餃撚店

Open Now

Now Closed

楚撚記大排檔小菜早已闖出名堂，團隊新推出副線餃撚掂 Dumpling Land 價錢親民又保持到高質素，真材實料好抵讚 👏🏻鎮店手工煎餅果然好掂，香煎蝦米韭菜餅 ($28/2)煎到金黃，脆卜卜一咬開啲汁咇咗去隔籬檯（尷），好彩無彈到人，第二啖又嚟，今次噴到對面個 friend 🤦🏽‍♀️ 韭菜餡翠綠爽脆，食材夠新鮮，加埋蝦鮮味勁好食 😋 記住小心爆汁唔好辣親 🤪💦愛茜之人點可以錯過超級芫茜豬肉餃 ($23/4)，餃子皮薄有彈性，一個字夠「茜」！🌿 餡料用上大量芫茜，鮮味滿瀉十分 Juicy，在座都大讚好食，鍾意食茜嘅一定要嗌 🤤椰香荔芋臘味煲就食得多，呢味餸做成餃子餡真係第一次試，原創椰香荔芋臘腸香菇餃 ($29/4) 好有特色，粉糯芋頭粒加入椰奶烹煮，臘味香突出，傳統又創新嘅味道值得一試！椒麻口水單骨雞翼用上麻辣紅油及麻醬涼拌，麻而不辣 bb 辣嘅朋友都食到，灑上花生碎更香口 🥜小籠包注入肉骨茶，外皮透薄，豐盈湯汁噴湧而出，馬拉式中藥味較重食落好養生～下次想試埋麻辣小籠包，相信都係一樣咁正 😚💰 $100 p.p.📍 餃撚店土瓜灣馬頭圍道187號地下2及4號舖

好耐冇食過餃子啦，餃子癮起下走到土瓜灣的新開餃子店、「楚撚記」副線「餃撚店 」一嚐滋味餃子，裝修走懷舊本地風衛生骨指----------原味小籠包 (3隻) $32皮薄細滑唔易穿，餡料新鮮有彈性又富肉香，湯汁豐富鮮甜美味指數：8.5/10----------椰香荔芋臘腸香菇餃 (煎餃，4隻) $29非常創新的組合，將椰香荔芋臘味煲的做法融入餃子餡，混合椰漿、芋頭製成芋蓉，再加入臘腸、冬菇等配料，芋頭蓉粉綿芋香重，臘味香氣四溢，餃子皮煎得香脆，有意想不到的美味，芋頭控表示滿意美味指數：9.5/10----------超級芫茜豬肉餃 (湯餃，8隻) $48配原味大地魚上湯皮薄餡多夠飽滿，芫茜份量多帶鮮香，豬肉鮮味富肉汁，芫茜控必點美味指數：9/10----------小心爆汁牛肉煎餅 (2件) $38一咬下肉汁果然爆出嚟，爆汁效果可想而知；煎餅皮金黃香脆不油膩，牛肉餡料充足而鮮甜美味美味指數：8.5/10----------京滬擔擔麵 $52充滿花生及芝麻香的濃稠湯底帶點微辣，味道濃厚，擔擔麵旗用粗麵條，順滑滋味；加埋新鮮唔肥嘅豬肉碎，好滿足！美味指數：8.5/10

食餃子搵到間好嘢🤭呢間餐廳店如其名，啲餃子真係好好食😋食咗幾款都大讚，佢唔止係多汁，簡直係爆汁，而且啲餃子非常新鮮，食得出佢哋嘅鮮味😊叫左個午市套餐，勁抵食，有小食，主食餃子，甜品同飲品添😈超級芫茜豬肉餃湯麵，超香芫荽味，如果鍾意食芫荽嘅朋友千祈唔可以放過🥰我哋揀原味大地魚上湯，清甜清爽易入口❤️同餃子好夾🤩小食，就揀咗大地魚湯浸蘿蔔，切得非常精緻，又入味😋甜品係桂花太白拉糕，小小一個，但質素非常好，滿足個甜品胃😛小心爆汁牛肉煎餅，又係人如其名，真係爆曬汁，而且勁濃牛肉味，一定要食🫡香菇木耳豬肉餃，好足料又啖啖肉，啲香菇🍄‍🟫正正方方一小粒，增加口感🤭最後要多個鎮店之寶，韭菜豬肉餃煎餃🥟，又係超級爆汁，入口一咬香汁四射，而且好濃韭菜味！食物質素咁高又咁抵食！一定有下次❤️

-餃撚店🍽️-椰香荔芋臘腸香菇餃 $29超特別既餃子😍勁足料每啖都咬到芋粒勁香椰味超正😋呢款只有煎餃但煎完會令個味更出大推！-雙重芝士粟米煙肉餃 $29芝士控點可以錯過！煎到金黃色勁拉cheese加埋煙肉咸香好味道😋-椰菜雲耳香菇豬肉餃薯粉 $42湯麵可以自選湯底今次揀左蕃茄薯仔但隔離個個食肉骨茶陣味勁濃聞到都覺得好補🤣蕃茄薯仔湯好足料又冇味精👍椰菜餃好鮮甜😋薯粉要教大家一個食法就係落佢秘制辣椒油菜脯撈黎食😍-花雕醉雞汁小籠包 $36勁濃花雕味食完會醉🤣-香煎蝦米韭菜煎餅 $28煎到勁脆入面韭菜爆哂汁👍-桂花太白拉糕 $28好特別煙煙韌韌口感桂花味都好出😌可以當甜品解膩🤣-🌟評分:🏅🏅🏅🏅🏅📍地址: 土瓜灣馬頭圍道187號地下2及4號舖-

今晚下著滂沱大雨,揸車經過土瓜灣馬頭圍道一間食餃子麵嘅舖頭....見個店名非常特別叫（餃撚店）就慕名入去一試..走進店內復古裝修有大排檔feel ...牆上寫滿自家製餃子,有些聞所未聞好有創意!兩個人叫咗幾味醫下肚先.... 1.椰香荔頭臘腸香菇餃：椰子香加上芋頭,口感十足！再加上臘腸香菇真係估佢唔到咁好食！創意爆燈！2.原味小籠包：雖然佢有好多唔同嘅小籠包選擇！但小弟始終對原味情有獨鍾！皮薄餡靚！湯味濃鬱！啲皮煙煙靭靭唔容易穿！加上薑絲酸醋簡直一絕！3.上湯蒜子浸菜心苗： 菜心苗新鮮嫩口配搭上湯蒜頭味濃鬱yummy yummy....4.香菇木耳豬肉餃：豬肉新鮮配搭香菇木耳感覺非常特別又好食！5.東北京蔥孜然羊肉餃：佢皮薄餡靚,非常濃鬱羊肉,一啲都唔騷,好有東北方風情！ 啲麵爽滑彈牙配上上湯真係very good！呢個係我嘅至愛！店員服務態度非常好,有賓治回歸嘅感覺！店舖位置在巷口內一連三間店,真係柳暗花明又一村！真係要講句...搞撚掂食碗麵👍🏽

自家製餃子專門店🥟🥟有齊煎餃·蒸餃·湯餃 三種烹調方法另外仲有麵類·煎餅·小食等等價錢大眾化性價比高🫧原味小籠包 (3隻) $32 手工招牌小籠包皮薄 記得小心啲夾😙😙一咬爆汁 正👍🏻
🫧雙拼湯餃(6隻)$48 ·中東北京蔥孜然羊肉餃(+$8）·鎮店韭菜豬肉餃 跟原味大地魚上湯🍲餃子皮厚薄適中恰到好處羊肉餃啲羊味好濃郁 大地魚湯唔係啲啖味清湯 比想像中正👍🏻
🫧小心爆汁牛肉煎餅 $38一咬落去啲汁湧出黎🤣真係要小心爆汁肉汁香牛味濃郁👍🏻👍🏻🫧雙重芝士粟米煙肉餃(4隻) $29 芝士控必點 啲芝士🧀多料到流出黎
🫧黑椒洋蔥牛肉餃🌶️(4隻) $29
微辣惹味 黑椒味突出 🫧竹蔗茅根紅蘿蔔馬蹄水(杯) $20 看得見的真材實料 清新解渴

食物啲款好特別，個泡淑面及酒小籠包超級好食，個面好辣好入味，面質又好，好食到我住好遠都想再過黎食，不過芝士餃一般，可以唔駛咁濃。店員好好，出面落雨都比我地坐好耐無趕我地走。

今次黎到土瓜灣 係巷頭發現一間門面好sharp醒既餐廳原來係隔離楚撚記既姊姊店 專做餃子🥟幾個鋪位連住 位置多 坐得鬆動舒服🤣✿ 京滬擔擔麵餐 $78 ✿套餐包括前菜+擔擔麵+甜品+飲品-京滬擔擔麵-湯底超濃! 加上花生碎同肉碎 花生味好重 麵底係上海麵 粗身彈牙掛汁 份量好多好大碗-椒麻萵荀-依個係巨好食😂😂😂💚如果你食過有款零食”魔芋爽“ 佢就係依個味道萵荀爽脆清新 酸酸辣辣 好開胃-桂花太白糕-甜品係依個好煙韌好似麻薯既太白糕 唔甜!-自家製清熱五花茶 +$5-✿ 鎮店韭菜豬肉餃 (湯麵) $42 ✿餃子餡料好足 隻隻飽滿 湯底有幾多款選擇 今次揀左原味大地魚湯 濃郁清甜✿ 雙重芝士栗米煙肉餃 $29 ✿餡料份量比例剛好 即使係雙重芝士都唔會好膩煎香餃子入面芝士半溶 加埋粟米粒 口感一流😚👍🏻✿ XO醬翠玉瓜帶子蝦仁餃 $33 ✿依個餡料配搭好新穎🤣蝦仁鮮味彈牙 加埋XO醬既咸香 同翠玉瓜既清爽惹咪得黎好fresh既感覺 好有驚喜✿ 小心爆汁牛肉煎餅 $38 ✿真係要小心爆汁呀! 一咬落去肉汁咇晒出黎💦皮唔算厚 牛肉餡岩岩好熟 肉質好嫩🫢👍🏻

今日喺土瓜灣經過有條巷仔，竟然有三間舖連埋一齊，好有氣勢，所以就入去試吓，呢度超多座位，環境亦都相當光猛同乾淨，雖然我七點嚟到，兩間舖頭已經完全坐滿晒人。呢度主打食餃子同湯麵，樣樣嘢都好吸引，價錢亦都相當吸引，好抵食！我哋叫咗幾樣嘢都好好食：小籠包夠多汁，正！椰香荔芋臘腸香菇餃呢個配搭好特別，口感有d creamy，但係因為有臘腸同香菇，所以超級香！椰菜雲耳香菇豬肉餃湯餃都好飽滿，大大粒好好食！另外都叫咗啲湯餃同湯麵。超級芫荽豬肉餃要湯餃啱晒我呢啲芫荽迷，然後個湯底跟咗原味大地魚上湯，好濃魚味。鎮店韭菜豬肉餃湯麵跟蕃茄薯仔紅蘿蔔排骨上海麵個湯底都好好味，冇味精！

今日介紹的是一間位於土瓜灣的真材實料餃子店。自選一人餐有多款款式、多選擇，價錢有$68及$78。自選一人餐分別要了 2 個，每個自選一人餐，A+B+C+D，有一主食、特色佳餚、手工甜品、飲品。香菇木耳豬肉餃湯面$68，選擇了粗麪、上湯蒜子浸菜心苗、桂花太白拉糕。粗麪口感軟滑帶麥香。香菇木耳豬肉餃選擇了香煎，整個餃子煎的外香脆內爽口，皮薄餡靚，多汁鮮甜！東北京蔥孜然羊肉餃$78，選擇了米線、大地魚湯浸蘿蔔、桂花太白拉糕。孜然羊肉餃選擇了蒸，裏面汁肉豐盈，羊肉嫩滑，反而京蔥味不太出，孜然味令羊肉餃味道更濃香。大地魚湯浸蘿蔔，蘿蔔很軟腍，用了大地魚湯令蘿蔔更是清甜。菜心嫩綠。升級加$34，要了小心爆汁牛肉煎餅，牛肉煎餅煎到兩面金黃香脆，裏面滿滿的豐盈醬汁及牛肉，咬落香脆滋味。😋😍加$22要了鮮蝦炸雲吞，每個雲吞內有一顆蝦，咬落就是香脆彈牙，酸甜醬令鮮蝦炸雲吞香脆惹味！飲品要了可樂及忌廉，配炸物及煎物最適合不過了。想不到食餃子都有甜品配，桂花太白拉糕口感煙韌，蜜糖及桂花香充盈口腔味雷，好甜美煙韌的一個甜品……

朋友帶我到這家小店午餐，它店名很有趣，裝修光猛新淨，座位算寛落。 我們享用了以下食物: 自選一人餐 ($68) 食物相當豐富，選了前菜椒麻萵筍，入口爽脆，椒麻令舌頭發麻，味道亦攻鼻。 主菜椰菜雲耳香菇豬肉餃湯米線，有四隻餃子，外皮滑溜而用料充足，湯底灑了櫻花蝦，有陣陣香氣。 甜品桂花太白拉糕，質感棉滑，味道微甜。最後再送上飲品罐裝可樂。 另外點了一碗香菇木耳豬肉餃湯上海麵 ($42)，木耳爽口，豬肉腍身。上海麵彈牙，份量亦多，十分飽肚。 蘿蔔煎餅 ($28兩件) 加了這款小食，煎餅有糯米的口感，內裡填滿了白蘿蔔絲，甜美動人。 這價廉物美的小店每一款食物都充滿驚喜。服務員上菜速度快，而且在我們飽餐後請我們填寫意見書。

餃撚店 (土瓜灣)土瓜灣馬頭圍道187號地下2及4號舖麻辣萵筍，味道非常好，唔會太辣，成個口都充滿着麻嘅味道。非常創新嘅雙重芝士餃子，出奇地食落唔怕好膩！講到明俾你聽爆汁，就真係會爆到成枱都係😂

- 土瓜灣｜餃撚店 -▪️雙重芝士粟米煙肉餃🧀🌽🥓🥟餃子煎得好香脆，入面包住滿滿嘅芝士，啱晒芝士控，煙肉帶出鹹香味，仲有啲粟米增加咬口▪️椰香荔芋臘腸香菇餃🥟之前都有食過芋頭餃，但加埋臘腸同香菇就第一次，好有芋頭糕嘅感覺。食落芋頭綿密，芋香十足，仲有淡淡嘅椰香▪️香菇木耳豬肉餃拼椰菜雲耳香菇豬肉餃🥟湯餃子皮厚薄適中，兩款肉餡都好鮮味。另外湯底升級咗做老火蕃茄薯仔紅蘿蔔排骨湯，好足料，好有住家feel▪️十全肉骨茶小籠包以肉骨茶作為湯汁，配搭好特別。小籠包食落皮夠薄，而且入面湯汁十足，肉骨茶味道亦好香濃▪️小心爆汁牛肉煎餅🐮煎到金黃色，入面包住大大件牛肉餡，充滿肉汁，不過真係要小心爆汁！我一個唔小心，一咬啲汁就飛晒出嚟🙃▪️蟹籽糖心蛋🥚糖心蛋煮得啱啱好，好軟嫩，面頭仲加咗啲蟹籽，口感更有層次▪️椒麻萵筍萵筍保持爽脆，配上花椒，麻而不辣▪️竹蔗茅根紅蘿蔔馬蹄水🥕都幾大杯，飲落好清甜餃撚店📍土瓜灣馬頭圍道187號地下2及4號舖

😋 惹味黑醋海蜇頭 ($48)海蜇頭冰凍爽脆，配埋黑醋酸酸甜甜，作為前菜夠哂開胃啦。🤩🥐 花雕醉雞汁小籠包 ($36/3隻)小籠包一籠有三隻，上枱新鮮熱辣香噴噴都已經聞到陣陣既花雕香，食落就知皮薄餡靚，湯汁仲要幾多，每一啖都食到濃濃既花雕雞汁香味，食唔停口阿。😋🍳 小心爆汁牛肉煎餅 ($38/2隻)煎餅一份有兩件，食之前一定小心小心，因為真係同個名一樣會爆汁，食落外皮煎到香脆牛肉餡啖啖肉且肉汁juicy，的確吸引。👍🏻🥟 湯餃 - 椰菜雲耳香菇豬肉餃 ($38/6隻) 羊肉餃雙併（+$10）🍲 升級湯底 - 老火蕃茄薯仔紅蘿蔔排骨湯（+$10）湯底有幾款選擇，今次揀左老火蕃茄薯仔紅蘿蔔排骨湯，飲落鮮甜冇味精仲有濃郁蕃茄味，每隻餃子都大大隻夠飽滿餡料都幾足，而且餡料都有湯汁，幾高質。😘

眾所周知，土瓜灣有好多美食😎唔少喜歡食餃的朋友，都推薦餃撚，趁住復活節假，我去會一會佢晚市唔多人，坐得舒適，環境光猛，仲要好乾淨有唔少專食餃的小店，枱面都有少少立痴痴啲我估依間新開，所以都仲好好，希望可以keep 住🥰今次主要試d 特色野先講小籠包要小心擺入口，因為入面係充滿湯汁味濃都唔會死咸，肉骨茶同花雕醉汁2款都好推薦🤪羊肉燒賣，果種濃味係衝擊味蕾😛牛肉餅好香係真爆汁，要慢慢食😬煎餃sss d芝士漏晒岀黎，好creamy 牛肉餃不過不失Xo 醬蝦餃好有驚喜，xo 醬果種咸香再配彈牙的蝦，成件事好match 🤤佢每款食物都會有個小牌子好貼心，最近終於食餃，唔使好似盲盒咁😳如果大家都會食菜餃的經驗，叫一客但有不同嘅菜餃，你根本要食入口先知佢係乜嘢🫤依間的店主好細心，好明白客人需要Last but not least,飲品有驚喜，大大杯之餘，唔會好甜，有home made 的感覺🤓餃撚店係令人好回味，我會想念，會返黎的🥹