EL CID西班牙餐廳 (Closed)

之前試過黎呢間西班牙餐廳食晚餐，今日黎試試午餐先。呢間西班牙餐廳位於尖沙咀天文台道諾士佛臺最入面，環境寧靜。餐廳裝修以紅色為主，好似置身西班牙。午市餐牌有兩款，一款係Tapas Lunch，另一款係Set Lunch。Tapas Lunch包是日餐湯或者沙律，開邊多士，自選西班牙小食兩款，即磨咖啡或茶。Set Lunch主菜6選1，包是日餐湯或者田園沙律，開邊多士，飯加菜或者薯仔加菜，即磨咖啡或茶。可以加錢要額外配菜。今日叫左一個Set Lunch同一個Tapas Lunch分享。香煎美國西冷扒 $130 另加一香煎美國西冷扒大大塊，叫左五成熟，都整得差唔多熟度。西冷扒肉質夠嫩唔會太乾，隨碟有黃色芥末，點黎食更加濕潤。配菜揀左炸薯條，叫左走鹽，薯條係粗身，熱辣辣炸起，配伴碟茄汁食好味。伴有西蘭花兩大件，車厘茄一粒同baby carrot，蔬菜完全唔油。龍蝦湯 加$40 另加一是日餐湯轉龍蝦湯加$40。龍蝦湯熱辣辣上枱，龍蝦味都唔錯，冬天飲正，暖到入心。開邊多士 跟餐開邊多士係厚身超脆吐司，面頭有番茄莎莎，加一片火腿。吐司極脆，火腿質素唔錯，正。西班牙小食共9款揀，我哋揀左西班牙風腿同香

今日到訪充滿西班牙風情的EL CID，一行三人，開心share。1) Serrano Ham 西班牙風腿 :從風腿色澤已看到質素上乘。配上新鮮蜜瓜，juicy又鹹道適中。2) Spinach and Cheese in Fillo Pasty 焗菠菜芝士卷 : 外表看似平凡，原來很好味，又有營養。3) Pan Fried USA Strip Loin Steak 香煎美國西冷扒 : 點了七成，煎得很準繩，肉質軟滑，又juicy，又有肉味，冇得輸。4) Pan Fried Pork Chop with Pineapple sauce 香煎豬扒配菠蘿汁: 豬扒本身好juicy, 配上pineapple sauce, 令菜式變得開胃不飽濟。5) Cappuccino: Haha, 點了意大利咖啡作句號，很滿足。今天邊吃邊說，不用飛去西班牙，也很愉快。

去諾士佛台好多時候都係同朋友飲嘢，但有時候環境太嘈就好難傾偈，最近發現一間西班牙餐廳係喺諾士佛台，嗰度除咗有嘢食之外，亦都好啱飲嘢，啲sɴᴀᴄᴋ都幾唔錯👍🏻▪️ɴᴀᴄʜᴏs $𝟷𝟹𝟾▪️ᴍɪxᴇᴅ ᴄʜᴇᴇsᴇ ᴘʟᴀᴛᴛᴇʀ $𝟷𝟼𝟾▪️ʀᴇᴅ ᴡɪɴᴇ sᴀɴɢʀɪᴀ $𝟺𝟸𝟶 (𝟷ʟ)▪️ʟᴀᴡ ɪɴ ғᴏʀᴇsᴛ (ᴍᴏᴄᴋᴛᴀɪʟ) $𝟾𝟾▫️ᴘᴇᴀᴄʜ, ᴛᴇᴀ, ᴍɪxᴇᴅ ғʀᴜɪᴛs♡好味指數 🌕🌕🌕🌘🌑✔︎性價比🌕🌕🌕🌘🌑✔︎環境服務🌕🌕🌕🌘🌑✔︎打卡指數🌕🌕🌕🌑🌑✔︎推介指數🌕🌕🌕🌑🌑✔︎回頭指數 🌕🌕🌕🌑🌑

喺諾士佛臺行到最尾尾就會見到呢間充滿異國風情嘅西班牙餐廳，餐廳設有室內外位置，環境有用心佈置，食物質素亦相當唔錯🇪🇸 🍗西班牙燒雞 $280燒雞大大隻，外皮脆口而肉質嫩滑！伴碟係各式充滿西班牙特色嘅小食，包括青椒、蕃茄仔、粟米仔、茄子同薯仔，有誠意🫑 🐚焗香草田螺牛骨髓 $130平時喺香港餐廳食牛骨髓通常都唔平，呢度頭幾蚊就食到，仲有埋田螺添！牛骨髓充滿油脂香氣，加上濃郁香草味，味道層次豐富，田螺數量亦頗多，每隻都飽滿肥美，好正🤤飲品方面，食得西班牙菜又點可以唔飲Sangria($108)，呢度嘅Sangria酒精唔會太濃得黎又帶到紅酒香🍷 另一杯冬天特飲Asia Heat($68)有驚喜，佢以荔枝為主調，亦因為加咗薑而有小小辛口感，冬天飲真係好舒服❄️☺️

> Baked snails 牛骨髓烤田螺 $130前菜叫烤牛骨髓超級惹味 一上枱已聞到好香牛油脂mix香草既味田螺肉軟冧 都有唔少件數牛骨髓好有營養架 我好鐘意 食到條骨乾乾淨淨😂> Roast chicken $280 🍗等左15分鐘 即叫即燒 好野係需要靜候🤤上枱時唔見好特別但食落去真心不錯👍肉多 唔太肥 皮一啲都唔乾 焦焦地脆口。調味都十分適中 雞肉嫩滑有鮮味我幾推薦🙏(啲炸薯拌碟都好好味 皮脆內裏好creamy薯泥>Sangria $108西班牙水果紅酒基本上係去西班牙餐廳必叫 酒精濃度唔高 甜甜地啱女仔飲>Asia heat ( non alcoholic) hot $68呢杯係佢近期special drinks 荔枝同薑既配搭天氣凍好暖胃 聞落去味道好香甜 飲落去先有薑味再有荔枝收尾 好養生既感覺覺得比想像好飲 不過都較甜

是日同好朋友慶祝佢新開始，同佢去諾士佛臺搵到間正的西班牙菜EL CID，滿滿的西班牙旗，真的唔驚搵唔到XDDD同朋友點左個Asia Heat(熱) Sangria(凍) 另外食物點左Baked Sralls， Roast ChickenAsia Heat(熱) Sangria(凍) Asia Heat(熱) 西班牙熱飲，入面有檸檬，荔枝，薑片，真的暖到入心，同埋唔會好重薑味，真的好啱飲Sangria(凍) ，西班牙凍飲，紅酒香加上有水果的回甘味，另外仲有唔少的生果粒，真的好少女心味的飲品~~Baked Sralls大大支牛骨髓，上面加上左田螺，香菜醬同埋papper，牛骨髓的油香加埋田螺，真的wao一聲，口感好像食jelly咁，真的同平時食開的牛骨髓唔同食法~~ Roast Chicken Roast Chicken真的好驚喜，雞皮脆到好像食薯片咁，同埋雞肉一點都唔鞋口，另外的配菜真的好正同朋友食到真的lum lum利~~個雞真的好有質素!!

今日午餐喺尖沙咀突然想食西班牙菜，於是搵到呢間喺諾士佛台EL CID。一行埋去感受到成個環境都佈置得好用心，尤其門口有幅大奎爾公園佈景，頭頂掛滿晒西班牙國旗。一行兩個人坐底之後，睇睇menu，見到個價錢都非常實惠，叫左個煎西冷同煎魚柳。首先上枱嘅頭盤係黃忌廉菜湯併一件Tapas脆包，湯好濃郁，包好脆。第一個感覺係OK喎。再黎main course，個牛好香，脂肪好均暈，食得出件肉本身係好材料。煎魚方面，俾左兩塊鱸魚，煎得好香，唔會太乾，配奶油好好味，總體係兩個course都唔係hea整。加上女服務員態度非常友善，呢餐完全係lunch價錢食出晚餐嘅質量。成件事情係開心以上嘅程度！喺尖沙咀食午餐，呢間上等推薦呀！

📍#老屎忽係尖沙咀#oldszefood #老屎忽 #老屎忽食飯 #老屎忽搵食 #老屎忽都要OT #尖沙咀同朋友經過諾士佛台附近，揀咗間西班牙菜食 餐廳佈置好有特色 充滿西班牙風味🐌Baked snails $130成條牛骨髓咁樣上碟，食落好滑嘅牛骨髓加埋法國田螺，口感同味道都好好，creamy中帶點濃郁嘅味道。🐔Roasted Chicken $280西班牙燒春雞，大大隻嘅燒春雞，雞肉食落多汁又唔鞋，外皮十分香脆。仲有脆薯粒、茄子同埋翠肉瓜伴菜。Passionfruit Cooler $78熱情果加埋青檸汁整成嘅soda，味道感覺好清新唔會太甜。So Juicy $78蘋果汁、菠蘿汁同埋橙汁混合而成嘅飲料，啖啖都係果汁嘅味道，仲有好多粒果肉係杯野入邊，可以一路飲一路食😋EL CID西班牙餐廳 (尖沙咀)📍尖沙咀天文台道諾士佛臺14號地下

上個星期同朋友喺尖沙咀搵到呢間西班牙餐廳食午餐，成個環境好異國風情，食物質素都唔錯！🇪🇸🇪🇸🍴西班牙風腸及雞肉焗飯伴蒜片炸雞扒 $120🐓炸雞扒好香蒜味，出邊炸得香脆之餘雞肉仍然好多汁，好出色！焗飯有蕃茄香，做得乾身，入面有唔少正宗西班牙風腸，味道特別。午餐亦都配有沙律同埋餐湯，每份都有一件多士，餐湯係西蘭花湯比較少見，沙律🥙好新鮮。🍴香煎是日鮮魚魚柳 $90🐟煎魚柳好重牛油香，而且醬汁入面亦有墨西哥辣椒粒，可以中和醬汁嘅牛油味，魚肉好嫩滑，份量都唔少㗎！伴菜有薯條同蔬菜，幾有心思。

尖沙咀諾士佛臺街尾有間EL CID西班牙餐廳幾有歐陸風情，無論一枱一椅，裝修，裝飾都幾有風格。 asia heat幾有果香，冬天凍凍地幾暖胃，red sangria微微紅酒香，清新清爽幾易入口，大量果肉碎粒幾鮮甜。西班牙燒春雞大大隻，雞脾位非常嫩滑又夠多汁，肉厚夠肥美，外皮燒到香脆金黃！除了脾位其他地方都幾嫩，味道幾入味又唔會太咸！旁邊既脆薯粒，茄子，翠玉瓜都幾好味。牛骨髓焗田螺，田螺盡吸牛骨髓的精華和香草的芳香，特別香滑！口感煙煙靭靭，牛骨髓香滑 creamy味道香濃。非常特色既菜式。

今日好開心落左去諾士佛陀同朋友一齊飲杯嘢順便食下嘢，咁我哋就揀咗呢間西班牙餐廳度飲嘢 +輕食，咁其實呢度環境同氣氛都唔錯，咁我哋就叫左以下食物。Baked Snails: 佢呢個做型真係好靚，因為個Snail下低有D鹽鋪上去， 香草味加上肉度， 其實係幾香口。以餐前小食嚟講呢個餸幾開胃。 而且聞落去其實都幾香。Roast Chicken:烤雞就係燒到恰到好處， 記住要食埋啲雞皮，千祈唔好唔食，因為佢哋D雞皮先係精髓所在，而且皮軟硬適中， 非常之香脆， 同埋入面啲肉係幾嫩滑 ， 雖然烤雞係好普通但要烤得靚的而且確係唔簡單。最後飲埋杯水果酒 Sangria & Asia heat就閃人， 咁其實呢杯嘢都大有幾香嘅果香味所以我同朋友都幾鍾意。Asia heat 係熱飲， 係凍嘅天氣下飲熱飲就真係一流。 如果大家鍾意西班牙嘅食物，咁大家要試下呢間西班牙餐廳，因為環境氣氛同食物都幾ok。

FD終於返來香港，特登揾一個飲酒地方同FD吹下水，哩間酒吧係西班牙餐廳，好似好得意，咁試試。酒吧裝修得幾有特色，有少少地中海風格，分室內同室外區域，今日都凍凍地，都係坐裡面算啦。2個人都可以安排到4人位，坐得幾闊落。FD鐘意飲果酒，侍應推薦咗西班牙特飲Red sangria。哩款酒好特別，飲落有少少紅酒香味，不過唔會覺得好重酒味。同埋好重水果香，後味回甘，好似飲甜味香檳咁，啱曬女仔飲。Asia Heat, 天凍凍地，都想飲返杯熱飲，侍應推薦咗哩杯特飲。裡面加咗檸檬，荔枝，薑片，飲落就好重薑味同檸檬味，估唔到檸檬同姜汁勾埋一齊都唔錯。Backed Snails with Bone Marrow，哩個前菜就得意啦，係用田螺，香菜醬同牛骨髓一齊煮，牛骨髓同田螺唔同口感碰撞埋一齊，都幾得意。Roast Chicken，烤雞勁大一份，伴碟仲有翠玉瓜，茄子，番茄仔同埋薯仔。雞肉燒到皮脆啵啵，已經預先醃制過，好夠味。半隻雞食完已經飽咗，同FD繼續吹水2個鐘，唔錯！

食晏時間喺尖沙咀，特登行上去諾士佛臺睇吓有乜嘢食，見到呢間寫住西班牙🇪🇸餐廳🍽️，咁就決定入去開餐😆呢度有 Tapas Lunch 又有 Set Lunch 可以選擇，咁我揀咗 $120 嘅「西班牙風腸及雞肉焗飯伴蒜片炸雞扒 Chicken and Chorizo Paella with Fried Chicken and Garlic」，加 $15 轉「洋蔥湯🧅」 *Change to Onion Soup 😆「洋蔥湯🧅」先上，熱辣辣，有好多洋蔥絲🧅，幾濃郁😋「西班牙🇪🇸風腸及雞肉🐓焗飯伴蒜片🧄炸雞扒」：Paella 我真係食唔少🤩，由最傳統嘅 Paella valenciana 到 Paella de marisco (seafood paella) 到發展落嚟各地各種不同版本 都有食過吓😆；呢度嘅 Paella 🥘 有一件雞皮炸到脆卜卜非常香口嘅雞扒，都幾特別😋「熱咖啡☕️」幾香滑🤩

自己都成日嚟諾士佛台飲嘢，但食嘢就比較少，呢度好多餐廳都係食西式餐廳，西班牙菜就只係得呢一間，所以我有陣時都會嚟試吓。店員在餐桌上的擺設非常用心，餐廳亦都充滿南西班牙的風情，亦都滲入左右摩洛哥嘅特色。一坐低嘅時候，我一定會先叫一杯酒。呢一杯酒有一個特色，就係可以自己去揀Flavour，可以揀士多啤梨、荔枝、芒果是但一款。再之後叫左個Tapas，係Garlic Prawn in Olive Oil，蝦肉質爽脆，特別欣賞廚師會將蝦腸清理乾淨，另外亦都配上左好多蒜片，提升左整個Tapas的香氣。之後我亦都叫咗一個焗香草田螺牛骨髓，呢一個Dish我覺得真係幾特別，特別佢用心地將牛骨髓整到啫咁，非常容易食；田螺嘅牛油味，亦都好香，整餐飯的體驗不錯。

天氣忽冷忽熱又下微微雨，相約了朋友在尖沙咀諾士佛臺食午餐。朋友建議食西班牙菜，EL CID西班牙餐廳。我們點了一個 tapas lunch （西班牙小食）& 一個set lunch B ：包餐湯或沙律及餐茶一杯。我揀咗餐湯系cauliflower，有一點點微微辣，好creamy，配上沒有煎的粉紅色鴨肝，味道濃郁，多士脆口。食材新鮮。😋😋😋😋😋😋。小食西班牙風腿：風腿和肥肉分明、色澤新鮮唔係超鹹，一口咬落去肉汁juicy，唔韌配上哈密瓜簡直係絕配，超正。😋😋😋😋😋😋😋😋😋。素菜pizza，食材蕃茄、燈籠椒、南瓜芝士，好似冇特別，食落食材味道濃沃、pizza皮好薄、好脆口兼且鬆軟。😋😋😋😋😋😋😋😋。set lunch B:芝士沙律菜配鴨肝多士。蔬菜好新鮮配上一個黑醋簡直係絕配。鴨肝味濃郁。😋😋😋😋😋😋😋。風腸伴炸雞，好大塊炸雞，配上西班牙飯。炸雞外脆內軟，風腸重口味，配合西班牙飯，唔錯嘅選擇。😋😋😋😋😋😋😋。整體嚟講，食材新鮮，烹調菜色好好味，份量足夠好滿足。座位寬敞，服務態度誠懇。係一個唔錯嘅特色西班牙菜。