食棧

Open Now

Now Closed

食完旁邊的天下第一腩之後~同事去旁邊的酒家~買芒果布甸外賣而男同事因為一碗麵~加埋底都唔夠飽~居然去食人地的點心~叫了餐包同埋馬拉糕~胡鬧地去收銀枱俾兩個小點的錢之後喺門口位置食d阿姐又由得我地wo~哈哈~唔洗茶芥~企喺酒樓門口~...同事們真可愛~(全男班tim wo....)我都食了一少舊馬拉千層糕蛋黃太搶味了~但鬆軟~氣氛亦好~感覺不錯~

之前傳媒舖天蓋地報導這裏的炭燒燒味。小弟曾在下午午飯時間吃過兩次，只覺普通之極，那些所謂的招牌燒味，一點炭燒味也嗅不着，吃到的只是跟外面求其找間燒臘舖也可以吃到的水準。極失望之下，自此就與此地斷絕交往了....最近恰巧太座的表弟來港，作為東道主的我們自然要一盡地主之誼跟他吃一餐。不想太勞累，原本打算在家樓下的海港攪掂好了，但是日竟然fully booked腦中不斷盤算一些可找到燒鵝吃(因這是表弟點名要吃)的平價食肆，忽然想起這裏，雖然那兩次午飯的留下的印象甚劣，但事實上可選擇已不很多，時間又很緊迫，於是就决定再給她一次機會....這兒經過裝修後，內裏那種陳舊的感覺未致於一掃而空，但起碼地方是乾淨企理了很多。六時許來到，客自然不太多....櫈還未坐暖，就先叫半隻燒鵝及一小碟燒腩肉來熱熱身。燒鵝皮帶點微脆，肉很結實，最好吃自然是背脊位，不過肥之餘又肉香四溢。最重要是今次稍稍吃到些微的炭香，很不錯，跟第一次午飯來吃時的水準，好得太多了....燒腩肉最好吃的自然是皮，這裏的頗見鬆化，而且隔了一陣子吃，那皮還是脆的。肉的部份也帶鹹香。若果中間的部份可以再肥一點，就真正是值一百分的燒腩了....不

見有食家寫呢度的芒果布甸好味，就特登食完"天下第一腩" 過來買外賣回公司吃 (係呀，我係順從民意去架喳! 我係唔想再去天下第一腩架啦...)老老實實，芒果布甸係咪超好食呢？我又覺得唔係 - 可能我總係覺得新鮮芒果，應該係帶d果酸味，呢度d芒果冇乜味，甜味又被布甸本身蓋過；不過，勝在個布甸本身其實唔錯 - 夠滑，同埋應該落左蛋，幾香；呢個時候的芒果，做襯托口感之用，係可以接受的- 不過如果用返稍為酸少少的芒果，會更perfect。不過 - 呢d冇乜酸味的芒果布甸，係同細個果時響酒樓食的一樣架，仲要係好味酒樓先食到的果種，係爭在唔係心型同埋冇左粒紅色車厘子咋 - 都好有親切感...可能人大了 - 有時食野，除左味道，有時都要食回憶的。其實之前都有去食過呢度的dinner，就在食棧剛裝修之後 - 不過除了扇貝幾好食，個海鮮餐幾抵，同隻鵝太肥之外，其實野食我係冇乜印象....所以，下次有機會再去食的話，先再同大家分享。

哈哈...一個月前佢裝修食過一次....講明一個月後要再食....結果真係咁o岩得咁橋.....大家約左10月4號食飯....不過今日食得唔多盡興....因為唔係自家人食飯....係人家請客...不過都ok啦~~~味道如一~~~好味是晚餐單1. 燒鴨----新鮮出爐....good2. 西汁西蘭花蝦球.....蝦爽....西汁好味3. 蒸班腩----呢個都ok , 魚剛熟.唔鞋4.西芹炒班球----魚煮得耐左....有d 鞋,西芹唔爽口....5. 肉蟹粉絲煲----好多蟹,好少粉絲6.楊枝甘露---一般,唔多ok,都係布甸好食d7. 壽包---比之前好,起碼個皮唔會又乾又硬8.海哲拼乳豬----乳豬好味, 海哲無食到.因為太夜先有枱既關係.....結果好夜先有得食...真係做到7時恭候, 8時入席, 9時仲未有得食.....所以所有餸一上枱唔夠10分鐘就會比人清碟.....總括黎講, 裝修後都仲可以keep住水準~~~不過唔係我比錢,,,,唔知有無加價..d 伙記就無之前咁好....叫攞啤酒....叫好多次先攞....換枱布又求其掉上枱就算....我幾個親戚都比塊枱布打左一野....

話說星期6係男朋友婆婆生日. 我呢d 小人物都列入被邀請之內.當然著到靚靚出發啦.開頭聽間鋪頭叫做食棧, 仲以為係好似屋企附近果間咁, 係食泰國菜.黎到就有一種說不出既熟悉感覺.無錯, 呢間酒樓就係exactly 細個成日阿媽去果d.坐低發現, uncle 同d 經理 & 阿姐都好熟, 咁當然, 婆婆o係度住左大大話話都好多年,所以間酒樓d 人都食到熟晒,今日開左2圍, 食左好多野,1.至尊燒鵝 ----阿姐話o岩o岩燒起, 真係食落去d 皮好脆,仲有好多肉汁,2. 冬瓜盅----超入味, 個湯好有味之餘, 連d 無味既冬瓜都有埋d 湯料既味道3. 海鮮卷----婆婆好鍾意食,我覺得同平時食開果d 無乜分別3. 西汁蝦球配西蘭花---蝦球做得好爽口,夾埋d 沙律醬,好味.( 西汁其實係沙律醬)4. 蠔汁汶鮑片鵝掌----個汁好好味, 不過我唔食鵝掌, 只係食左鮑片同菜5.西芹珊瑚象拔蚌-----象拔蚌同珊瑚蚌都好新鮮, 不過西芹無起根比較un.6.清蒸石班------蒸得耐左少少, 有d 鞋口,7.蒜茸粉絲蒸扇貝------因為上次去大陸同事婚禮,食左疴足一個星期, 只係食左一隻, 但

食野我係個種寧願好食都唔洗好裝修同好好服務的人，只要好食其餘唔係太差我就接受到啦，裝修同SERVICE又唔食得~食物唔好~裝修同SERVICE幾好都無鬼用啦.....食棧就係我上面講緊個種啦~呢間食棧裝修既無金碧輝煌的擺設，亦無好貼心的SERVICE，位置又唔係大街，但係以一間街坊型的酒樓嚟講，都算ok啦~最緊要係佢d野好食，價錢又平，其實價錢同裝修一同都係成正比，要靚靚裝修的酒樓不如去鏞記啦。之前已經去過一次~因為人少所以叫野唔多~但係已經覺得D野好好食，價錢又平。前幾日有朋友係大陸落嚟香港玩，佢地話想食海鮮，但係去西貢食又夾唔到時間，所以就決定再去一次食棧。個日一行8人(6女2男)，叫咗以下食物.....原隻燒鵝 <=== 好好食，皮脆肉嫩，好食過D好多所謂專問食燒鵝的地方(尤其係個D乜記乜記~我真係唔好，貴得毫無道理。)唯一唔係咁好係個酸梅醬淡咗D，再濃少少就好啦~燒BB鴿<=== 之前個次食就幾好食，但係今次真係差得好緊要，又細隻又無肉(唔知係咪因為係BB的問題呢~)，但係佢炸得唔錯，好香口，當然大隻D多肉D更好啦。鼓汁炒硯<===唔錯，唔會淨得"鶴"無

見到之前o既食家俾o既食評真係想同食棧平反一下如想食好味燒肉就唔好叫燒肉飯因為去過咁多次, 燒肉飯o既燒肉係隨機o既即係唔一定靚所以要叫一碟o既燒腩仔, 兩個價錢當然唔同啦~一分錢一分貸嘛~而其他點心, 唔好期望太高因與樂富其他茶樓比較, 佢係最平3個人飲荼, 食6碟點心, 都唔駛$80

二十二個月前小弟在此店的食評,結尾說到要吃埋叉燒同燒肉,才能定奪這間在老虎岩的酒家燒味水準..差不多待上兩年,再次踏足食棧,同輩者周日早上仍在床上"典床典蓆",我就來到熙來攘往的老虎岩,同班中坑長者爭位坐.這店的茶市是自助形式,全部自己來.去點心部自取點心,蝦餃澄皮太散,餡了太少,蝦肉亦不甚新鮮,雞絲粉卷一夾就散,節瓜蝦膠甫的節瓜淋如粉,是否焗得太久之故?四味點心之中,最好吃就是炸起不久的炸雲吞.吃到差不多十點多,燒味相繼出爐,埋單後再外賣叉燒同燒肉回家.但就未有乳豬.坐上小巴上,急不及待打開燒肉來吃,出爐不久的燒肉,燒皮很難不脆.入口脆卜卜,皮下肉的肥膏不多,瘦肉位肉味濃兼鬆化,係始終吃不出用炭燒出來的香味.回家待一會才吃叉燒,外面燒得很香,肉汁也能被鎖住.而肉質就幾稔.同燒肉一樣,炭味呢?真的值得跨區來買?我覺得未算.

事緣阿婆上次同佢係大榮華飲茶同當係生日飯, 佢話唔算數喎話次次生日飯都係食晚飯於是乎擒晚就出咗嚟食呢一餐啦, 諗起飲食男女介紹過呢間位於樂富上面既食棧又講到明話佢啲乳豬係即燒既就揀咗佢, 點知一去到見到個裝修已經好核人心諗算啦啲嘢食好味咪得囉又唔係嚟食裝修, 跟住足足企咗係度5分鐘都無人1個伙記嚟帶位, 正想自己揾個位坐之際先有個阿姐出現帶位坐落枱到見到佢啲枱布同啲"登" 好似十年無換過咁..... 跟手攞起個餐牌睇啲餸既價錢都唔係平喎, 咁既然收得呢個價錢唔該就換咗啲枱布同啲"登"啦, 最好只係揀咗個乳豬例牌都要$98 蚊(老實講啲皮係幾脆但係啲肉同普通既燒"立" 鋪無分別), 椒鹽腰果豆腐$48 (係呢一餐最好味但係又唔可以講得出有幾好味既餸), 蒜蓉炒豆苗$38 (無嘢講一個連阿婆炒都炒到既菜嚟啫), 魷魚蒸肉餅$48 (一個超難食既肉餅正確嚟講佢唔係肉餅, 係一個用咗啲豆粉溝咗落去啲肉到扮肉餅既餸, 如果想一手分開啲肉餅我會提議用刀叉囉), 上以既價加埋4碗飯收咗我$300 蚊仲係有$6 唔找諗住我一定會比貼士佢, 最衰我同個女去咗厠所如果係我比錢佢唔找我實剷到佢上天花板吖.

在雜誌的多次介紹下，我們一家6人(5大1小)前往一試燒鵝半隻- 的確唔差, 唔想入深井可以考慮吓豉召鵝腸- 鵝腸同d汁茨完全唔入味賽螃蟹- 一般水平金銀蛋莧菜- d菜又老又硬叉燒例牌- 十分軟身, 帶走第二番叮都好味(燒腩仔- 去到已經賣晒, 冇機會試)

古龍有一本書, 叫「歡樂英雄」, 其中有一段情節講到主角們去吃剛做好的燒鴨。於是, 每次跟朋友提起此書的人物, 好自然就想食燒鵝、燒鴨。食棧曾經標榜用炭爐燒乳豬、燒鵝, 但位置偏僻, 我曾懷疑它為何能夠歷經經濟低迷、沙士時期而不結業, 昨晚專程搭的士去食時, 亦曾懷疑它是否還存在。幸好, 食棧招牌仍然沒有被拆。當晚吃的是燒鵝例牌、粉絲什菜煲、炒蜆和生啤一酌。燒鵝無疑是過肥, 抵罵(樓下留評的朋友倒不是無的放矢, 油到呢!!), 但幸好鵝味十足, 仲有一碗滷水豉油送, 先蘸豉油, 再在原碟上蘸鵝油, 最後加點酸梅醬,感覺就冇咁油膩。什菜煲$28,大大煲煲, 口味較淡, 可以要求加d胡椒粉, 如果再加碗白飯大概亦係$33, 但肯定冇投訴。炒蜆就冇大牌檔的氣勢, 但係生啤就幾有驚喜, 而家好多酒吧連生啤都唔賣, 可能嫌麻煩, 呢度就真係嘉士伯生啤, 味道比較fresh, 又夠凍, 亦係$28, 係酒吧一樽細啤的價錢吧!據說農曆九月係食鵝季節, 希望食棧控制下d品質, 雖然, 昨晚生意好得有點難以置信(街坊生意?), 但作為招牌菜的燒鵝, 冇理由揀d肥到嚇走人的。

佢哋嘅炭燒燒味近排被D雜誌捧到上天。自己大半年前叫過外賣，味道普通之極，不知何解會受人吹捧，可能小弟唔識欣賞la...昨夜响家中睇飲食男女，又睇到對佢哋嘅介紹。心諗都係時候俾多次機會佢，睇吓係唔係咁巴閉...今次堂食，開壺普洱，叫碗火肉鴨飯，跟住等食...一端上枱，大皺眉頭--- 鴨皮色水暗啞，肉雖然係背脊肉，但瘦到成條柴咁，咬一口，好似食緊隔夜油條；燒肉仲離晒譜，甩皮甩骨，肥膏佔全嚿肉四份之三。五花腩不嬲係小弟嘅心頭好，但都覺得心驚膽跳:"使唔使肥得咁誇張?"...肥都唔緊要，但食落口真係覺得油淋淋....恐怖...一口吃下"僅有"嘅皮，確係脆到暈，但就唔係芝蔴皮，欠缺應有嘅質感，絕對唔係小弟杯茶...完全吃唔到炭燒味...唔通我條脷有問題?莫講話水準完全跟太子永合隆及中環龍記差不知幾班，連街邊求其揾間燒味舖我都覺得好過佢哋...三十三大洋? 老實講，我寧願"掉"落鹹水海...

驅車經過好幾次，都係無座泊車走咗。今次下午一點半只係買走，都要等等先得，真係幾多客喎！$22叉鵝飯+例水青紅蘿蔔豬肘湯。例水無味精，一d都唔行，反而仲覺得太細碗，聽添飲添！叉鵝飯一般size，唔少叉燒同燒鵝，叉燒一睇就知係梅頭，叉燒好入味，d紅色入到去7mm咁多，就知醃夠時間，表面好香麥芽糖，食落剛剛好收晒水，代表係低溫長時間燒，好有心機，而且個心d肉好有肉味，d肉應該唔係平價貨。至於燒鵝就係脾來，唔肥，但係就幾香肉味，而且好有鵝肉香味。相比九龍城街市對面$14一盒燒味飯加蒸餾水，特登揸車去買呢$22係好值。

星期一至六，大中小點都係$7星期日$9咁o既價錢，蝦餃一籠都有四粒算係咁(雖然細隻d)，牛肉腸粉d牛肉好多粉…不過$7 冇計燒味試o左乳豬同叉燒，叉燒係垃圾，可能咁o岩唔好彩切到o個舊啦…乳豬ok，至少皮脆不過呢間野標榜自己用炭爐，水準卻一般，如果下次咁o岩行過都可以試o下大家都讚的燒鵝o既…間野勁污穢，拿點心的盤可能一日只收舖時抹一次，因為每個盤都係勁多汁，仲有個有隻蟲添…最搞笑係佢有d小菜，附近有個微波爐，大大隻字寫住可以幫你加番熱…微波爐我屋企都有喎，仲乜要黎你度食微波爐食物？

昨晚（星期五）七點去到，只有數枱客﹗但到八點，已差不多坐無虛席﹗燒鵝真是很好吃，比起深井的還要好，這裡的燒鵝肥瘦適中，皮脆肉嫩，以每隻售$180.00來說，算很合理，不過記得預訂﹗至於其他的小菜味道一般，價錢平﹗