龍皇酒家 (世貿中心) (Closed)

龍皇：除咗泊車方便，地方光猛，服務周到等這些跟食物質素無關。食物方面可算是乏善足陳。貪方便，早一天訂了枱。今次點了：蝦餃：大小和形狀是標準的，味道尚可，但餃皮太易破和太濕。芋角：唔夠熱，偏淡。海鮮炒稻庭麵：味道不夾，吃了兩口，打包。脆皮黑毛豬：點咗真係豬，最不知所謂, 用一look豬肉包D炸粉。黑芝麻疍撻：最好味，但也不想推介。

成日都好想去打住” 中國十大名廚” 旗號，幟哥的”龍皇”試下，之前一直道聽途說好昂貴，未做好Research 就坐低食不免戰戰兢兢，驚埋單好貴！朋友生日，一行4人，今日主要係食小菜，鮑蔘翅肚就留返有機會大富貴時再試啦！孖寶晚市 $388好抵食︰ 翠玉如意炒龍躉 + 沙溪燒米鴨(半隻)1. 炒沙巴龍躉，啖啖肉。2. 沙溪米鴨 鴨仔細細、骨頭細細，脂肪不多、皮燒得很脆！3. 例湯$148︰龍脷葉煲豬展 ，有少少甘味，火候足，清清地，味道不錯。4. 薑汁芥蘭 $83 稍為不夠薑味5. 冶味雙蔥爆牛柳粒$118 牛肉粒夠淋，不痴牙，不錯。6. 龍皇至尊炒飯$108 飯粒夠乾身，好香口，好吃！今餐生日飯，3個人夾都$328，吃到飽飽，坐得舒服。 

剛過去的星期天, 來到「中國十大名廚」－「幟哥」黃永幟的龍皇酒家, 與一班好友「飲啖茶, 食個包」, 品嚐各款特色點心。藕斷絲連是其中一款「幟哥推介」項目, 以名字來說有點「唔老黎」, 因此未必人人會點選, 實物來到的時候卻無人不愛, 當然是指其貌似蓮藕的賣相, 從另一些角度來看, 其實更像葫蘆。其實這是常見的芒果炸蝦筒變奏版, 內面的餡料跟炸蝦筒無異, 換來的是蘿蔔絲酥餅所用的外層, 不油膩, 卻帶香脆, 並且增加了整體的口感。甜品方面, 擂沙湯丸是最具驚喜的一款, 質感非常煙韌, 值得推介。不過, 最驚喜的卻是賬單上的幸運銀碼, 看來要買六合彩啊！

太耐冇飲過茶, 放五一假都寧願早d起身去飲個靚茶~今次第2次去龍皇飲茶, 2個人都算叫左幾多野食其實不知道點解係意式, 不過黑豚肉的確比一般豬肉雲吞香口冇冰鮮味, 而且唔會韌, 但冇咩特別燒腩仔就真係一流, 咬落去真係卜卜脆, 從相中都應該睇到d肥肉同瘦肉係好balance, 好有層次感!賣相黎講差左d, 但蝦和豬肉都應該較一般的新鮮所以都算唔錯上次黎冇食過, 真係失察, 同一般o既菜較好唔同, 首先佢o既皮係好似水晶飽o既皮, 而且都算薄, 唔會有韌同成啖都係皮好滯o既感覺, 而且個餡加左黑松露令到成個餡o既味道出晒黎, 水準之作~!腸粉內有薄脆, 鮮蝦, 幾香口~!唔知係咪用石窩o既關係, 感覺就係特別有煎香, 皮很乾爽沒有油份, 創意味道俱佳!p.s. 今次女朋友拎左部新相機出黎試玩個影食物o既mode, 影像真係好清晰, 大家不妨俾個like 支持下我呢個新加入o既美食界龍友吧, 謝謝~

食物尚可，但服務奇差，我們是包房請客的商用午餐，要求侍應分餸服務，侍應好像從未接受訓練般，竟然張魚頭二話不說分給其中一位客人，而分餸份量亦不平均，令客人有被待慢之感，實在失禮，一般酒樓也不會連這些基本都做不到，簡直出人意表

因為係中秋的緣故，所以是夜晚餐分兩輪！而我們一家選擇第一輪6點至7:45交檯！菜式是一早就預訂好晒的，一坐低，個waitress就話雲南白族豬需要20分鐘處理，問我地可以整未，我地話ok可以。10分鐘之後，waiter端出一隻雲南白族豬！但賣相非常差！本應四腳站立的乳豬卻被燒到瘸腳一樣，成隻訓低左！好唔老黎！食落肉質都算嫩滑，但皮就唔夠脆，有d硬！第二道菜碧綠炒龍躉球，份量適中，賣相過關，可惜食落太鹹，完全遮蓋左魚的鮮味，而且炒得過了火，有些粗諧！第三道菜黑醋炒有機牛柳粒，味道還是偏鹹！牛肉粒也唔覺得有何特別！第四道菜翠綠炒蝦球，繼續慣徹炒得過火同偏鹹的問題！感覺真係衰過平時！都唔知係邊度搵個蛋散返黎做廚師！第五道菜清宮明火雞煲翅，鹹到好似飲汁多過飲湯！真係好失望！第六道菜係乳鴿，平平無奇，無甚特別！第七道菜係生拆蟹肉粉絲煲，味道還算可以，食落有咬口，少少辣！第八道菜龍皇一品炒飯，味道唔錯，係全晚味道最正常的一道菜！唔會好鹹，但略嫌多油少少！第九道菜係龍皇西施泡飯，味道偏鹹少少，但總算過得去，沒有令我太失望！去得龍皇食，我們當然係有要求的人！總不能隨便就應酬我們！總括而言，今晚的水準真

睇左OR食評介紹此店食物美味又有景觀, 所以趁星期六就同友人來試下.2個人叫左個生煎包- 用左一個石頭鍋上食時仍然熱辣辣包夠軟熟內裡保持肉汁一口氣自己一個人食左2個.水晶禮盒又一水準之作, 這一間同樣用上黑松露但加上瓜粒帶有少少爽脆既口感鮑魚燒賣皇雖然用上名貴既鮑魚, 但我就覺得味道普通不覺突出.沙巴海皇蝦餃既蝦肉又真係比一般蝦餃更爽更彈牙, 味鮮皮薄.整體點心款式多又特別用料新鮮, 加上服務及環境都一流下次都要帶老豆來試下.

Without a doubt one of the most frustrating and disappointing restaurant experiences I've had service-wise - I eat out frequently in HK.There were 5 of us dining that night; one of us whom were visiting HK for a few days and thought Dragon King would be a good place to try HK cuisine. Sat night, 8pm dinner.Will begin by first commenting on food quality - it was so-so, passable - I've always thought that the Dragon King in Wanchai was significantly better (now closed down). It wasn't bad and wasn

今日阿姐慶祝公司接到個大project請大家食飯成班人勁準時一點就離開office出發去世貿阿姐一早係龍皇book左枱, 一去到就入得之前知呢間係熾哥開都想試下, 不過感覺實在貴左少少...所以今次阿姐話黎呢間即刻覺得食神到我地叫左D點心同埋兩個炒飯同炒麵share個炒飯都唔錯, 聽講都係招牌菜, 粉得幾香口同惹味~不過一班大食鬼係度影唔到相至於點心, 全部都幾精緻同特別, 同街個d比真係覺得係貴d唔同d我手快快係D同事開餐之前影左下面幾樣充滿肉汁既生煎包, 超好味!!!一咬落去D肉汁就流出黎, 熱辣辣, 同埋個賣相都超吸引呢個好似叫水晶禮盒, 入面有黑松露, 都幾特別, 同埋賣相好精緻, 個皮好簿好易入口個陣已經食到飽飽地...無食到呢個...比其他同事食哂...不過同事好評, 話好鬆化最後仲有個甜品, 椰汁桂花榚, 呢個我超鐘意, 個甜品感覺清清地唔會話太甜太溜同埋桂花榚同椰汁榚相隔住好靚同好特別食埋甜品多謝阿姐之後就繼續返公司開工....不過大家食飽都開始睡意黎啦

近兩年初二開年飯要自己解決, 今年就試熾哥酒家出品.早一星期訂位, 要食第二輪(11:30 to 12:45), 到步唔駛等.眼見全場爆滿又有時限, 我地都快快落單(因掛住食, 都無影相)鮑魚燒賣 - 蝦爽肉鮮甜, 上面加埋細細粒鮑魚, 正!春風得意腸 - 薄薄腸粉包住剛炸好的腐皮卷, 外軟內脆, 內有爽蝦, 好味道!蓮藕餅 - 蓮藕切粒撈埋鯪魚肉造成圓形餅狀再煎, 蓮藕sock sock聲, 香口無比!豉汁鳳爪 - 一般之作一品炒飯 - 水準之作, 蛋白瑤柱欖菜炒飯, 欖菜的少少鹹味帶出蛋白香和瑤柱既觧味, 清碟:紫竽煎堆仔 - 一客3個剛好, 皮夠薄, 紫竽軟滑唔甜, 熱辣辣, 正!

過春節，屋企總會有一盒二盒的賀年糕點，其中我最有興趣的，就是幟哥出品的椰汁桂花糕。桂花和椰汁口味梅花間竹，加上桂花面是晶瑩剔透，若以貌取糕的話，它必排行榜首。論味道，椰汁味很出眾，甚至有點蓋過了桂花的口味，但已經幾好食，如可再平衡得好些少，會更正。是值得一吃的。今年還有很多糕點沒完成，要加把勁。

今個農曆新年買了幾個年糕應節。甜糕選擇了龍皇酒家的椰汁桂花糕，皆因本人既愛桂花的清香，也為椰汁的香溫。有兩者合一的選擇最合心意哦！加上，始終是有名酒家；提著去男友家中作年夜飯甜品亦不覺失禮。說一下吃後感。這個糕是桂花椰汁層層相間的，賣相不錯，可惜我們切糕時太粗魯了，破壞了它的美感。味道方面是不錯的！吃得出是用好料做的。但是，原來桂花和椰汁不算太夾！濃香的椰汁味掩蓋了桂花香....因此，我都是一層一層分開食好了......

婆婆生日食飯，家人選了這店，訂了一間房間, 黑白色系的裝修, 感覺舒適泊車非常困難，遲遲未能上菜。頭盤有燒腩、醃青瓜、素鵝，還好。螺頭湯—非常鮮甜，似乎很足料。 蝦—忘了名稱，油泡的，甘香可囗而不油膩，外面有一層咸香的薄脆，內裏蝦肉鮮甜爽口。黑松露燒雞一 雞裏釀了什菌，黑松露菌很香，很好吃的Stuffing , 但那燒雞的肉是没有味道的，一道不平均的菜。一魚兩食— 忘了是什麼魚，分別是炒翠肉瓜及炸，炸的没啥特別，亦吃不到那魚應有的味道。炒的尚可。什菌伊麵— 非常驚喜，麵質彈牙，很多菇菌，很香! 乾濕適中。杏仁茶及壽桃作甜品。OK 。整體— 服務好，食物品質有水準，有一兩道菜較出色。

老細請食飯，梗係要搵D夠級樓既先襯得起，所以就揀左龍皇啦。平日LUNCH TIME時間，座無虛席，不過枱同枱之間距離夠，唔會行出行入都要「唔該借借」，好！去得龍皇其實都會對物有D期望，始終收得咁既價錢，環境同食物都有返咁高下既，其中有三味係特別想讚。因為之前聽同事講話呢度既乳鴿好正，所以訂枱時已經預留左。食落都冇失望，乳鴿皮好香、好脆，裡面就肉嫩多汁，驚喜！至於個八味豆腐，一貫香口，豆腐肉好滑，一啖一粒，大家都食到收唔到口。仲有個叉燒腸，係繼乳鴿之後又一大亮點。平時食既叉燒腸，叉燒只係萬字夾咁高下大細，都係食腸粉為主；至於呢度既叉燒腸，竟然係「叉燒扒腸粉」！因為：腸粉裡面全部都係叉燒！！D叉燒算係半肥瘦，夠稔，就算點少D汁，都咁好食。

去銅鑼灣飲茶以前我成日去西苑，因為D野食有水準好少錯，但佢成日都咁多人地方真係幾嘈。自從試過世貿龍皇之後，我又多一個銅鑼灣飲茶好地方。今日星期六同屋企人飲早茶，我叫左最鍾意食既水晶禮盒，入面D黑松露味道好香，加埋D菇同翠瓜好好食，一讚，必叫！而鮑魚燒賣皇及脆皮燒腩仔就係我老豆既至愛，燒賣其實一般，叫做多塊鮑魚仔矜貴左，但個燒腩仔真係正，皮脆又無咩肥膏，點埋芥辣食，good!另外試左個石窩富貴蝦球，賣相好唔似蝦，食落辣辣地，有驚喜但唔算好好食~最後叫多左幾個點心同一品炒飯，望住個海景嘆茶，weekend咁樣過真係relax。