Farm Kitchen Vegi (Closed)

星期六，成班人去咗【Farm Kitchen Vegi】日式餐廳食Lunch！見到Vegi呢個字，睇怕都菜多過肉，見呢排腸胃唔多暢通，食吓都無妨‧【Farm Kitchen Vegi】，下晝主要做套餐，夜晚就係放題，打開餐牌……果然不出我所料，除咗和式定食，仲有各式沙律飯套餐，你冇聽錯，係沙律飯，頭盤係一大杯沙律，湯係雜菜湯，主菜係沙律+飯！我地7條友，叫咗7個唔同嘅套餐，價錢都係六十幾至九十‧估唔到居然又好好味喎！菜非常新鮮，個和式沙律汁又美味，樣樣都唔錯，款款都好味，唔覺唔覺，呢一餐我起碼食咗成兩斤菜！本來食完飯，諗住去對面initial嘆杯咖啡，點知感覺有大量蔬菜，囤積喺【江門】關口，唔止等候過關，仲隨時有衝關嘅危機！唯有第一時間飛的返屋企……真係好耐未試過咁暢快！正~

呢次係第二次黎呢度食飯上一次係朋友介紹下黎過呢度一試就愛上了所以今次同女朋友黎食首先提提大家如果想黎食既話，最好都係早少少打電話黎做Booking事關我成日打黎Book都話要去到Waiting List我仲Book左坐出面Tim~環境好好多架呢度雖然係放題任食但係同出面其他既放題唔同喎呢度主打都係食日式西餐但係就無得刺生任食囉 (如果鐘意食刺身既朋友呢度要諗諗)門口有Salad Bar任食咁講返D正經野食先呢個頭盤以牛油果配吞拿魚加埋佢個醬，真係好清新好開胃呀呢個豆腐配上個汁，仲有個茄子，吸晒D汁味道一流咖哩炸耦片，真係好特別呀呢個之前我無諗到耦片原來可以咁整既係日式咖哩，唔會太辣加上耦片既爽口，真係好好食呀佢地既日本菜都鐘意整溫泉蛋所以有幾款菜式都係有溫泉蛋既出現至於呢個意粉~食落好Creamy同卡邦尼個意粉好似好味道~~呢個菜式我將個重點放係菠菜度咁樣煮出黎既菠菜，吸晒個汁D味道反而件三文魚，太過實，味知係咪煮得太耐既關係 呢個紅酒燴牛利不得了味道之好不在話下佢真係好林，真係未食過咁林既牛利 讚!!um.....對於呢個漢堡扒既印像味道都算唔錯但係就.......太漏了食日式放題第

食過好多間日式西餐廳, 但真係覺得依間好有heart!好值得俾個讚!!! 最初選擇依間餐廳既原因好簡單~因為朋友介紹, 我又見openrice大家都話依度野食新鮮!味道好!賣相靚! 同一般buffet唔同, 依度係睇menu 落order, 之後廚師即叫即做。 落單後, 先出去自助沙律吧… 由前菜到主食, 都係蔬菜做主角! 三文魚露筍沙律伴大葉汁加溫泉蛋 Overall 食物質素唔錯, 我覺得最適合一班朋友聚會，人多d仲好~ 可試多d唔同款的食物!! 唯一美中不足係甜品…希望店主可以喺依方面改良一下!

已是第4 次光顧這店了！ 食物依然好吃！這天看完早場過來食lunch。午餐有很多選擇，有肉料理，魚料理, 奄列飯，意粉，日式西式， 款式甚多。餐過後店員便會奉上杯裝沙律菜。用料十分新鮮，配上酸酸的dressing, 非常開胃。因為 on diet 所以點了這個蒸野菜餐。 有茄子冬菇蘆荀南瓜等等，加上三條雞肉。完全是清蒸的， 所以只有食物本身的鮮味。中間有三款調味料，最上的是味精鹽，這個太鹹不好吃。中間是芝麻醋之類，好味！ 最下是普通豉油。 另外有一小碟茄子漬物，麵豉湯，跟雜穀飯。野菜很新鮮，配上大大碗雜穀飯， 又飽又健康！友人叫的日式餐。有刺身， 天婦羅，燒鯖魚，豚角煮。刺身三款各兩片，天婦羅好味，放久了還很脆，燒魚也很好。最好味是豚角煮，豚肉很淋，汁甜甜的，加上旁邊的芥辣超好味！！ 配上雜穀飯茄子小碟麵豉湯，十級飽的一餐。

跟朋友慶祝生日，大節過後，吃得太多，盡量都想吃點清淡有益的東西，朋友於是找了這間日本料理。這裡主打新鮮食材，烹調蔬菜尤其出色。晚上提供自助餐，午市則是定食類。別以為自助餐又是大魚大肉，這裡的菜式是以蔬菜為主，就算是肉類，都會用很多沙律菜做伴碟，非常健康！餐牌並會定期更換，今次吃了一些好味的，下次再來也未必可以有機會再品嚐。餐牌分前菜、沙律、蔬菜、壽司、主食、燒物、炸物、甜品等，還有自助沙律吧。店子裡有出售部分食材，有興趣下廚的朋友也可以買回家。最出色的是清蒸蔬菜（椰菜、三色椒、粟米芯、日本蕃薯、日本南瓜、雜菌等）伴以肉類（雞、豚肉、魚、海鮮任擇其一），用中式蒸籠上枱，好有特色。沒有加味精，吃得出蔬菜新鮮的清甜。三文魚沙律伴大葉汁加溫泉蛋，我跟朋友 encore 了一次，因為實在很好味了。沙律菜夠新鮮，用料亦上承。至於主食類也有很多選擇，我們點了日式味噌雜菜湯烏冬，因為比意大利粉或飯類特別一些。這裡每道菜式的份量足夠，菜式伴碟 (presentation)、配菜和醬汁（如天婦羅要有蘿白蓉、炸蠔要有沙律汁），又不會因為是自助餐而敷衍，好有誠意，不愧一間日本人掌舵的料理店，難怪有很多同鄉來光

新年前夕食得健康d 所以lunch去左Vegi 一直都唔知金馬倫道有一間以蔬菜為主的餐廳平時出去食飯真係好少食到多菜少肉的菜式 真係好健康 值得一讚 揀左barbecue beef salad bowl with balsamie sauce前菜係蔬菜杯 入面有多種蔬菜有沙律菜青瓜 三色椒 蕃茄粒 栗米粒 椰菜花全部蔬果都係由日本入口 食材新鮮小食有個醃茄子 少少辣辣地又咸咸地 有d似魚香茄子咁 仲有個湯 可以揀味噌湯定蕃茄湯我揀左蕃茄湯 飲落其實有d似雜菜湯個主菜d沙律其實同前菜個沙律杯係一樣的不過個飯的沙律就多左甘筍同深淺的西蘭花個BBQ牛肉粒唔會太熟 加上有個香醋汁食落去唔會好膩最後加一杯熱檸水 整體講份量都好夠 因為即叫即整的關係 製作需時 要比D耐性等下

由我屋企去邊都遠，所以勁懶訓的我同男朋友難得地係２點幾黎到呢度路痴既我更係佢帶路，我知金馬倫道，但唔知係邊度丫嘛一住低已經差唔多LAST ORDER ，快快睇ＭＥＭＵ見到有十多款選擇，最終我地選擇左一個和風御善跟洋風御善套餐！ORDER完之後首先黎既係沙津杯!!非常新鮮!!!!再配上酸醋汁令我們胃口大開！好想再吃多杯tim!!食完沙津冇耐就為我地送上御善套餐!又係令我眼前一亮!!好豐富所有東西我們都ＳＨＡＲＥ黎食，所以樣樣都有試上面的是洋風御善，刺身沙律亦是同樣地新鮮，冇諗到呢度既魚生都好味炸薯餅配上沙津醬只是一般，炸得比較粉，吃多幾淡已覺濟，味道而且冇驚喜其中一樣是茄子加雞肉，雞肉肉質比較（鞋）不過茄子幾開胃，茄子賣佢加番分啦還有呢個ＳＥＴ最好味既燒三文魚，帶點香甜，很有咬口！下面的是和風御善有雜穀飯，面鼓湯，什錦刺身，什錦天婦羅等等最值得提的是燒魚，睇黎呢度既燒物都做得唔錯，肉質一樣咁有咬口，不會太硬身，配上檬蒙汁非常清甜，好好味！個人認為最差的是日式關東煮的部分，淡味到唔知食緊乜。。食完出去搭電梯走時見到有道門，於是出去睇下原來係一個小花園，我地就係度坐左陣，之後有員工推門，我以

食材由農場運送至餐廳的距離越短，不但有利保護環境，更有助減少食材在運送過程中，營養流失的情況，所以對人體健康也越有益處。基於環境、食物和人類健康，有著息息相通的關係，美國近年興起了所謂的〝From Farm to Table〞概念。所謂〝From Farm to Table〞，就是一個提倡發展本土農場，鼓勵廚師、餐廳以及個人在製作菜式時，運用本地種植或培養有機食材的概念。其實，〝From Farm to Table〞概念，在食物安全的範疇內，是指食材從收割或屠宰、儲存、加工，以至包裝、銷售及消費的一系列過程。我們對〝From Farm to Table〞的過程掌握越大，對食物安全的掌握也相對更多。一些熱衷於實行〝From Farm to Table〞概念的餐廳，堅持向本地農場購買食材，有些甚至經營自家農場，以確保食材的來源和新鮮。可惜，香港不過區區彈丸之地，長期依賴外地進口食糧，若要大力推動〝From Farm to Table〞概念，所面對的阻力也實在太大了吧!餐廳背景、環境及服務開業不過一年的Farm Kitchen Vegi，算是以行動來實踐〝From Farm to Table

距離上次光顧已經是年頭的事，年尾再來，餐牌有了很大的改動，雖可以試多點新口味，但之前喜愛的菜式卻不能再嚐，實在有點失望！幸好這道燒三文魚露筍沙律伴溫泉疍大葉汁仍然保留在餐牌上。將疍汁拌勻倒在沙律上，新鮮蔬菜沙律份外美味。記得第一次沒留意，竟把溫泉疍分開來吃，吃光後還猛讚好味，真有點大鄉里 之前只在午餐才有壽司的，現在晚餐也供應，但質素只是一般。這道是日炙燒料理用章紅魚配紅洋葱，加上特製汁料，吃起來跟一般剌身不同，章紅魚的鮮味沒有被紅洋葱蓋過，反而更加鮮美。焗蚝面上灑了麵包糠，使蚝更香脆，不禁encore多一次，但奇怪再來的四隻蚝，蚝肉都縮了水，雖然蚝有分大小，但沒理由前四隻就一樣大，後四隻就一樣細，希望不會是餐廳不願客人多點一些稍貴的菜式而出此奇招白魚卷伴菠菜中的白魚不怎樣突出，但忌廉汁調製得很香滑，菠菜吸收了醬汁更是鮮甜。秋風起搞搞新意思，特別加了火鍋，但個人認為與其他食品不太配合，不過也揍熱鬧來一客試試，雖然侍應說份量很迷你，但對我們已吃到尾聲的狀態，這個火鍋絕不迷你，肚皮脹滯下只吃了海鮮及部份配菜就投降了，因不想放棄最後的甜品 點了芒果豆腐布甸及TIRAMISU作結束，布甸的si

有沒有想像過在繁華的商業大廈內也有個田園餐廳嗎？就在尖沙咀金馬倫道的The Cameron的二樓，有間以蔬菜為主題的日式西餐廳，大部分食材都是由日本直接進口，為客人提供最新鮮、最健康的食物。從大廈一樓轉乘餐廳轉用的玻璃升降機， 踏出升降機門，先被餐廳門前的小型蔬菜市場吸引著，售賣各款日本時令新鮮運來的蔬果，有南瓜、蕃薯、洋蔥等，買點回去煮晚飯也不錯。再回頭一看，原來別有洞天，有個露天小花園，花園設計不花巧，種滿了綠色植物，中間還有個小水池，在這寧靜的環境下精神放鬆起來，很舒服。沿木板小橋走進餐廳，餐桌、椅子及牆身都是木製的，很有大自然的感覺。店員安排下坐到窗旁，這裡還有露天庭位，要是天氣不太熱的話，在陽光下用餐也不錯。看看午市餐單，套餐有十多款選擇，價錢由$65起，不太貴。點了兩份午餐，和風四格御膳，$85及蒸雜錦御膳，$65，每份午餐會包括一份雜菜沙律杯。鮮色奪目的沙律杯有沙律菜、西蘭花、椰菜花、蕃茄粒及紅黃椒粒，全也非常新鮮，伴上微酸的醋汁，十分清新開胃！愛吃蔬菜的我來說，這份量當然不太足夠吧。別緻的和風四格御膳，四格主菜分別是刺身、雜錦天婦羅、鹽燒鲭魚及日式豚角雜菜煮物，再配上雜

入到店面...食野都係日本人多~門口有個小攤檔售賣新鮮蔬菜(係日本進口)~~MENU 都好精美, 全部都相加文字~(係咁意影左2板比大家睇)全部LUNCH都係跟SET~叫一個LUNCH SET 有一杯沙律杯同一杯餐飲跟的~我叫左三文魚飯同烏冬SET~真係好多三文魚, 飯係珍珠米加左少少醋~個烏冬係"堅"魚湯底, 甜甜地....幾好味~有一個小食係茄子 - ->比較咸~整體都OK~~男朋友食左個洋風御善SET~好多野食, 菜好新鮮佢話煎三文魚偏咸~餐飽太硬~不過佢話大致上都OK 啦~~

遠行的前夕，女士還是忙著裝身，但當然飯還是要吃。Lunch hour人不算多，而且這裡有著樓底極高的優勢，空間感十足，我們要的是一個奄列飯配牛肉燒汁，以及洋風四格御膳，因為顏色多，拍起照來都應該會頗美。野菜沙律杯: 這裡的野菜絕對新鮮，酸醋汁搖勻淋上再侍客，但因以杯的關係，愈底的少不免會有過多醬汁的情況，賣相與味道分佈要好好衡量一下。奄列飯配牛肉燒汁[$70]: 蛋皮有點老而且不夠幼滑，入面的也非炒飯，風味又少了點，可幸燒汁甜酸得宜，加上肥牛脂肪部份不多 ，放心地吃。洋風四格御膳[$85]: 原本御膳跟的是麵包，但我倆要求下也可轉為雜穀飯。四小格分別為意式香草燒三文魚、刺身沙律、吉列白汁蟹肉餅以及雜菜番茄雞肉。幸好配的是飯，若麵包的話，吃這些多汁小品不盡配合，幾款之中以熱辣炸起的蟹肉餅最為吸引，總說卡路里是美食的指標。位與位之間有充裕的空間和間隔，服務的佔九成也是日本人，裝修都非常有吉祥寺那種很隨和的感覺，就算一個人來也很舒服，環境取勝。

年初時已打算試吓呢間強調用日本蔬菜做主題嘅日西餐廳, 但碰上三一一大地震, 為防食咗輻射菜落肚即時擱置, 事隔半年戒心放下大半,所以儘管一試.現場裝潢簡單, 勝在樓底夠高, 又唔係好多客(可能仲有好多人擔心輻射), 所以唔會好嘈, 啱哂我地一行四人傾計慢慢食.HK$288任食, 食品種類頗多, 湯, 小食, 壽司, 頭盤, 主菜, 甜品都有好多款, 可惜係無魚生 食物嘅賣相好認真, 唔似大多數任吃咁求求其其, 另外幾乎每道菜都有佢地自製醬汁做配搭, 食落更好味 總括而言, 食物嘅水準係比想像中高和有誠意, 值得再去.

一行三人，是靠那２２個好評而決定這家店點了放題餐，差不多餐牌上的菜色我都是點了，大家吃到面色變．所謂的 salad bar，只有四種菜，四種汁，看到放到霉的菜，已經不想去拿焗雜菌，菌有點變質，味怪怪的橄欖油炒意粉，乾得入不了口漢堡扒，乾而無味軍艦壽司，紫菜是軟的其他壽司，魚生放到魚乾一樣燒牛扒，過生，medium rare都未到最恐怖是焗牛舌，一咬，水從牛舌滲出來，淡而無味，林得完全無肉質可言，我１００％肯定是先用水煲熟才上汁．忍不住投訴，再投訴唯一安慰的是甜品，可以入口的結帳接近一千元好吃的東西，多多也值這餐飯，你倒給我三百元我也不會吃意見書我已交給經理，味道是騙不到顧客的我還肯給你意見，是不想你倒閉但我一定不會再光顧

前陣子的某一天，相約了一班朋友在此聚會，吃飯聊天。可是當天自己抱病在身，只因一早約定，為免失約才依時赴會，所以雖然這餐廳是自己在吃過很不錯的午膳後，期待已久前來享用的一頓晚餐，還主動介紹朋友到來，也有點食而不知其味的感覺，導致後來也提不起勁寫這篇食評，直到今天，才下定心腸，清一清這篇舊食評。光顧的一晚，我們一行六人在晚飯時間先後來到之後，先在餐廳櫃檯前拿取自行配搭的新鮮沙律後，便拿過印刷精美漂亮的餐牌，在餐牌中多款賣相吸引的食品中，七嘴八舌地選取大家感到興趣的食品。因為所叫的食物實在甚多，所以也不再一一詳述了，就學openrice一樣，以簡單的1-5分來評價吧！（1分最低，5分最高），即使有所補充，也只是長話短說，三言兩語好了。1）「自行配搭沙律」（3/5）：食材是新鮮的，醬汁也有數款，以高身玻璃杯盛載卻不太方便。2）「薄切白身魚伴香草芥末籽汁」（3/5）：這薄切的白身魚味道普通，醬汁也幫助不大，未能起到提鮮的作用。3）「焗酥皮蜆肉忌廉湯」（2.5/5）：不就是和快餐店中的酥皮湯差不多了嗎？無甚特別。4）「炸吉列南瓜忌廉海蝦」（4/5）：味道好，香脆好吃。5）「燒三文魚露筍沙律伴溫泉蛋