餃子館

Open Now

Now Closed

今日同老公帶兩個小朋友食天水圍新北江地下既餃子店，有位EE走來問我地食乜，仲叫我地唔好tick張點餐紙，就咁講食乜就得啦，正當我地睇緊點餐紙食咩好既時候(我大囡3歲半同我一齊睇)，呢間點既老闆已經就出來拎走點餐紙，執好放番筷子盒底，之後再講一句，唔好比小朋友玩d點餐紙，跟住就走開左，我同個落單EE講，下，我仲睇緊有咩食，佢駛唔駛咁快執番好？EE都話佢老細係咁，叫我唔駛理，EE好心，隨手meet張佢既落單紙比我個女正當我囡安安靜靜係到畫點落單紙既時候，佢又走出來話我地唔好比d小朋友畫d紙，又話我地唔識教小朋友，攪到成地周圍紙(我小朋友根本冇整跌一張紙)，只係本身地下有幾張落單紙，我地覺得好嬲，冇啦啦受佢氣，就話唔食要退番錢 (只係岩岩落單)，但佢堅持話已落水冇得退！呢間食店根本就係唔歡迎有小朋友去佢間店食野，我兩個小朋友安安靜靜坐係到畫野都會比佢話唔識教小朋友我明白生意難做，但係連小朋友畫一張落單紙都抵受不到的話，我只可以祝佢生意興隆！

第一次寫食評 真係忍唔住要分享唔該！雜錦餃子 要湯 上海麵 分湯收完錢 坐係度等最後冇分湯 見佢有甩漏就叫佢打開比我睇點知入面冇上海麵 問佢點解冇佢話冇收錢咪冇.我話頭先落單講左佢死堅持我冇落到單我話你咁ge態度?佢話 唔好同我講態度 你依家想點？請問係侍應應有的態度？

店員態度非常差，人多落吾切單就呼喝客人，完全吾明白，自己落吾切單關客人咩事，可以用咁差嘅態度對待客人，餃子好一般，不值得回頭幫襯，湯底完全冇味，要落好多醬料，一句到尾，冇下次

餃子館 (天水圍)天水圍天湖路1號嘉湖新北江商場地下A106號舖位置：5 / 5餐廳位於輕鐵樂湖站 正面的新北江商場位置十分方便 環境：4 / 5呢間野由一間鋪 做到對面開埋二間鋪由鋪內做到鋪外 2間鋪頭 都幾多位但眼見黎外賣既人多味道：4 / 5首先食左韮菜豬肉餃配上海麵配豬骨湯上枱時我都嚇左嚇 咁大粒既咬落勁足料 勁多汁 終於明白點解愈做愈大再飲啖湯 好甜 拍得住屋企果d湯然後叫份煎白菜豬肉餃 同樣都好粒而且食落去係爆汁架 但小心好熱 再黎叫多份小食 豆腐皮蛋 好老實 個豆腐就麻麻地 反面皮蛋係好開胃既價錢：4 / 5價錢方面 我覺得好經濟實惠因為性價比高 淨係餃子大大粒已經對得住不過我覺得呢到唔環保既

我對餃子有份點食都食唔厭既情意結，基本上一個星期點都會食一次。之前一向食開荃灣有間「餃子屋」，個時間野未咁出名都已經多人，以家每次想去食個時都排曬隊，所以就果斷放棄。尋尋覓覓左好耐，直至同事同我講原來公司附近都有間好隱閉既餃子店，於是我決心一試，咁就食到返唔到轉頭啦如果唔熟天水圍，可以係樂湖落車，隔離新北江個商場入去地下一直行入去就見到間野。呢間野舖面好細，有時都可能要坐出面或者等位。呢間店基本上係我既食堂，每個星期都會去食一兩次。佢同荃灣間餃子既味道、湯底、選擇都好似，都係咁好食。雲耳椰菜豬肉餃6隻+米線 ($37)呢個係我每次都叫既餃子，食極唔厭，粒粒餃子都勁大粒勁足料。紫菜豬肉煎餃6隻+米線 ($41)呢個係朋友叫既，煎餃時間要預耐少少，大概要等15分鐘左右。我自己覺得，如果第一次試呢間舖頭，可以先試下佢唔辣個湯，比較有特色。雖然呢間野真係好好食，但出野食既速度同埋服務真係唔係好得，試過有次自己趕住返去公司，見等左十五分鐘都未到，就好聲氣問左句有無漏單，D語氣差到不得了，搞到嬲左個幾月頂唔住條癮先返去再食。同埋呢間野放假既日子真係好隨意，基本上佢會貼張紙話幾時唔開門，但如果唔係成

朋友介紹呢間嘅餃子好大隻好足料，嚟開呢頭就嚟試一試叫咗一款湯餃一款煎餃，一次試晒兩種，湯餃要咗雲耳椰菜豬肉餃，煎餃要咗香菇木耳雞肉餃湯餃要咗8粒，每粒都好大粒，大粒過乒乓波，d餡切到好細好散，食落去冇乜口感，個湯好好味，個味似花膠湯，係魚膠淮山翅骨粟米紅蘿蔔豬骨湯😂個名好長😂煎餃就冇湯餃咁出色，少咗d湯令到d個餃子偏咸，因為即叫即煎，上枱時熱辣辣，但好油。不論湯餃定煎餃都係即叫即做，如果想嚟呢到食lunch 就要有心理準備要等一段時間

國慶三日假就係食<1>難得10月1日係連假，一於周圍食足三日之前朋友係gp介紹有間餃子店好得，話d餃子大到膠羹都就斷開每次去新北江都係為左食野，行街就真係麻麻..揾左陣終於係底層揾到依間店，店面真係好細，好逼咁得幾個位有兩張枱已經放到走廊邊，環境麻麻我地兩個人，叫左湯餃同煎餃，試齊兩隻味！唔知係咪因為外賣多，等左差唔多20分鐘都未有得食...如果想環境舒服同本身肚餓嘅，就唔建議去食喇雲耳椰菜豬肉餃 - 湯底好掂！飲得出係老火湯，唔係味精湯底。真係有翅骨嘅香味，好鮮甜~加左魚膠，飲落去囗感比較濃厚唔覺唔覺都飲曬d湯！湯名好長~魚膠淮山翅骨粟米紅蘿蔔豬骨湯最期待嘅餃子好一般，唔算係好食size係幾大粒，料都好多滿滿嘅餡。但味道同囗感唔得，d餡切到太碎，根本食唔到有咩餡係入面，完全冇咬囗。同埋調味偏濃，遮蓋左食材嘅味，唔講都唔知食緊椰菜豬肉，好失望如果配麵就會好d，因為個湯真係好好味！餃子就不要太大期望lu...煎餃上枱嘅時候好靚粒粒金黃飽滿，餃子皮香脆而且薄！但個餡唔得D料冇湯餃切得咁碎，食到有冬菇同肉嘅囗感。但真係太咸喇！！！我食左兩粒已經食唔落，就算加埋湯餃d湯一齊食都

天水圍都有好去處去了天水圍新北江的餃子館，一看餐牌，名乎其實真是只是餃子可以吃，哈哈。當然，我都見到還有一些其他小食。叫了一個韭菜豬肉餃，配上海幼麵。韭菜豬肉餃的餡料十分多，每一隻都餡料滿滿的。餡料本身有味，雖然食湯餃，沒有叫煎餃，但可能因為餡料真是很充足，所以湯餃都很好味。至於，湯底，這間店標明是魚翅淮山翅骨粟米紅蘿蔔豬骨湯底，果然一口飲下去，真是很像我母親煲的老火湯。粟米，紅蘿蔔，完全食得出，清甜。豬骨味都好重。我又叫了辣菜脯 (免費的)，一小碟。加到湯餃和麵一起吃，增添味道，嘻嘻。我個人比較喜歡辣辣的，幾醒胃，所以幾喜歡這間店可以免費加辣菜脯。麵條，就正常，跟平時食的差不多，所以整體我覺得這間店，都是餃子最吸引，我下次會再食其他味道的餃子。

成日都走過依間餃子鋪，今日終於可以試試佢餃子有好多款式，可以揀麻辣湯或者豬骨湯仲可以加7蚊加米線👍🏻仲有唔同嘅小食。今次我就揀咗芝士豬肉餃加米線。粒粒水餃都好大粒，十分足料，有淡淡嘅芝士味，唔會好奇怪。加埋米線，其實真係好飽。唯一缺點就係坐得唔係好舒服，加上冷氣唔係好夠，食湯餃嘅朋友就要拎定紙巾啦😂

星期三下午二時許，掛住餃子🥟嘅味道就一個人去左餃子館食餃，因為大大舊足料夠好味！我住在附近，睇住餃子館由一間好窄嘅小店，慢慢延伸，租埋對面個地方就擴大左可以堂食嘅空間🤩🤩。雖然店內主要靠風扇來為客人降溫，仍不減客人來店光顧。店內要先付款後進食，而小店可能為了便利，使用塑膠餐具。如果你係環保小先峰，可能你會頂唔住了！講左咁耐，講番食物先。餐牌有相就一目了然。今次我揀左雙拼。 雙拼8隻餃：韭菜豬肉餃+粟米香菇豬肉 HKD 45韭菜餃多汁， 粟米香菇咬落好有層次感！最欣賞係佢個湯，無味精！我係成碗入晒😂😂😂😂

行過見有位就叫左個48蚊水餃餐，個呀姐吹要收我錢，等了15分鐘出了上枱，湯味道還可以但當我食第一口的時候入面豬肉是生的，咬唔開帶有小粉紅色。要求姐姐再換，姐姐有講再煮會好淋，話無問題的可以食。我接受唔到生豬肉‘叫廚房再搞搞´。廚房回應我係韭菜係熟曬的叫我食~唔很再煮再換!!!!!!我立即離開了

見有谷反推介過，自己又鍾意食餃子，今日黎開天水圍順便試下先。一踏入間舖，阿姐即刻問食啲咩，又真係好個個都唔使諗即答喎，睇黎全場都係熟客。叫完野即刻要比錢，作為一間小店，我都覺得咁係有效率啲嘅。阿姐心算超強，無論你係雙併，加麵，加菜或外賣，完全無難度，一落單即刻計到個總數係幾多，快過用計數機，強落完單等食，因為要左煎餃子，阿姐話要等十五至廿十分鐘，無所謂，等就等。枱上有辣醬同餃子醋，本來呢兩樣醬料配餃子真係好正的，但外於個樽實在太多野飛飛下，完全唔想申手去拎。點了餃子加上海麵，湯底梗係要大受歡迎嘅魚膠淮山翅骨粟米紅蘿蔔豬骨湯啦，湯名好長呀真係好好飲喎，湯淡但鮮味，飲哂全碗都無口渴，果然係靚湯黎食完碗麵啲餃子終於煎好啦，要左韮菜餃六隻，煎到金黃色，十分香脆。皮薄但隻隻脹卜卜，餡料極多，菜肉比例各佔一半，已調味，咬落爆汁，味道滿分。餃子有好幾款，小食都不少，有選擇困難症請先在門外諗清楚。價錢平，味道好，本來真係好正㗎，但食一碗麵打死左四、五隻飛飛下，佢地係咁偷襲我啲餃子，外於衞生問題，不建議坐銀色枱櫈位置，店外坐位應該好一點。

聽朋友說新北江商場內有一間又便宜又抵食的餃子館。今天和女兒在哪裏逛街，正好可以去試試。店舖的面積非常小，只有十來二十個座位，幸好等了一會兒就有位置。點了一客白菜水餃麵，一客韭菜煎餃和一客鹵水生腸。鹵水生腸率先上桌，咬一口試試，十分爽脆彈牙，口感很好。生腸鹵得十分入味，點少許甜醬一起吃，味道更有層次。白菜水餃麵和韭菜煎餃也陸續上桌。餃子果然大得嚇人，比平常的餃子大了差不多一倍。整隻餃子脹鼓鼓的，餡料很足。一口咬下去，水餃裡肉汁的甜香充滿整個口腔，好滿足呀！如果食量小的人，三、四隻餃子已經可以填飽肚子了。價錢也十分平民。果然是天水圍大件夾抵食的首選!

我六點五十分度去排隊比錢啦 ，外賣自取 咁我排第二個啦💁🏻‍♀️排我前面個個就堂食既！咁排我後面都有人嗌外賣既 ！有啲係我後面既都拎埋走左添啦😒7:15左右啦排前我一個個人食完走埋 我重企係度等🤷🏻‍♀️我忍唔住問啦 重要等幾耐？店員話 整緊架啦 老闆就話順序排隊架麻 🙄但我心諗排我後面都攞走晒 係我重係度等🙄到7:30我真係忍唔住🙄🙄重要等幾耐？姐姐又係講廢話 整緊架啦整緊架啦 張單入左去 老闆就話順序架麻排隊架 唔係話催就快架麻 我跟住就話後過我既三四份都攞晒 前我一個食完走埋好耐 呢啲叫順序咩？咁要等幾耐啊 佢地好似聾左咁 😒 我話我等左差唔多九個字啦 你重未有退錢算啦 麻撚煩 搞咁耐 🙄佢地就扮聽唔到 我講多兩次先慢慢低聲下氣話冇啊 煎餃係耐啲架啦 個爐就得咁大 你後面個啲湯餃咪快啲囉 我話咁我轉湯囉！佢地又話唔得 最後我差唔多7:40分先到手🖕🏻返到屋企 我明明嗌芝士餃同粟米冬菇餃 各四隻 $45 原本單款好似（$38only)佢地話雙拼要加錢ok冇問題 ，結果全部都係粟米冬菇餃 ，而且油到不得了🙄

男友住天水圍，他介紹這間他家附近的小店 - 「餃子館」。無介紹錯，好食、特別又多款。叫了一碗水餃和一碟煎餃，而煎餃不像灣仔的那間要加$10，價錢和湯餃一樣。8色水餃湯麵 - 餃子館共有8款不同水餃，其中一款是素菜，其他的有白菜豬肉、羊肉、韮菜豬肉、香菇豬肉等，每款都各有特色，尤其香菇水餃，又香又好味，而素菜餃就太素，沒有肉吊味，顯然沒其他的菜肉餃好味！而水餃湯用豬骨煲成，湯濃，還可以當湯飲！香菇豬肉煎餃 - 只選了香菇豬肉，共6隻，煎得香，讚！餃子真的不錯，還可以選8色餃子，吃盡8款。可惜3色餃子是設定好的，如能自選款色會更加好。下次要再來！