鳳鳴居

Open Now

Now Closed

無服務靚仔場睇手機，從入門開始就無人理我坐位，落錯單，雞湯落咗好多糖，但五點幾有四成客，以人手晚上客人應該唔少，外賣好多，香港依家好食店真係咁少，唔怪得咁多人返大陸食嘢啦！

🤍醉香雞湯麵 $56‼️米線可免費轉米粉、油麵、河粉、公仔麵好足料嘅醉雞米線🍜雞件嘅份量好多 仲有紅棗同雲耳飲啖湯已經feel到濃濃嘅酒香🍶米線都好索酒香味唯一要挑剔就係雞件嘅酒香味略少🥲但整體嚟講真係好好食 清得嚟又會食唔停口😍-🤍麻辣醉香雞湯麵 $66 （腩肉+$8）麻辣好惹味🌶️但就有少少搶咗個酒香腩肉炆得好淋身🥩不過因為唔舒服所以試咗個辣一啖only🤣-🤍花雕醉蛋 $18好有驚喜嘅冷盤食落酒香好重 係全熟蛋嚟🥚酒香重到個蛋黃都好濃酒味-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌕🌑-

垃圾服務！下午5點到鋪點外賣自取一份醉雞飯，竟然需等待超過半小時。當時鋪內並不是滿客，已三番四次催促店員，只係話煮緊煮緊，等一陣。如果當初你係需要煮半小時先得既，點解唔出聲同客人講？客人可以轉其他的。已入黑名單。

是日嚟到上水大名鼎鼎嘅鳳鳴居搵食，佢果醉雞實在好出名，因為食平日午餐，一行四人唔洗等好耐就入得。睇完餐牌，諗都唔諗即點左醉香雞米線，小食揀咗黃金魚皮同辣豉油爽脆鵝腸。先講小食辣豉油爽脆鵝腸，啲鵝腸白烚，唔會烚過籠，夠爽脆，但因為鵝腸本身冇咩味，果辣豉油唔多夠味，搞到有啲鵝腸食落冇咩味。果黃金魚皮夠哂邪惡惹味，件件魚皮都夠哂脆同香口，啲黃金掛哂每個位，塊塊都有，好好味。去到主角醉香雞湯麵，我揀左米線，一嚟即試啖湯先，有啲失望冇諗嘅濃同埋酒味濃多少少會再正啲。啲雞件朋友有提過因為會同啲湯一齊煲，所以食落會鞋口啲，果然真係鞋口啲，唔夠滑。其實唔係好差，但可能期望高左，所以食落冇預期好，先會失望左。

大約在下午兩點左右到達，幸好不用排隊，餐廳大概有一半客人👀👀。⭐️ 醉香雞米線招牌醉香雞米線，湯底的味道偏向甜味，配上木耳、紅棗、蔥和雞肉塊😄😄。雞肉大概有四五塊，但感覺多是些骨頭，肉比較少😢😢。如果能提供一些更好的部位，會更好🤔🤔。米線的份量偏少，如果真的很餓的話可能會不夠吃😶😶。而且米線的質地有點軟，容易散開😶‍🌫️😶‍🌫️。湯底有點偏甜，這個要看個人的喜好了🙆‍♀️🙆‍♀️。🍄 總括嚟講醉雞米線的味道還可以，但份量偏小😶😶，而且我個人不太習慣喝甜湯底🙈🙈。📍鳳鳴居 FENG MING HOUSE上水馬會道154號地舖G/F, 154 Jockey Club Road, Sheung Shui

🐣 鳳鳴居 🥃終於食到一間想食好耐既黃店啦次次見到佢都大排長龍今次平日黎食都岩岩拎到最後兩個位麻辣醉香雞湯麵米線 $62一黎到我面前已經好香啦醉雞果陣酒味好香 搞到我都流晒口水食落果陣酒味仲係好出勁濃既醉雞酒味 食到最後都唔會滯仲好想飲曬啲湯添唔同部位既雞既滑溜程度都唔一樣有啲鞋啲 有啲滑啲咁但整體而言個湯底係超出色講起都好想食呀 😫🤤🤤知道佢地係旺角開左分店都好開心因為呢間真係好好食呀值得開分店既舖頭呀

終於黎到上水，可以試下呢間醉雞米線！同一條街有幾間食醉雞，但呢度最多人等！襟票等位秩序好好，都好快有位！叫左個招牌醉雞米線，同埋姬松茸湯底米線比較下 個人覺得醉雞湯底好岀色，好有藥才味，好濃，忍唔住成碗湯飲晒！兩碗既雞件都好滑好岀色，有雞味！仲有辣椒豉油點，同埋有骨碟，好貼心！見好多人加芫茜，超多芫茜好吸引，下次都想試下！

鳳鳴居一直都係 #米線關注組 熱門之一🌟🌟😆由上水開到旺角，最出名一定係佢嘅藥膳湯底！🥣除咗有醉香雞湯同花膠雞湯，仲有喇沙雞湯、麻辣雞湯、姬松茸雞湯等✨除咗基本配料（雲耳、紅棗、雞肉），唔夠喉嘅話，仲可以另外加平時嘅車仔麵配料：丸類、響鈴、豬大腸等😋平時見到旺角分店大排長龍！但上水分店就冇想像中要排咁耐隊～😆等咗大概15分鐘就入得去啦🙌🏻————————————————❶ 醉香雞湯米線 $52今次試咗佢嘅招牌菜醉香雞湯～😽一上枱就聞到好香醉雞湯味！湯底偏甜，面頭會見到啲雞油～雖然失望嘅位係酒味唔重🥹🥹但呢款湯底都會令你一啖接一啖咁飲落去！😆呢到嘅米線偏腍🤏🏻雞肉係平均分配位置俾你🫠例如有雞髀位2件、雞翼1件、雞胸2-3件🫨雞髀位都滑！但係雞胸位有啲就得骨同偏嚡🥺但個人覺得佢雖然未有surprise到我🤣但又覺得佢自己呢個湯底嘅style都會令你想回訪再食多次～～😽😽❷ 黃金魚皮 $41每塊炸魚皮都舖滿鹹蛋黃粉，一上枱大大碟又係好吸引！魚皮炸到好脆，將佢浸落甜甜地嘅湯到（好似打邊爐咁🤪）會覺得好夾好好食～唔洗驚沖走咗啲鹹蛋黃粉～因為佢唔太重鹹蛋黃味！😹😹整體魚皮都帶有鹹味，所以浸完湯

💠 佢啲雞唔係hea雞‼️‼️‼️‼️雞味濃郁，就算係麻辣味咁重，你一咬落去啲雞味都喺口泌出嚟💦仲要有雞髀🍗正🤤🤤.💠另外佢每碗雞麵都會配碟佢自己調嘅辣豉油，俾你點雞食👐🏻令到成件雞有昇華嘅作用～🔹麻辣醉香雞湯麵🌶️ $62話就話醉香，但其實麻辣味已經蓋過晒醉香味🫣不過佢麻辣好惹味😋係麻勁過辣，食到條脷痺咗👅但又唔會辣到食唔到👍🏻佢個辣係介乎10小到5小之間，而個麻就係3小👌🏻🔹蟲草花雞湯米線🐔 $60雞湯好鮮甜濃郁，唔似係味精湯👍🏻蟲草花爽口，加埋米線一齊食有多重口感😋感覺好養生🤣🤣ᰔᩚ 好味指數：♕ 麻辣醉香雞湯麵 9/10♕ 蟲草花雞湯米線 8/10

今日食左鳳鳴居個醉雞湯打邊爐，個湯底非常好食，好夠味，又夠甜，追住黎食，D間暫時係我食過最好食既藥膳湯底，同埋配個豉油好正，應該係自家制的，但D度冇咩服務的，班後生仔侍應當左返工係遊樂場咁玩，比客人還要嘈

次次經過呢間都勁多人排隊，作為米線控好好奇係咪真係咁好食呢！🤣Staff好有禮貌，而且上菜速度快~不過有啲款式已經賣晒啦，所以要留意時間嚟啦！總括嚟講，我覺得呢間米線店真係值得一試👍🏻👍🏻😋😋1️⃣ 蟲草花雞湯米線 $61雞湯味好濃郁同鮮甜，可以飲哂成碗🤤🤤🤤米線同蟲草花份量多，米線口感彈牙，雞肉嫩滑，分量都多👍🏻👍🏻好滿足😌👉🏻 𝑹𝒂𝒕𝒊𝒏𝒈 : 𝟳.𝟱/𝟏𝟎抵食指數: 𝟳/𝟏𝟎環境: 𝟲.𝟱/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!😋

開心番哂嚟，做嘢到上水，今次特登行去馬會道，就係想念醉雞麵。預咗排隊，但都可以十五分鐘就入到去，企理不變，整潔不變，哥哥姐姐仲係親切有禮溫馨提示，醉雞要等，會搭枱呀！真心欣賞，有禮就無敵。係時候講番愛茜的我，食咩有得加都加茜及辣，麵一上枱，滿滿的芫茜舖滿，加上醉雞的香味，就係一絕。熱湯中慢慢攪拌讓芫茜釋放出誘人又獨特的香氣。加上濃郁的醉雞湯，今次甜度較高，酒香較淡，希望下次對調就好，話哂酒鬼嚟呀。雞肉大件又嫩口，咬香有香味，肉質結實，正。仲叫杯洛神花嚟解解暑氣，要再試食其他。

今日踩完單車後黎到鳳鳴君食野，叫左一份醉雞米線及一個炸墨魚丸。米線既湯幾濃，雞亦有胸有髀既位，十分惹味。炸墨魚丸配泰式辣醬亦冇得輸。兩份$88都算抵食，值得再去。

依家食店坐落去一條好多餐廳嘅街，當身邊嘅舖頭逐一消失，轉來轉去，呢幾年都見佢尚在人間。首先，佢嘅價錢唔算好貴，真係街坊價，疫情呢幾年亦都冇大幅加價。終於試咗佢嘅招牌醉雞，我覺得個精粹一定係配豉油，酒香加埋豉油提升鮮味，算係幾吸引，當然你唔好如期啲雞件非常亂畫，但係都係食湯底為主另外一個係喇沙，特登加多啲芫荽，濃味， 60幾蚊，已經覺得非常合理，唔可以太高要求，因為真係街坊小店好希望以佢嘅小店，都唔會隨時間消失啦

週日下午三點左右黎到，唔使排隊，入面大約七成滿。店舖座位似茶記格局，內裏偏暗。早前食過旺角分店覺得少失望，今次黎總店試吓有冇分別。醉雞米線 $52正常味道，同旺角店差唔多，湯底都係偏甜果種，不過雞件稍為滑啲。自選湯麵 （喇沙米線）$24 +$9 手撕雞 +$8 秘製腩肉呢個反而有驚喜，起初食落湯底係偏咸同辣，後來愈食愈惹味。米線麵質剛好，而且掛湯。至於手撕雞就普通，腩肉則唔錯，唔肥之餘亦都唔鞋，算係最出色一項item👍🏻