Fairy Tale Cafe (Closed)

食完晚餐，對女生黎講，甜品總係有另一個胃而且通常係DINNER時間話題仲係傾唔完，緊係要直落下場，去食返個甜品滿足一下!//今次行下行下經過隱世Cafe，雖然地點比較偏僻 (其實就係大埔墟火車博物館附近) ，但都有驚喜美食呀! 店裡環境係TIFFANY GREEN & BLUE 為主調，所以好適合女生gathering! 今次我地兩個女仔，因為胃口亦較細，就嘗試左佢地既 綠茶紅豆軟糕吐司。 其實整體感覺好韓風架 (因為成日見到韓劇女仔都會食依類型既甜品) ，一有吐司到我地已經''哇""一聲，因為好靚! 佢既擺碟﹑綠茶香味都出晒黎。影完一輪相終於開動，特別一提係多士入面既綠茶汁係味道幾濃下，而吐司上面又有綠茶醬，甜甜紅豆同凍冰冰綠茶雪糕，除左"好綠茶"之外，就係口感非常了!不過唔鐘意綠茶既朋友，可能就要嘗試下其他甜品了，但整體份量都適合兩個細胃女仔架!

下午4 點左右去到， 只有一件綠茶卷蛋同一件朱古力蛋糕係雪櫃， 餐牌有綠茶心太軟，其他人既甜點都唔見有，點了綠茶卷蛋同慢煮和牛配牛油果沙律及冷面， 味道不錯環境係幾污漕， 入門口已見到門上好多塵同污漬， 因為3 個人既關係， 坐係門口隔黎， 貼住牆同咖啡機， 牆身全部都係污漬， 我要好小心掛手袋， 唔敢掂到幅牆， 咖啡機背都係好多污漬， 機旁機面全部係黑色點點同灰塵! 洗手間洗手盆好多漬， 膠邊全是黑色霉，水喉頭出水隔有問題， 一開彈到我成面都係食物味道係冇問題， 但係成間舖感覺係冇人清潔，好失望!

大埔向來有不少地道美食，最近又多了一款人氣名物，就是這家店自創的抹茶紅豆軟糕吐司，聽聞試過周末要等上兩小時才能入座，好瘋狂！我當然揀了平日的下午來，估不到也幾乎坐滿。來這裡一心想試其招牌抹茶紅豆軟糕吐司，見幾乎檯檯都叫，又是即叫即做，結果等了近30分鐘才上桌，多士上鋪滿深綠色的抹茶醬、紅豆，還有一球抹茶雪糕，用刀一叉再拉，竟然拉出長長的如芝士般的牽絲，剛烤起的抹茶軟糕超軟糯，多士亦夠脆，茶味超濃郁又有紅豆的甜香中和，不過 After taste有少少澀，而且一定要趁熱食，不然軟糕放涼了無咁軟糯。味道不是不好，只是沒有好吃到值得等上 2 小時吧。同行的抹茶控友人再叫了抹茶紅豆雪冰，刨冰混以抹茶粉及煉奶，加上抹茶軟糕、紅豆粒及抹茶雪糕，基本味道就跟抹茶紅豆軟糕吐司茶不多，吃多了也有點厭，而且刨冰亦不夠幼細幸好紅豆抹茶卷挽回不少分數，抹茶海綿蛋糕做得極鬆軟，入口微濕潤，最正是忌廉打得輕盈幼滑，中間捲着抹茶慕絲及紅豆餡，茶味及甜味都恰到好處，是我吃過最好味的日式卷蛋之一，絕對值得Encore！

有冇諗過原來做完健身係可以去食健康餐？冇聽過？今日我就參加左ATUM嘅yin yoga，從來未學過正式瑜伽嘅我第一次參加都唔會覺得好難，只係覺得拉筋有啲吃力，有啲筋位唔係好拉到，平時又唔會特登去做伸展，不過好好彩導師好好人，佢會因應我哋嘅個人能力去決定我哋應該做不同動作嘅難度。大概1小時之後上完堂，就去返呢度嘅更衣室更衣，裏面都好乾淨整潔。上完堂之後行過幾個鋪位就去到Fairy Tale食健康餐，其實呢間餐廳好耐之前我有來過，曾經亦都有好多媒體推介過。有唔同嘅健康餐可以選擇我就揀咗慢煮和牛水耕菜沙律同埋糙米飯。全部嘅纖維素都好高。個飯盒真係特別精緻，雖然等左好一段時間但係冇令我失望！糙米飯上面加上五穀粉食落去特別有口感好香又有麥味，溏心蛋鹹鹹地流晒汁，加埋時菜一流呀。慢煮黃牛口感很軟熟，水耕菜特別大塊，証明是有機的，加上黑醋汁倍感新鮮。

在大埔的一間 Cafe，係鐵道博物館附近。野食有驚喜，比起好多地方都來得好食。有些食物着重健康，寫埋有幾多卡路里，而且賣相唔錯，值得一試。今次叫左All day breakfasr，三文魚蕎麥面，安格斯漢堡同朱古力Pancake，下次會再黎。

呢間小店嘅位置相當唔起眼，身為大埔街坊，唔係咁啱經過仁興街都唔會留意到佢呢。店舖唔算好大，都算多食物選擇，有pasta, burger, 小食同甜品。 今次試左兩款幾特別嘅甜品~1. 抹茶紅豆軟糕吐司落左單等左一輪終於有得食，兩塊方包烘到好香脆，中間夾住抹茶軟糕，切開嘅時間可以拉絲添! 面頭再配埋紅豆同抹茶雪糕，唔單止賣相一流，食落口感都好豐富，外脆內軟，一冷一熱，而抹茶味都算濃。正👍不過得兩個人食會比較飽肚，可以多啲人share。2. 雜莓Dutch baby呢個荷蘭烤餅連住個細pan 一齊上，有大量鮮雜莓同埋一個雜莓味嘅慕士/布丁(?)，sauce自己再淋上去。同個吐司啱啱相反，食落酸酸甜甜好開胃，而且好鬆軟，好快就消滅左~

抹茶紅豆軟糕吐司 ($53)😍韓風就永遠唔會out嘅🤘🤘兩塊外脆內軟嘅多士用熱度融化年糕 煙韌得黎帶少少軟糯😱😨加多球甘甘地嘅綠茶雪糕同微甜紅豆 簡直perfect池👅👄------------------------------整體評分⭐(5分為滿分)味道：💋💋💋💋份量：💋💋💋💋環境：💋💋💋態度：💋💋💋💋賣相：👀👀👀👀------------------------------Fairy Tale Café 💫地址🏢大埔仁興街2號地舖前往方法🚗太和站A出口,步行約7分鐘------------------------------👉🏻#MBW甜品 👉#mbw大埔

無意中入左哩間cafe, 食物價錢偏貴，咖啡價格正常。出奇地杯Rose Cappuccino 一見個賣相已好靚，啲泡打得好綿密，動L的，飲一啖充滿玫瑰香， 抵讚好like 哩杯咖啡。友人的Hazelnut Cappuccino都好好飲。Hotdog 都好食，係貴，tea set又無包野飲，希望可以包咖啡，就會再去

可能只有一桌人的緣故，上菜也很快，老板一個人做的生意。招牌的抹茶紅豆拉絲吐司沒讓人失望，真的可以拉絲，而且分量足，很有咬口，但是味道就一般般。另外一個冬陰功雞翅味道比較特別，說不上好吃，但是挺有創意，而且分量足，肌肉飽滿。總體性價比高，可是太遠了所以只能去一次吧哈哈。

又係一條麻甩做食神，今次係大埔呢間，其實行過見到有少少girly，一個麻甩的我都有少少尷尬，不過鼓起勇氣入去試一試佢.裝修OK嘅氹到下女朋友，但係我一條麻甩當然搵過暗角位自己死埋一邊坐，懶係健康叫個沙律再叫杯咖啡。好坦白講價錢貴左啲啲。沙律真係冇話好唔好食OK新鮮。杯咖啡幾好飲。會唔會有下次？除非比我溝到條女啦

今次路經逛街，見新開，去試一試。價錢貴，食物質素只係好似隔夜喺雪櫃拎出嚟咁。應該凍嘅雪糕唔夠凍，應該係熱嘅pancake竟然喺凍。個人覺得係唔好食嘅。店員非常無禮。是一次非常差嘅用餐經驗，永久bad list。

拉絲——除了芝士能夠製造此「呃Like」效果之外，當然少不了煙韌萬人迷代表：麻糬。多年前已經曾在網上看到FairyTale Cafe的拉絲抹茶軟糕多士，抹茶、麵包、麻糬，三種惹人垂涎欲滴的材料結合起來絕對是扣人心弦，曾經在觀塘小火焰韓國餐廳品嚐韓式抹茶年糕多士，更加決意要一試FairyTale出品決一高下。抹茶紅豆軟糕吐司 ($53)兩層薄切麵包夾著抹茶軟糕，然後加上抹茶雪糕及甜蜜紅豆蓉，並淋上抹茶奶醬，三重抹茶滋味。麵包烘得外脆內軟，薄身質地令夾層抹茶軟糕的煙韌口感更為突出，軟糕抹茶味濃厚且帶適量回甘，而抹茶奶醬則與韓國大熱那款味道相差無幾，提升整體麵包的濕潤度。抹茶雪糕冰感較重，抹茶味薄弱，個人認為雪糕質素絕對可以更好。小火焰的抹茶年糕多士用上原味年糕，FairyTale的甘甜抹茶年糕固然更勝一籌；雖然FairyTale的麵包薄身能令年糕煙韌度提高，不過小火焰的年糕部分相對較厚，與厚身麵包比例均稱，兩者煙韌程度不相伯仲。老套直說，其實兩間出品的抹茶年糕多士各有千秋，總括而言追求滿足感的人可以選擇小火焰，而追求較濃抹茶味的則可以一試FairyTale。餐牌：

經朋友介紹下,黎到呢間位置較偏僻餐廳,雖然餐廳比較細,不過佈置好靚!當日叫左個大菇burger,比想像中好食!個菇非常juicy,包皮微暖,加埋菠蘿,估唔到咁match一場黎到,就係為左食佢地ge 甜品dutch baby一上枱已經好吸引眼球,有好多雜莓,好足料!中間個布丁好好味可惜唔夠厚,一陣風就食完..下次會再黎試其他dutch baby不過出食物速成比較慢,等好耐,但反而可以令食客等緊果陣傾多幾句

星期天假期特別在大埔試吓不同Cafe😊今天找到這間，點左All Day Breakfast & Egg Benedict...感覺賣相都唔錯...但見到碟子上花紋窿窿，充滿着黑色污跡，感覺很不乾淨😝😝另外食物就普通...但最好改善職員多點笑容及招呼比較好😉😉希望這間餐廳有些進步，才能夠可以回頭再試！

同朋友行到身水身汗, 黎到呢間CAFE叫左D茶點首先黎既係玫瑰雪巴, 味道都幾清香的, 好消暑, 不過份量如果多D就好了第2樣係翠(枺茶雪糕心太軟), 一凍一熱咁好好食, 上中下一齊食唔會太甜最後係DUTCH BABY PANCAKE, 本身味道都估到大約係點, 不過估唔到加左LEMON之後味道係昇華左既, 簡單不過好好食