好好, d員工係十分熱情, 呢點十分抵讚!!!

香港人最鍾意任飲任食 我都唔例外 今日嚟到東哥食佢嘅點心火鍋放題首先來個湯底先 當然要實呢排興咗好耐嘅雞煲啦 佢啲雞係原隻全雞 多肉新鮮 同平時出嚟嘅湯底有少少唔同 人哋係比較傑身嘅醬汁 而佢係比較湯feel一啲嘅 感覺冇咁乾 冇咁咸 有特色得嚟又幾好味食完雞煲就要打邊爐啦 店員會幫手加清湯 由於我仲要留肚食點心 就食咗少少邊爐料 但係我好欣賞佢嘅海鮮 扇貝同埋廣島蠔好食到不得了 廣島蠔非常新鮮一啲腥味都冇😍跟住好戲在後頭 點心先係全晚嘅精髓 不愧為點心專門店 首先燒賣入面好多蝦 成粒都好彈口 新鮮出爐仲要熱辣辣 之後菜苗餃皮薄餡靚 沙律蝦春捲更係開位到不得了 外皮炸得超級脆 入面甜甜酸酸咁 好fresh嘅感覺 蒸鳳爪同山竹牛肉球係食點心必食 所以當然都嗌咗 絕對係好食過喺茶樓食😍😍

今日又要加班！放工時又累又肚餓同事說不如食餐好的，帶我來吃火鍋加點心放題。很特別夜晚也有點心吃真開心。任飲任食可選雞煲加點心，又或者直接選火鍋湯底。我們點了懷舊醉雞煲，非常足料濃郁嘅湯底香噴噴而醉雞有一整碟。火鍋配料也吸引，牛肉有美國頂級肩胛牛肉、美國頂級牛板腱、澳洲和牛粒同特選頂級肥牛，啱晒我哋都是牛魔王。而點心都不遜色，有東哥蝦餃皇、蟹子燒賣皇、鮮蝦菜苗餃、鮮人參灌湯餃等。火鍋配料好新鮮，扇貝大隻入口鮮甜炸魚皮夠鬆脆。頂級肩胛牛肉、頂級牛板腱同澳洲和牛粒，鮮紅色肉嫩油脂分布平均，輕輕滾幾秒很有牛味。蝦餃皇同燒賣皇非常足料，蝦仁爽脆又彈牙，鮮人參灌湯餃湯底濃郁每盅都會有條鮮人參，皮薄餡料多。

是日放工約左老友食飯，兩個麻甩佬一定係搵返間任食雞煲火鍋刷盡佢！近近地揀左呢間太子站步行３分鐘既點心火鍋專門店。一口價１８８有雞煲火鍋加點心任食，非常好，唔使左諗右諗。睇睇有咩野食：我地揀左半隻雞煲，再瘋狂叫點心食。蝦餃，燒賣，菜苗餃，灌湯餃，春卷等等，食到唔停手唔停口。一路食住點心再等雞煲熟，咁就唔使餓親啦。火鍋配料推薦美國肩胛牛肉，質素同牛乜牛物果D都有得揮，不錯的！最後仲可以叫埋擂沙球，紅棗糕，當甜品，完美的一餐。

夜晚放工約咗朋友聚一聚，就決定嚟東哥食雞煲火鍋點心放題，價錢係$188，另加$10醬油費同加一費用。出面一般點心放題都要百幾蚊，而家除咗食點心仲有得食雞煲同打邊爐，真心覺得好抵。去到餐廳未到19:30已經差唔多坐滿哂人，好彩我哋有book枱，店員都非常好客同埋熱情招呼我哋入座。點心共有12款，都係一啲平時飲茶比較受歡迎嘅點心。而火鍋方面可以叫雞煲或者其他湯底，火鍋配料款式眾多，啱晒我呢啲咩都想試嘅人。飲品同醬料都係都係自助形式嘅，任君選擇。火鍋湯底方面我哋就叫咗澳門豬骨煲，湯底好足料，有大大舊豬骨、粟米、蘿蔔同埋唐芹，飲到啖啖既豬骨同蔬菜嘅甜味。美國頂級肩胛牛肉、澳洲和牛粒肉質幾腍，牛味幾出金菇、鮮冬菇同埋粟米新鮮，而且處理得幾乾淨。鮮蝦韭菜餃細細隻，放題來講幾貼心，食完唔會覺得太飽，好香韭菜味道。芝士腸同埋包心蝦子丸嘅質素都唔錯。另外仲有一次性嘅新鮮手打墨魚滑，食落幾鮮味，而且爽口彈牙，唔錯。點心方面，蝦餃外皮厚薄適中，蝦肉都幾多，爽口彈牙。燒賣大大粒，豬肉新鮮爽口，而且仲有冬菇同蝦肉，調味啱啱好。鳳爪味道香濃惹味。芋頭蒸排骨啖啖肉，排骨肥瘦適中，肉味濃，芋頭蒸得好腍好入味。炸物方面

估唔到火鍋加點心放題都只係$188, 仲要火鍋有得揀雞煲/ 胡椒豬肚湯, 個湯都認真唔HEA, 足料又夠味, 胡椒味濃, 愈滾愈入味!任食配料都唔少, 有和牛/ 黑毛豬/ 丸/, 海鮮都有得任食!而當日既脆肉鯇都好爽脆, 份量又比得慷慨, 真係食兩ROUND都抵左!!!除左打邊爐仲可以任食點心., 本身以為任食無咩期望, 點知真係即叫即蒸, 除左蝦餃燒賣仲有灌湯餃!蝦餃大大粒, 入面蝦肉仲好爽口, 分分鐘好食過出面茶樓既點心, 真係有驚喜!野飲方面有汽水, 仲有啤酒, 真係好抵食! 不過冷氣係差左少少姐!!

平時食任食打邊爐就食得多，不過今次黎東哥除左有任食邊爐之外，仲有埋任食點心，可以一次過滿足兩個願望，但價錢都仲係$200有找，非常抵食。一坐低例牌先拎野飲，哩度嘅野飲雖然唔算特別多，不過勝在唔洗加錢都有得任飲啤酒，連加士伯都有，啱晒麻甩佬，每人隊佢幾罐都回返本。未食火鍋之前，我地先食住點心，點心有十二款，賣相雖然冇連鎖茶樓咁精緻，不過卜道都唔差，最抵讚係佢可以逐件落單，唔怕食唔晒一籠。東哥蝦餃皇 & 鮮蝦菜苗餃 - 兩款餃餃皮唔會太厚，仲帶啲彈性，入面蝦嘅比例都正常，唔會唔霉。鮮人參灌湯餃 - 雖然而家嘅所謂灌湯餃其實都係浸湯餃，不過大隻得黎塊皮又唔會好厚，而且都真係食倒有人參，算係咁。鮮竹牛肉球 & 蟹籽燒賣皇 - 可以逐粒叫，唔怕有人唔食浪費，牛肉球同燒賣唔會太粉，味道正常。沙律蝦春卷 - 春卷一樣可以逐條落單，脆得黎唔會太硬。湯皇鮮竹卷 - 鮮竹卷一份有三舊，入面有魚肚、芋頭同蟹柳，都幾飽肚。流沙擂沙球 - 擂沙球出面係煎堆，脆得黎唔會太油，入面嘅芝麻餡雖然唔係好流沙，不過就好香芝麻味，必食！千層紅棗糕 - 紅棗糕煙煙韌韌唔會太甜，食得出紅棗香味，味道唔錯。澳門豬骨煲 - 食完點