尚膳養顏滋補鍋

Open Now

Now Closed

♨️♨️《尚膳養顏滋補鍋》天寒地凍🥶🥶，比個答案小編，唔烚吓烚吓🔥，人生仲有咩好做？😂🤣朋友仔係火鍋擔當，香港絕大部份「正」嘅火鍋店都逃唔過佢嘅法眼👀。今日小編就走去其中一間朋友仔勁推嘅火鍋店打邊邊，滋養吓冬天嘅身心靈😎😌！🔹🔸🔹🔸🔹🔸🔹🔸🔹🔸🔹🔸🔹♣️ 尚膳養顏美人鍋拼麻辣鍋 HK$188🔻🔻🔻🔻🔻🔻🔻🔻🔻🔻🔻🔻🔻又想食辣又想滋陰養吓生💆🏻‍♀️，揀嚟揀去🤯🤯，做人真係好難🤢呀！好彩有靚闆娘！提議我哋鍋底揀「養顏美人鍋」拼「麻辣鍋」🤩🥳😋！🥳真係要講講個美人鍋😍！一上枱已經有成半隻唔細嘅烏雞🐧泡緊溫泉浴♨️咁出場😍。另外除咗好多滋陰養顏嘅龍眼肉、淮山、杞子等滋補藥材外，仲有超級超級多嘅桃膠🤩🤩！真係潤到上太空呀🥳！未落火鍋料之前先呷兩大碗！味道清甜不膩不俗😋👍🏻！另外半鍋麻辣鍋底，味道調得剛剛到位👍🏻！不會死辣死咸🥳👍🏻！湯底裡邊已經有一份靚鴨血和一份蜂巢水豆腐，鴨血真係不得之了！爽口香滑！蜂巢水豆腐吸盡麻辣鍋精神！♣️ 鴨血 HK$58🔻🔻🔻🔻🔻🔻🔻🔻🔻🔻🔻🔻🔻因為實在太正嘞，所以除咗麻辣鍋底本身配的鴨血之外，另外要添加多一份麻辣鴨血！上枱時已經用麻辣湯煮過，可以直接食😋👍🏻！♣️ 西班牙黑毛豬

好朋友生日，話想打邊爐，但唔想食任食個d,趕頭趕命，咁岩上網見到呢間有折，咁梗係試下啦最緊要係唔限時，可以慢慢吹水，慢慢食喺地鐵站行過去都唔使3分鐘，地點好方便呢到裝修好特別，很有古色古香嘅感覺環境舒適，食物新鮮，手切肥牛值得推介海鮮拼盤都好新鮮另外美人鍋 仲有大大隻雞係入邊隻雞仲要好好食而家仲行緊7折優惠，不過湯底海鮮無折但都值得番轉頭！下次會想試下個麻辣湯，見好多人叫最後仲有雪米滋食💪值得推介

有冇人好似我咁? 打邊爐都要揀d食完會靚既湯底🤣疫情前去台灣玩, 都好中意搵d藥膳湯飲今次黎到呢度, 發現佢有養顏滋補美人鍋😍見到美人兩個字已經心心眼叫左個鴛鴦湯底~ 麻辣湯拼美人湯湯底黎到店員會提意飲左個美人湯先開始打邊爐中意飲湯既我, 即刻飲返碗先! 唔係講笑 ! 佢係半隻烏雞係入面, 仲有紅棗, 杞子, 桃膠🤩個湯超清甜入味~ 我係飲左兩碗先開始打邊爐🤣🤣打邊爐多數都會叫d特色丸試下既~ 今次叫左黑松露蝦丸,梅菜豬肉丸呢排真係好喜歡黑松露的配搭, 呢粒丸既黑松露味好夠但又唔係遮掩蝦的鮮香~梅菜豬肉丸又係勁得意, 本人好中意食梅菜蒸肉餅🤣呢粒丸真係好特別同埋好有咬口打邊爐緊係要食牛🐮新鮮本地牛頸脊😙牛味突出, 肉同脂肪分佈好平均, 超正丫唔知有冇人同我一樣? 到最後一定會係個麻辣湯到落紅薯粉🤣吸哂d湯店舖既裝潢好有古代感覺, 小食同埋檸檬水係自助任拎的, 個湯未到已經食左兩碟花生😅最後仲會有雪糕燸米滋比你清一清味蕾🧊埋單仲好抵, 全單7折 (除了湯底和海鮮)🤫📍尚膳養顏滋補鍋📌旺角彌敦道607號新興大廈1樓106-112號舖@fancyhotpot#尚膳養顏滋補鍋 #尚膳 #台式火

天氣開始轉凍，又喺食火鍋嘅好時候喇！今日放工就同男友去咗旺角嘅「尚膳養顏滋補鍋」打邊爐，暖一暖個人~ 「尚膳養顏滋補鍋」喺正彌敦道，落咗地鐵行一陣就到，位置好方便~餐廳裝修古雅，環境大，枱同枱之間隔得比較開，私隱度高，坐得舒服！ 🧡尚膳養顏美人鍋拼麻辣鍋 （$188）雙拼湯底勁正，足料又大煲！唔食辣嘅朋友可以食美人鍋個邊，有好多桃膠，仲有半隻滑滑烏雞，可以美顏靚靚~麻辣嗰邊有蜂巢豆腐同鴨血，蜂巢豆腐吸咗湯底嘅辣香之後好正，個辣香味喺慢慢滲出個種，愈食愈好食！ 🧡黑松露蝦丸 （$48）滿滿黑松露味，爽口彈牙，口感一流，必點！ 🧡梅菜豬肉丸 （$40）同樣都喺好爽口，食落淡淡梅菜香滲出，推介！ 🧡四色餃子拼盤 （$82）一次過有齊4款餃子，每款兩隻，大大隻勁足料！ 🧡水晶冰菜 （$58）台式火鍋必點！一淥就可以食，口感勁得意，脆嫩爽口，入口即化！ 🧡翠絲水蓮 （$68）都係一淥就可以食，超爽脆，食落帶有淡淡蓮花香，台式火鍋必點！ 🧡蜂巢冰豆腐 （$48）麻辣鍋本身已經配有，不過唔夠喉，放入美人鍋又有另一番風味，口感好好！ 🧡爽脆黑柏葉 （$78）同平時其他餐廳俾得幾片唔同，呢到份量十足

位於旺角彌敦道商場一樓，地點很方便的火鍋店。其實來過好幾次，感覺不錯。可能現在還是疫情期間，所以到訪客人也不算很多。這火鍋店空間很大，也有VIP房間給客人選擇。食物方面可以說是沒有特別批評，湯底味道很好，湯料也很充足。其他配菜質素是中上，也很新鮮。除此之外店內的員工數量也不少，所以上菜不會需要等很久。大家可以看圖識字。感覺上是養生鍋的那種格調，裝修也是很台式的那種。如果想在旺角區找一間不是很嘈吵味道也不錯的火鍋店，這個會是不錯的選擇。再去。

成日覺得打邊爐質素大家都差不多, 但呢間有驚喜, 以至我食食下先黎影相, 決定要寫個食評.肉類望落去已經幾靚仔, 食落都好好食. 手切牛肉牛味重, 又淋身. 薑汁豬潤好食到要返嗌! 個鬼馬雙星好有驚喜! 喺油炸鬼上面加蝦滑同墨魚滑. 油炸鬼係真係脆身嘅, 味道都好夾. 黃金炸魚皮個咸蛋味幾重.第一次聽蟹柳響聆, 叫個黎食, 都唔錯! 同埋個牙籤唔係到到都有. 有埋刷頭, 好細心, 好加分! 嗌左2支清酒. 埋單有7折. 3千幾蚊6個人. 唔係平, 但都對得住價錢嘅. 

er..難食..酸菜白肉鍋無酸..酸菜完全唔入味..白肉有臘肉味。麻辣鍋小辣如同清湯一樣完全無味..同網上圖片完全兩回事(當然味道才是重點） 平時完全唔會想寫評語..不過依間真係值得一寫。神奇既係評語原來需要留200個字先可以落…難怪留負評既人一個都無..見到咁多人讚真係打個突..完完全全係商業操作。ps.. 食材同服務係無問題..除咗湯底其他野係勉強對得住個價錢..ps2..好辛苦先夠200字..希望有緣人會見到..慎重考慮呀

今晚一行6人去打邊爐服務幾好，員工有禮貌，臨走去廁所時仲帶我地去。叫左椰子雞湯底，唔得，冇味邊爐叫左肥牛，豆付，蝦，丸，菜籃等食物一般，食唔到鮮味。最後埋單有7折咁都算抵嘅，不過未必會幫襯了。

由於疫情，我哋邊爐聯盟太耐無出去覓食。配合天時地利人和，終於可以聚聚了。尚膳位置前身無養心x,所以都易搵。環境：新裝修，因為木櫈，所以唔太舒服埋單仲有7折。鴛鴦湯，美人鍋配麻辣鍋一般台式鍋，都先飲頭啖湯，可借呢個美人煲好一般打邊爐，最緊要牛叫左最貴既牛肩胛（大）對得住價錢，唔會薄薄，厚厚的黃金墨魚丸睇名以為係咸蛋黃墨魚丸，但原因真係只係黃色墨魚丸。墨魚丸好彈牙同新鮮。只係同我哋諗法唔一樣蛋餃好小食，好小見脆骨腩唔夠脆蟹柳響令現場即炸，送到嚟時仲熱的，沉一沉湯食正中間個蟹柳可有可無😝野生白鱔片白鱔，就算街市買都好貴，所以係街食更貴。$188/6片每人一片，都算厚切黑栢葉野生竹笙$88第一次見，好厚身牛黃喉爽脆，但無味皇帝菜台灣菜（唔記得叫咩名）

旺角打邊爐選擇好多，但臨急臨忙仲有得OpenRice Book位就冇邊間做到！本來諗住去一鍋堂，點知逼到人都癲，叫位都冇郁過，好彩我打左個底book咗呢間，雖然佢係次選，但無論環境食物我都覺得絕對可以encore! 唔知係咪新店關係，人流唔多，員工服務態度好好，入面空間感都好大，有啲古色古香嘅感覺！每張檯都好大，坐得幾舒服。其實個前菜區，又唔係話多款揀，建議直接上俾客人啦，一來減少客人帶口罩走動，啲野又好似新鮮啲。呢度係掃QR Code落單，食物黎得幾快！手切牛，芝牛丸，蟹柳響鈴都好好味，同埋湯底真係感覺好滋補，未落食物之前都飲左2碗湯先，好養生。重點係即使打完邊爐返屋企都冇話要狂飲水，證明冇重味精，讚！價錢方面，係book位先有7折，3個人食到飽飽每人～$240，好抵呀其實！至少係食緊有質素嘅野。但部分食物定價我覺得偏貴，如果唔係有折真係好難叫得落手，性價比就輸哂！希望佢地改良下，長做長有！希望下次再同friend去啦！

今日突然間好想食打邊爐，於是上網搵睇下邊度打邊爐好食，俾我見到間位於旺角叫尚膳嘅火鍋店，感覺好似都唔錯，就同朋友黎試下睇下咩料呢度嘅環境都唔錯，我哋兩個人坐咗四人枱，非常闊落自助醬料區好乾淨，有多款醬料選擇，另外仲有三款小食任食～～ 分別係蕎頭，涼拌四季豆同鹵水花生食物方便好多選擇～～海鮮類，肉類，蔬菜，丸等全部應有盡有如果like佢哋嘅社交平台就可以獲得一杯免費嘅飲品潻鹽酥柯仔柯仔新鮮肥美，一啲腥味都冇，炸粉亦都唔會好厚香脆可口！即炸響鈴即叫即炸熱辣辣～分量都幾多～又大條每條都香脆鬆化，只需要烚幾秒就可以撈上嚟即食湯嘅精華入曬落響道，非常好味黑松露蝦丸蝦丸爽口彈牙，估唔到配埋黑松露味道係咁夾！黑松露並冇搶咗蝦丸嘅味道，反而顯得蝦味更鮮餐廳好好喎，最後仲送埋生果同埋朱古力今次有三款水果添呀，分別係楊桃，菠蘿同埋提子，超豐富

上次同朋友幫襯完尚膳之後，對佢念念不忘。適逢下雨天，總掛念從前。行街唔方便，決定同朋友再嚟嘆火鍋，烚下烚下傾下計仲爽。👆🏼尚膳麻辣鍋呢個招牌湯底走唔甩，全場最野味係佢。怕辣嘅朋友仔可以喺湯底上枱之後，攞走部份辣椒，咁就唔怕越食越辣啦。👆🏼新鮮本地牛頸脊 (細) - 上👆🏼日本一口和牛粒 - 下必食，2款都牛味香濃！肉同脂肪嘅分佈平均。2款碟上仲有個黃色小貼紙，提醒烹調時間。咁就唔怕煮得太老，嘥咗隻牛牛啦！👆🏼海鮮拼盤呢個要多謝店員提醒，只需要like同share尚膳嘅社交平台 page，就可以以88蚊優惠價嗌呢個拼盤。拼盤入面有齊蟶子、蝦、脆肉鯇同蜆。雖然每一樣都夠哂好新鮮，但蟶子實在太好味。經過麻辣湯嘅洗禮，佢嘅鮮味依然好突出，下次嚟會再特登叫多啲蟶子。👆🏼四色手工丸拼盤(黑松露蝦丸、黃金墨魚丸、芝心牛肉丸、梅菜豬肉丸)一次過滿足哂4個願望，開心！雖然每一款都唔錯，但我最愛嘅都係芝心牛肉丸。一啖咬落去芝士流哂出嚟，成個口都香噴噴好幸福。👆🏼鳳城水餃 (半份) - 上👆🏼台式蛋餃 (半份) - 下鳳城水餃每隻都好足料，實的的。台式蛋餃就比較有特色，唔係度度都食到。佢嘅蛋皮夠哂薄，一撈起

好野一要回頭！ 今次都係食返麻煩湯底， 小辣！場內唔算多人， 可能位置唔夠理想， 但呢間邊爐真心高質， 未試過一定要試吓！麻辣湯底（小辣）- 湯底入邊有各類香料，鴨血，豆腐，辣到適中，適合食得少少辣嘅朋友！配料叫咗牛頸脊、海鮮拼盤（讚好社交平台有優惠價）、一口和牛粒、鳳城水餃、蛋餃、 四色丸同埋烏冬！牛頸脊同埋一口和牛粒有張卡仔跟上碟， 教食客煮食所需時間， 呢個非常貼心， 可以避免浪費overcook 而浪費一碟靚嘅牛肉。牛頸脊同埋牛肉粒嘅肉質非常高質，脂肪分布適中，入口淡淡牛香， 必點！海鮮拼盤非常之抵食， 今期讚好社交平台就有優惠價$88換購， 好抵食！ 每期讚好社交平台都有唔同嘅優惠，去食嘅朋友可以留意一下！海鮮拼盤有兩隻蝦，兩隻聖子，四粒大蜆， 同埋四塊脆骨腩， 全部都非常之新鮮，大蜆冇沙， 超掂！ 鳳城水餃餡料豐富，個人認為太大粒，但都好好味嘅！呢間餐廳嘅材料非常之新解， 飯後仲有果盤送！ 絕對係會令人回頭嘅一間邊爐店！

.入位後等埋朋友黎先落單，店員話可以自取餐前小食：涼拌大豆芽 涼拌四季豆蕎頭頭兩款辣辣地，後者酸酸的，好開胃。.我地揀左滋補椰子雞鍋（半隻）$168由清甜椰子湯滾熟新鮮雞件，然後先食件雞肉同飲碗雞湯。.四色手工丸拼盤$88用椰子雞湯淥丸好夾！黑松露蝦丸 - 黑松露味唔算濃烈，只食到口感彈牙黃金墨魚丸 - 有墨魚肉粒好彈牙芝心牛肉丸 - 小心d食，芝士會係口中爆發梅菜豬肉丸 - 幾有創意既丸，係梅菜豬肉。.脆骨腩$88爽脆既魚腩肉好鮮味，用清香既椰子雞湯淥最夾。.蟹棒響鈴$58炸到一咬就碎晒既響鈴中間夾左條蟹棒，幾特別.皇帝菜$48咁好味既湯底一定要叫個青菜吸收精華，我就連埋湯浸住一齊食，正.生啤打邊爐一定要飲啤酒，呢隻Stiegl牌子既生啤第一次飲，西柚同檸檬味都唔錯！

鹵水鴨舌 餐廳有好多款鹵水小食，揀左鴨舌，鴨舌鹵得好入味，份量又多，$88好抵食。餐廳主打養顏滋補湯底，我地揀左滋補椰子雞鍋。半隻新鮮雞加落沸騰既椰子湯底度煲4分鐘，先食件雞肉同埋飲湯。湯係清香既椰子味，而雞肉肉質幾有彈性。獅頭鵝腸$88餐廳溫馨提示淥10秒就食得，但我就傾向淥多一陣。鵝腸好新鮮有肥膏，淥完好爽口。.餐廳做緊每周食品優惠，今個星期係美國雪花肥牛$88油脂分布都挺平均，餐廳溫馨提示淥10秒就食得，牛肉吸收左椰子雞湯底既清香，別有一番風味。我地仲叫左手打蝦滑用新鮮蝦肉打成既蝦滑，淥完後好爽好彈牙又有蝦肉，不錯