尚膳養顏滋補鍋

Open Now

Now Closed

繼續食唔停，今日係食台式火鍋，呢間聽個名都正「尚膳」好似好養身一早訂左位，去到唔洗等，入內環境整整齊齊，原來仲有房架！一入鋪就聞到藥膳味道我地坐低睇餐牌，侍應都有介紹湯底，我地揀左鴛鴦鍋，美人鍋併麻辣湯中辣！香噴噴火鍋先上，侍應叫我地水滾後先飲美人鍋個湯，湯底滋潤，唔咸，好好飲，裡面仲有烏雞桃膠，正到爆燈呢度仲有佐酒小食，我地班大食妹邊會錯過，點左鹽酥雞，泡椒魚皮，麻辣滷味併盤！小食都唔算細份，都對眼喎！鹽酥雞炸到脆身，唔油膩，好食！泡椒魚皮必點，爽脆帶少少辣，惹味，佐酒小食佳品火鍋配料就點左手切牛頸脊，嫩肉又淋有牛味，正！脆肉鯇兩食，薄身片又脆，鯇腩彈牙爽脆！手打牛肉丸/墨汁墨魚丸/手打蝦丸，真材實料，掂既！我最愛新鮮鵝腸，10秒就搞掂，好邪惡但我忘記影相之後仲叫埋雲吞同水餃，我覺得就一般啦！整體黎講，湯底配料小食都好高質，星期五既仲有8折，冇限時，侍應服務周到，值得推介

這一餐係8月打風改期，又改期到現在才吃，剛好秋風起，朋友建議晚餐食打邊爐，便三人行食火鍋。湯底：湯係魚頭併烏雞，夠曬鮮甜滋補👍🏻👍🏻👍🏻👍🏻👍🏻。話曬我哋都係牛魔王一族，牛係必食嘅。安格斯肉眼牛，有牛味，冇根，不鞋，超級好味👍🏻👍🏻👍🏻👍🏻👍🏻。蟹子墨魚滑，好味，彈牙，兼且賣相靚👍🏻👍🏻👍🏻👍🏻👍🏻。 另外，牛胸爽帶點酥味，一般，其他鴨血、鯇魚腩等等，好好味。七折後成為一千蚊。一定會再去食👍🏻、環境舒適，員工服務好👍🏻。

好耐無去台灣嘅你哋，又有無好掛住台式靚料養生鍋呢？🥲🥲台式火鍋真係一試難忘，湯底永遠係重點，往往用足料藥膳去熬製，清到可以當老火湯咁飲翻幾碗！前排去左旺角試左呢間養顏滋補鍋，聽個名女士們就岩哂啦🤪重要嘅野一定要分享！上openrice book 枱有七折。係七折！七折！一定要記得book 枱啊📣餐廳環境闊落坐得都幾舒服，空間感充足😙🍲尚膳養顏美人鍋 $➊➑➑湯底選擇左呢個推介嘅養顔美人鍋，用左大大件烏雞雞件同杞子同藥材去餚製，未落食材前一定要飲翻一碗，鮮味到不得了，唔會油膩十分清，藥材味道亦都好岀♨️鴛鴦鍋嘅另一邊係麻辣鍋，小辣嘅辣度對我黎講就岩岩好，唔會太chur 但又好惹味😍🥩安格斯手切牛肉 $➋➑➑手切牛肉油花分布均勻，以雙飛切法塊塊靚仔大片，輕輕烚十多秒牛肉轉色就食得，安格斯牛嘅牛味特別濃，咬落肉質十分腍，大碟嘅分量2-3 人食都足夠😚🫔蟹棒響鈴 $➌➑鮮製蟹棒響鈴脆卜卜，輕輕放湯1-2 秒就足夠。每件響鈴size 細細岩哂一口一件，索哂湯嘅精華就真係食唔停口！🦐手打蝦丸 (半份) $➍➑🦑蟹籽墨魚丸 (半份) $➍➑丸類食材可以半份咁嗌，2個人黎都可以試下不同款。叫左蝦丸同埋墨

朋友要走，去咗打邊爐farewell🥹 尚養嘅滋補養顏火鍋就啱晒啦～ 臨走之前幫佢補一補😌♨️滋潤魚頭靜心鍋 & 尚膳麻辣鍋（小辣）$188我揀咗個魚頭湯底。雖然入面嘅湯底材料，我識唔晒，但除咗半個魚頭，仲有半隻烏雞🤩 鮮香之餘，又夠滋補🥰朋友愛辣，揀咗個麻辣湯底，入面有紅棗等滋補材料，仲有鴨血、豆腐😋 滋補又惹味～🎈水蓮餃(半份）$42🎈釀冬菇墨魚（半份）$48🎈即炸響鈴 $48🎈雜菜籃 $68🎈牧場羊肉片 $128🎈手打蝦丸（半份）$48🎈魚皮餃(半份）$42佢哋嘅手工餃值得試，餃皮薄滑，肉餡飽滿，咬落仲肉香帶汁😋 仲有自家丸都唔錯，有咬口；羊肉唔羶，配麻辣湯底一流👍🏻 價錢算幾抵食～ 另外，次次都會叫雜菜籃，通常都抵食，又一次過試晒啲菜😎響鈴必食❣️新鮮即炸💕 忍唔住已經即場encore咗🤣🤣🤣

注重湯底嘅朋友一定鍾意呢間叫咗一個麻辣拼魚頭烏雞湯麻辣嗰邊意外地有埋鴨血同埋蜂巢豆腐魚頭烏雞嗰邊真係有一個魚頭同埋半隻小烏雞淨係見到湯底都覺得誠意十足肉方面叫咗一豬一牛都係肉類最便宜嘅一款但係質素一點也不差 肥瘦適中 新鮮重肉味呢個自家製手打芝心牛丸同埋黑色墨魚丸都10分推介 牛丸表面嘅白色煮完之後就不見了 牛丸多汁有賴尿效果另外仲有自家嘅韭菜餃 係我個人很喜歡的菜多肉少 最重要的係皮薄餡多仲有韓式年糕同埋薯粉份量好多 一份薯粉都分到三碗呢

朋友食過話好好味，特登帶我黎試試～中式裝修古色古香，襯返招牌主打養生鍋既style❤️清湯牛腩鍋 清甜腩既湯底，又香又甜！超多件牛腩又香又冧好高質!!️🧡墨汁墨魚丸 自家製既新鮮墨魚丸，爽口彈牙大大粒，墨魚粒粒好有咬口💛芝心牛肉丸 新鮮牛肉丸入面，一啖咬開係流心芝士，好邪惡好正💚鳳城水餃 自家製手工水餃，包得好靚，偏重味餡料好飽滿💙寬粉條 牛腩+湯底既甜味，再加埋滑滑寬粉條，好似自製清湯腩粉咁，特別係呢個牛腩湯底超推介要嗌寬粉!!💜飲品 杞子圓肉菊花露好清甜，淡淡既圓肉香，好滋潤～烏梅汁酸酸甜甜好開胃，凍冰冰岩晒打邊爐飲🔖記得要openrice book 檯有7折～野飲係Like FB/IG 送既😌

街坊系列 – 尚膳美顏滋補鍋 💚打邊爐真係一項岩哂大人細路既活動😍但之前一直受到種種既阻礙,制止同禁令😩依家終於可以約三五知己一齊去淥一淥去🍲食完就大叫,好飽呀下次食小啲(但下次都係咁😆)------------------------------環境:掛上多個紅燈籠🏮係傳統宮廷風設計每張枱都相當既大🤭仲會有個小茶几係側邊唔怕叫得太多野時無位放😝或者會阻住食野清潔上都仲有上消毒劑👍🏻亦無油潰,感覺唔錯------------------------------食物: 金湯牛腩煲 ($188) 🍲打邊爐湯底係最重要🥳相信無人會反對呢一點見到金湯兩個字非常吸引😍仲要有牛腩食,必叫啦金湯顏色的確金黃🤗小編飲到濃濃既雞味😋再帶南瓜甜而且有大量既蘿蔔😍湯底係愈煲愈清甜,非常好味只於牛腩份量真係夠哂多🥰有肥有瘦,岩哂唔同人需求最緊要既係,店員加湯係會加返湯入去🫡味道唔會減淡二人海鮮拼盤 ($308) 🦐想食海鮮但又心思思既可以叫呢一款拼盤🤪有齊時令海鮮🤗款款都新鮮好味,特別係鮑魚同帶子兩款洗得乾淨👍🏻鮑魚仲會介花紋更受熱,輕輕一灼就食得可以保持返海鮮既鮮味得黎😍食落就更加爽口彈牙帶子SIZE大大粒

「尚膳養顏滋補鍋」位於旺角彌敦道新興大廈，平時行開旺角都發現唔到，直至今晚朋友約埋一齊去食火鍋🍲，才第一次光顧，全店以中國特色設計為主題，配合店舖名稱，提供超過十幾款滋補養顏鍋，梗有一款啱你😘😘金湯牛腩煲$188我哋今晚揀咗金湯牛腩煲，金黃色嘅湯底，原來由南瓜🎃 熬煮而成，配合超多牛腩，每件牛腩肥瘦均勻，煲得又軟腍，牛味濃，飲啖湯真係好，好，好甜，白蘿蔔吸收晒湯汁，又甜又好味，唔好錯過😘😘火鍋配料：脆骨腩$88非常嚼勁，有骨腩及脆肉魚片，大大碟，爽脆十足😋豬粉腸$68豬粉腸脆嫩👍水蓮餃（半份）$42前不久第一次吃到炒水蓮菜，愛上了吃起來卡茲卡茲的爽脆口感，今次試試水蓮菜豬肉餃，大大隻，清甜爽脆😋😋釀冬菇墨魚🦑（半份）剛剛好四隻，冬菇先經過油，再釀入彈牙墨魚膠，加上蟹籽，賣相精緻，食落啖啖肉，鮮甜美味😘雜菜盤$68色彩繽紛，又大盤，樣樣都有啲，唔使動腦筋，粟米🌽雜菇、秋葵，紹菜，生菜🥬蕃茄仔😘😘

前晚接左老婆收工之後就去左打邊爐😍係人都知小編係一個邊爐控😂如果日日打邊爐我都冇問題架🤤今次我地就去左位置旺角嘅「尚膳養顏滋補鍋」打邊爐湯底當然係最重要啦，所以我哋先揀咗個湯底！滋潤魚頭靜心鍋 + 尚膳麻辣鍋 雙併鍋底 $188呢個鍋認真不得了，首先講滋潤魚頭嗰邊先，真係由如其名，湯底非常滋潤！店員們溫馨提示我們記得一滾起，要先飲咗啲湯先，然後先再用嚟打邊爐😋好正！非常之入味，有魚頭 同 烏雞去熬成湯底🤤而麻辣果邊辣度岩岩好，湯底入面仲有蜂巢豆腐 同 鴨血😋亦係入哂味☺️芝心牛肉丸（半份）$48墨汁墨魚丸（半份）$48萵筍 $48牛胸爽 $138安格斯手切牛肉（細）$288牛骨髓 $68脆鯇片 $78材料非常新鮮😋尤其係啲牛，非常之有牛味！而脆鯇片又爽脆又大塊！

打邊爐冇分春夏秋冬☀️❄️早排去咗「尚膳養顏滋補鍋」打邊爐😬.金湯牛腩煲🍲湯底加左大量南瓜去煲🎃所以飲落好濃郁嘅牛味，而且非常清甜🤤而且有大量牛腩同蘿蔔🐂用上牛坑腩，大大舊👨🏻‍🍳最少10舊，蘿蔔清甜無渣🥕真係好出色😌.獅頭鵝腸🥢鵝腸肥美😍上枱用冰鎮住🧊濰一陣就食得，好爽😄.釀冬菇墨魚(半份)🍄表面放咗蟹籽🦀冬菇炸過走油🔥然後釀入墨魚滑🦑質感彈牙，幾特別嘅配搭😉.麻辣牛肚(半份)🐄牛肚大塊有咬口😗仲有唔少芫荽同青瓜🌿🥒麻辣惹味🌶.菠菜苗🥬菠菜鮮嫩.寬粉條🍜質感爽滑😆同一般寬粉嘅煙韌質感唔同🥺但係好掛汁👍🏻.水蓮餃(半份)🥟皮薄餡靚，水蓮同豬肉比例剛好🐖而且有少少肉汁😋.迷你芒果雪米糍(2粒)🥭🍨估唔到有飯後甜品😝.杞子圓肉菊花露(2杯)🥤菊花味清香🌼杞子圓肉滋潤清甜🥰茉莉花茶

今日好大雨都無阻出去食好嘢嘅心情，落雨涼涼地啱晒去打邊爐😆😆尚膳環境非常舒服優美，好啱同朋友屋企人慢慢傾計慢慢打，侍應仲非常有禮👍🏻👍🏻⭐️蘿蔔牛腩鍋一見到心諗點解係橙色？原來係加左大量南瓜去煲，湯頭非常清甜！一啲味精都無！食到最後都無口渴嘅感強，好正👍🏻👍🏻唔好以為好少，份量係多到有d嚇親！大量牛腩同蘿蔔！🤤🤤啲牛腩仲要係坑腩！非常腍身，大大舊，最至有8-10塊，好誇張🤩🤩蘿蔔清甜無渣，個湯底我係非常非常之推介！⭐️黑毛豬 (細)😮😮d肉色紅到好似牛肉咁，平時見個啲多數都係淺粉紅色。呢個黑毛豬係非常非常之腍！好有豬味😆⭐️牛黃喉出面好少見到有，食落去好爽口，滾耐少少都唔會變韌👍🏻👍🏻⭐️水蓮餃呢個係台灣名物，所以一定要試！個皮唔厚，啲餡好多好正！⭐️冬菇釀墨魚滑冬菇炸過走油再釀墨魚滑，大大舊，意想不到咁夾，好味👍🏻👍🏻⭐️鴨血呢個反而普通一點，不過份量好多😂好似食極都食唔完咁😂😂⭐️鳳城水餃🥟皮薄餡多，唔錯！最後仲有糯米糍雪糕送，飽到成個人都企唔直😂😂好滿足！

鍾意打邊爐嘅人實在冇分春夏秋冬，今日比我食到一間好耐都冇食到咁高質嘅火鍋店，首先環境好大，每張枱好寬敞，打邊爐坐得舒服是首要👍🏻，跟住就係每位姐姐嘅服務態度，簡直係一流，全程介紹，好好招呼，好多溫馨提示，個個好似開心果一樣，食餐飯都開心啲👍🏻坐低點菜用QR code，版面好清晰，非常先進同方便，醬料是自助式，應該要有都一定有，乾乾淨淨，鍾意拎幾多就幾多，湯底和食材方面，我同朋友第一次打邊爐由頭食到落尾，全部清晒，對所有食材都讚不絕口，真係非常高質素😋♨️湯底方面我哋點咗鴛鴦鍋 $ 188🥘▪️滋潤魚頭靜心鍋 呢個係必食推介，姐姐好窩心會提咗你一定要飲湯先，湯頭鮮甜無比，用上原個魚頭，烏雞，川芎白芷，圓肉等等中藥材熬製而成，我一連飲咗三碗，要姐姐在加湯才可以開始打邊爐，魚頭同烏雞入晒味都好好食㗎，鍾意魚湯嘅朋友一定要叫呢一個鍋底👍🏻👍🏻👍🏻🥘▪️尚膳麻辣鍋麻辣鍋係我打邊爐一定要叫嘅，我叫咗中辣，一上枱見到大量材料浮晒喺面，超級足料，再聞到一陣麻香味，一飲埋啖湯，夠麻夠辣夠香，再食埋鴨血同埋凍豆腐，好正宗超級正🐮🧀▪️芝心牛肉丸 $ 48手打牛肉丸超級彈牙，包住流心芝士 ，呢兩個食材簡直係絕配，啱

疫情開始變好，恢復晚市堂食第一擊，當然要月約齊朋友打邊爐。尚膳養顏滋補鍋依家火鍋店有大量特色鍋底選擇，適合對湯底有要求嘅人黎食，難怪當晚差不多滿座。當日我地點左金湯花膠雞鍋 ，鍋料有半隻雞、5條大花膠倒，擺出黎夠曬霸氣，感覺已經好豐富。店員嘅服務都好好，時不時會幫手落鍋料，經常會幫我哋加湯，主動詢問有咩需要。環境方面亦坐得舒服，冷氣好夠，所以覺得間餐廳物有所值，下次會試埋其他唔同湯底同食材。雞肉嫩滑有雞味脂肪唔算大多。茶芥每位 $20。醬料區都好齊備，大路嘅都有，有多種選擇例如、乾蒜、沙爹醬、芝麻醬、麻辣醬、辣椒、香蔥、芫茜、蒜蓉、腐乳醬等，店員都會主動幫客人加熱，服務非常周到。

一直都想去尚膳打邊爐 由於佢哋嘅湯底選擇真係好多好吸引🤩 最近佢哋做緊期間限定優惠 有7折😱 超掋所以我哋今晚都去左試😍店舖地方好大 卡位大大張🥰 入座後scan qr code落單 然後可以出去拎醬料 醬料區整潔多選擇👍🏻湯底方面花膠雞湯 麻辣湯大家就食得多 清湯牛腩做火鍋湯底大家又試過未？😍 滾起後飲左啖湯真係超正😱 湯底好清但好濃牛味 牛腩好淋 有牛腩片同牛粒 份量多到4個人都一定夠食👅 牛腩高質重牛味 蘿蔔最後先食 入哂味 推介大家一定要試下😆另外佢哋火鍋配料都好高質素好有驚喜👅 我哋揀左以下配料 每款都好正🤩 丸同餃仲可以揀半份 咁人少少打邊爐都唔怕食唔哂浪費😛1. 芝心牛肉丸 超出色必食‼️ 牛丸勁多汁又彈牙 中間仲有邪惡芝士 無得彈💯2. 墨汁墨魚丸 黑魚味好濃 仲有好多粒粒墨魚 又彈牙 一樣好高分🤤3. 蟹棒響鈴 第一次見響鈴入面加左蟹棒 好特別😆 響鈴好香脆 就咁食同浸湯都一流👅4. 墨魚脆脆 類似炸雲吞嘅小食 新鮮炸起點泰式辣醬好味👍🏻5. 鳳城水餃 必點 皮薄饀靚😍 入面大大隻蝦好彈牙 仲有肉汁🤤6. 魚皮餃 正常煙韌😋7. 嫩滑鴨血 超多🤩 有成9片 平靚正🌟

今日係佛誕，長weekend嘅最後一日，諗起聽日要返工，就要食返啲好嘢氹吓自己開心。今日係五波疫情之後第一次同男朋友打邊爐，今次食完之後都非常之滿意，好有驚喜。清湯牛腩煲第一次打邊爐叫呢個湯底，一上枱其實都有啲驚喜，因為啲牛腩同埋蘿蔔係好多，飲淡湯，非常入味清甜，牛腩味濃厚。鮮海蝦一碟有五隻海蝦，竹籤插住但係仲係郁緊，放入煲裏邊條尾都仲郁，超大隻，入口好鮮甜，肉質好紮實，爽口彈牙。墨汁墨魚丸都算唔錯，食落好有咬感，墨魚粒彈牙，不過就唔算話好重墨魚味。芝心牛肉丸牛肉丸手打食落口係彈牙，牛肉肉質好滑，牛肉味重，加埋芝士更加好味。農場滑雞片呢一碟雞片食入口係好爽滑，唔會有鞋嘅感覺而且份量都唔少，值得一試。水蓮餃用水蓮做嘅水餃，我都係第一次食，啲豬肉同水蓮做餡，夾得好實，食落冇鬆散嘅感覺，唔錯。鮮蝦雲吞正常發揮，如果唔太飽，都可以點，因為好飽肚。花生芽第一次嘗試，因為睇到佢幅相覺得幾特別所以試一試，原來係類似芽菜不過係花生仲出嚟嘅芽，就好似一條巨大版嘅大豆芽菜，好有花生味幾特別，亦都好清甜爽口，幾唔錯。嫩滑鴨血好似佢嘅名一樣，嫩滑鴨血，入口好煙煙韌韌，絕對推介。總結，正如上面開始所講，啲牛腩同