肥仔大排檔

Open Now

Now Closed

呢間大排檔周一至周六都有午餐，$45元，熱飲加$2，凍飲加$5，好抵食，穿校服的學生仲可以免費有飲品；坐低未叫野食已放低兩碗例湯，今天係青紅蘿蔔豬骨湯，都唔錯。🐖 豉椒排骨河 $45+ $2熱飲可能係午餐，只是簡單將豉椒排骨放上河粉面，是沒有炒的，其實都沒有寫是炒河😅；自己撈勻啲汁其實都幾好味，排骨亦唔錯🐖 乾炒豬扒烏冬 $54 +$2熱飲其實是較粗身的上海麵，豬扒醃製得幾好味，鬆軟得來有咬口，都有成5-6塊；面炒起上來都有少少鑊氣，味道不錯👍🏻

今日上完堂就同朋友去咗呢間大排檔，每個星期上完堂都想過去食，但係因為太多人就放棄掙扎今次堅持去食，點咗四個菜，椒鹽魷魚，豉椒炒蜆，啫啫雞煲，豉油王鵝腸，椒鹽魷魚外皮嗰層粉漿超薄，魷魚好新鮮，超軟彈牙，鮮味十足，好juicy又唔會太乾，豉椒炒蜆，冇乜沙，好有鑊，氣啫啫雞煲啲雞都好大舊，啲皮有少少爽脆，啲肉好嫩好滑，隻雞都比較新鮮，仲有啫得好入味豉油王鵝腸都唔會太鹹，配埋芽菜韭黃食脆脆地，甜甜地，成個環境都好接地氣，大排檔啲嘢真係冇得輸就係有鑊氣。

用餐時間（8:27pm dinner）follow@wojengyea/@wo!正嘢 for more food info🐒 支持我哋發掘更多美食 😋住荃灣朋友話呢間大排檔喺荃灣數一數二，三佬約埋試吓。叫咗三樣嘢；招牌香辣雞煲🐔、菠蘿咕嚕肉同椒鹽鮮魷。菠蘿咕嚕肉🐽🍍唔容易整得好食，首先個醬汁唔可以太稀，先至可以掛上去每嚿肉，豬肉要用梅頭（豬肩）肉，啖啖肉口感一流。有啲大排檔會混入左燒肉，竟然會食到骨🦴，同埋燒肉本身好鹹，一食落口就知，紅綠椒菠蘿粒同紅洋蔥🧅都落足。椒鹽鮮魷🦑有驚喜，多炸蒜蓉🧄喺面，鮮魷切得好薄，加簿一簿一層炸粉，咬落去唔會韌，兩三個回合已經清晒。三個人雞煲叫半隻雞，紅青辣椒、乾蔥頭、大量老姜起鑊，個人鍾意佢放大量芫荽🍀鋪面（走荽人要注意）。睇張相顏色都知道偏濃味，食完要隊多支啤酒🍺，雞件細少大件雞，冇得啖啖肉唔過癮，但整體還好。打邊邊配料不值一提，油麥菜份量少，而且冇洗乾淨，有啲已經老黃咗。丸類餃類未解晒凍，連埋冰都夠膽上枱🧊 ，明明叫水餃又上咗韭菜餃，如果唔食韭菜嘅人就中伏。響鈴炸枝竹紅薯粉正常發揮。

幾個朋友諗住搵個地方吹水食下野啤啤佢，好自然會諗起大排檔假期諗住出街食要等好耐位點知原來好多人趁假期離港位都唔使點等就有位啦👍1️⃣黑椒薯仔牛仔粒$148👍超惹味，送酒一流薯仔似油泡過，比牛仔粒更吸味，正呀🌟牛仔粒都唔差架，唔韌，剛剛好2️⃣椒鹽墨魚🦑嘴$98🙄本身係嗌椒鹽鮮魷⋯點知7點幾去都已經冇哂☹️⋯唯有轉墨魚嘴嘩⋯椒鹽唔夠味，墨魚嘴好似冇調味咁，加上食埋濃味既牛仔粒，更加覺得佢冇味，得個咬口3️⃣豉椒炒蜆$108👎唔覺得係豉椒炒蜆因為豉椒還豉椒，蜆還蜆好似兩樣野分開整，最後先撈埋一齊咁蜆又唔算鮮甜其實本身想食東風螺（因為見隔離枱食緊）⋯但又係冇哂啦4️⃣啫啫芥蘭煲$98呢個唔錯喎👌一上枱，咋咋聲咸香夠，有肉碎同蝦乾芥蘭脆身嫩口，唔錯5️⃣豉油王龍鬚炒麵$80👌穩陣之作，普普通通但炒得未算好均勻，有幾啖好咸❗️第一次食呢間，但我諗可能因為假期伙記廚師放假既關係因為樓面好唔夠人，而且好明顯唔係熟手同埋見到有個肥仔熟手既，塊面勁黑，好似殺人咁款⋯ 所以唔知呢d 係咪佢地平時既水準⁉️😬冇理由大排檔咁comment 既菜色都整得唔好⋯ ⋯咁佢都有好既地方，就係唔使等好耐位，同埋有室內位坐，又唔會太大冷氣！

這街坊小廚原來在街口轉角處多租了一間舖，這晚很容易找到位置，便坐下醫個肚。娘娘至愛的豬手，這晚點了一客“沙薑豬手”，凍食，豬皮Q彈，豬腳筋充滿沙薑鮮味，但把豬手切小件一些會更好，娘娘和格格那些櫻桃小咀，實在是咬不下。“古嚕肉”，整體做得不錯，用了五花肉，爽口彈牙，酸甜芡剛掛著豬肉，唯獨是配菜比較單調。“啫啫通菜”，熱辣辣，又香，上菜時已知道不得了。關鍵是，肉碎及蝦乾夠多，爆得香，加上薑、蒜、辣椒這些料頭，不好吃才怪。

呢一日咁啱工作經過開，就行咗入去呢一間舖頭食中午飯。睇落都似係典型嘅茶餐廳，我就叫咗個快餐（西蘭花炒雞柳飯）作為我中午嘅開始，首先一嚟到嘅時候，我食西蘭花只係覺得和暖完全唔覺得熱，俾人一種感覺係廚房暖住餸嘅感覺，一啲都唔覺得係新鮮炒出嚟。當我食雞柳嘅時候，Feel到係比較凍連和暖都feel唔到。感覺上似凍咗嘅餸，呢一餐飯令到我感到唔想再返去多一次，同埋最低要求熱嘅菜都炒唔到出嚟，除咗飯係熱嘅之外都其他唔想再去食。不過雞柳同西蘭花係味道係有嘅，都尚算正常，不過只係唔熱依度分數就大打折扣。

有時候食大排檔不能要求更多，今次同幾個朋友係荃灣點左幾道大排檔打冷一齊食。我點咗呢個小炒王、豉油王炒大蝦、豉椒炒蜆、豉椒炒鵝腸、蠔仔煎餅、椒鹽魷魚、脆皮豉油雞⋯ 整體食物質素我可以，但就係佢嘅份量太過少，比一般大排檔打冷嘅份量細份而且價錢都唔平，埋單每人$200左右 但都唔算好夠飽🙈 食物嘅味道偏重口味，如果鍾意食龍尾嘅朋友就啱晒，但係食完之後會口渴，我諗都有唔少味精，返到屋企成晚飲水，但出街食就預左，好味道ok ! 建議如果呢間餐廳小菜嘅份量多番少少會更好～

百物騰貴💸今日去附近做野醒起呢到有間平靚正大排檔特登走過嚟食！但餐牌轉左，野飲都係熱+$2,凍+$5，$40餐就依然都有，但其實炒野就變咗$50起👋🏻食物花生炆豬手飯 - $40有3舊BB手🖐️咁大，炆得好冧，呢個我覺得抵食超多花生，仲見到有香葉、花椒…個飯湯碗咁多，好飽咖喱魚柳飯 - $50有幾舊薯仔、5塊魚柳…不過唔知點解今日個咖哩汁好稀同好淡…魚柳唔係炸個啲，所以比較冧身…例湯依然好味！冇味精環境我哋坐岀面，貪佢夠大風吹散啲菌，入面就坐滿晒人依家仲做堂食嘅都冇幾多間😭😭😭大家要撐住呀！

今日去完映日灣做野，特登過嚟食lunch食物例湯應該係節瓜紅蘿蔔湯？勁潤！絕對唔係味精湯！因為我飲咗2碗✌🏻啲瓜好甜，我平時唔食渣都食晒好冧！干炒豬扒烏冬一上餐，我老公就話咁淺色嘅😒不過佢一揼低個頭聞就話好香🤣🤣啲豬扒都有6-7舊，有炸過！啲烏冬都好食😋冇酸味！加白芝麻好香！同埋份量絕對夠多！豉椒排骨炒河呢個啲排骨都有好多，不過細位左啲，舊舊都係5蚊咁上下大粒…不過有骨嘅排骨係好食啲！啲河粉係用粗河，略嫌啲河粉仲有啲痴住一排咁…係好味嘅啲配料都好多，食完都好飽環境因為天雨關係，我哋今次坐左入去，地方都好乾淨，同埋廚房有大玻璃，望到入面啲哥哥叔叔都係帶岩口罩！廚房又干爽、光猛！本人鐘意光猛嘅地方🤣室內坐位唔算好大，不過我哋lunch坐都唔係好多人，坐得舒服嘅！坐近門口位就唔係太涼，怕熱就要坐入去服務入得去食，佢哋應該都係熟客，啲姐姐好 nice ，去到俾錢用消費券，有支付寶同微信支付。唔記得有冇八達通平時都係人掃我，原來可以自己掃code打銀碼俾錢🤌真係大鄉里要小心唔好打錯銀碼

新開的，外表光猛，乾淨，人氣還算ok，即管給它一個機會 ...這晚沒什麼吃得飽的，全是邪惡美食，看，這“椒鹽白飯魚”，個頭大，脆口，炸完還晶瑩剔透， 火候控制得宜，㕑房功夫不錯。“炸墨魚餅”也不得了，彈牙不在話下，咬開仔細地看一下，裡面有芹菜、芫荽增香，有不曉得是馬蹄還是蓮藕粒添加了爽脆口感，應該還放了點豬肉，多了一分肉香和幫忙增加了肉餅的膠質與彈性，製作挺認真的。這晚和兩個朋友在這裡聊了幾個小時，幾個小菜，幾瓶啤酒，盡興！

平時行過呢間以為係食大排檔…估唔到佢午餐咁平！$40冇野飲，其實加凍飲都係$5。絕對可以一試！食物黑椒豬扒飯啲豬扒夠冧，好食嘅！有7件豬扒條。個黑椒汁就普通囉，要黎撈飯。個飯都好大碗呀！我老公食嘢真係好奄尖🙄魚香茄子炆米一黎到，🤣🤣🤣辣親咀，真係岩岩上碟咁，熱到好似hi到鑊邊！啲茄子好食！有走油，好香茄子味！米粉好彈牙個啲不過我鐘意用返鞋鞋地個啲米粉炆好夠味！不過肉碎個啲好少，食到有葱、洋蔥等配料，最昇華就係呢到例湯唔知咩湯呢，覺得幾好飲，見到得舊紅蘿蔔。唔係味精湯！環境入面地方唔算大，不過有得坐岀面露天，地方都算乾淨！如果係揸車，仲可以食住睇下有冇阻人即走！我哋lunch都算早，唔係好多人。所以都坐得舒服。

今日🤴🏻嘅同事相約食飯，去咗食大排檔，共7個人浩浩蕩蕩食節日飯😊😊～～～炸蠔餅～～～$88豪仔粒粒都有手指公咁大隻又多粒，圍邊嘅炸物口感似鹹嘅油膩蘇😙😙～～～椒絲腐乳時蔬🥬～～～$70蔬菜新鮮，但油咗啲😜😜～～～大排檔小炒王～～～$98小炒王最緊要夠鑊氣，腰果粒脆卜卜🥰🥰～～～椒鹽鮮魷🦑～～～$98椒鹽味唔重，炸味蓋過魷魚味！🙂🙂～～～瑤柱海鮮羹～～～$108海鮮羹好足料，每一口都食到佢嘅配料，瑤柱味香😊😊～～～豉椒炒蜆～～～$98炒蜆好入味，但略嫌細粒咗啲😀😀～～～黑椒薯仔🥔牛仔🐂粒～～～$148牛仔粒好香好有牛味，薯仔🥔正常如果甜啲會更好😄😄～～～脆皮炸子雞🐓（一隻）～～～$298炸得好金黃香脆，肉質香滑唔會鞋口🥳🥳 另加7個靚仔🍚，款款都好夠鑊氣，服務態度亦OK唯一嘅缺點係冷氣唔係好夠，食一陣都滿頭大汗啦😓😓每款睇落都唔平，但埋單每人只要$155又合理喎😙😙

食物大部份係有水準， 啫啫滑雞煲正， juicy同雞係好滑好入味。不過沙拉蝦球就係好差，蝦唔新鮮，沙拉醬唔好味。其他炸野都好食，四季豆都好好食。乳鴿唔夠juicy, 不過都合格嘅。但係環境就真係好唔得喇，雖然係室內同有冷氣，但係同室外大排檔差不多。好嘈，嘈到傾唔到計，仲有人猜枚，店員唔阻止，真係好惡頂。坐位非常迫夾， 檯與檯之間好窄，近乎與後面檯嘅人背貼背，多烏蠅，冷氣唔夠。價錢係抵嘅，不過環境真係唔得，未必有下次。