玲瓏小鎮

Open Now

Now Closed

突然想食台灣野，見間鋪裝修幾靚就入去試下，點知食咗個空虛😮‍💨1. 炸豬扒滷肉飯 $50啲滷肉唔係台灣菜嘅味道，反而似係梅菜肉碎飯；個滷水蛋無味又硬又鞋口….炸豬扒就不過不失，食得落口已經要讚2. 豬頸肉蔥油伴麵 $50食過最難食嘅豬頸肉！首先係縮水縮到鞋哂口，其次係個味道，好難食唔識形容😵‍💫似係過期美極醃過嚟咁跟住個伴麵，預咗係油咖啦，但佢係恐怖到攞啲油浸住啲麵咁！！重點係！！完全無蔥油味，好似食緊菜油浸麵咁😔3. 蒜泥白肉小食 $42味道若然以川味食物嚟講，可接受嘅（但我喺台式食品餐廳？）啲肉好大塊，重蒜，但啲辣好奇怪，會食食下突然有一兩塊特別辣4. 跟餐加咗兩杯烏龍芝士奶蓋 $20/2痴線唔好比個芝士奶蓋呃到！淡到好似飲水咁，無甜味，但又無茶味，又無芝士奶蓋味，我地都唔知自己飲咗啲乜🤦🏻‍♀️最嬲係，一路食野，個呀姐一路吸塵，明白你趕住收工（果陣都21:xx，佢地收22:30）你抹枱/搬櫈上枱都唔係問題，但我地仲食緊野，你就喺正隔離開住個吸塵機吸塵，一路吸，吸塵機就一路排氣對到正張枱啲野食，吹落塊面….咁樣真係好咩😭😭😭最後兩個人食埋單$162，勸大家無咩事真係唔好去試，你值得嘗

話說琴日同女友一行兩人，路過太子行到攰攰地，係門口見到間野裝修得幾書服，又有下午茶餐，咁就入諗住去食個tea, hea一下。一入去坐低，咁梗係拿拿聲叫野食，點知得正餐點餐紙，問個店員先有拎兩張下午茶紙，有少少唔老實feel我就叫左個麻辣撈面餐，配台灣腸、瀂豆腐、同麥樂雞，再加10蚊珍珠奶茶。女友仔就叫左個撈面餐，鹽酥雞，瀂豆腐，同茉香奶茶🥤。啲野食一到，見到都唔想食。1. 台灣腸，白晒晒咁，好似係雪櫃未溶雪咁，唔香，無味，衰過我自己係屋企煎😂2.瀂豆腐，凍同硬過我條命，咬左一口，個質感已經無食。3.炸物，全部好多粉，但勉強食到，如果炸野都擺唔到入口，咁真係屎都有得你食4. 叫麻辣拌面，黎左個麻醬拌麵😂，海獅同企鵝都搞錯？😂，但食左兩口無食，衰過我屋企老媽拌麵😊5. 兩杯野飲叫左少甜，結果佢兩杯都走晒甜😂😂😂可能知道我會寫呢篇食評😂，只係飲到奶粉😂，飲水好L過真係最後，呢間野，原全無心機做，係我咁廿幾年黎食過最難食既餐廳，😂如果想試吓，難食既定義，快啲去試吓。呢間野簡直侮辱左餐廳兩個字🙈希望佢快啲執笠，唔好再害人，唔好再令肚餓既香港人上當🙏🏿🙏🏿🙏🏿

中午的時候，過了來食咗一餐晏晝真係令到我好氣憤忍唔住要即刻開咗個OpenRice嚟到去將呢件事情公諸於世嗰日食咗個肉操飯真係極之難食點解仲要等咁耐先可以上菜，我落咗單一陣間個侍應又無啦啦無左張單，好啦我再留多一次又要繼續等無了期咁吹左兩次都係等咗好耐，嚟咗個飯竟然係凍嘅而且啲肉醬好唏噓得個少少肉燥，真係值呢個價錢咩？又唔好食玫瑰珍珠奶茶淡而無味溝咗水一樣，啲珍珠有冇彈牙而且好似未煲熟咁食食下野會有隻小強行過嚟呢？呢間野真係我下次都唔會再幫襯又等得來又唔好食

住係附近， 每次離遠經過， 有時未開閘，都只係見到個藍色招牌， 覺得好老土， 以為好殘舊，完全冇興趣入去食。 今日行近經過開左閘， 門面係全木設計，原來好靚好乾淨， 好文青。 叫左牛肉面， 起司肉鬆蛋餅， 夜市拼盤， 涼拌青瓜， 珍珠奶茶。牛肉面既面好彈牙， 牛肉有牛展加紅燒牛肉， 好淋好入味， 蛋卷都好香口唔油膩， 青瓜好爽脆， 雞翼係單骨， 好方便好啱小朋友食， 價錢唔貴。 強烈建議換個招牌，襯返個文青風格， 應該會吸引好多客人幫襯。

放工經過見到門面ok 所以入去食店員有禮貌嘅入面好靜 個人幾中意 木質枱櫈有feel 有空間感但食物真心一般 雞係唔脆到左飲品點知杯嘢熱到傻個杯隔唔到熱叫左蛋餅都幾impressed 嘅因為入面有菜 係爽口小店張食物質素&外觀提升少少都有潛力嘅

📍 玲瓏小鎮 ~ 深水埗福華街13號嘉華樓地舖呢邊嘅深水埗真係反而唔係成日行過嚟，始終都係比較遠，不過我有朋友介紹附近有間台灣小食，咁知道有台灣嘢就一定會去試吓啦😂😂因為太耐冇飛，唔去得都可以食下台灣本土嘢😂😂😂1)紅燒牛肉麵，精粹係喺個湯度，不過我始終都係冇台灣嗰啲咁濃厚，有嗰個味道不過都係爭咁少少野🤷🏻‍♂️🤷🏻‍♂️🤷🏻‍♂️但係都屬於正宗，牛肉比較軟熟，咬落去唔會好奀，😂😂牛肉味好重🤤🤤🤤個面住得唔會太林啱啱好2)涼拌小青瓜，味道清新好多蒜頭🧄😂😂3)夜市小食拼盤，不過不失，拼盤有花枝丸，鹽酥雞，台式香腸同埋炸雞翼，鹽酥雞比較好食4)麻醬乾拌麵，睇落好似好好食咁，因為我唔想食花生醬，所以就只打卡冇食到😆😆😂😂環境文清風格，價錢合理，有少少台灣feel所以就拉高左個CP值😆😆😆😆覺得可以加分同推介👍🏻👍🏻👍🏻

呢間餐廳附近其它嘅餐廳環境整體我比個「地踎」去形容。 嗰日夜晚九點諗住求其搵啲嘢食，咁啱間餐廳隔離好多政府時租泊位，我就拍低左架車抱住沒有什麼期望的心情下去嘗試。首先門口個姐姐好熱情又有禮貌，行到入間舖頭就好似去咗台灣嘅文青咖啡店。而坐左入去之後啲食客質素都好高 （我三日裏面去咗兩次啦已經），佢嘅裝修都好有心思。叫咗餐之後，我有個小習慣，我會刻意去睇吓廚房入面嘅衛生情況，我分別偷望左五六次，我發覺裏面廚房嘅職員每一次都帶實個口罩同埋手套🧤，啲樣嘢我好欣賞，令我食得好放心！ （重點係其實餐廳範圍望入廚房個窿好細，如果唔係有心好難望到入去）所以我都覺得佢哋嘅自律！當啲食物嚟到之後，個份量對男士來講係啱啱好，對女士來講係多咗少少，不過好好味！尤其是佢哋嘅肉操，真係唔多肥肉，喺香港黎講係少見！飲品先係重點，佢個杯芋香奶茶同埋玫瑰珍珠奶茶🧋我比接近滿分，佢嘅凍飲仲要包到好似出街買嘅珍珠奶茶咁，又衛生又方便。我平時好少打食評，我見到呢間餐廳嘅劣評好似好多，我睇唔過眼，所以先嘥時間打呢篇食評俾大家睇。因為佢係唯一一間餐廳令到我三日裏邊去咗兩日，大家得閒可以去試吓。 唯一嘅缺點可能係提供嘅菜太少，希望

工作到這位置，本人自己很喜歡台灣食物，試試這一家看看。店舖不是太多人，枱的位置不是太迫，感覺舒服。喜歡店舖的木色，牆身是白色，加常寧靜的環境，整個人也很放鬆。牛肉麵十分正宗，有各部分的位置，牛腩肉鬆軟，沒有渣。拌麵十分正宗，麻醬分量足夠，未試過食到最後都仲有汁掛著，重味道，又不鹹。上面的紫菜很脆口，特別。飲品也是一樣，如台灣般不用下糖。下次一定會再叫拌麵的。

我知道係我衰明知道劣計如潮 卻走左入去試因為附近兩間台灣野都好難食 而我真係好鍾意食台灣菜 於是心諗開張都兩個月多 應該改善不少嘅心態 入咗去試！滷肉台灣小香腸飯飯唔係用珍珠米好扣分 香腸冇甜味冇香味 隻滷蛋先至係嬲 我咁多年人未食過一間係唔新鮮 係果啲真空包裝嘅滷蛋！唔熱扁身冇滷水味😅鹽酥雞肉燥拌麵鹽酥雞真係唔知炸左幾耐 雞唔嫩 炸皮唔脆 同炸麵粉差唔多 感覺係買急凍炸雞再烘熱肉燥d肉都好得意下 唔係免治肉碎咁 好似啲肉鬆渣咁嘅 個汁係ok 但我expect 係台灣手工麵 佢嘅麵係偏淋 冇咬口 好滑身嘅😅最後講埋杯抹茶奶！我的天🤦🏻‍♀️佢係一杯綠色嘅茉莉茶🥲另一杯四季春奶茶 係杯衰過好立克嘅奶水🙈除咗裝修環境好坐 間野食物質素真係零誠意喎👋🏻👋🏻

放工諗住食個快飯 叫左土匪牛肉飯（$48）點知落單後40分鐘後先上菜個飯仲要一pat汁🤮完全同土匪扯唔上半點關係都算啲飯係濕到真係有聲 （可惜upload唔到片）啲汁喺碗底浸住啲飯 係完全食唔落🤮同侍應阿姐講個飯既情況 佢話係伴飯 係咁我心諗 我叫土匪牛肉飯 唔係汁伴飯！🤬無sorry 亦無意思要換俾我 🤬諗諗下等佢換俾我 可能又要等40分鐘先有得食☠️望望側邊叫外賣既情侶 佢地個外賣等左50幾分鐘….🥲所以死死氣 只係食哂啲牛肉就走人平時都唔留差評 但真係想佢快啲執笠少啲人中伏所以開post極差評 永不錄用

兩個人食一人叫一個餐只是麵及熱飲但等候時間非常耐超過30分鐘，麵及飲品才來如果你好肚餓就千萬不要去這間餐廳我怕你餓死都未有得食等候過程，我們並沒有催促但女職員上餐的時候，以惡劣的態度說：「我們是跟單做的。」當時我們都對於她的態度及說話感到十分驚訝！相信曾經有不少客人投訴另外，由我們坐下至用餐完畢，枱上不停有螞蟻出現整餐飯差不多拍死十幾隻難道螞蟻才是主菜？看到這裡，即使有多好食，相信你都不會去吧食物及飲品味道一般友人說他的滷肉飯是凍

樓面長時間冇人自己寫完單交卷去廚房都算2個小食、一個皮蛋、一個白肉2⃣️個飯35分鐘只出了一個凍吃小食味精好重😡😡最後趕時間全單取得冇收錢香港地開食店咁樣真係唔掂

前兩日搭巴士經過見到新開咗新食店，諗住身邊嗰位唔洗加班去試吓新嘢啦，太子附近都無咩台灣食店嘅。一開門入去樓面得一個高嘅男侍應，佢無安排我哋入座，叫我哋自己搵位座。餐廳入面嘅佈置行文青路線，樓底好高，坐位都好闊落好舒適。落咗單上菜時間會慢啲，都等咗一陣，如果加單係要等超過15分鐘嘅，建議叫嘢食落單就一次過啦！我哋叫咗4樣嘢食，跟餐兩杯飲品。土匪肥牛飯(辣），洋蔥好惹味，身邊嗰位話洋蔥好食過牛肉，合格嘅，但佢話食完好滯。。麻醬乾拌麵，其實呢我本身叫蔥油乾拌麵嘅，但都整咗，廢事浪費食物叫人再整過呢，麵好大碗，唔會太乾哽嘅。超司肉鬆蛋餅，入口有淡淡嘅肉鬆香，蛋餅入面有起司生菜上面有沙律醬，可惜無咩肉鬆，如果女仔鍾意清清哋可以一試，重口味人士會覺得有啲寡。因為食得有啲滯，後加咗一碟涼拌茄子。諗住涼拌會係冷盤點知係熱嘅，仲要好好好油麗，好似食咗好多啖油入口咁，食咗半碟唯有放棄。。。飲品就正正常常無咩特別，凍冬瓜茶跟餐加$5，玫瑰珍珠奶茶加$10試咗4款嘢食，但只屬於平平，啱啱新開希望有待改進啦，但地方係好坐嘅！

路經深水埗, 見到一間隱世台式料理, 裝修十分簡約明亮, 就想入去試下啲台式嘢叫咗一份鹽酥雞肉燥伴麵 (辣), 再另加一杯茉香奶茶鹽酥雞肉燥伴麵嘅辣度偏濃, 蓋過咗肉燥嘅味道, 而肉燥肥瘦適中, 麵質尚算彈牙, 如果可以更爽口就更佳反而鹽酥雞有驚喜, 炸得外脆內軟, 肉質水嫩, 咸度適中茉香奶茶奶味偏重, 反而冇咩茉香, 不太推薦

不可一不可再😢😢😢😢在星期日下午跟朋友叫了5份蛋餅，其中2份在45分鐘後到，其中2份要等50分鐘，最後1份等了一共55分鐘。過程中男性職員態度惡劣，在我們向餐廳反映時，大聲說：「得喇，知你地催咗10次!」但我們只反映了大約3-4次，實在十分失望🤢😢本來對餐廳有一定的期望，但我想我永不會再去了🥺🙃勸大家睇路🤢🤢🤢🤢唉，本身心情不錯，但真的被它毀了，不敢再有甚麼期待。🥶🥶🥶🥶🥶🥶