一起食堂 (域多利皇后街)

Open Now

Now Closed

是日晚上去中環海濱睇演唱會，睇演唱會前先吃晚飯，免得睇完演唱會後無飯食！！預先在openrice訂座來一起食堂食晚餐～～中環店分為兩層，樓上及樓下的座位都不多，但感覺樓上略略寬闊及光猛一點！一起食堂主打台灣麵食及小吃，也有三數款和風麵食。我選了花雕麻油雞湯麵，老公則揀紅燒三寶牛肉麵，另加炸雞皮餃子及蘆薈桂花雪梨茶！由於我們坐樓上，要先到樓下點單，離座時才結帳啊！花雕麻油雞湯麵，花雕以另一小杯盛載，可按個人口味而加添酒到湯麵中！湯麵的麻油味好香，但又不會太油膩！還加入圓肉﹑紅棗﹑杞子等配料，增加天然甜味～～除了雞卷外，還有冬菇及小棠菜，配菜豐富！雞卷份量適中，啖啖肉又尚算嫩滑～～烏龍麵麵質滑溜，不會糊糊的！湯底香又不鹹，幾乎喝完整碗湯紅燒三寶牛肉麵，有牛丸﹑牛肋肉及牛腱，還配有紅白蘿蔔﹑小棠菜及酸菜～～湯底香，不會太濃味，味道溫和。牛肋肉不算好稔，帶點嚼勁。牛腱軟稔入味又香，牛丸都算彈牙有汁！雖然好吃，但$99碗還是偏貴一點點啊！！炸雞皮餃子，之前一直有所聽聞，但從未試過，終於可以在一起食堂試試！！以雞皮包裹著肉餡，外貌是仿餃子的造型，雞皮炸得脆口又帶略略鹹香，肉餡有滿滿的肉汁，好味只是

四人行，第一次試呢間，試下大家推介既菜式：紅燒牛肉麵x2 $89x2 蔥油雞肉乾拌麵$79花雕麻油雞湯麵$89芋圓仙草凍$38 三款麵份量：份量唔多，女仔食還夠，男士不太夠麵質：估唔到全部都係烏冬....係幾煙韌但唔太夾食物質素：真係好麻麻，湯底無特別，肉質無特別性價比：低！如果唔係中環，完全唔值呢個價最失望係咁多人推介既芋圓仙草凍係好多好多三色芋圓，但無咩味😓煙韌度不過不失最差係個仙草，有藥水味😓仲要似係超市一罐罐既涼粉咁😓完全唔掂🤦🏻‍♀️結論：無下次🤦🏻‍♀️

這次點了紅燒牛肉麵。牛肉夠稔又夠味，好吃。店有兩層，要到樓上雅座，需要經過地面一層的廚房，往後面的樓梯向上走。路有點狹窄，今天侍應腳下滑了一下，不小心把盤裏的食物打翻了。很慘。

平時覺得喺中環食嘢好貴原來都有咁抵食嘅台灣菜！😍晚市去嘅時候 見唔到有飯類嘅選擇試唔到佢嘅鰻魚飯但麵類 小食等嘅選擇都唔少特別係小食 好多都幾吸引😛一送上嚟個陣已經聞到好香🤤乾拌麵份量好足 好多雞肉！雖然係乾拌 但麵底唔會乾👍🏻👍🏻雞肉好入味 配埋乾蔥食好香口仲有溏心蛋😍 另外仲跟左碗湯 雞味都幾濃都可以選擇加落啲麵度牛腱有三塊 都係厚切嘅但煮到好腍 一咬就咬得開👅唔會好似咬橡筋咁唯一就係佢上菜嘅時候只係微溫熱返少少會好啲最後一定要留肚食芋圓！有齊紫薯圓、芋頭圓同地瓜圓煙韌程度岩岩好 配埋仙草真係好滿足☺️————————————————————————總結整體cp值好高！不論麵食定芋圓都好高質🤤絕對會再去試🤤🤤🤤

好少係中環食野，原來呢度有間平價台灣野，食落唔錯！😍😍花雕麻油雞湯麵 $89雞係有扎過再煮，超級嫩滑！烏冬幾煙韌，湯底好香麻油味，仲另外俾左杯花雕酒我淋上去，好香酒味！🤤🤤油豆腐什菜噌豆乳雞沙烏龍麵 $79豆腐係平時個d日式腐皮，食落甜甜地，吸埋d湯汁勁好食！不過個湯底本身鹹又加埋櫻花蝦真係好鹹😰😰😰烤台灣香腸 $32份量幾多，加蒜片食仲正仙草冬瓜茶 $24好甜。。桂花雪梨茶 $18幾好飲，唔錯

今次黎到中環呢間長期要排隊嘅日式台灣餐廳，下午茶時段未見有人龍，唔洗等直接有得食😝 果然係平民食堂，平民價下午茶餐已包飲品，仲可以以優惠價追加小食😍魯肉乾拌麵 ($32)魯肉醬汁香濃，半肥瘦豬肉軟腍，拌麵一流👍🏼 刀削麵略厭偏淋，但拌醬後都幾好食😆鹽酥雞 (+$24，原價$38)一上枱已經聞到香噴噴🤤 熱辣辣，脆卜卜，雞肉炸完唔會乾，仍然嫩滑😋 好好食！係台灣嘅味道，食唔停口！推薦👍🏼芋圓燒仙草(熱) ($35)天寒地凍🥶 想食返個熱嘅甜品😋 但原來燒仙草同仙草凍唔同，燒嘅會係液體嘅仙草糖水😂 但當佢凍嘅時候會凝固返變仙草凍😮上枱嘅時候仲搵咗一陣邊度有仙草😂😂😂😂😂店舖呀姨好細心，可能影相太耐嘅關係，乾拌麵凍咗難撈均，姨姨堅持要廚房拎熱醬汁比我地再撈！當燒仙草凍到凝固時，姨姨提議要加熱水😆 姨姨真係好為食客著緊🥰🥰 天氣太凍，都係食快啲好🤧

嚟過呢度幾次，食物水準保持得幾好，今次嚐了花雕麻油雞湯麵，決定要推薦一下。先講個湯，有紅棗、龍眼、杞子、有花雕味更有麻香，附送花雕酒一小杯，隨自己喜好後加。我留左少少花雕點雞卷食，酒香滿滿。個雞卷都算滑，煮得剛好，而且唔肥，係減肥外食恩物。前菜開胃，個人喜歡蒜，中間個格蒜香涼拌木耳，健康美味。小蕃薯又係加分，我放最後當甜品食。呢間台式餐廳沒有一般的珍珠奶茶，但不要失望，呢個仙草豆漿比珠珠茶優勝。本來想試埋佢地個燒仙草，但食完個餐已經好飽了，留返下次。小店鋪面唔算大，今次幫襯係假期，不用等位。星期一至五lunch 的話，就可能要等一陣了。不過中環食晏，有邊度唔洗等呀。😋

驚喜台灣麵去完海旁，行番入啲搵食，哩間聽聞多人排隊，當晚入座率五成，價錢在中環區算係平民價，味道有驚喜呢！.紅燒牛肉麵 $89 😋😋😋😋台灣和日本烏龍麵crossover，烏龍麵好好食，好彈牙，牛肉份量幾多，四五舊大大舊，牛肉味濃，蘿蔔反而麻麻，湯裡有點點酸菜，異常出色，可以中和肉類的油脂感。烏龍麵配上紅燒湯底非常夾，一口湯一口麵，正！最後飲晒碗湯。.黑糖豬軟骨拌麵 $79 😋😋😋相對湯麵無咁出色，但正常！豬軟骨部分位置有點乾，拌麵個汁較遜色，烏龍麵依然好味。.地址: 中環域多利皇后街2號地鋪

星期日同男朋友拍拖～新界牛出港島玩都唔知食咩好～係地圖見到呢間個名好特別就決定食呢間啦！下午茶時間都唔係等位！服務都唔差㗎！一人一個麵。人均都要差唔多一百！牛肉麵三寶 $9x 水準係真係未達到正常香港嘅台灣餐廳水準，真係好普通....真係好失望，唔係難食。但真係唔值....關東煮烏東～ $8x～9x又係又係冇特別，同屋企自己煮既味道一樣...真係唔太建議大家食呢碗...兩碗份量都ok嘅，但呢個水準真係有待改善。兩碗都係唔值呢個價，不過都知租貴。希望可以改善下食物味道同質量！加油

平時見到排晒長龍，一個鐘食飯無可能食到。今日可以提早食飯就約埋同事一齊去試一試啦！今日餐牌清一色麵、同麵、同埋麵，沒有飯提供！我哋叫左紅燒牛肉麵、咖哩雞肉拌乾烏龍麵一個飲品-仙草豆漿和一個甜品-芋圓仙草（凍）紅燒牛肉麵，3-4舊牛肉，湯濃帶甜，牛肉嘅軟林程度都可以接受，唔會過林又唔會過硬，而麵嘅質地是我鐘意這款，實而煙銀，唔會林啤啤。但芋圓似草，味道強差人意，仙草無味，連三色芋圓都分唔出芋頭、番薯、紫薯嘅味道，成碗甜品就只得一個「甜」字，失敗同事食嘅咖哩雞拌麵連一隻溫泉蛋賣相可以，仙草豆漿就是豆漿加入仙草，味道如何因我沒有食話就不願至評兩款麵食都跟三款小食，沙律、木耳和抹茶蒟蒻，但老實講 以這個價錢我本人一定唔會再食P.S. 返到公司不停飲水，應該是味精作怪吧

難得過海，搵間黃店試下，叫咗碗牛肉麵，湯底係正嘅，似台灣味，牛肉都合格，但係配烏冬就怪怪地... 另外試咗好多人推介嘅蟹肉茶漬飯，好有日本風味之後再加$12配仙草芋圓，但係極度失望100%係涼粉，無食過台灣仙草而賣仙草係咩玩法⋯⋯

而家幾鍾意面向牆坐，可以自閉下·•紅燒三寶牛肉麵($99)。覺得牛丸比較出色，好有牛味😋•和風牛肉烏龍麵($79)。我覺得幾好食丫，不過另一半就覺得重口味咗d，佢話我失去咗味覺😂，個烏龍麵唔錯👍🏼•仙草豆漿($24)。正正常常，不過見到都覺得飽•黑糖薑母茶($18)。好濃薑味好正，岩晒我m come時候飲👍🏼

記得之前阿妹話吃過食物味道不錯以指定過這間，但上次買回家後並沒有自己那份就沒吃過。所以今次輪到阿妹要到中環就到我說要吃這間外賣囉！現在還是有在做外賣減$10的優惠。而且是每個飯/麵減的，不是全單減的那種！！我選了的是 - 蟹肉茶漬飯 ($79) 飯和高湯分開裝，吃的時候才將湯倒進飯來吃。因為由店到我家差不多半小時，所以湯已經變暖～想要熱烘烘的湯會建議自行加熱。飯量頗多，色彩繽紛的味素和紫菜舖滿在飯面！不過我的重點在蟹肉那裡！份量一點也不敷衍，而且吃落很鮮甜～肉質好實。我妹點的是 - 關東煮烏龍麵 ($79)同樣都是湯和烏龍麵是分開裝的。因為焗住的關係(?) 烏龍麵吃時會偏稔身一點。"關東煮“的材料滿豐富～蘿蔔很入味、各式的丸，還有玉子！是說那粟米甜得有點過份。不過整體來說這關東煮有點微妙，因為還有冬菇之類跟餐點飲品是半價，所以點了 - 仙草豆漿 ($12)是豆味沒有很濃的那種豆漿，另外仙草的口感很Q彈！

喺中環search💛店，搵到呢度。一心去食呢個三色茶漬飯，以解思鄉之愁😅星期日，一點到唔使等。小店就冇得講咩環境啦，一定同隔離枱好近，不過💛就值得支持，而且食物質素真係OK喎。以一個唔食蠔嘅人來講我覺得都唔錯，三文魚子配蠔配蟹肉個配搭幾好，嗰三隻蠔都好大隻，茶漬配料味道都幾似喺日本食嗰啲。因為我要等埋個朋友嚟，碗飯等咗15 mins先食所以覺得已經唔太熱，所以要即刻食先最好食。同埋食完真係超飽囉，唔係餓就唔好嗌啦。嗌咗個仙草豆漿，涼粉加豆漿嘅味囉，唔會太甜，但飲到最後啲涼粉就唔係好食到，但係如果佢唔係用膠杯我會更加欣賞。飲管係紙嘅就非常好。有一個扣分位就係出邊有啲垃圾水味傳到入舖頭裏面，我唔係坐最出都聞到。

有日lunch time路過見到好多人在店外等待，相信必定係好嘢。就拎咗張菜單看看。第二日打電話外賣自取，每個餐減$10，魯肉飯都唔洗$60，好抵食。包裝好靚簡約，用紙盒，盡量少膠，好環保喔。飯盒分幾間，有飯，有沙律菜，木耳，小紫薯，仲有個湯，好豐富。味道唔錯，魯肉放飯面，有魯肉汁，令飯有味道，口感好好。配有酸菜同埋魯水蛋，感覺好均衡健康。而且分量剛好，連男同事都講飽飽，好滿足 地點方便，正正中環街市旁邊，係中環區外賣既其中一個好選擇喔。