龍寶酒家

Open Now

Now Closed

呢間深水埗龍寶酒家]經理服務態度惡劣,03/06/2012我同家人到此飲茶不是因為他好味,而是因為就老人家,期間叫咗兩碟菜心,但因太大棵老人家好難進食所以問佢可否用剪刀剪開,佢即刻話冇得剪喎,我地唔會幫你剪,然後我地話唔要,佢又話冇得取消,期間態度惡劣,最後話我最多俾把剪刀你自己剪,最好笑係佢地呢間酒家係冇投訴方法,問其他兩間都話幫我唔到.另外不得不提二樓個厠所由如爆屎渠一樣,其中一格屎水滿瀉地下都冇人理會,簡直恐怖.........::

雞'啖啖肉', 很入味, 皮炸得很脆!少許骨, 很易與肉分開, 老人家吃沒問題, 味道酸甜, 很開胃, 少許士多啤梨片, 很特別!很美味, 調味很濃, 很多瑤柱, 亦很多豆苗, 讚!香脆海皇卷, 少許沙律醬及蟹肉和蝦在裡面, 小朋友喜愛!炒得很美味, 很足料, 斑球沒骨又入味炆在煲裡的茄子及其他配菜很濃味, 頭腩全都入味, 慢慢吃, 真有風味!不用多說, 伴煉奶一流的香脆鏝頭最受大家歡迎雖然伊麵是少了點, 但龍蝦真的很大隻, 芝士味超正, 完全是抵吃之選!

今日身體不適想去看中醫,book咗12點去睇,咁啱阿娘早起身就齊齊去咗飲茶,平時飲茶都只會來這間(附近有4間),上到一樓個阿姐話自己搵位,(唔緊要,一樓d野好食d),入到去搭枱,快手叫咗5樣野,有白焯菜心,千層馬拉糕,鴛鴦臘腸卷,翡翠蝦餃皇和滑雞絲粉卷,本來想問有無蒸飯(剛好至到10點半),個侍應阿姐就話等下唔知,咁我地就算啦,等咗15min終於有野食,就係菜心,份量大約7-8條,中等大條,都係收8.8蚊,都算合理,不過等多10min先再有食物到,真的頗慢,一來就來3籠為咗等會看醫生時可以看到我的敏感狀況,特地破戒吃蝦和雞翡翠蝦餃皇,食落都幾有蝦味,內裡的翠玉瓜增添爽爽的口感,鴛鴦臘腸卷是用臘腸和潤腸包成的,但我覺得潤腸好難吃(只是個人問題),所以光吃臘腸包都ok的,而千層馬拉糕記得多年前吃的時候,顏色鮮黃的蛋糕,咸蛋味很突出,很甜很好吃,現在的版本是,淡黃色的蛋糕,還嗅到有一點臭味,味道也遜色了,所以這只是為了破戒才叫的,把所有東西吃光光了,總共蒸了9個字的滑雞絲粉卷到了,粉卷都算滑,但一夾就散(聽說很多地方的雞絲粉卷都是),內裡材料加入了西芹,所以有點爽口和芹味很重中途見到有些熟客

爸爸說這間酒樓在報紙看過很多次廣告，一於今晚去試下!!晚市做緊推廣，一蚊隻雞或七十八蚊一隻龍蝦，假日要加多$10。來到門口才知道只可以選其中一項，有點失望，不過都明白的，他是避免有客人來叫一隻雞一隻龍蝦伊麵底便結帳走人吧!!哈哈!!我們三個人，只可以叫一隻，選了上湯+送伊麵底。$78來說算是大隻及多肉喇!!!幾好吃!!!另外點了這個什麼花膠翅，$68，對比$88有一大隻龍蝦有點點失望，不過味道及材料份量都算過得去的!!之後再點了最愛的蒜香雞，有點淡!!皮脆!!!最後還點了羊腩煲，羊腩有好多，都算幾濃味，我同爸爸一早就停手了，實在太飽，剩餘了差不多半煲，在手袋裡拿出了午飯盒，打包走人!!這個份量三個人吃實在太多了!!不過因為專程出來試，便試多幾款吧!!!P.S:不喜歡這裡的服務，地點不太就腳，食物普通，不會再有下一次!

第一篇食評，獻給鄰近屋企的中式酒樓。龍寶酒家坐立於長沙灣這個街口已有不少年頭。前身是龍蝦專門店---漢寶酒樓。多次易手、人事調動後便有今天的龍寶。大概老闆仍是同一人，龍寶的龍蝦水準亦不錯，加上晚市正在推廣，便去試一試。$78一隻龍蝦 (星期五、六、日及假期加$10), 我們吃的便是$88，不過價錢亦算十分超值吧!! 我們於是點了兩隻，一隻上湯焗(伊麵底)，另一隻則以蒜蓉蒸(粉絲底)，兩人都可嚐盡兩款味道。(上湯焗的，因為蒜蓉蒸的一隻較遲上桌，等不及拍照了)兩隻龍蝦的體型不算大，但真的十分「好肉」。蝦頭及鉗位的蝦肉都飽滿。我們兩人都喜歡上湯焗，因為帶出來的味道較鮮甜。蒜落蒸的反而沒有相像中般濃味，而且可能因為上桌時我們已在享用上湯焗的一隻，閒置在桌上時間長，令肉質好像「收乾」水似的。(太餓的關係，吃到尾聲再拍照，但都可見十足好肉!! 惟豬皮真的很油)另外我們點了德國豬手，因為平時在家較難煮 豬手很肥美，倒是黑椒汁好像過於油膩了一點。不過是送飯的好推介!!總結: 龍蝦以一分錢一分貨的概念而言是絕對超值的(上一些較好的餐廳點一隻大頭蝦都動輒過百了吧)，難怪約七時已差不多滿座。二人連加一茶芥

清明節有一天公眾假期約了家人聚會，問阿爸有什麼好介紹，佢話去龍寶飲茶夠抵，有午市套餐，點心都幾多款式。龍寶在該區算是街坊茶樓，幫襯的都是在該區居住的街坊，我阿爸就是住該區，所以我們當然聽他的好介紹。此鋪位前身為漢寶，改名為龍寶，兩者都有個”寶”字，唔知有沒有關係，不過作成食客，最重要是品嚐美食，名字只是個記認，食品造得出色，口碑好就不愁沒客，所以我今天幫襯都要等了一段時間，我們選不搭擡區，茶錢是六元，比搭擡區貴一元而已，茶錢很便宜了，新一派的酒樓要八元至十元的茶錢呢。一坐下就急不及待拿著點心紙剔呀剔，跟著又點了一款套餐，套餐雖然寫3至4位用，但我們一行九人都可每人吃一點，加上大量點心，最後個人個都捧腹離坐。今餐茶我們點的點心有:1.腸粉三款，包括叉燒，羅漢上素腸及蝦腸。皮不太厚也不太薄，算OK喇，蝦腸真是大大隻蝦，只售14.8，抵食。2.蝦餃也是另一款抵食之選，大大隻，12.8，叫了兩籠全部吃清。3.鵪鶉蛋燒賣，我弟一人吃了兩件，肉味夠，蛋味濃。4.燒汁煎釀茄子:叫了兩碟，全因燒汁調教得很好味，把本來平平無奇的茄子增添了食味，煎出來的魚肉也很甘香，唯一不足是上檯時不夠熱。5.蜜汁叉燒酥

婆婆本身响深水埗住,成日都去龍寶飲茶食飯,這裡差唔多变成我同親友嘅飯堂.要講此店嘅味道好好咩,又唔覺喎,不過入得口同填飽個肚,就一定冇問題.今次舅父請客,叫咗個翡翠全包宴嚟食,詳細介紹如下: 乳豬皮脆但肉質唔算嫩滑,皮與肉之間肥膏過多,唔係太滿意.西芹炒桂花蚌花枝片,西芹爽口,配埋桂花蚌嘅鮮味,花枝片夠爽彈,味道ok.瑤柱金菇西蘭花,瑤柱金菇所做嘅芡汁太鹹,西蘭花又太硬,味道嘛嘛.清蒸大海石斑,蒸嘅時間啱啱好,肉質鮮嫩,豉油調較得剛好,唔鹹唔淡.炸鳳尾蝦,香脆乾身,唔會食到成口油,加椰絲來炸,食出啖啖椰香味,好好食.紅燒蟹肉翅,冇蟹肉,冇乜翅,生粉水,唔好食.蠔皇鮑片鵝掌,鮑片軟腍,味道算鮮,鵝掌質感腍滑,入口即化.墊底生菜爽口,整體味道ok.炸子雞,皮脆肉嫩,惹味香口,雖然係冰鮮雞,但整得幾好.蟹肉燴伊麵,芡汁一pat pat,冇蟹肉,伊麵過腍,好難食.鮮蝦鴛鴦炒飯,蝦肉係雪貨,冇乜味,白汁這边比較漏,茄汁這边甜酸適中,味道尚可.壽包熱辣辣,外皮鬆軟,不過蓮蓉餡過甜,味道一般啦!!紅豆沙,有少少陳皮香,煲得亦起沙,如果甜度減番少少會更好.鮮果拼盤,西瓜清甜起沙,菠籮有少少酸,新鮮度尚

有日經過見到塊大帆布寫住"一蚊嘆早茶", 頗吸引星期一至五早茶$8.80起, 搭枱區茶錢$5/位, 非搭枱區茶錢$6/位優惠點心$6.80起, 還有$1眉豆豬骨粥/美國牛肉炸菜絲蒸飯(每茶客限叫一款)懷舊黄糖糕, 好淡味(可能叫清呱！)可是有層油在糕面, 有些油益味 黄糖糕沒有酸味但好像白糖糕般有些氣孔。香煎紫菜花姿餅, 都幾油膩但係都有花姿粒, 韌韌地有咬口。臘腸滑雞煲仔飯, 沒想過會飯粒分明, 飯味甘香, 爽口煙韌, 臘腸和雞件都ok, 總之飯最為吸引。干蒸牛肉, 普通啦！不過我這籠好像蒸得有點過火, 發大似的。鯪魚球有少少腥。上湯鮮竹卷, 個湯好淡, 白開水般......鮮竹卷的內餡豐富, 腐竹豆味ok。美國牛肉炸菜絲蒸飯, 唔好講笑d炸菜鹹到不得了, 好彩送菜員無落豉油落飯, 飯底同樣美味只係炸菜嚇死人論價錢真係好抵, 但真係一分錢就一分貨囉......

街坊生意, 求奇填得飽肚, 都唔會有太大要求, 但此酒樓既代客之道真係令人眼前一亮!!!!小弟今日下午2點到此酒樓飲茶,由於2:30分係下午茶時段, 所以同屋企人到達後先叫左少少點心, 諗住下午茶時段再叫, 享受下優惠咁, 入左點心紙後, 過左5分鐘左右就開始有點心黎, 邊食邊等下什茶時段既來臨, 點知噩夢開始喇!!到左下午茶時段,我地再入點心紙, 但今次等左超過半小時都未有點心送到, 問左1位女侍應, 剩係好敷衍咁話黎緊, 我地再等多陣, 見有一大部點心車推緊黎, 點知全車都係附近枱既, 分晒都冇1籠係我地, 越等越唔對路, 我地諗 : 冇理由咁耐o架, 至少咸水角都應該到左啦, 半個鐘喇喎!! 最後我地決定唔到等, 於是要求取消所有下午茶時段所入既點心, 並打算結帳離開,但呢個時候, 頭先問邊佢野既o個個女侍應先以說話單單打打, 並說出 : "個個都係咁等o架啦!你估剩係服侍你地一個啊!!" 之說話....小弟全家起初未無與他計較, 並到櫃枱結帳, 但此惡女侍應竟走到櫃枱再以說話挑釁!! 我地終於忍住, 同佢引發起駡戰~! 此酒樓代客之道真特別~!都係o個句 : 以後唔駛旨意我地再

上星期六去女朋友家附近酒家食飯.叫龍寶酒家一行三人,去到門口見廣告好大,上面寫住,$1隻太爺雞任叫任食.當然上去試試.一座下開茶後,就叫一隻雞先,部長就先落單後寫其他菜.見到餐牌先知有好多好平食品.認真底食.3人叫2煲雞煲鮑翅$48.. 1煲遼參翅$58家鄉扣肉煲.蒸條海燕星斑約12兩重$118食完餐飯叫了3個椰皇燉雪蛤$22個埋單問經理系唔系$1雞任叫任食,經埋先派張咭片比我.然後就同我地講.真.....公司口號是真的著數,假不了.....每檯客人只要有3位或以上就可以任叫任食.我聽到後下星期一定約其他朋友冉再去多次,龍寶酒家.可以接受深水埗有一間大眾化酒家,食品友ok.真是好

如果我早d上o黎睇到d食評,就唔會有呢次咁勞氣o既經歷!!!上個禮拜六去完明愛醫院探病,於是4個人搭van仔走求奇搵間舖諗住打邊爐,點知咁唔好彩會揀著呢間瘟神酒樓去到樓下同個知客講要食火鍋,佢同我o地講火鍋冇位,要等,當時已經有一男一女o係度等緊,我見佢o地手上面都冇拎籌,於是冇出聲問個知客拎籌,但係我個妹夫見已經有多過一檯人等,於是就叫我細妹問個知客拎籌.個知客只係問o左我o地幾多個人,就話唔駛拎籌,佢認得我o地,我見當時大堂就只有之前o個一男一女同埋我o地4個,所以就信佢搞得掂,點知就出事喇!!!等等o下有4位男士入o黎,都係要食火鍋o既,個知客同佢o地講冇位,之後唔知o個4位男士同個知客講o左d乜,個知客就問佢"gas爐介唔介意?",o個4位男士話唔介意,個知客就即刻寫紙仔俾佢o地上樓我o地見咁,咪即刻埋去問個知客,點解佢o地遲o黎反而可以有位?個知客即刻"咦咦哦哦"咁,又話以為我o地係同一班人,又話一時唔記得o左,總之就係搵d咁成理由o既藉口o黎敷衍我o地,比我o地先o黎o個對男女見我o地開聲,於是都走埋o黎問埋一份,我見佢o地的確比我o地先,於是俾佢o地問先,個知客都係問佢o

年尾，約好幾位由細玩到大既好朋友出來聚首，吐吐苦水，回顧2009的酸甜苦辣。大家在長沙灣打完波，就在附近吃，揀回一間在區內已有不短日子的龍寶酒樓開飯。龍寶是典型的街坊酒樓，在這裡吃飯，不會奢望吃什麼名貴/ 美味的食物，但這樣的環境氣氛，又幾親切，適合我呢類粗人。可選擇食小菜或任食火鍋，商議後大家決定吃小菜。隨便點幾個餸，再來個糯米飯，即可。部長推介例湯，不過大家都唔認為這裡的例湯會出色得去邊，還是算了。上菜速度幾快，不一會全部菜已上齊。先說橙汁脆蝦仁，鮮蝦絲毫不見爽口，亦沒什麼味道，完全要靠醬汁調味。還好，橙汁醬做得酸酸甜甜，這味菜才不致太差。另一味是西蘭花炒雞肉拼花枝片，這些雞片，皮多過肉，味道亦不甚美味；花枝片既不爽口，也不鮮，幸好是沒有腥味；最好的應該是西蘭花了，稔身，也不失爽脆。菠蘿咕嚕肉是我點的，醬汁偏酸，咬落仍幾脆，尚算鬆化，而且份量不少。伴碟既洋蔥和青椒就不行，如青樣不爽又不甜。也來個糯米飯，問部長三條友食細的夠唔夠，答案係想食多點就要個大既，想食少些就要個細的，大既就大份一點，細既就迷你一點。激死！大家都覺得捱了一年，吃豐富一點總好過唔夠食，就要了大的。上檯，原來份量真

今晚同屋企人, 一行六人去左呢間酒樓食, 聖誕節食西餐要搵位, 食中餐就大把位喇.第一次黎呢間食, 無咩期望, 只係同屋企人食餐飯, 發現個六人餐好抵食, 六人餐 $248 ( 六, 日, 假日) ( 平時仲平 $198咋)是日靚湯芝麻雞一隻京都骨蠔仔煎蛋大班二味賣相同味道都唔差架喎...份量都大碟架!唔通競爭好大? 要做到咁平既...我地另外仲叫左個砵酒焗蠔添...都有7隻蠔架...不過唔夠脆埋單 都係$ 52x除番開每人唔駛 $90 , 有雞有魚有蠔, 酒樓坐得舒舒服服..已算好抵了..屋企人猛咁讚抵呀!

105任食火鍋，相比出面的任食黎講算唔錯了招牌寫98蚊任食二個鐘，但實收105一位都係一般貨色，但肥牛，牛琍，同手打墨丸算是中上質素繕片，生蝦等基本野都算合格間野賣點係有枝裝汽水供應任飲：可樂，雪碧，芬達最受歡迎就係玉泉忌廉……好搶手雜牌罐裝啤酒任飲同埋每位送一隻燒乳鴿，一落單即出，燒乳鴿不錯，正！最抵讚的是65歲長者有優惠，平30蚊，鼓勵同長者一齊去！抵讚！記得多d同老人家一齊去！

平時都會到呢間酒樓飲早茶，不嬲都對呢間街坊酒樓無乜要求，但求就腳。今朝去飲茶，通常會上二樓, 雖然茶錢貴些，但因為不用搭枱，方便搵位，所以上去搵位，點知發現full哂，有d係一個人坐4個位的枱，有d係兩個人坐六個人的枱，既然無位，就去返一樓睇下有無位啦，都係無，到最後亞媽搵到二樓的台。坐低後，叫極人都無人執枱，大約等左三分鐘，終於有個身穿類似大家姐既服務員，當時佢都拿拿臨執枱，之後有另一客人走埋黎問有無位，呢位大家姐就問我介唔介意人地搭枱，我咪即刻話如果搭得枱咁我頭先就唔駛搵咁耐都無位啦....點知呢個大家姐就話"宜家咪問你介唔介意囉" 咁既態度真係令人忿怒，明明呢層樓既係唔俾搭枱, 咁問我做乜呢，仲要話我兩個人坐6人枱，呢d關我咩事呀，係間酒樓規定二樓係唔設搭枱，咁做乜要問，仲態度咁差.....唉.... 跟住有個waitress仲話同果個客講係因為我介意，所以唔可以搭枱喎...咁都得...真係窮區cheap酒樓，態度果然一流!