漁牧 (Closed)

和老婆起尖沙咀覓食，想食下魚補充下omega-3，立即就search到呢間漁牧。上到樓發現地方環境都唔錯。一坐低立即呢樣叫個樣叫，甘先可以試真d食物ga嘛！首先黎個頭盤醬油皮蛋，蛋白晶瑩剔透滑嘟嘟，配埋調得剛好醬油，一啖一個，第二道菜未上就已經食哂！香辣海蝦，辣勁十足，大家淨係睇相應該都feel到d 熱力！當中我最欣賞都係個海蝦，蝦肉入唒味，食落既辣又鮮，蝦肉扎實，配飯食一流。特別推介以下呢個躲起辣椒堆入面既'薯片'當然，呢個moment，唔係要爆，而係要飲下野，所以叫左黑糖竹蔗冰，平衡下個辣味！終於，main course 浸左起酸辣湯既清江魚游左埋黎。個份量大到超出預期，第一反應係'下，甘多？'由於仲要係加左蟹柳，腐竹，窩荀同薯仔，未計本身已有既薯粉同午餐肉，食完飽到無朋友。講返主角清江魚，酸辣汁同香料味唒魚肉，食落一d都唔鞋，一路滾住一路食，最啱依家天氣涼涼地既時候食。由於係成條清江魚上盤，用筷子推開一大塊一大塊魚肉甘食夠哂霸氣！

漁牧京川傳統菜式好鍾意呢度嘅裝修、比較型格、又坐得舒服、見到餐牌有個黑糖竹蔗水、潤一潤喉嚨、又清潤我覺得啲碗碟非常之特別、襯返店舖嘅背景👍🏼😍跟住帶返個芥蘭又煮得好味、比較爽口㴝返個酸辣清江魚、超鍾意食呢個川菜、酸酸辣辣好開胃、超大碟好多人食就抵食好多👍🏼😜依碟香辣海蝦、非常欣賞、炒得超野味、又麻辣又香口、入邊仲加左好多材料仲有前菜好香好滑、嘅醬油皮蛋今次真係兩個人好抵食、下次仲可以叫多啲朋友嚟因為啲嘢全部好大碟😍😍👍🏼

倆人突發好想食魚🐟，尤其是川菜，真野未，天氣涼涼地，仲有火鍋咁‘淥住食’超開心，選左漁牧，環境好闊落，有好多卡位，不過燈光效暗，有D想眼訓👀既感覺，我們點左鮮泡椒酸菜爐魚鍋，而配料有過十款可選，我倆選左紅著粉，炸枝竹，味道一般，提一提大家、如果想問侍應攞杯水，就要收錢，每杯$6餐牌初時食好味，淥住食，但食左2/3左右，已經加左2次湯，都比較鹹，可以話係越食越鹹，唔知係咪唔應該滾住食咁奈？員工問左2次要唔要熄火，(但我們仲有碟著粉未到）點熄火呢？？有點攪笑😂啤酒不能缺少🍺$30大支裝，好抵飲

Nice services, great food, reasonable price, what can I ask for more?! 😉 the hot and spicy fish is my favourite, must try!

好姊妹話好想去試下燒魚，但又冇人陪，想約埋我一齊去食晚飯聯誼下。咁可以有得邊傾心事邊食好嘢我就當然唔介意，所以今日就拋夫棄子一晚咁多，同好姊妹去漁牧食晚飯啦~ 其實真係大鄉理，我今次都係第一次食燒魚，唔知係乜東東嚟呢~ 主角未到就先嚟兩杯飲品，我就叫左一杯勁香嘅菠蘿特飲，入口仲有粒粒菠蘿肉，絕對係我菠蘿杯茶。好姊妹就叫左一杯梅子冰，佢話味道唔錯，梅味十足呀~ 小食我地就叫左一個絕味雙菇，我個人就幾欣賞佢個冬菇，醃得勁入味呀~ 再嚟一個魚湯浸時蔬~ 主角終於出場，由於我地都兩個都唔可以食得太辣，所以就叫左依個原條香飄蒜香味海鱸魚~ 好似打邊爐咁熱住嚟食，入口暖暖地又唔錯呀~ 魚是先燒好然後再放上湯，所以唔會好乾~ 估唔到條鱸魚份量真係好大(我地兩個都真係有啲擔心食唔晒)，佢個肉身都好厚，而且都已經分開左骨，所以入口啖啖肉呀~ 另外佢個莞茜香加埋蒜香又真係幾夾，而且湯嘅份量又剛剛好，唔會好似浸魚般，所以整體上都唔錯呀~ 我地仲加配左芝士腸、金菇同埋娃娃菜，原來係上桌時已煮熱了，所以幾樣配菜都充滿蒜香及魚嘅香味，所以都唔錯呀~ 我地兩個好努力咁

前幾日同好姊妹想食川菜但我地又吾食得辣，就搵左漁牧試下先食左個前菜絕味雙菇，小小麻辣幾開胃，而且仲係菇我勁鍾意食菇合晒口味我地仲各自叫左2杯飲品，第一杯梅子特飲 ， 用料好足， 好重既山楂， 烏梅  味第二杯菠蘿特飲  ，裡面有菠蘿果肉架+梳打，飲一啖即刻爽晒食完個開胃小菜 ， 叫左個 魚湯浸時蔬 ， 好濃魚湯味主菜到喇香飄蒜香味燒海鱸魚，我地仲加左d配菜 芝士腸+滑豬紅+金菇菜+大白菜， 條海鱸魚一上台就好香蒜味， 食落去條魚索晒d汁勁入味好濃郁蒜味， d蒜食完個口吾會一陣味， 如果吾係太飽加個白飯配埋個汁咁就太完美喇

完全無時間返大陸食四川野 好掛住D辣餸 今日一次過辣爆佢 刺激一下先得 前菜就叫了比較溫和嘅麻辣牛肚絲、口水雞、醬油皮蛋 醬油皮蛋係糖心架 完全唔辣仲可以中和之後嘅辣餸 口水雞真係好鬼辣 係全晚最辣嘅一道菜 入口之後慢慢先辣出黎架 老北京烤鴨 燒得好靚 最好就係真係成隻比晒我地 好多肉 而鴨本身又唔會太肥 我會推介比朋友 漁牧沸騰魚 本身唔係好食魚 不過黎得漁牧無理由唔食魚啦 食款魚幾特別 將鮮魚放落去沸騰嘅油到滾熟佢 所以D魚好滑 仲要係啱啱熟個重感覺 之後我地仲叫左個招牌奇香雞煲 微辣可以食出雞味 雞好滑 不過就好似普通左D 下次都係叫魚可能好D 食完個雞煲再加入豬肉、手打墨魚、豬紅同埋菜 我已經好飽了 豬紅同個雞煲好夾 我朋友仲話未夠要吃多個麵同甜品 於是佢就點左老鴨湯上海青肉沬手作麵 個老鴨湯真係好清 我都試左一口 D麵好彈牙架 紫薯卷 我就唔特別喜歡依個卷了 太麵粉感覺了 菠蘿特飲同冰爽鮮果橙汁就好似出面茶餐廳咁囉 另一位就選了Corona特調 太大杯了 一枝啤酒再加咁多冰 一個大男人都話飲極都飲唔晒呀 我覺得2個人share會好好多

老婆大人話要帶我去食四川辣魚，乜辣魚有分邊個地區？我又唔知道，但一講起食辣，就當然要去試啦。呢間叫「漁牧」，都唔係第一次黎，我哋黎食魚為主，估唔到連隻碟都有魚喎！食碟菜，清清地先～呢一碟，就係主菜，我哋揀咗「鮮泡椒酸菜味的清江魚」，就返老婆唔鐘意咁多骨。估唔到一口廿心木魚好大碟，原條上，兩個人食呢條魚都夠晒飽！條魚係先炸後上碟再炆煮的。佢俾咗好多鮮泡椒同埋大量的酸菜，食起上黎酸酸辣辣。坦白講，原本食落口覺得唔夠辣，但越食就覺得越辣！湯汁收咗既時候，魚肉吸收晒湯汁既辣味，就更過癮！！仲可以好似打邊爐咁加酸菜，十幾蚊都好平。我哋加咗蟹柳、薯仔片、窩筍添，全部係吸湯吸味既配菜！啱晒我～呢一碟又係夠晒辣，叫做香辣午餐肉。有著厚切的午餐肉，同埋有蓮藕，辣椒都無慳，放咗好多！夠晒惹味。

老公成日都話要食酸辣魚。係荃灣都食咗唔少間，但想不到，漁牧先啱老公口味。兩個人，叫咗一壺的竹蔗黑糖冰。預備食辣魚時解解渴。前菜，點咗呢個拍青瓜拌梅汁雲耳，用黎開開胃，原來個份量都唔少喎。清炒時蔬，今次揀咗白菜仔。主角黎啦！就係呢個鮮泡椒酸菜味的辣魚。今次我哋揀咗清江魚，貪佢無咁多骨，比較啱我食。外皮係炸到卜卜脆的，食起上黎，更有炭香口味。成碟都有好多辣椒以及香料及酸辣味。食起上黎更香辣。而且，仲可以揀配菜，每款都係十幾廿蚊咋。今次我哋加咗熟鮮腐戶、仲有薯仔片，更吸收埋酸辣湯汁係入味。成條魚都好大條，成量好足料！越食，個湯汁就越濃縮，所以會越食越辣的哦。

 剛入店個時可能時間仲早，都未算好多人，後尾愈晏就愈多人，好多人都係成班book左台泥gathering咁。「麻辣味燒海爐魚」一上台就聞到好香麻辣味，鍾意食魚 不過要等女朋友影完相先食得魚肉非常入味，不過都幾辣，加埋薯粉、金針菇、腸仔、餐肉等等配菜，淨係呢味菜2個人share已經好飽。 當然不得不提我地至愛「大漠風沙雞翼」，又脆又香口，食下食下就不知覺食哂！ 食到最後一隻女朋友仲好好咁讓左比我食，好啦好啦下次叫多一碟啦最多 XD最後「魚湯浸時蔬」，對面個人飲哂d湯，留返d菜比我U_UAnyway，個肚係好滿足地離場的～

Lunch冇咩食野，所以收工個肚餓到打鼓，急急腳就同男友沖左去尖咀。我地2個都唔算好食得辣，但又好中意食辣野，貪佢夠惹味～所以見到個「麻辣味燒海爐魚」上菜既時候都「嘩！」左一聲～之後一邊影相，男友一邊話聞到好香啊、好餓啊、EE呀呀（默默暗示我影完食得未 lol）!!!魚下面係不同的配料，包括有「薯粉、腸仔、餐肉、金菇」等等，不過建議薯粉唔好太遲食，唔係會痴底T_T ～而身為雞翼控情侶，最愛的自然係「大漠風沙雞翼」，雖然一開掛住食魚，但雞翼放左陣都依然好脆，好正啊～唔駛3個字成盤就比我地清哂啦，haha食完重口味野食多個「魚湯浸時蔬」就剛剛好，話說佢個湯都幾濃幾好飲XD 結論係... 下次要叫2個「大漠風沙雞翼」！

天氣涼了，最好食啲辣辣地的野暖下身❤️不過一般打邊爐已經成日去，今次玩下新口味，川味烤魚打邊邊🐬🐟🐠🐳🐋🦈火鍋🍲我怕啲魚有泥味同太多骨，所以鱸魚係首選👍🏻湯底選擇不多，就係唔辣、辣、好辣、非常辣🌶所以都唔怕會有選擇困難証發作。不過食魚之前，先上左一早預定左的乳豬🐷真係不得了丫😝超級無敵好食👍🏻皮又薄又脆，無嘜肥膏，肉又軟又香💯啲肉本身已經好入味，就算唔點醬汁都好正😋😋不過店家提供左三隻醬汁，如果自問係重口味的，加埋醬汁就更加🉐一隻係wasabi sauce - 我覺得配乳豬有點怪怪的一隻係特調乳豬醬 - 較一般的味濃，帶有少少甜味一隻係mustard - 配肉食，無禁滯，個人最喜歡順帶一提，里個漁牧混豬一定一定一定要預訂，如果唔係好快就賣晒嫁喇👍🏻火熱香辣味 - 有兩條小辣椒🌶️🌶睇相好像好紅好辣對不對❓真的好辣哦🤤啲辣味係越食越勁，慢慢慢慢禁漏出黎，重點當然係加埋薯粉 / 海帶 / 萵筍 / 金菇等等等等的配菜落個底，一路煮，一路吸盡湯底的精華🍜🍲鱸魚夠晒滑，骨又少，唔怕食食下會食到魚骨😍泡椒酸菜味 - 有一條小辣椒🌶里個湯底只有輕微辣，酸味較為突出，不過食到尾有一種花椒的麻味❤️說實話，

今次再去漁牧 係因為咁啱入咗朋友去尖沙咀 朋友上我介紹 附近有咩好嘢食 我即刻諗起呢間 上次食過又ok 今次去 點知發現又有新嘢食 今次我食咗依個 燒乳豬 配呢個 糯米飯 乳豬滲入糯米飯裏面 飯滲出陣陣嘅香味呢個一定要試 仲有咁麻辣雞都好好味今次仲嗌咗隻辣蟹 雖然感覺好辣 但係食落去又接受到呀 雖然依餐 都唔係嗌到好多嘢食 但係都好飽了 今次去到呢間舖頭 店長都好友善 仲認得我上次嚟過仲送咗杯好好味嘅酸梅湯畀我飲真係要多謝個店長 雖然我唔係成日食川菜但係下次如果想食都會再去試

前幾日返工lunch time ，諗起星期日(8/10)同媽咪加男朋友一齊食飯，但想食片皮鴨，但又吾知搵邊間好，買lunch食個陣咁岩經過見到漁牧有得食片皮鴨，咁就好衝動咁就訂位，其實都吾知好吾好食，又未睇過食評。咁就book左位預留鴨鴨同乳豬仔(聽佢講有時賣哂，如果有心想食，我認為book左隱定啲😂😂)咁當日就去左食啦，舖頭環境算係乾淨同舒服，坐左冇耐就上左隻豬仔，比我想像中好食😍咁叫左條魚，口水雞，同幾杯野飲我個人認為唯一吾太好既系水都要比錢，$6一枝，茶就$8杯(茶要比正常，但一杯杯計)咁條魚就揀左酸辣味。酸酸甜甜幾開胃但要快熄火因為煮得耐魚肉好老口水雞冇咩特別，但多碎骨最後隻鴨終於出場，吾可以講難食，但不過不失，不過男朋友同媽咪都話有騷味。我吾會話尼間野太差，但人地名都寫漁牧，點會鴨整得好好味，只系388吾太值，因為我知有間298仲好食，但冇得booking, walk-in only btw 成張單$1172(媽咪，男朋友，家姐同我四人)total整體10分有6分

每日食LUNCH 都唔知食乜好雖然話尖沙咀好多選擇, 但係日日都要諗都幾頭痛!今日黎左漁牧, 原來佢地都有SET LUCNH款式都OK 多~~我就叫左柚子秘 "蜜"叉燒叉燒上面淋左柚子汁及柚子碎, 食落多左一份甜味~而叉燒肥瘦適中, 飯既份量都幾足, 男仔黎食既都夠飽!!餐茶可以揀咖啡, 茶, 檸檬茶, 中國茶或罐裝汽水~~凍飲要加$3!呢度午餐價錢跟同區黎講都差不多;我鐘意佢呢度坐得舒適D, 食物質素都OK!