Video
1-min walk from Exit C1, Olympic MTR Station
continue reading
Opening Hours
Mon-Fri: 12:00-14:00; 17:30-22:30
Sat: 18:30-22:30 (Reservation only)
Closed on Sun
Above information is for reference only. Please check details with the restaurant.
其實星期日諗住去食, 點知冇開, 打電話又熄機飛左線...都算啦...因為冇留意佢係唔開星期日...係我唔岩既....星期二特登同男朋友一齊DAY OFF就諗住試下D海鮮...諗住食蟶子刺身, 生蠔, 龍蝦, 蟹 等等...因為報紙雜誌講到好巴閉咁...點知去到...原來LUNCH真係只有咖哩飯or素麵線, 再配唔到海產...我同男朋友order左蜆麵線($60) & 龍蝦仔麵線($80)...店員又provide左栗米茶, 老實講, 杯栗米茶係仲難飲過759幾蚊支果d...本人係鍾意飲栗米茶的, 不過佢果d真係冇味ga wor...唔知邊度買定係自己整?坐既環境當然係唔舒服啦, 對住條馬路, 又熱又曬, 強烈建議秋冬天先好去...d麵到左喇....一句講哂, 好難食, 非常失望...個湯有好濃烈既菇味...明明order左蜆, 但當然完全冇蜆味啦, 有沙不特止, 好細隻, 唔鮮味...比d菇味完全掩蓋哂~ d麵係衰到冇朋友, 淋哂, 冇口感, 只有菇味...好耐未試過出街食飯食過d咁淋既麵...究竟佢係咪煮完再煮, 定係煮耐左...d麵淋到唔駛咬就咁吞都得....然後有d海帶, 冇海帶味既, 總之非常多菇...個口腔除左菇味, 就只有菇, 不停用栗米水漱口都仲有好重菇味...個龍蝦係非常細隻, 只有半隻, 算啦80蚊仲想點, d肉係爽口既但唔新鮮...同埋有咸水味...不過一啖就食哂lu...好似好伏咁...因為去既時候係12點, 烈日當日, 個太陽係正頭頂, 一路食一路出汗...個頭頂熱到可以煎熟隻蛋...真係頂唔順結果叫店員俾個袋拎返屋企食...兩分鐘既路程返到屋企開大個冷氣食, 都係冇可能食得哂...事關真係好難食, 而家寫食評係岩岩食完呢餐隔左1個鐘...期間飲左兩杯栗米水, 同埋3杯溫水, 個口腔仲係好大陣菇味...一陣仲要買返d香口膠先...重菇味唔緊要, 但係蜆冇蜆味, 海帶冇海帶味...完全唔新鮮, 唔明點解講到呢間野又淨化又新鮮咁, 中伏了...雷到爆...我希望佢晚餐真係好似其他openrice食評講到咁好味啦...因為我想試佢個$1,100位的蟹宴...希望係值回票價啦...但我強烈建議, 千其唔好幫襯佢個lunch既麵...你會非常後悔的...
continue reading
之前看過雜誌介紹此餐廳，感覺幾吸引，決定試一試。餐廳在街角，座位不多，所以早已Book好了座位。前菜首先是三隻生蠔及一隻Cherry Stone。生蠔新鮮鮮甜，Cherry Stone大大隻好有口感。再來是原隻波士頓龍蝦刺身！龍蝦肉好甜，充滿鮮味，十分好味！輪到鮑魚上場，先來一隻鮑魚刺身，配以泰色辣汁。鮑魚刺身很彈牙，有嚼頭，配埋啲辣汁，好醒胃！跟住係三隻汁煮鮑魚，鮑魚煮到很稔身，很鮮甜！大廚跟住炒咗碟蜆比我地，是清炒再灑上葱花，很鮮味，蜆肉很肥美，生熟啱啱好，一啲都唔老。食到中場有人蔘鮑魚雞湯，湯內有半隻雞，2隻鮑魚，紅棗及糯米等，人蔘味超濃郁。頭先的龍蝦，大廚用牛油炒香龍蝦鉗同埋啲腳成另一道菜。最後是蟹肉Pancake，Pancake內有蟹肉，芝士，綠豆，外脆內軟，綠豆爽口，芝士香濃，作為總結再好不過！全晚的食材超新鮮！Like! Like! Like!
continue reading
懷孕初期，十萬樣野唔食得，加上麥生知道我有孕之後變成牢頭，一日三餐都要報到。懷孕三個月結果仲瘦左幾磅。上個月產檢，問左醫生話刺身等生冷食物只要新鮮，間中都可以食小小，終於得到牢頭恩準，一個月可以食一次。。。為左好好珍惜呢個機會，又要顧及安全同埋多選擇，本身已經打電話去Bostonian訂位，但唔覺意上網見到淨化海鮮，好有興趣，終於搵到位於大角咀的 Exotix Venue。一問之下，原來星期六得set dinner，一埸去到，都唔緊要啦。佢地係open kitchen，可以清清楚楚睇到佢地點樣處理所有食材，食得好安心。第一度上既係 coffin bay 生蠔 同 cherrystone 。新鮮滋味一D都唔簡單，特別係cherrystone，清甜夾唔係好多地方食到，仲要蜆類如果唔新鮮，就會好大陣腥臭味，呢個一D都無，10個LIKE。第二度上既係 韓式鮑魚仔，呢個夾埋紫菜同小小飯一齊食，個鮑魚好入味，又好淋，唔錯。第三度上既係蟶子刺身，因為我唔敢食生既，大廚就將一隻刺身上，一隻煎左上。麥生話蟶子刺身佢都係第一次試，熱食既完全唔一樣，好鮮甜同爽口。到左我既熱上牛油煎蟶子，無試過咁樣食蟶子，比想像中好食好食好多，都好爽口。麥生就話2樣做法都好好，意想不到的驚喜。第四度上既係龍蝦刺生，係紅肉既龍蝦刺生，在澳洲同台灣都食過幾次，但在香港真係第一次。龍蝦刺身真係我既至愛，無得頂。佢地有個dipping 係配刺身食既，好特別，同個刺身好夾，鮮味升級。第五度上既係牛油龍蝦，其實佢個set dinner 係一人一隻龍蝦，剛剛可以兩種食法都試埋。個味道同熱食蟶子有小小似，但多左香草既味道。全晚淨係影左呢張相，熱得剛剛好，爽口，同埋唔"鞋"。呢個時候老闆問我地淨化左既海鮮同平時食既係唔係有好大分別，老實講，刺身食既明顯係鮮味D，但煮熟左既就唔係好識分，佢就話呢個龍蝦淨係落左少少鹽調味，主要都係想我食返食物本身既鮮味。講返個龍蝦，因為之前刺身個頭用鉗都拎埋黎一齊煮，所以每人有2隻超級大既龍蝦鉗，食鉗最憎就難剝殼，呢個一分就得左，啖啖肉，正。其實食到呢度，都差唔多飽左。呢個時候，就上第六度既海鮮蜆湯。問返大廚，個湯其實食用好多海鮮既殼連蜆一齊煮，一睇碗湯入面有成十幾隻大蜆(size比花甲大)，好足料，唔敢食咁多海鮮，我飲哂D湯，蜆就麥生食哂。其實真係好滿足，當我以為呢一餐完滿結束既同時，完來仲有一度蟹飯呢個時候上。麥生係蟹痴，食左一啖就已經讚，但真係太飽，最後呢個飯要打包返屋企。食完之後都已經差唔多11點，2個老闆都好好，好細心咁解釋每度菜，因為係坐街既關係其實都幾凍，老闆好細心放左暖爐比我地。其實大角咀最近都多左好多餐廳，良莠不齊，而位於街角位既呢間最叫人驚喜。麥生話下次要星期四去，因為有醬油生蟹，我就話如果下次有赤貝刺身就好。我太愛貝類了。佢地除左堂食，仲有home delivery，方便大時大節屋企開party。
continue reading
早前同朋友飯局去左大角咀一間小店吃飯，當曰一坐下就吃生蠔同托托蜆，生蠔很新鮮比平時食開果d特別清甜，原來D生蠔要淨化左72小時後先出售所以特別好味，廚師介紹左一個韓式醬油活蟹刺生，韓式醬油完全帶出蟹鮮味，肉質結實好味，原來豬腩肉可以做沙律出於好奇緊係要試吓啦，廚師用左日本黑毛豬腩肉加自家制芽菜，味道特別芽菜很脆口爽甜驚喜之作，再來個龍蝦香草炒飯，炒飯夠乾身由其本人十分鐘意香草味.吃過不停。我們幾個朋友在這小店吵吵鬧鬧過左一晚
continue reading
約朋友食飯,決定食餐好的,最緊要食物新鮮好食。結果撞入左呢間係大角咀街角既小店,好似係D雜誌見過介紹,標榜新鮮及經自家活化既海產,我同朋友都鍾意試新野,啱哂。因為無訂位所以係街等左一陣。餐廳細細的,是半露天式,有幾個位係坐Counter的(高腳櫈),因為少位,所以有訂位會較好;食客係直接見到大廚煮野,大廚又會介紹下即日有的新鮮食材,幾有親切感。Order時,大廚問我地有咩吾食,跟住由佢發板-->即omakase,吾知會食mud,好玩! 先來:第一次食生既Cherry Stone,好鮮吾猩好大隻!跟住係韓式醬油生蟹!係香港少食生蟹,因為要蟹好新鮮及乾淨先吾會出事,蟹一死好易出蟲,所以對上一次食生蟹是在日本既蟹道場;而我十年前係某出名貴的京滬菜飯店食完醉蟹後第二日要睇急症,可想而知,生蟹既風險較一般其他刺身高。呢度既生蟹如圖所見,是爆膏的,膏既顏色好靚,睇得出既新鮮! 店主話是自家浸製,而D蟹在店主自家工場的過濾系統活養過一陣子,所以泥蟹的污穢物及泥味都無哂。蟹膏好鮮甜,而蟹肉非常甜,好好味,大滿足。Baby Blue Mussel ; 通常Buffet 既青口都好老,我本身怕難消化既食物,所以青口通常吾係我會主動要食既野; 但呢度D baby mussel好嫩,一碗好多,食極都有!再來一道鹽焗蟹;跟生蟹有不同風味,個人較喜歡生蟹,因少見少食;鹽焗蟹D膏好甘甜,令我有食大閘蟹Feel!但焗蟹蟹肉有點乾身,變成膏是精華所在。間場既Crab Cake, bite-sized, 可口! 最後結尾的是韓風海鮮湯,內有大量海鮮(青口,蜆,蟹肉),翠玉瓜,雜菜等,少少辣; 為豐富晚餐劃上完美句號。總括來說,看得出店主放了很多心機係食材之上,食物吃得出鮮味, 所以雖然價錢並不便宜,但絕對物有所值。
continue reading