東哥點心籠仔蒸飯專門店 (Closed)

我地一行3人係29/5/2021經openrice訂左枱，去到都有人等緊因為未夠鐘仲有20分鐘，姐姐有開我地幾多位，我地就話已經訂左，然後姐姐話未夠鐘叫我地等夠鐘先，我地排第2個，2位朋友就出左去打邊爐，我又攞住2袋野，結果仲有10分鐘先夠鐘，第一個就入左然後排我後面嗰2個都入左去，之後再有人訂左枱既都入埋，我唯有call返2位朋友返黎，要問個姐姐先再安排位比我地，可惜入到去張凳係濕既，要問姐姐攞紙巾抹，開頭姐姐覺得奇怪，之後我話俾佢知用黎抹凳佢先肯係櫃桶攞俾我，冷氣唔夠所以門口同最入面都有部冷風機，卡位上面都有開風扇，而且門口度門有時開唔到，要靠入面嗰個按先可以入到去😅食物方面：點心真係好食既夠熱，最好食既係炸野，其次就係蒸餃。火鍋：我地叫左胡椒雞煲，可惜太淡雖然入面有好多胡椒粉但係唔知點解無冇乜味，只係食到芫荽味，另外火鍋料選擇比較少，當日叫左兩次牛肉粒都無，有啲失望!整體：環境尚可，冷氣扣左好多分，因為要食火鍋太熱，職員一般，如果無既野係唔會講，只有自己叫多2次都無既話就即係無，有既第二次叫會俾到你。如果可以派籌會好啲，而且係openrice訂左位，職員只會mark係簿，所以最好

很少地方可以晚巿吃點心，除了點心，還配上擇雞煲或火鍋湯底任食放題。一般點心係一籠有幾粒送上，這任食放題可以以每粒送上，就不怕食多幾款點心，變成份量太多吃不完。叫得放題，除了任食，仲有飲品任飲，啤酒任飲而不需另加收費，已經超值。******************************東哥點心籠仔蒸飯專門店位放太子的大街之上，雖不在潮流商場之内，但從地鐵站行過來都只需5分鐘，也很方便。餐廳像中菜餐廳般，地方沒酒樓般大，但座位也很充足。收費以晚上8點為界線，8點前入座，每位HKD188，8點後每位收費HKD158，另加收HKD10醬油費，就可任食2小時。以點心配上雞煲或火鍋湯底為放題，火鍋食材更以4款牛肉、西班牙豬肉、廣島蠔、扇貝和脆肉鯇魚為賣點。火鍋配料當中包括了餃子、肉丸、豆品類，還有雞件。簡單下單，只需選上要點的食物，全部會以人數來安排食物份量，如果怕份量太多，可以每粒計算，可以半份。除此這些食材，還有其他火鍋配料，都是任食。飲品都以罐裝供應，包括樂天飲品，汽水和啤酒，單是啤酒已經值超值。入座肚餓，先點選點心來試試，點心有12款供應，同樣可以以每粒下單。當然要試一下最受歡迎的點心蝦

任食也不一定貴，連同任食點心都不過是＄１８８，其實真的很抵吃７點便高朋滿座，等了１５分鐘才有得坐下呢點心紙跟火鍋紙的選擇不算太多，但卻是少有的晚市點心任食！蝦餃很大隻！蝦肉有夠多，而且沒有皮連皮，感覺不錯燒賣SＩＺＥ夠大，冬菇豬肉非常足料滿滿人參味的灌湯餃，而且裡面還有翅，平日可是超點的點心呢！可以選雞煲打邊爐，但我卻選了豬骨，因為那些豬骨髓真的很好吃，一條條拿著吸啜真的很過癮！而且還有不少的豆腐跟腐竹不俗的牛板腱，瘦得來很ＪＵＩＣＹ，油花不多反而好吃更好吃的是和牛粒，油脂超豐富的和牛粒脂香很濃！正！豚肉也是較瘦的版本，不過豬肉的質素不錯，入口不會羶～油麥菜很青綠，切開一塊塊很好入口只可點一次的墨魚滑，非常鬆軟～令人意外的雲吞跟韮菜餃，不是冰鮮而入口正常，難得～椰汁饅頭意外地好吃，甜之餘不會太油膩響鈴則一般

呢日同朋友黎試新野雞煲火鍋食得多，但加埋有點心任食就係第一次呢度既飲品都係任飲，仲有啤酒添點心有12款，有甜有咸，有蒸有炸有我平時飲茶最愛既蝦餃！！！大粒飽滿朋友就最愛燒賣，平均點心既質數相當唔錯之後我地既胡椒豬肚雞鍋都開始滾起啦除左雞件同豬肚之外，仲有豆腐、支竹同芹菜等配菜，超足料其他任點既火鍋配料都有好多選擇！！！必點牛粒同牛板腱都係必點架脆鯇同廣島蠔都唔錯而墨魚手打滑就係一次性既，都有唔少墨魚粒係入面最後食埋千層紅棗糕做甜品就滿足luuuuu

你叫我早上食虾蛟，燒賣呢類飲早茶例常供應的食品做早餐，絕無問題，同樣地晚上個餐整個肥牛火煱加其他例常火煱配料做晚餐，亦都無問題，但原來將呢兩種早餐和晚餐嘅食材，同一時間進食對於我來講就大有題，6月7号同靚媽及仔仔到荔枝角道東哥點心火煱館，一試佢個火煱加點心任食晚餐，憑良心講該店的火煱食品及配料，和早茶常食的特點，大點，中點，小點類食物，以呢個價錢收费來講係Ok嘅，再加上有多款飲品連二種有品牌啤酒任飲，該店姐姐們嘅招呼服務亦算到位，所以顧客們應該滿意，衰就衰在我呢個老餅個腦同味覺反應，成餐飯都分辯吾到，我現在係飲梗早茶，定食梗晚餐思緒非常混亂，無法以正常思維去品嚐滿枱美食，可講得是浪费了今個任食晚餐，特此聲明此店係OK嘅，純粹我個人問题才出現味覺思維失條現像，與此店出品無關。

youtube 見到一個 video 介紹呢間餐廳, 所以今日同朋友黎試試, 價錢大眾化, 有雞煲又有火鍋平時食雞煲太多了, 所以今日揀咗胡椒豬肚雞, 估唔到個胡椒豬肚咁濃味, 個湯底非常好飲火鍋配料選擇都唔少, 牛肉仲有四個選擇, 牛板腱好爽口, 我較喜歡, 另外頂級肥牛林身一點, 朋友較愛這個點心做得很出色, 咸水角我一個人食咗4粒, 皮唔會過厚人參濰湯餃果然真係有人參, 份量大, 啖啖肉蝦餃同菜苗餃個皮同樣不會太厚, 隻蝦亦好大隻鳳爪一籠滿滿, 個汁亦好入味除咗食物選擇都算多, 仲有汽水啤酒任飲, 全場爆滿好受歡迎, 不過冷氣稍為不夠凍!

好耐前食過一次 嗰時得點心估唔到而家點心加雞煲加打邊爐都係188蚊1個仲要有汽水啤酒任飲 唔怪得咁爆野食都算新鮮 主要打邊爐食材都齊 推薦廣島蠔 肥牛 魚皮 韮菜餃同魚皮餃雞煲有少辣同大辣 我地揀咗少辣都好濃味 呀姐上菜好快 又幫我地攪下雞煲落咗好多芫茜 我地兩個都鍾意芫茜所以好啱食點心基本上大路都有齊我驚訝佢有蝦餃 因為平時係貴點心黎另一半食咗2籠 仲有燒賣 春卷等 全部即叫即蒸落order要稍等一下 但黎到熱辣辣 正!飲品方面一啲都唔輸蝕 啤酒汽水任飲 怪唔得個場咁爆 想食最好6點好入場喇個價錢真係平靚正

路經呢間餐廳就即刻俾佢既任食邊爐吸引到, 皆因佢除左普通邊爐仲可以食埋雞煲加點心, 一次過滿足晒3個願望呀! 而且價錢仲好貼地添~多款韓國飲品可以任飲:我地好貪心咁試左3款點心同雞煲邊爐。野食全部都黎得好快, 點心全部大大舊。鮮蝦菜苗餃: 好多饀, 菜苗份量比較多, 好啱我呢D用成日把口減肥既人食~蟹子燒賣皇: 好高質, 啖啖都有鮮蝦同濃厚肉味，好滿足~ 灌湯餃: 今時今日已經唔係好多地方有得食灌湯餃，估唔到呢度任食都有得食。皮都整得唔錯，餡肉主要由豬肉同蝦仁組成，令人意外既係佢仲有幾條魚翅仔咁既食材，整體黎講唔錯。雞煲: 如果你地好似我地咁大食既話，一定要試佢個雞煲，因為真係炒得又香又入味!!我地嗌左小辣都好夠味，而且雞肉又唔會太肥同多骨，啖啖肉咁，超滿足呀~溫馨提示: 半隻雞分量都好多下，建議可以食半隻先，留肚食點心同邊爐~食完雞煲就可以加湯轉戰打邊爐，都好多款野食可以選擇，牛既味道都幾濃，推篤食手打墨魚滑，彈牙又香口~其他食材就不過不失。總體而言，以呢個價錢食到點心、雞煲同邊爐，簡直係超值。溫馨提示，如果想食既話最好打電話預約左先，因為我地果日平日去坐低無耐已經坐滿晒，有D客想w

旺角東哥這間餐廳好有特色，放題食點心之餘，還有雞煲及火鍋放題，所以安排了時間今晚來到食。八點後$158 放題任飲任食，有加一服務。來到已見到非常多人。坐下後當然先點點心，要了東哥蝦餃皇、百醬蒸鳳爪、湯皇鮮竹卷、芋頭蒸排骨、鮮竹牛肉球、鮮人參灌湯餃、 沙律蝦春卷。東哥蝦餃皇面一粒粒的原隻鮮蝦仁，爽口又鮮味。芋頭蒸排骨的芋頭吸收了排骨的精華，軟綿又入味，排骨清甜又爽口！鮮人參灌湯餃，雖然人參的味道不會很濃，但湯底入口已品嘗到人心的味道，灌湯餃很大隻，食得滿足！還有百醬蒸鳳爪、湯皇鮮竹卷、鮮竹牛肉球……，食得好開心！當然是一邊食點心一也揀食雞煲或火鍋，我揀了食火鍋，湯底都有幾款，有胡椒豬肚雞鍋、澳門豬骨煲、懷舊醉雞鍋及芫茜皮蛋鍋，我要了個芫茜皮蛋鍋。任飲任食 menu都有多款式，因為朋友愛食點心，所以點了較多點心，火鍋配料都有很多愛食的，但怕食不了這麼多，唯有揀最愛的點。牛肉都有幾款，我要了美國頂級肩胛牛肉，牛肩胛顏色鮮豔的，切得較大件及厚，牛味頗濃，有質素。還要了鮮雞仔、鮮脆魚腩、廣島蠔、原隻扇貝及生菜……等。鮮脆魚腩正正是魚腩部份，真是很脆口，啖啖魚油帶油香！廣島蠔軟滑脹卜卜，非常好味

太太十分喜愛吃火鍋，無論什麼季節，她都會想吃火鍋，而我就喜歡吃點心和雞煲，今天便選擇了一間三款都有的放題。點心火鍋雞煲任吃任喝，成人每位$188 ，小童每位$158，另加一和$10醬油費。沙律蝦春卷，不用點喼汁，外表香脆，要趁熱食，否則會轉軟腍。蝦餃爽口彈牙，味道適中。燒賣內裏的蝦肉、豬肉和冬菇的比例均衡，味道鮮甜可口。人參灌湯餃，人蔘味道十足，餡料豐富。東哥雞煲半隻，除了雞件之外，有紅辣椒、青辣椒、芹菜、洋蔥、紅蔥和蒜頭，雞肉差不多已經炒熟，稍為加熱之後便可吃到鮮嫩的雞肉。醬汁味道適中，滾了將大火轉為細火，可以保持雞肉鮮嫩。吃完雞煲之後，加點湯底，便可打邊爐。澳洲和牛粒，口感紮實。西班牙豚肉，味道鮮甜。廣島蠔，蠔味十足。脆肉鯇魚腩，爽口彈牙。美國頂級肩胛牛肉，牛肉味道十足。美國頂級牛板鍵，肉質軟腍。紅棗糕，彈性十足，如果紅棗味做再濃一些更好。

近日收到消息東哥點心有放題, (兩小時)所以就響openrice訂位朝聖。放題五點就開始,小弟坐低就開始先揀點心,包括蝦餃 燒賣 灌湯餃 鮮竹捲 沙律蝦春捲 鳳爪 及菜苗餃😋( 當然我係分開兩次落order啦 )之後就揀火鍋湯底:芫茜皮蛋及火鍋料。火鍋料我首選推介:牛板腱，入口爽脆,而點心我一定係推介蝦餃、 灌湯餃及菜苗餃，因為餃子皮夠薄同埋有QQ感覺,另外蝦餃餡全部都係大蝦冇豬肉成分,我仲食咗兩籠,夠曬番本😂原本仲有個雞煲都係送既(一次性) 但可惜因為我小弟得兩個人 又唔係有食力嘅人😂所以就冇order,留待下次約埋班朋友先食佢個點心火鍋放題加雞煲!呢度嘅價錢確實抵食, 酒水任飲,而飲品我都推介無糖牛蒡茶,兩人埋單都唔使＄400蚊,環境又唔算太迫 (可能我坐係卡位) 及店舖內嘅員工態度又親切善談👍所以我相信會再嚟多一次🥰

喺太子附近行街行到好肚餓，就想搵間多嘢食食得飽嘅放題，見到呢間係點心再加雞煲再加打邊爐，肯定夠飽就入去食啦。環境幾好夠寬闊，坐得舒服，店員招呼周到。首先一開始就係食點心先，雖然點心嘅選擇唔算好多，但係全部都好吸引，所以幾乎每一款都嗌咗，而且全部都有水準，感覺係即叫即蒸，出乎意料之外嘅係竟然有灌湯餃！都好正！蟹子燒賣好好食，彈牙爽口，可以encore。除咗點心之外，仲有雞煲。雞件好滑，好入味，味道濃得黎唔會愈食愈咸。之後就到打邊爐，有幾款牛肉可以揀，呢個價錢來講嘅話質素已經好OK。仲有鮮魚，例如脆肉鯇、脆骨腩。其他配料都正正常常，已經飽到食唔到太多啦。 總括來講雖然係放題，但係點心有surprise到我，價錢唔貴想食嘅話真係值得試試。

店位于大街上，很容易找到。对上一次在观塘分店吃点心，味道很不错。所以今天选择在这里吃晚饭。晚上火锅放题，每位收188元，鸡煲、点心和火锅三种吃法，价格跟附近的火锅放题差不多，算是大众化的收费。内部的格局比较简单，没有堂皇的装修，但有点街坊店的親切感。人手下单，可同时叫点心和火锅配料，选择不算多，反正用餐时间是两个小时，应该够吃的。点心只要了虾饺，很大粒的，馅料也放了不少虾，很有水准。鸡煲的份量也不少，但总体味道很普通。吃完后马上点了火㶽料，但上菜速度极慢，催了几次只说师傅太忙，快不了。结果等了差不多少20分钟才到。已经醒目马上点第二轮但是也一样的等了很久。另外，只能点一次的手打墨鱼滑没有上。这里的食物水准是过得去，只是吃得不大痛快。

今日老公放假，又到咗二人世界出去行下街，行太子見到有間食火鍋又食點心，我哋就去咗呢間坐低食😄原來呢間東哥點心，有任食火鍋同任食點心放題，咁好抵食喎！鍾意食火鍋又鍾意食點心嘅我真係好岩食😂😂老公叫咗芫茜皮蛋湯底，湯底都好濃味，火鍋配料有好多選擇，有最愛食嘅肥牛、鮮栢葉，原隻扇貝好大隻，鵝腸都有😄整體火鍋都唔錯，肥牛好好食😋食到差唔多，我哋仲叫咗點心甜品，流沙擂沙球同埋千層紅棗糕，擂沙球聞到芝麻好香口😋紅棗糕熱熱地食好好味呢

話說朋友想打邊爐 但我又想食點心錦我就上網搵下 有冇兩全其美嘅嘢點知比我搵到呢間一黎到店員好主動問想食雞煲定係打邊爐我朋友就話打邊爐出面有調味料區：有豉油 芫荽 蔥 蒜 辣椒仲有嘢飲區：可樂忌廉鮮奶啤酒都有 啤酒任飲真係好抵我朋友係食肉獸 叫咗幾款牛肉同埋豚肉片試吓美國頂級肩隻牛肉：肥瘦均勻 一啖入口重牛味 又唔會過韌 牛板腱：紋理清晰 帶有根莖 食落爽口肥牛：一般無咩特別 但起碼入到口豚肉：唔鞋口 帶有豬酥味 都可以鯇魚腩：超級爽口彈牙 骨又少 生菜：新鮮大棵魚皮： 超級脆口 好食到停唔到口椰香炸饅頭： 熱辣辣炸起點埋煉奶邪惡到極😀點心來講黎 真係拍得住出面酒樓食紅棗糕：煙韌有咬口 紅棗味好濃 又唔會太甜熱食剛好燒賣：一籠幾足4粒 入面有蝦肉同埋豬肉 蟹肉同埋豬肉嘅比例50 50 用料紮實 芋頭排骨：好多粒排骨 有啲有軟骨位好好咬 芋頭整得好腍流沙擂沙球：係一粒俾芝麻湯圓更大嘅波波 入面充滿芝麻餡料 唔會過甜 出面用黑白芝麻包裹住 一咬落去芝麻去香出曬黎 值得一試灌湯餃：呢個閑閑哋喺出面叫到$40 入面有豬肉雞肉蟹柳數素翅同菇粒 足料之餘 啲雞湯水又夠甜 必叫呀😍蝦餃：入面大大粒蝦肉