雅閑泰

Open Now

Now Closed

已有一段時間未有心儀食店想寫食評，今次去元朗探朋友，不經意唔過紅磚屋附近有間隱世私房菜，外面睇以為已關門，但原來有營業！👍門口已經覺得好似去泰國遊行時嘅特色食肆，入到去裝橫都覺得好特別，好似當年去泰國旅行既食店，令我地有一刻覺得自己去左旅行～環境乾淨衛生，洗手間只有一格，但好似一間小睡房咁大，仲有 點泰式傢俱點綴！😌今次點左9款食物，幾乎款款都喜出望外！老闆話生蝦刺身選用新鮮越南九節蝦，超爽及彈牙，的確一試難忘！👍冷盤去骨酸辣鳳爪，非常爽口，夠酸夠辣😌串燒雞串及豬肉串，肉質嫩滑，如果有點炭燒味會更惹味～烤餅估唔到可以外脆內軟，小朋友非常喜歡！👍黃咖哩有點甜唔辣，小朋友都話好味！牛肋腩夠稔～👍泰式拼盤有我喜歡嘅蝦餅及春卷，蝦餅及魚餅彈牙，最難得係蕃茄又甜又爽～👍😋去泰國旅行曾經飲過一次椰汁雞湯非常難忘，回港後試過不少泰式餐廳都總有點唔似～但今次個味道覺得有98％做到濃厚，唯一係可以再辣多少少就perfect！結果我飲左3碗～一個細煲已夠5人份量！試過唔少菠蘿海鮮炒飯都有分別，但今次食中我最喜歡嘅口味，食到有加菠蘿汁及黃薑粉一齊炒，最緊要有肉鬆，小朋友都好鍾意～👍本身不太好濕河粉，覺得乾河

真係估唔到餐廳環境 和食物味道 一樣咁出色初期有啲擔心裝修設計咁靚，價格一定貴，點知比到驚喜，價錢亦均真，仲要每款菜式都好入味，服務態度也算不錯，真係童叟無欺，期望下次再去時亦能keep到水準

嘩嘩嘩好食到要即時分享同事周圍介紹，力推泰國菜雖然少貴，但好有驚喜椰汁雞湯¤被門口枱客既椰香吸引¤好飲，酸酸地，唔咸，好多雞肉，唔鞋口生蝦刺身 (要預訂)¤大隻，有啲雪耐左，要沾醬料會凸出味道鮑魚大蟶子金柚子蝦沙律 (要預訂)¤冷盤，正，鮑魚好爽口，易咬開，柚子沙律酸酸甜甜好開胃好好食，蝦都好大隻，略嫌聖子唔太大隻黃金龍蝦 (要預訂)¤本身唔係咁大隻，老闆娘話番貨大隻左，照本身價¤家人好鍾意個咸蛋黃，唔咸，龍蝦好多肉，正泰式燒龍躉翅 (要預訂)¤好大舊，肉好實，好多肉，頂肚仔，略嫌少咸香蒜炒雜菜¤正常味道，純食咁多肉，想有個菜中和番原個菠蘿海鮮炒飯¤菠蘿碗好得意¤係童年回憶¤好足料，唔錯仲叫左珍多冰，龍眼冰，泰式凍奶茶仲送左一口糕

一講起錦田紅磚屋，我諗大家都清楚喺邊度啦。嗰度有間泰國嘢真係好多嘢食㗎。另外，仲可以挑戰味蕾，皆因廚師用咗泰式奶茶做茶膽，所以眼見涷檸茶非涷檸茶，啜落去係涷奶茶。媽吖，好奇怪吖！午餐款式勁多，味道唔錯，特別係炒飯及炒麵。份量大，用料夠，又入味。冬陰功有晒泰國風味，中意配飯配麵都冇問題，再加上有咁多款配料俾你揀，包唔會悶！不過泰國最知名嘅『海南雞』就一般般，食水唔靚，白雪雪。無辦法！好食嘅海南雞真係可遇不可求！炒飯做得好出色，配料多又入味！香葉辣肉碎煎蛋飯，肥肉少，略嫌肉碎炒得太乾！蠔仔煎蛋飯，粒粒蠔仔都好大粒下面呢個係香葉肉碎炒飯泰式金邊粉，呢啲基本嘢基本上唔會有出錯㗎喇，大家可以放心食！你睇下呢個泰式炒金邊粉幾多配料，店家真係一啲都唔孤寒！青咖哩一般般，就正正常常喇，即穩定。下面四款，分別喺船麵/海南雞湯河/冬陰功海南雞湯飯及冬陰功豬頸肉湯河。冬陰功真係好正，同事成日都叫呢個，再咁食法又重幾磅！最後講一講：香茅豬扒香茅雞翼就唔好叫啦，呢啲嘢係返越南餐廳食。呢度唔得㗎！飯後會送每人一件大菜糕，味道款式好多，有朱古力、西米、紅豆等等。

二訪 ｜ 泰誇張了！驚艷味覺的風味👏🏼因為是二訪這次點了比較高價的料理，河粉能賣到也不容易對吧！但這家絕對值得這個價！特別的風味，讓人印象深刻(*☻-☻*)👑💘#泰式鮮蝦炒河粉配菜豆乾.花生.韭菜.蛋末.豆芽菜微甜微微酸清爽風味好適合夏天！下班吃上一碗感覺就像吸取多巴胺感覺～開勳吉了🎉🌸#泰式打拋豬可以特製全熟蛋跟半熟（*無特別告知都是半熟）簡單的一道料理，搭配著泰國米，鹹度拿捏的剛剛好！食材新鮮✌🏼

疫情下，其實有得出街食已是恩典。雅閑泰所在的紅磚屋假日的確是人頭湧湧，不過到黃昏，人群開始散，泊車都唔會難。老闆娘是很有心思的一位，提早告知佢有朋友當天牛一，她即時說「佢會包辦」有道菜【鮑魚蟶子柚子沙律】能吃到是一種緣份。除左你要預早訂，更要撞啱街市有好的食材。當中的鮑魚大隻到你最少要咬4口才可KO 佢，加上預早一晚用湯汁浸好，吃起上來真的似糖心鮑魚；再伴以夾脆蟶子，鐘意吃海鮮既你，係不容放過。由於有人牛一，豪下食埋咖哩炒蟹，蟹係啖啖肉，可埋蒜蓉包搭配咖哩汁，就算肥都要食埋今餐先。講返牛一事件，老闆娘用芒果糯米飯整左個甜品併盆，再加埋浮跨蠟燭，真係疫情下苦中一點甜。

#雅閑泰只有牛油蒜香麵包值得一讚😪早幾日安排咗聖誕節工作响元朗呢邊收工，就入錦田紅磚屋試吓呢間泰菜館，因為見無負評💥，睇相見樓面都幾有泰feel咪試下囉😋😋。因為唔熟地頭，怕揸車去無位泊，早一晚打去問有無泊車位，電話嗰頭話：「唔得閒答你呀，而家踢晒腳啊，晏啲覆你吖」➡️收線，之後當然無回覆啦，見佢好似咁好生意，更加擔心無位泊車啦（响元朗村屋地亂泊車後果可以……👻👻）於是第二朝11點估佢無咁忙咪再打去問囉：「你好啊，我訂咗位今晚㗎，想問吓你餐廳附近有無泊車位」今次佢嘅回應係：「你邊位呀？」😵😵😵我惟有再重覆我問題（感覺自己有啲似cold call sales）🙄🙄，佢先認真少少答我。今晚唔算多人，唔明點解要2pair 坐埋一張枱（係2張細枱併埋一齊），中間拉開少少留條空隙都唔願做，係茶餐廳咁痴住一齊坐啊。我同老公無所謂啊，但坐隔離個女人就全程黑面🤦🏿‍♀️🤦🏿‍♀️🤦🏿‍♀️，直至佢哋食到一半先有枱俾佢轉。點咗6個餸菜冬蔭功 - 用雪蝦唔係大頭蝦，所以失去咗蝦膏嘅香甜，又缺乏椰奶嘅濃香滑溜，極其量算係酸辣清湯。😔😔泰式生蝦 - OK, 但好似雪到無晒蝦味🥶泰式羊架黃咖喱 - 可能少人叫咖喱羊，臨

一直好想寫下呢間餐廳，因為我哋一家可以話係睇住佢「大」。以前呢個鋪位係做私房菜，外型格調喺錦田算係數一數二，尤其進入室內用餐區果度拱形實木門，令餐廳有一份神秘感。一日，餐廳易手，變咗做呢間泰國餐廳。餐廳開鋪初期係抗疫比較嚴峻的時期，我仲記得餐廳只能夠限時限刻營業，有段時間更加只做外賣。喺餐廳開張冇耐，我有機會同狗狗嚟堂食，當時已經覺得佢啲食物好好味，環境又舒服，感覺非常悠閒。後期疫情持續，開始越嚟越多人喺假日入嚟錦田本地遊，政府又容許番堂食，如是者，餐廳就變得好旺場，好好生意喇。今日又過嚟食午餐。餐廳而家雖然生意興隆，不過依然保留優惠午餐，仲要係喺假日都照樣供應。今日點的都係平日都好喜歡的食物同飲品，包括燒豬頸肉飯、喇沙雜菜泰式河粉，跟餐凍泰式奶茶同熱泰式奶茶。狗狗爸爸之前試過呢度的炒飯、串燒等，不過佢最喜歡的午餐都係燒豬頸肉飯。有次我哋同一大班朋友嚟食晏，我哋人多，差唔多點曬餐廳的各款午餐，最後大家都不約而同地覺得呢個燒豬頸肉最好味。我冇食過，好難形容佢的味道，不過推荐大家親自試下呀。喇沙雜菜泰式河粉好足料，基本上成碗粉都俾蔬菜鋪滿表面，你係睇唔到下面的河粉架。湯底甜甜哋，雖然喇沙味

行完嘉道里農場後，搭巴士黎到元朗行下揾野食，行完兩個跳蚤市場後，黎到呢間裝修好有風味既餐廳。係門口都影左d相，簡左坐係出面，可以打下咭，老闆娘好nice呀，幫我地點左d野驅蚊，全程都無蚊，而且張枱都大，坐得舒服既。食物方面，老闆娘推介生蝦，所以都叫左黎試下。💟生蝦刺身新鮮大隻，肉質彈牙，好貼心用保鮮紙隔住d冰，所以唔會食食下，d冰溶左而出水👍👍蒜頭大舊返少少會更加好！💟珍多冰係我飲過最好飲既珍多冰，好足料，椰香味重，入面綠色一條條既，份量多不在講，仲要有幾舊生果同椰子肉。💟椰汁雞湯出面未飲過呢種味道。個湯調得好好，有d酸酸地咁好開胃，好香椰香味，而且雞肉多，入面都好多料，有車里茄、蘑菇。💟泰式粉絲大蝦煲呢個蝦都新鮮既，但略嫌味道同口感有d單調，如果加返d蝦米仔，會好d。爭咁d泰式味道，有d似食梗中式既煲。💟牛腩煲牛筋蚊得好淋，但牛腩就唔夠淋身。💟辣豬肉碎生菜包叫左少辣，真係有少到辣！好味道，而且份量多。環境食物都幾滿意，有機會會再黎！💓

呢間餐廳除左泰國野，老闆娘更會為客人安排私房菜，當然只限閒日啦！平日多數來食優惠午餐，有fd 話可以自訂菜單，一於【跟!】菜一上檯，真係嘩嘩聲!唔打得都睇得。首先頭盤是 月光墨餅 加......太多野喇！好彭湃，個個Friend 都爭住影相月光墨餅係台灣特產，又係食左當去左第二道是黑松露鮑魚，大到用刀叉先食到，濃濃的酒香加至愛的黑松露。不得不提是 花膠養生湯，冇諗過泰國餐都有燉湯飲，塊花膠好Gel 呀！個湯渣都好正，不過咁飽真係食唔落，如果唔係d 豬肉都真係好正。而咁多餸下，朋友仲帶埋條針墨來，老闆娘用白灼方式煮理，再加秘製豉油，令今晚餐飯更有特色。但講真食到呢度，都飽到冇朋友，最後仲有個堅有海膽既炒飯，成板海膽飯面上，堅驚喜。🤩大滿足的一天，再次感謝老闆娘的精心安排最後以百鳥歸巢的香瓜作結

假日來到錦田市集的路途上竟發現一間隱世泰國美食餐廳-雅閑泰♥️雖然裝修是以較為古老的泰國風.但勝在坐位較寬敞.可以舒舒服服地享受美食😚而且還十分有待客之道.老闆及員工都熱情和善.令我對餐廳好感十足🥰▫️前菜▪️🥗薯絲蝦配青木瓜沙律（推介👍🏻）切得幼細的木瓜絲配上蘿蔔絲🥕&小蕃茄🍅吃下意想不到的合拍🙏🏼想不到木瓜絲加上泰式酸辣汁.竟然可以如此新鮮爽口🤘🏻相比起青瓜絲👀木瓜絲更令我回味無窮😻另外還配上薯絲炸蝦.更令我一試難忘😽由薯絲包裹著的蝦經油炸後.一入口由脆口至中間軟軟的薯絲到最後的蝦鮮味😈口感層次一流👍🏻👍🏻▫️主食▪️🍖燒豬頸肉未入口先看到一朵雕得栩栩如生的花作拌碟🌹就已經忍不住慨嘆..豬頸肉燒得很均勻.每一口都可以嘗到豬頸肉的香燒味🌞再點上餐廳調製的配料更是惹味👀▪️🎃原個南瓜海鮮炒飯（推介👍🏻）第一次看到原個奉上的南瓜海鮮炒飯🎃 盛得滿滿的海鮮炒飯入口是與眾不同的味道.忍不住請教一番..起初還以為是用椰漿炒成的海鮮炒飯但原來得知是用了清湯炒出的味道🌺吃下飯粒不但充滿鮮味.內裡更是飽滿口感🍚其中最欣賞當然莫過於海鮮完完整整的保留了滑嫩鮮甜的口感🦐🦑🦀邊吃邊享受😎最後加上南瓜內的南瓜肉&肉鬆一

好耐無食泰菜啦錦田好似愈黎愈多泰菜，其實我真係好掛住果時住錦田既日子，可惜過去了。呢間泰菜門口都好有泰國風格，入面位置唔算大，但位置都坐得舒服，岩曬一大班人一齊食，仲聽到隔離好開心傾陳年舊事，開心既聚會一樣，老闆仲好好，最中意去呢啲有人情味又地道既餐廳。柚子蝦沙律 $88平時我好怕係出面食柚子沙律，因為好多時都好澀，但呢個唔澀之如做到有泰國味，唔好睇佢好辣、佢唔辣架。啲蝦仲要好多，又大粒。蛋包鮮蝦金邊粉 $98泰菜我次次都叫金邊粉，我真係好中意食金邊粉，好香好好食。佢除左有蝦仲有魷魚同青口，最緊要係份量好多。咖喱大蝦 $298真係大蝦呀，唔係急凍蝦，有蝦殼蝦膏果啲蝦呀，細佬平時唔食蝦既都食左好多隻。佢半甩殼，食得好方便，最緊要佢既咖喱唔辣架。無國界蒜茸包 $50呢樣都係我泰國必食，係蒜茸包呀。點咖喱定就咁食都咁好食，外脆內軟，好正，對上一次泰菜食呢種蒜茸包已經好耐啦，蒜蓉包呢種真係最好食，泰菜必食呀。益力多沙冰 $34好夠益力多味，好似飲緊大益力多咁。椰青 $38去泰國定食泰菜，人地飲珍多冰果啲，我就一定椰青，椰青真係無得輸，又可以食椰青肉。老闆仲好好請左我地食甜品，佢一定係知女人有兩

去八鄉半日遊，行完紅磚屋，隔離竟然就有一間隱世泰國菜，以為冇開，推開門發現好香。有個似老板娘嘅人好熱情咁招呼我哋，一問之下，原來嘢食全部都係泰國人煮，所以好正宗👍🏻流心芝士蝦丸，$82 炸蝦餅成日食，呢個就特別啲，加埋芝士係入面，蝦餅本身好彈牙，外層香口脆身，入面嘅芝士都好多，一啖咬落去，好正😋香芒蝦球，$128朋友最鍾意呢個菜，話好開胃，撈飯一流，d芒果又好甜，入面仲加左好多脆脆嘅腰果，加埋大大隻彈牙蝦球，好好味。而且賣相都好靚，最後除咗中間嘅花球，佢全部配菜都食晒🤣辣椒蝦膏大蜆，$138我自己就最鍾意呢個菜，真係勁好味，蜆好大，無論蜆、洋蔥定係菇，都好好味呀，俾碗飯我呀唔該🤣🤣老板娘問我哋夠唔夠辣，我話辣就唔係好辣，不過好好味，佢話如果食得辣嘅下次可以叫佢加辣🥰火山炭燒雞，$132平時食泰國菜好少叫燒雞，不過老板娘介紹就試吓啦，果然冇介紹錯，隻雞好嫩好嫩，應該係我食過最嫩嘅燒雞，加埋酸甜醬，食多幾件都唔會滯😍香葉辣椒肉碎煎蛋飯，$58呢個肉碎又係勁好味，勁送飯，多多飯都食得落，原本覺得冇可能食得晒，最後一粒米都唔剩😅珍多冰，$30想飲珍多冰又怕太甜，於是乎問吓有冇得走甜或者少甜，原

係錦田紅磚屋旁邊 有間灰階小石屋 玄關前有一道神秘古老嘅啡色圓拱門…輕輕推門打開 發現裡外大不同 原來入面係一間色彩繽紛 用上鮮黃色枱布嘅泰國餐廳🇹🇭📒˜”*°•椰汁海鮮湯($95)🥥🦐🥣•°*”˜有椰奶嘅滑 冬蔭功嘅酸 非常可口 材料有紫洋蔥🧅草菇 秀珍菇🍄 蝦🦐 青口 同魷魚🦑 好豐富 仲有個火興住 暖笠笠好開胃 份量都有5-6碗咁多 不過如果唔落蟹柳就更perfect˜”*°•泰式拼盤($148)🇹🇭•°*”˜有香葉包雞🍃 炸蝦餅🦐 炸魚餅🐟 同炸春卷🫔 最特別之處係中間朵玫瑰花🌹 係老闆娘悉心設計 花下面其實係梅子番茄🍅 老闆娘同我講係因為覺得拼盤全部都係煎炸食物 而灑滿梅粉嘅番茄清爽多汁可以解膩 酸酸地客人可以食得更開胃💦 熱情好客嘅老闆娘好細心吖💕˜”*°•咖喱牛腩配蒜蓉多士($98+$50)🐮🥘🥖•°*”˜咖喱牛腩係用牛筋腩 一啲都唔韌 份量勁多 食極都仲有 而蒜蓉多士走鬆軟路線 唔係乾硬脆口嗰種 感覺冇咁熱氣🔥 面頭超多蒜蓉 好香🧄 可惜牛油味稍微欠奉🧈˜”*°•椰青($38)芒果沙冰($38)🍹•°*”˜椰青同芒果沙冰好好飲 好耐冇遇到咁甜嘅椰青 沙冰冰凍綿滑 冇粒粒

緣份真奇妙，年初行錦田紅磚屋市集剛好經過呢間「小屋」當時冇細思亦未察覺「小屋」原來係餐廳前幾日朋友約食飯深入錦田𧙈堂村來到「小屋」門前先恍然大悟「乜原來係您啊陳生？」推門，內進餐廳好有泰國舊式飯店嘅感覺裝潢冇過份精緻嘅擺設好有家常小菜館嘅vibe店員好親切，仿佛自己係附近居民般熱情招呼/ 生蝦刺身可以話係喺香港暫時食過最最最最肥美嘅生蝦原隻開邊，肉質爽口彈牙口感都相當良好配上泰式生蝦汁，開胃至極！/ 椰汁海鮮湯係比預期中creamy椰汁味重，酸辣種度係bb級別相對起惹味，佢反而走温和路線而海鮮個人覺得可以再多料啲咁就perfect池！/ 原個南瓜黃咖喱海鮮兩個字，足料！賣相一流，好IGtable原個日本南瓜軟稔入味相當足料，不過咖喱就一般可以再重口味啲反而個蒜蓉包就出色唔Bread dip jeng！/ 泰式瀑布醃牛肉呢款個名同實物有啲令我不明所以細問下原來係泰北常見嘅開胃前菜－ม้ำตกเนื้อ醃過嘅牛肉再炭烤，再配沙律菜個人認為調味一般，冇想像中咁惹味反而似中式嘅蔥爆牛肉