Explorer Fusion Restaurant (Closed)

又見到佢地係連登賣廣告唔想再有人俾呢間野呃做生意手法好唔老實成日係連登賣廣告吸客標籤自己好黃去吸引客源 地方細又逼 逼到係完全行唔到出入去廁所要攝入去 之前同朋友去飲野（生啤但牌子不明）一開始話每位$80蚊任飲 點知我朋友去到飲左兩杯唔知點解醉左佢平時酒量冇咁差有理由懷疑應該隻酒有問題 因為見佢地任飲個隻生啤都唔係牌子大牌子之後戲玉黎啦 埋單每位盛惠$360 😄 成張單$720只係飲左兩杯啤酒牌子都唔係64 唔係h-garden 唔知點解要咁貴呢？更何況一開始去之前問過 係每人$80 任飲點知最後埋單竟然要720 ？做生意手法相當唔老實都聽過好多關於呢間店既野不能盡錄 大家如果要去就小心啲啦*提醒間鋪係佢哋幾個人自己夾份開所以其實根本上吹佢哋唔漲佢哋話幾多錢就幾多錢當然價錢牌有寫啦但係有啲嘢冇寫嘅或者佢哋咩師傅發板嗰啲根本上就唔會有價錢所以大家要小心同注意只可以話可一不可再係咪黃店就可以為所欲為？借黃店去謀利 人地支持黃色經濟圈你地就借黃色經濟圈食人血饅頭真係好過份 係度撈油水其實如果要幫襯黃店有好多選擇唔好因為見人哋門面好黃就覺得一定要幫襯希望大家可以支持到黃圈之餘可以理性做

今日本來打算去幫襯下黃店，特登入到石門呢邊試食。入門前都要例牌探個體溫，之後佢安排坐位安排得好差，明明6點幾食都唔多人，仲要我貼住隔離枱坐，成間舖大把位，後來我話要坐過一格位，同果枱人隔左張枱，佢都好唔願意咁，但果時根本就冇乜人，計埋我得4枱人，枱同枱之間又冇間板，對佢嘅安排已經好不滿。之後都叫野食啦，叫左個殼飼牛扒，同黑松露意粉，收得咁多錢，但食起黎差過茶記，薯角又凍又林，舊牛冇牛味，又多筋，然後個麵就普通，但完全唔值呢個價。最討厭係一路食一路聞住佢舖外嘅吸煙區嘅煙味，好臭，影響哂心情。食食下隔離又座左枱人，但重點係間舖仲有其他位佢唔放人坐，係都要堆哂啲人同一排，想我超過8人聚餐？下次要努力搵過啲有水準嘅黃店。

今日去開石門見到都得有好多唔同種類嘅餐廳但係見到呢間外型比較有feel好特別好Chill嘅餐廳就入咗嚟啦因為其實都係大約兩點幾嘅時間所以唔算人流好多一入嚟都有位坐因為係lunchtime時間所以佢有lunch set但係因為想食日本嘢所以我就單點左佢哋嘅海鮮丼今次我叫咗三文魚親子丼佢包左一個前菜同埋燉蛋仲有麵豉湯只需要$78雖然唔算超大碗但係我都食到好飽相信細食嘅食完都覺得好飽性價比係幾高而朋友食咗火炙四色丼同樣地都係包前菜燉蛋麵豉湯總共$88比我想像中OK所以經過都可以試吓佢地其實仲有啤酒賣好多選擇有興趣可以過嚟睇吓

5.1黃金週(五大訴求，缺一不可,支持黃色經濟圈)5月1日黎左石門幫襯黃店，一入餐廳，已經感受到好深黃。香港民主女神像，仲有電視不停播放相關影片，仲有好多好多的文宣。值得一來！坐在鄰座係一對婆婆一齊食緊牛扒，識貨，來撐黃店！很少長輩明白而家個社會發生緊d咩，大家爭取緊d咩。食物方面！真係好滿意。點左慢煮澳洲和牛，慢煮澳洲羊扒，香辣雞奕。每人仲送左一杯飲品～慢煮的好處係令到食物營養和原味保留，肉質保持嫩滑，原汁原味，真係做到呢個效果。甘有質素的黃店，一定會再來幫襯！

第二次過嚟幫襯！第一次過嚟幫襯，係午餐時間，果次覺得牛扒有咸咗啲，不過都幾好食。今晚都有叫份牛扒整得好好味！今次，就有嗌壽司、沙律、意粉、炸雞！滿意食物味道不過軍艦壽司嘅紫菜唔夠脆我覺得呢度嘅裝飾不錯都喺度影咗幾張裝飾相片店員好親切，問我哋飲唔飲啤酒我哋話唔飲啤酒佢送咗其他飲品俾我哋店員話係慶祝黃金周，杯飲品甜咗啲，但好好味！石門附近好多好好食嘅餐廳小店！真係好值得試下呢度附近ge餐廳我自己就仲未試晒所有餐廳🍴石門，大部份餐廳的店員都好親切！

石門滿佈黃店，雖然搭巴士只去到第一城，要落車行，不過都係值得嘅，以後都可以去多啲！～～～🥗有機蕃茄水牛芝士沙律伴香草汁($68)蕃茄水牛芝士一向都係Perfect Match，水牛芝士味道較淡，灑上芝士碎後令芝士味更有層次！另外沙律用咗青醬去撈，香草令沙律更有風味～非常堆薦呢款沙律做前菜。～～～🐗慢煮西班牙黑毛豬配薯角($188)黑毛豬厚肉又Juicy，加上芥末醬超美味。而薯角入面好Creamy，雖然唔算好脆，但濕潤又軟糯嘅口感都令人好滿足。～～～🐟香辣大蔥吞拿魚蓉卷($70)沙律醬過多，唔太食到吞拿魚味，飯亦有啲粘，缺乏彈性。成件事好超市Level，寧願佢得四粒，上面放大坨吞拿魚蓉，灑啲蔥花，起碼對得住呢個環境同價錢。

同朋友一齊支持黃店系列打開餐牌你會見到好多唔同嘅特色小食例如 沙律、生蠔、小食、餐湯，刺身 壽司，你想食乜嘢菜系都有得揀 焗芝士肉醬配薯角 薯角表層夠脆 內裡鬆化 唔油 配上濃濃蕃茄味肉醬 好夠味 夠酸 中和薯角嘅油膩感 真係好夾 令到我吃唔停 （萬年配搭 一定好吃）慢煮黑毛豬配薯角 （好推推推介）第一次食慢煮 冇諗過慢煮嘅魔力咁勁 黑毛豬保留大量水份肉汁 一啲都唔韌 而且好鬆軟 配上醬汁 真係好好吃 不過 菜式入邊有個類似黃色嘅芥茉醬 我覺得太酸同啲肉唔夾 所以就冇點到 本身隻豬加埋肉汁已經好正忌廉芝士鰻魚卷好簡單好食嘅一個卷物 入邊有芝士同埋鰻魚 配合得唔錯 你會食到有芝士香 小小鰻魚 簡單好吃 同埋今晚其他餸都比較重口味 所以揀咗個卷物 結果鰻魚卷都令我地滿意

唔係住喺附近但咁岩黎到沙田區既同事揀左呢間餐廳一齊晚餐~~Explorer Fusion外牆痴滿密密麻麻既文宣又有連儂牆 立場清晰 又高調💪🏽😠講下嗌左咩食先💁🏽‍♀️忌廉蘑菇湯($58)🍄菇味相當濃郁 真材實料啖啖都食到蘑菇蓉!水牛城棒棒雞($88)第一次食水牛雞翼(鎚)係自己點醬 有三款醬料(冇記錯既話應該係芝士、茄汁、酸辣醬?) 可以自己調汁個人比較鍾意醃左/ 煮個已經調好左既水牛城醬多d 覺得惹味又入味d!雞鎚炸得偏乾身 肉質就一般般~~澳洲榖飼牛柳配牛油蘆筍、薯角($220)同事食得出呢碟係用心之作💕外層做到微焦既效果 內裏既牛柳肉質軟稔~~🍔雞扒(?)漢堡配薯角($128) *hidden menu😛有同事唔食牛 店員就話可以改做雞~~ 雞肉都幾嫩滑 漢堡份量都幾大 岩哂幾個人一齊share!意式燒大蝦伴香草辣蕃茄汁意粉🍝($155)(唔記得影相😛)意粉既汁應該唔係用茄汁/茄膏/現成醬整 而係用新鮮蕃茄🍅有幾多車厘茄👍🏽 辣味辣得好過癮😋🌟店員? 老細? 主動問我地對漢堡既評價感覺呢度係一間會接納意見既小店 亦都feel到佢地幾有心做好食物 加油💪🏽😆

住馬鞍山個頭同石門咁近，但都好少真係落車食個到食，係上網留意到先知，而家真係愈來愈多野食，咁我就決定係附近尋覓下，比我搵到間支持香港人既餐廳，不過我就冇影到個環境，有興趣既朋友可以親自去試下，當然野食就一定唔差先叫大家試，再加上個店員態度都好好，會為你介紹適合你既野食。特選手握壽司拼盤 ($298)我就覺得佢有野樣好既就係，飯就唔多，而魚生就好大塊，佢唔似出面d壽司店加多d飯去餵飽你而且魚生又細細塊，咁樣1d都唔抵，如果係咁我不如叫個丼食唔好? 再加上佢飯同魚生之間有少量wasabi，食唔慣wasabi既人可以唔洗落咁多，再講味道個方面，鮮味都足夠，食落都好滿足，價錢上我覺得值。意式燒大蝦伴香草辣茄汁意炒粉 ($155)依個sorry，食左少少先記得要影，所以我focus得近左，唔好見怪，講返碟野食先。我覺得依個食落去我冇特別感覺，唔會食到我哇一聲，但依個係保持到水準，辣就唔係好辣，份量都幾多，岩哂同人share一齊食。燒雞翼 6隻 ($78)味道係幾特別，係有少量既酸味再加上咸咸地，食落又唔覺得奇怪，咬落去，入面既肉我覺得太乾，但個味道救得返碟野。芝士鰻魚卷 8卷 ($78)依個真係

當日突然想食日本野，正好經過一間日本餐廳，因為同事有點趕時間，餐廳也不繁忙，便隨意入內試下，反正你要試一試先知好唔好食吧。餐廳在商場地下外圍面向馬路，裝修間格似酒吧，中門大開。由於同事表示今餐佢請，我便不好多要求，平時我是絕對不會揀在這類的餐廳中用餐吸塵。當日我們坐在店中間位置，外面好多貨車經過，響銨持續，感覺好騷擾，用餐情緒大減。前菜唔差，最起碼個燉蛋是暖滑的，且有點甜甜的，吃起來不錯。但至於個主餐，也沒有什麼大驚喜的，外表都睇得，擺設精心，但新鮮度沒有很好，不至於很差既，這個價錢及位置是不應該要求太多吧？同事叫個Explorer豐盛魚生丼，佢就話唔係好得，有點失望；我點的鮭魚親子丼食後口中留有點魚腥味道，下午時間個肚便一直在脹。當餐我們沒有點飲品，而所點的清水亦在用餐完結後提點之下才送上，也好清一清口腔。P.S. 餐廳收取10%服務費。

昨天到該餐廳一試，感覺很是特別。特別的是有欣賞的地方，也有不甚欣賞的地方。欣賞之道有三：一是地方整潔，雖不甚大，卻是窗明几淨，格隔整齊有序，佈置也甚得體，更可面對街外景色，雖車人甚多，也不失為用餐的好地方。二是員工也頗友善，年青有為，笑容可掬，服務態度值得一讚。三為食物也頗用心，精緻之餘，味道不俗。不甚欣賞的地方也有二：一為室內之音樂音量稍大，雷霆萬軍之勢直撲向筆者，擾亂筆者之食慾，更影響筆者之健康。二乃最重要的為基本上選擇不多，想該食肆主要為西餐之食物，基本上以菜、肉及薯為重點，萬變不離其中，只是加其他配料而已，若以吃晚餐之心情而論，選擇不多，份量太少，未能醫肚之餘，也許要結賬後想辧法找尋其他食物吧？

今天第一次去這間食店! 座位有d窄, 或因要擺多d檯！🤨！叫了2個日式午餐丼！先來有味噌湯及蒸蛋，兩款都熱而且味道都唔錯！再來主角魚生飯，都幾好！可惜的飯少d! 很黃的店吃得舒服！❤️❤️❤️！會再來食西式set ! 見到份量好大，賣相好！

話說我生日，朋友同我揀左呢間餐廳去食lunch，事前我地係唔知呢間野係深黃店，咁我地去到覺得冇乜所謂就照入。我哋明明預先book左位但就奇怪話店裏面冇位，要我地坐住出面個張枱先，咁我地就照坐但死都唔叫野食住，怕叫左佢唔肯轉俾番我地入去，因為呢一日其實係10月仲係天氣好熱，最慘係咩呢，就係我哋隔離枱班人成枱食煙！！！搞到我地好辛苦吸住二手煙黎等，睇住佢入左幾班人都未到我地，我地就吹左幾次先有得入。好啦入到去諗住乜事都冇，點知叫野食就叫乜冇乜，黎餐湯都可以黎錯，唔緊要照飲！點知連餐湯都勁難飲！味憎湯勁咸，羅宋湯勁酸！心諗唔係嘛！到主菜黎啦，其實就真係好普通既質素，比難食好少少，但就未去到好食，就同旺角登打士街d樓上cafe咁既味道囉。。。。但個價錢呢就貴好多囉，過百蚊都碟，性價比極低到最後點解我地會嬲，係因為我d朋友原來偷偷雞買左蛋糕，但係東海堂既，咁佢地冇諗過間舖會唔鐘意，就叫佢哋幫手雪住先，到店員一拎出嚟個下，作為生日個個應該係驚喜同開心既，但個店員就竟然好串咁同我哋講，呢個蛋糕我地係唔會切既！你哋自己切番！仲有你哋最好都係唔好買東海堂啦美心集團架！哇大佬！個下我哋全部人嬲左！就因為東

石門出名黃店多，若說當中的俵俵者是「Explorer Fusion Restaurant」的話，相信無人敢反對。未入餐廳，已見門口貼滿了反送中文宣，並自設連儂牆任由食客寫上訴求，良心黃到發光。美食方面，餐廳提供日式和西式選擇。或許正因為如此，餐廳名字會有fusion一字。今晚，由於有準媽媽在場，所以我們全點了西式starter和main course。我們先來兩個starter，分別是焗芝士肉醬薯角配芥末酸忌廉（$68）和水牛城棒棒雞（$88）。連皮薯角炸得香口，芝士肉醬有粒粒肉碎，味道香濃。肉醬必須用薯角盛著來吃，否則會感覺頗鹹和膩。水牛城棒棒雞一碟四隻，雞鎚是單骨兼骨肉分離，很易吃。隨碟有三款醬汁，我試過一隻雞同時間沾滿三種味道，享受真正fusion taste！嘆完starter，輪到main course出場。慢煮挪威三文魚配薯角（$138），三文魚熟度剛剛好，肉質嫩滑，不過略嫌份量太少，一個人都不夠吃。經典卡邦尼意粉（$128），鋪滿芝士和煙肉，是最正宗的傳統款色，不特別出色，亦不失色。「Explorer Fusion Restaurant」氣氛很chill，食物tasty，

一直都以為石門是一個杳無人煙的地方，就算有食肆都會是大集團的，但這裡真的多了很多小店食肆，所以不得不再長途跋涉再過來一嚐好食物 這次挑選的是一間小本經營的酒吧，店員都在忙著為萬聖節佈置🧛🏻‍♂️，而所有佈置都非常有特色，圍繞著整所餐廳，令人不得不駐足看看，亦欣賞一下店員的創意和不同人所設計的海報❣️ 餐廳裡的座位都非常闊落，座位與座位之間都有一定的距離，坐得非常舒適，但想不到這所餐廳都非常滿座，我們6:30pm到來吃飯已經要坐到外面吃了，裡面全都已經訂了枱，幸好最近的天氣都非常好🌤，不冷又不熱，很舒服，所以毫不猶豫便接受了店員的建議，不得不提的是，所有店員的服務態度都很好，一句簡單的"come on"，一種用心去招待食客的態度，和平常所體驗到虛假的服務價值是截然不同🥰 餐廳的食物都比較特別，是fusion來的，所以會有西餐之餘亦會有日式的，因為都想試試這兩款菜式，所以便一人叫了一樣試試 🥢慢煮澳洲羊架，配時令蔬菜 $220羊架有三塊🐐，旁邊都配上了沙律菜🥗，再加上薯角🥔，份量比較適合食量少的我，但羊架都煎得很好吃，肉汁都鎖進了羊架裡，一咬下去，啖啖的羊味在我的口內散開，而且吃下去不會太羶，