東海薈 · 拉斐特 (青衣城1)

Open Now

Now Closed

是給爸爸慶祝生日基本上每一個月都會利息，由八月開始冷氣嚴重不足每次食完都汗流浹背在這環境差推台之間係非常之貼近。最後到今日連食物都差到一個點個湯根冇味，其餘食物都是「暖的」記住係亂喺中菜裏邊係完全唔可以接受每一樣食物令你覺得滿意人均300港元嚟計真係差到一個點這餐飯一點也不值如果餐廳見到以上評語首先請好好改善餐廳環境冷氣其次請保持食物質素其實我有查詢店員佢哋話廚師剛剛換了麻煩俾心機做好啲菜色。另外，服務好客戶有時會付小費可以接受。如果當沒有服務過我們依張枱，看到我媽媽想給紅封包然後又主動過嚟取，真係好討厭成餐飯六個大人成為$1800。。。

10月係蟹季，蟹痴嘅我又去食蟹喇！知道東海有個「秋分細味‧黃金盛蟹」，一於同老公去青衣東海薈食大閘蟹宴先！ 東海「秋分細味‧黃金盛蟹」套餐設一位、四位及六位大閘蟹主題套餐，可以食兩皇一后(公蟹約 5 両，母蟹約 3 両)，另可加配越洲花雕 (十年）添架！而套餐仲有餐前小食、小菜、時蔬、薑茶湯圓等，好豐富嘅套餐啊！ 🦀時令大閘蟹東海薈特別採用由香港食環署檢驗合格之進口大閘蟹🦀。大閘蟹蟹膏好爆，仲好黃好濃郁！啖啖都好有濃厚細膩，配上傳統清蒸法，最能保持色、香、味！而肉質鮮嫩，帶有濃郁的甜味，讓人愛不釋口。而我就最鍾意公蟹，膏身軟滑入口味濃！ 🥒蜜糖叉燒拼青瓜叉燒表面滿佈蜜糖，閃閃發光富有光澤，蜜汁多味道香甜，叉燒肥而不膩、口感豐富。青瓜鮮甜爽脆，作前菜一流。 🥟鮮拆蟹粉小籠包蟹粉小籠包是蟹宴中的亮點，皆因每隻大閘蟹 的蟹粉及蟹肉最多只可製作 3 - 4 隻蟹粉小籠 包，每一隻都甚為矜貴。蟹粉小籠包中包裹著 味道濃郁的蟹粉及蟹肉，每一口都有啖啖蟹油 香。品嚐小籠包時，要先輕咬一口，待鮮濃蟹 汁漸漸溢出，然後吸盡汁液，第二口則大口咬 下飽滿的餡料，就能嚐到豐富蟹香味、油份足 的蟹粉小籠包。 🦐

過左中秋 又係時候食大閘蟹喇以往同屋企人都會買返屋企食又要訂又要洗又要蒸今年就一於試下出去食😌.東海會喺9月30日推出咗大閘蟹宴「兩皇一后 黃金盛蟹」分別有1位、4位、6位餐公蟹每隻約五兩 母蟹每隻約三兩.我同朋友叫咗兩個1位餐套餐包括:👅蜜糖叉燒拼青瓜叉燒大大件 肥瘦均勻 青瓜新鮮爽口👅鮮拆蟹粉小籠包皮薄又多湯汁 蟹粉混合在鮮肉裏 好香蟹膏味👅豉油王煎虎蝦👅金瑤雞絲羹👅清蒸大閘蟹望落幾足秤 多膏肉清甜每人食到三隻真係好滿足👅鮮鳳梨黑豚肉肉質嫩滑 酸酸甜甜好開胃👅菌皇浸時蔬👅暖心薑茶湯圓食完偏寒涼嘅蟹 再飲一碗薑茶糖水成身暖笠笠.套餐好多嘢食 價錢又抵好適合一家大細 或者同朋友邊拆蟹邊傾偈

好耐冇幫襯，轉左廚師咩？以前啲點心都好好味㗎！下午茶時間點咗幾款基本嘅點心，特別蝦餃、乾炒牛河好鹹，依家唔係主張餸菜清淡對身體健康D，點解仲要咁重口味呢？好難食。

早排就同屋企人去咗青衣城度食晚飯我係第一次嚟呢間酒樓嘅 之前都有去過其他分店度食點心今次就試下呢度嘅晚飯小菜啦我哋嗌咗 六個餸有片皮鴨 美極煎大蝦脆皮燒雞 炸魷魚鬚 通菜同埋一個士多啤梨骨片皮鴨啲肉就唔係好多 例牌嘅話呢就有12片左右啦 味道不過不失 脆皮燒大蝦而家就做緊優惠 比較偏鹹啲 個皮亦都唔係十分之脆 普通啦炸魷魚鬚 炸粉偏厚美極燒大蝦盛惠168蚊4隻雖然啲蝦都唔算細隻 但係份量我覺得就有啲少喇通菜都係正正常常啦總括嚟講今餐飯埋單唔算平架 而且仲要加一茶芥呢個水準嚟講我覺得大排檔應該更加好食不過呢度坐嘅位都算舒服嘅

同屋企人係青衣城行街，行到肚餓想搵野食，禁岩行到東海薈門口，職員話14:00就有下午茶，見時間差唔多就入去試吓😜酒樓門口好靚，應該係比人擺婚宴影相，入面有落地大玻璃，景觀好開揚，就算坐唔到窗口位都可以望到藍田白雲，唔會覺得好焗促👍🏻檯與檯之間雖然擺得有d密，但未至於會人擁人，始終酒樓想做多d生意都係可以理解ge 食物方面，我地試左幾款，味道唔錯👍🏻燒賣同蝦餃賣相唔錯，皮唔會太厚，味道正常👍🏻鵪鶉蛋燒賣係其他茶樓都比較少見，所以見到有就叫來試下，隻蛋好好食，下面d豬肉唔係太大舊，所以唔會好漏👍🏻另外果幾款食物味道正常無咩特別⭐️⭐️⭐️最後一定要讚下碗紅豆沙，因為有加陳皮，而且食ge 時候會食到有少少陳皮碎同好濃陳皮味，紅豆亦煮到好淋，依家好多酒樓都做唔到呢個效果，推介大家一定要試吓👍🏻雖然我地係食下午茶，但價錢都唔算特別平，4個人都要差唔多$500，但呢到勝在坐得舒服又唔洗排隊，所以都值得ge 👍🏻

東海薈青衣青衣城1樓117號好耐無一家人出街食飯，呀妹提出去青衣城東海薈正呀，太掛住蛋黃壽桃包😍😍😍拍蒜青瓜-青瓜爽脆，冷盤之選百味豆腐-炸得外脆，豆腐入面好滑，入口仲有蒜香，點喼汁一流👍🏻炸子雞-醃製後風乾，所以皮脆肉嫩，再加入秘製醬汁，超好味🤤清蒸海青班-媽味讚到不得了，夠滑唔腥，火喉剛剛好，魚肉肥散，連頭帶屈食清，讚👍🏻虎乳菌翡翠炒帶子，帶子大大粒又厚身，帶子一梳梳，高湯精華炒蜜糖豆，每條都好翠綠👍🏻上湯龍蝦-每人半隻，又大又多肉，肉質好彈，好鮮唔太濃上湯，令到完全食到蝦龍味道，仲有小小膏蛋黃壽桃包-必定東海皇牌，由細食到大🫶🏻超大，原隻蛋黃不太甜蓮蓉，不是生日都必點最後送上紅豆沙-諗住普通貨，點知驚喜，沒有渣紅豆沙，陳皮同紅豆融為一體，我感很綿很細滑，咬到陳皮香，不能錯過甜品🫶🏻整體好好，媽咪表示今晚晚飯好滿足，下次再食

本人在openrice訂了1點並在12點45分到達，攞位時門口接待員核對了我的電話號碼以及指示我到69號枱。但69號枱已有一女人及兩小孩剛剛坐下，我再問接待員，我告訴她我不認識她們，為什麼有人會霸佔了我的訂位。但接待員說那女人講得出我的電話號碼，我非常驚訝，叫接待員再次向那女人核對電話號碼 或 直接打訂位用的電話號碼核對。但全被接待員拒絕，她只叫我再等枱。但當時全場爆滿，門口亦有非常多人在等位。我當然非常不滿，我沒有遲到而且是早到攞枱。可能是有人故意欺騙接待員(大家知用以記錄訂枱的薄只放在門口櫃台，其他客人一眼便睇到其他人的電話號碼），但酒樓職員居然沒有去處理呃枱的人士，反而讓無辜的我要繼續等位。那枱客人和酒樓職員是不是同流合污？我知酒樓會留枱俾熟客，但如果不是那女人呃枱，但用別人的訂位來俾枱熟客，是否太過份呢？最後要本人非常勞氣地不停追問接待員才得到再次分配枱。點解要迫到客人這樣勞力呢！？

星期日當然要陪媽咪飲茶,,很喜歡這間酒樓,對住海及海濱長廊和青衣橋的襯托下嘅靚景,絕對是一種享受🏝️為食物做了佈景板,添加美味晚分數🤗🤏紅燒乳鴿我至愛之一,雖然炸得有一點過火,肉汁仍然有同夠味,如果火候控制得更好會更好吃,,外皮稍嫌不夠香脆🤤🥢蠔皇鮮竹卷腐皮厚身唔會靭,肉餡飽滿一碟有三件。🥢蘿蔔糕煎得不夠香口,但唔會太乾,口感柔軟。🥢家鄉炒鴛鴦粉絲米粉一啖入口味夠,蝦彈牙,韮王,唐芹配菜炒得好香,米粉同粉絲好夾,有咬口😋古法馬拉糕馬拉糕香甜鬆軟,好輕盈,好似棉花咁。整體都可以！食物質素控制得好啲就會更正。今次坐位位置開揚舒適,又望海,環境彌補返不足之處😅😅

青衣城呢間「東海薈•拉斐特」有別傳統中菜廳，由於係婚宴場地設計，所以裝潢比普通酒樓靚得多，地方夠大，樓底夠高，枱與枱之間距離合適，感覺非常寬敞，係吋金呎土嘅香港底下，唔洗逼住坐都真係唔易。價錢合理，另外晚市仲有超過一半菜式有八八折優惠，認真係幾抵嘅，呢個價錢屋邨酒樓都差唔多。百味豆腐: 脆炸口腐加上七味粉，外脆內滑，幾香口惹味。海蛯汁波士頓龍蝦: 所謂海蛯汁類似稠密少少嘅上湯汁，鮮甜但又唔會太濃烈而蓋過龍蝦嘅鮮味。龍蝦新鮮，肉質爽實，滑嫩多汁。清蒸游水海星斑: 星斑非常新鮮，重約1斤，肥美厚肉，少骨，其肉質十分細嫩，但夾起唔會散開，加蒸魚豉油原汁原味，味道鮮甜。脆皮炸子雞 (半隻): 雞皮香脆，雞肉亦非常嫩滑，肉汁豐富，雞件本身有調過味，唔太需要蘸醬食。虎乳菌翡翠炒帶子: 虎乳菌質感較結實，聽講藥用價值蠻高，係養生之選。帶子肉質非常細嫩，味道鮮甜。羊肚菌杞子浸菜苗: 羊肚菌算係比較貴嘅菌類，味道清香甜美，質感爽嫩有咬勁。另外，魚上湯夠清甜，浸過嘅小白菜都夠味。原個蛋黃壽桃包: 見有唔少人點呢個壽桃包，內含原隻蛋黃及蓮蓉餡，食落唔會太甜太膩，但都幾飽肚，二人分享一個就差唔多。

自從屯馬綫開通之後，香港交通非常方便，因為很多年沒有來過青衣，印象之中還是比較落後，因此便專程來到這裏看看這個新發展。自從青衣城開了之後，很多食肆進駐，便挑選了這間裝修得非常舒服的酒樓。百味豆腐，豆腐外脆內軟，作為餐前小食非常適合。拍蒜青瓜，有陳醋調味之下，是炎炎夏日的最佳開胃前菜。海蛯汁龍蝦，龍蝦採用了波士頓龍蝦，龍蝦肉味道鮮甜可口，加上海蛯的汁醬配合，味道更佳。👍👍👍👍👍虎乳菌翡翠炒帶子，帶子烹煮生熟程度剛好，沒有過硬，口感軟腍可口。清蒸游水海星斑，這條海星版非常新鮮，烹煮時間拿捏得很正確，魚肉鮮甜美味，廚師非常有大師級風範。脆皮炸子雞-半隻，炸子雞配上揸過的蒜頭，帶點蒜香味道，雞皮香脆可口，肉質鮮嫩。羊肚菌杞子浸菜苗，羊肚菌俱化痰理氣、補腦提神、補腎及增強免疫力等功效，配合𣏌子和白菜苗，健康又好味。原個蛋黃壽桃包，這個壽包尺寸頗大，內裏的蓮蓉甜度適中，最重要鹹蛋黃是非常優質，有鹹蛋黃油流出。是日甜品是紅豆沙，紅豆已經煲煮，完全溶化在水中，甜度適中，非常配合紅豆沙這個名稱。

午餐同屋企人去咗青衣行街食飯，就揀咗呢間東海薈食咗個午市套餐☺午市套餐有齊點心、小菜等，夠曬豐富！先嚟紅棗糕、蟹皇燒賣、香煎蘿蔔糕，紅棗糕層層分明，口感煙煙靭靭，味道唔會太甜，蟹皇燒賣絕對足料，口感彈牙鮮美蘿蔔糕煎得香口，但唔會太乾，口感柔軟~套餐仲有2款海鮮：茄汁大虎蝦夠大隻肉厚，味道鮮甜而肉質爽嫩，真係好正！清蒸海星斑 夠大條，而且肉嫩有彈性，味道鮮甜~上湯蒜子浸菜苗湯底夠清爽可口，口感豐富~燉湯夠足料，火喉夠~唔會味精味皇！絕對推薦食埋個蛋黃壽桃包~真係好滿足☺最值得讚嘅係呢到嘅楊枝甘露，係用西柚同芒果整，份量足，奶香味濃！整體： 成個午市都好滿足~上菜好快， 而且份量都好夠！

今日約左屋企人食晏，星期日1點咁岩即刻有位，就黎左呢間食～🔸潮州粉果外皮嫩滑，好香香料味，微微帶辣，足料多餡。🔸韮黃鮮蝦腸粉蝦肉大隻，爽口彈牙，腸粉嫩滑，點甜豉油食好夾，質素唔錯。🔸蟹皇燒賣食落好香鮮蝦味，肉質彈牙。🔸黄金蝦餃皇蝦肉幾爽口，鮮蝦味濃，賣相好精緻。🔸鵪鶉蛋燒賣豬肉餡有咬口，鵪鶉蛋好香，幾精緻。🔸蜜汁叉燒包包肉香甜鬆軟，內餡叉燒香，唔會太濃味，幾balance。🔸古法馬拉糕馬拉糕香甜鬆軟，好輕盈，好似棉花咁。🔸蠔皇鮮竹卷腐皮厚身唔會靭，肉餡好香，一碟三件。🔸醬汁金錢肚入味而鬆軟，唔會太濃太鹹。🔸Q版流沙奶皇包流心餡好香蛋黃香，一咬開會流漿，包肉軟糯。🔸海皇烏冬煲湯底奶黃色鮮甜，鳥東煙靭軟糯，海鮮有蝦、帶子、蟹柳。份量唔算好多，四個大人都係大概一人一碗，呢個價錢有啲偏貴。整體上菜速度都幾快，分幾次就上晒所有點心，唔會太逼夾，有bb櫈提供，坐得舒服👍價錢方面，4大1小一共七百幾蚊落樓，食物質素係ok，未至於比其他茶樓特別出色，呢個價錢稍貴，勝價比唔太高。

百味豆腐 份量很多，每一個豆腐都沾滿了味粉  拍蒜青瓜 口味清新，十分爽脆 龍蝦(每位半隻) 龍蝦肉十分爽口，味道鮮甜 虎乳菌翡翠炒帶子 帶子非常好吃，是爽口的不是平常吃到的軟軟的，味道也很新鮮 清蒸海星斑 一條很大的，肉質嫩滑，加了蔥花和醬油十分鮮味 脆皮炸子雞(半隻) 非常脆的雞皮，肉質也很嫩，大推 羊肚菌杞子浸菜苗 菜苗新鮮，加了菌類和杞子更健康 原個蛋黄壽桃包 蓮蓉綿密  綠豆沙 甜度剛好  晚市$1288 2位用  

適逢就快母親節，提早慶祝唔使同人迫之餘，仲可能試到抵食套餐。依晚帶左屋企人唻青衣東海薈，貪地點方便，泊車搭車都直達，唔使媽媽曬腳骨力周圍行！部長安排好坐位就馬上起菜，先唻前菜椒魚鬚同陳醋雲耳，酸酸甜甜非常開胃。再唻濃湯花膠翅，材料十足，啖啖花膠魚翅。未入正餐都已經有少少飽肚感。再唻既蠔皇鮑魚花菇以及銅盤生煎雞，一放上台媽媽已經嘩嘩聲，份量比預期中多之餘仲要望落都知好味！雞件少骨啖啖肉，非常入味但又不失滑溜！最後再唻個手掌大既壽包作總結。依餐真心抵食剩打包做lunch添，隔左夜都仲好好味！