Fantasy KiTchen

Open Now

Now Closed

我平時都唔係咁常寫食評，但係今日踩單車去沙田，經過河畔花園去咗呢間餐廳午餐，真心幾好，所以寫番篇。呢間餐廳唔大，大概只有20個座位。喺政府嘅防疫措施之下，大概只可以坐到10多個人。間餐廳有set 午餐，已經包左餐包、小沙律、主食。另外亦包括餐湯或汽水。雖然無配餐飲，但加$10多元可配即磨咖啡。主食有幾款意粉、西班牙豬扒、慢煮春雞（係碎上，唔難處理）、牛扒等等，可配白飯或薯菜，個薯菜係紫薯蓉，幾好食。加$20元左右有甜品，今日係木糠布甸，都幾好食。我哋兩大兩小叫咗三個餐，$300左右埋單，覺得幾抵食。另外每臺都有一大支搓手液、喺疫情下都好方便顧客。

fantasy kitchen 喺河畔小區開左幾年，我們一家自女兒出世食到依家。老闆一家都好有心，煮靚西餐比顧客食。用料唔錯，而且冇味精, 基本上小朋友由toddler開始已經比佢食呢度既食物, (慳返唔使帶飯仔出街, 亦可以一家人齊齊用餐) 最正係炸豬手, 好食到不得了, 香脆又好食.  仲有dry age 黑毛豬 都係我既至愛。  小朋友最鐘意佢啲湯.  佢蔬菜少食, 唯獨佢地既蔬菜餐湯, 次次食碗自己食哂~ 

某日中午時份到河畔花園揾食，無意中見倒呢間餐廳外嘅餐牌，覺得價錢合理便入內一試。一入餐廳門便感覺到店員(老闆？)嘅細心。除了提醒同行長者留意餐廳比街外高了級、亦有用手按着自動門、之後亦安排了入門左手面無咁凍的枱給我們。點了紅酒燴牛脷意粉及三文魚菠菜意粉，跟餐包、餐湯(唔係好記得當日是甘荀定南瓜湯)及沙律。餐包有兩款(無問叫咩名)，淺色外脆內軟；深色那款可能是竹炭包，都相當軟熟。餐包上枱時是暖的，牛油是軟的，相信已放室温一段時間，所以餐包仍可將牛油溶化，好正！兩份主食味道味道稍濃(特別是牛脷)，但份量十足，滿足。因為太飽，所以並沒有加錢試餐廳嘅即磨咖啡。

係沙田河畔開左間 細細間既西餐廳 價錢唔貴 但食物好高質😆😆😆😆 午市有配麵包 沙律 汽水或餐湯.煙三文魚菠菜意大利麵 $65好高質呀😆😆佢唔會加好多cream 所以唔油膩 意粉煮得啱啱好 而且好多三文魚😆 啖啖都係肉 唔腥 不過菠菜比較少 但好就好再佢會配沙律😆佢每日既湯都唔同，今日係甘筍蘋果汁沙律😆可以叫佢走醬👍🏻佢既lunch set😆其實啲價錢都好合理最鐘意佢既服務 老板會同呢到附近嘅居民都好熟 好有人情味❤️

想吃很久的餐廳终於有機會一嘗。餐廳服務，食品賣相、味道非常好。很喜歡晚餐的頭盤，賣相很吸引也十分好吃。餐湯誠意十足，蘑菇湯的蘑菇及蕃茄湯的蕃茄都是磨爛煮的，十分濃厚。只是，著茄湯較甜，味道太濃郁。另外點了晚餐餐牌的黑毛豬，很厚身，很嫩，十分入味。餐廳另有更高级數的黑毛豬相信應更美味。海膽意大利飯，意粉也好吃。最後甜品亦精緻，跟餐的甜品稍為小了一點，但可自行叫甜品。最後餐廳有自制的威靈頓牛柳，一道要很用心制的菜式，下次再去一定會試食。

昨日同朋友第1次嚟食呢間餐廳,店員好好, 好nice, 同埋d野食都好正軟殼蟹意粉個軟殼蟹冇諗過咁大隻出面既軟殼蟹通常好細/or散件上,但呢間餐廳既軟殼蟹係原隻上,真係比較少見,真係好surprise呀！！其實店員有同我講隻蟹係邊度嚟,同埋唔知咩6隻(解釋緊隻蟹既size, 不過我忘記了😂Btw我同我朋友都好滿足個價錢都好合理個意大利飯都好creamy, 我覺得幾好食最後個甜品都好正, 非一般燉蛋,係佢法式, 好好食呀

最正係德國咸🐖🖐，香脆又有質感，真係好食到停唔到口。加埋各款用心菜式，真係有驚喜。個區大部分都係茶餐廳，有咗呢啲另類選擇，真係冇咁悶。仲有佢哋啲甜點都唔差，好有心思。

之前就想試下呢間餐廳,位置唔太當眼,但怕假期人多,所以今日閒日黎,舖頭得另外一枱客人,舖頭細細,燈光暗暗地,坐得幾舒服,自己就本身鐘意食菇菌類,最後揀左個黑松露蘑菇意大利飯再配一份炸薯條,薯條好快炸起,好脆好有薯味,份量都OK,唔會淨係得幾條咁樣飯就要等耐少少,薯條差唔多食到一半先到,賣相都唔差,但口感同平時食開ge意大利飯比硬左少少,有少少生但整體調味都唔錯,唔會太油膩食到好滯咁樣值得讚ge係服務一流!店員非常friendly,不斷加茶,非常好!

威靈頓牛柳好好味， 鴨髀好juicy， 鱈魚扒一啲都唔乾，服務周到！坐位舒適，一定會再去或節日前後包場玩樂，好適合沙田友小聚，附近又有停車場，內設洗手間非常乾淨！！！

今晚三人行同其中一人預祝🎂食晚飯，很滿足。Fantasy√ Kitchen已來過好幾次食飯，好值得回味的餐廳😄。每次來到這裡必然會食黑毛豬，每次都保持到水準，外脆內juicy😍😋，再伴自家製紫薯蓉，甜而不漏又飽肚💯

位置係河畔附近，唔係旺區，舖面細細，入面位置唔多，但估唔到好有驚喜。我地兩個人，所以叫左兩樣野姐叫左個set dinner，比目魚柳($208，可以配飯/意粉/薯菜)，冇影到相魚皮燒得好脆，魚肉好嫩，不過個汁就唔夠多，比較dry，但味道幾好😎威靈頓牛柳($268)比時出面既威靈頓牛柳起碼都400幾蚊起跳，呢度咁平，都驚伏架，不過試左又覺得唔錯。牛柳好好食，好冧，略嫌個酥皮有啲咸🤪但整體我覺得係驚喜！雖然舖頭細，但有好多食物選擇。淨係餐湯都有三款，跟餐甜品有5款。餐牌仲有好多食物想試，下次會再去。

之前食過幾次覺得出品非常有水準, 所以今晚帶埋屋企人一齊嚟食.今次前菜嗌咗香煎牛脷, 入口香滑軟淋... 正！主菜叫咗牛扒、咸豬手、海膽意大利飯.牛扒必食之選, 7成熟剛好, 肉質鮮嫩超好食. 咸豬手外脆內軟, 誠意之作.阿女最愛海膽意大利飯, 入口滿滿嘅海膽味, 絶對係真材實料至於甜品我哋最鍾意熱情果慕絲和心太軟真係樣樣都咁好食👍👍👍臨走前隔離枱叫咗龍蝦🦞，淨係聞到都想食，下次必試🤤🤤🤤

與家中老闆娘慶祝紀念日，到沙田這家別緻西餐食好嘢，之前食過lunch 都不錯，店不算很大，但食品質數很好，小店格局但酒店級食品水準，一般食同類嘢都要2倍價錢，見有晚餐及食品都好吸引，來一試"貴價晚餐"。頭盤香煎鵝肝香到不得了，太邪惡。焗蠔香口同法國生蠔大隻新鮮帶海水味。主菜龍脷魚煎得剛好，配菜甜紫薯有特色。另一主菜Beef Wellington 五成熟剛好，整法正宗，有火腿磨菇內層，外層酥皮香脆唔油膩。甜品焦糖蘋果批香脆好味，不是一般批底比美。食到大滿足，但銀包都唔係好傷，雙贏。

第一次黎係朋友推薦黎試，現在食西餐，我只來這裡了。它是一間由頭盤好食到甜品的西餐廳，現在小有了！我最鐘意食頭盤的紫薯田螺酥皮，真係好有heart♥️超好食另外佢既餐湯同餐包也絕不馬虎！磨菇湯不是外面白色重忌廉那款，是由真磨菇打磨出黎架😋😋置於餐包，我強烈建議大家食黑色那個，是我最愛吃的😍講到主菜，我跟我老公基本上牛、豬、羊、魚既部位都試左大部分，沒有覺得吾好食的最後甜品🍮我最鐘意熱情果慕絲係有果肉架，而且甜酸味適中！真係好好食！！！講起又想食了支持小店💪🏻💪🏻💪🏻

今日突然想食正野，中午就點了個dry aged 黑毛豬配意粉，原本肉質已經十二分好，8,9成熟經已能享用，相比起全熟，口感味道各有千秋，喜好因人異議。個人偏好於接近全熟的中間點，金黃色外皮，軟滑多汁既肉質伴隨着熟成黑毛豬獨有的味道，幸福充斥着整個口腔内，一試難忘，回味無窮，溜連忘返。全扒熟度一致，突顯廚師功力，物超所值。點着少量海鹽享用更有另一番風味，若再叫上香煎午舌共同享用意粉的話，絕對能提升至人間聖物，天界仙物。配菜中和着香煎既油膩感，雙輔雙成，雙得益彰。