滿福庭

Open Now

Now Closed

鱷魚恤中心美食林立，今天跟爸爸到訪七樓的中菜廳「滿福庭」享用午餐；店內面積寬敞四正，用上大量懸垂水晶吊燈盡顯大氣-🔹午市點心超值自選▶️鮮蝦菜苗餃晶瑩剔透的外皮粘糯輕韌，內裡載滿翠綠鮮嫩的菠菜苗及爽彈的蝦肉，令人滿足▶️蜜汁叉燒腸做到皮薄餡足，腸粉外皮柔嫩輕彈，帶有米漿味道；叉燒份量足，肉質緊緻帶啖啖蜜汁香，配合少量芫茜更滋味▶️迷你滑蛋鮮蝦仁滑蛋份量十足，炒得嫩滑富蛋香，同時保留適量蛋汁；蝦仁得體大隻，鮮甜爽彈，整體調味恰到好處▶️迷你滿福小炒皇材料豐富有蝦仁、蝦乾、北寄貝、香菇、腰果、韭菜及菜脯等，加入 XO 醬炒製而成；蝦仁爽鮮、蝦乾鮮甜、北寄貝嫩彈、腰果香脆、韭菜爽嫩，配搭鹹菜脯及 XO 醬，口感及味道層次皆豐富且惹味-🔹祝壽大蟠桃壽星月當時要點蟠桃，壽包大個圓潤，包體綿密細緻，蓮蓉幼滑而甜度適中，鹹蛋黃鮮香起沙

週末假期，最適合與親友相聚飲茶，慢慢享受。我最近光顧了位於 apm 商場旁的滿福庭，這家酒樓的環境非常舒適，落地玻璃設計讓整個空間顯得開揚，而特大螢光幕則讓我們在品嚐美食的同時，也能隨時關注新聞。👍❤️香煎蘿蔔糕這道香煎蘿蔔糕外脆內軟，表皮金黃酥脆，每一口都能感受到蘿蔔的清香，搭配上甜醬辣醬，十分美味。🧡蠔皇叉燒包蠔皇叉燒包的皮薄餡多，叉燒的味道濃郁，搭配蠔皇醬的鮮美，讓人一口接一口，完全停不下來。💛花菇棉花雞這道點心的雞肉鮮嫩多汁，搭配香菇的獨特香氣，多塊厚切棉花口感豐富。💚半肥瘦叉燒腸粉腸粉的滑嫩程度恰到好處，半肥瘦的叉燒切得厚薄適中，配合甜豉油，十分滋味。💙紅燒妙齡乳鴿這道紅燒乳鴿色澤誘人，肉質鮮嫩，入口即化，讓人感受到廚師的用心。💜蜜糖脆蛋散經典傳統甜品唔係到到有，蜜糖脆蛋散的甜度剛好，外層酥脆，滿滿嘅蛋香配上蜜糖成結尾的完美之選。

觀塘鱷魚恤中心有好幾間酒樓，今個週末同屋企人黎到飲下午茶。潮蓮燒鵝湯米線(碗) $45.8湯底清澈，米線滑順，吸附著湯汁，燒鵝外皮香脆，配合燒鵝的油脂，令米線都掛滿肉汁香味。蟹子燒賣(2件) $14.8外皮薄透，內餡鮮美，蟹子為燒賣增添了鮮甜的味道。皮蛋瘦肉粥 $14.8粥底煮得恰到好處，米粒綿滑，皮蛋的鹹香和瘦肉的鮮嫩完美融合，好滿足。安蝦咸水角 $21.8外皮酥脆，非常軟糯。內餡豐富，每一口都能感受到鮮蝦的鮮甜，搭配微微的鹹味，非常可口。山竹牛肉球 $25.8牛肉球內裡肉質鮮嫩多汁，腐竹滲透住牛肉汁，有豐富層次感。南乳蒸豬手 $23.8豬手肉質軟嫩，南乳的味道濃郁，好入味。蟲草花鮮竹卷 $29.8鮮竹卷搭配清新的蟲草花，每件都滲滿湯汁，好暖胃。

上星期有屋企人生日，所以在滿福庭訂了一圍晚飯慶祝，整體感覺很好，環境衛生舒適，食物質素中上，服務態度十分滿意。🔅乳豬全隻食落唔會偏肥或偏瘦，十分香口🔅雙蚌炒時蔬珊瑚蚌新鮮爽口，但炒時蔬略嫌有少少多油🔅炸蝦球酥脆可口，結實彈牙🔅瑤柱髮菜生菜瑤柱好大粒，髮菜生菜好食🔅清蒸老虎斑條魚唔會太熟，蒸得啱啱好🔅炸子雞香脆唔油膩，外脆內肉嫩🔅鵝掌鮑魚鮑魚同鵝掌都好大隻，鮑汁香濃🔅壽包入面有蛋黃，蓮蓉唔會太甜

假日喜歡飲茶，點心款式眾多，又有午市優惠。滿福庭場地夠大夠寬敞，而且有電視觀看。安蝦咸水角 $35.80質感煙韌軟糯，餡料份量適中。鮮蝦菜苗餃 $38.80水晶皮夠薄，鮮嫩菜苗包著爽口蝦肉，比例剛好。上海小籠包 $38.80嘩好大粒巨型大粒仍保持薄皮，咬開好多肉汁流出。紅燒乳鴿 $68外皮脆卜卜，肉質嫩滑多汁永和鎮鮮竹牛肉球 $34.80牛肉球大粒飽滿多汁見到有推車的木桶豆腐花，當然要食一碗豆腐花 $23.80，份量十足，有豆香。

今日同屋企人一行五人接近中午到訪早茶優惠到11:59止，問樓面計入單定離座，佢話入單計，不過茶錢就以離座計有兩張點心紙都有早茶優惠，樓面見我入一張，好心提醒仲有另一張都有優惠，我示意冇心水點心隔咗5分鐘，大約11:55樓面再好心提醒睇我有冇嘢要加，勁貼心-點咗早茶點心孖寶$44.8，一個鱆魚肉餅飯拼叉燒腸，叉燒腸皮好滑有米漿味，唔會太濕，叉燒夾埋芫茜質素唔錯另外叫咗一個點心拼盤$33.8，有5款點心各1件，分別係蝦餃、素餃、菜苗餃、粉果同叉燒包，屋企人大讚素餃、粉果同菜苗餃都有質素，至於叉燒包同蝦餃我就冇問到-仲有午市套餐，2款點心拼1-4款自選小食/小菜/燒味/粉麵飯，我哋揀咗4款，分別係叉燒、蝦仁炒蛋、菜遠牛肉同雪菜火鴨絲炆米，除咗叉燒，全部標明係迷你，但係嚟到碟頭絕對唔算迷你；點心就揀咗菜苗餃同南乳豬手菜苗餃最終原來漏咗單，南乳豬手炆得夠腍又入味，份量仲好夠叉燒排得整齊，脂肪比例低所以偏少少乾柴，有嚼勁，淡淡蜜汁香未算好入味，屬合格水平蝦仁炒蛋份量好夠，炒蛋好香夠嫩又唔油，蝦仁鮮爽，非常有質素！菜遠牛肉選用菜心苗，仲擇走咗菜花，翠綠夠嫩炒得爽口，牛肉好大片，口感爽滑仲有少少牛肉香

周六與家人在「滿福庭」嘆茶共樂天倫，大堂寬闊無柱遮擋，樓底又高，舒適感極佳。 五彩鮮蝦炸雲吞~視覺上令我感覺是錦鹵雲吞的迷你版， 甜酸醬裏沒有八珍配料，簡簡單單的大片雲吞皮，咬落脆卜卜，吃到鮮嫩蝦肉又是另一個層次的味道，蠻不錯的。上海小籠包~皮薄、肉餡味鮮汁多。香噴噴流沙包~流沙包口感柔靭，看着金黃香甜奶黃餡慢慢流出，非常有吸引。鳳城薑汁雙皮奶~香濃嫩滑又營養豐富，可是略嫌薑味較淡。 蜜糖脆蛋散~舖滿椰絲碎的脆蛋散，很有細緻口感，滿滿的蜜糖墊在蛋散下，可以隨意蘸多或少，非常有誠意的蜜糖脆蛋散。法式焦糖燉蛋 ~燉蛋上多了一片焦糖，味道多了一份甜和脆，燉蛋也為乾燥的天氣帶來一份滋潤美意。 七味炸魷魚鬚和七味黃金豆腐~兩份上火小食，酥香味美，一爽一嫩，配合得宜。醒神孖寶: 鳳爪排骨飯~和乾炒肉絲河~既美味可口，也有醒神能量又飽肚的孖寶。

今日同屋企人飲早茶，經街坊介紹觀塘有間好抵食的茶樓。坐得舒服，乾淨衛生，早市有特價點心和孖寶，真係好抵食！馬蹄牛肉球（2件）以$8.8性價比高，牛肉加咗馬蹄，增添了爽口的口感，值得推介。潮式糯米卷不過不失，夠暖胃飽肚。醒神孖寶--鳳爪排骨飯好受歡迎，枱枱都有一碟，鳳爪排骨份量足，米飯粒粒分明。-- 蟹子燒賣皇大大粒，有蝦有肉，仲有蟹子。晶瑩芋粒餃呢款比較少見，芋頭現在當造，有芋頭香。碧綠帶子卷主要餡料為帶子和蝦，外面包左層菜，矜貴得來夠健康。七味炸魷魚鬚好大碟，以魷魚鬚為主，重口味人士之選。山水豆腐花不過不失，尚算香滑。

朋友嚟香港玩幾日．話想飲茶食點心帶佢嚟觀塘呢間酒樓皆因坐得舒適．鄰近地鐵站方便易搵早午市．下午茶時段炒粉麵飯 同 點心都推出不同優惠點心即叫即蒸．熱辣辣有水準午市套餐$158可以自選2款點心 + 1款主菜✨豉汁涼瓜班腩炒河即叫即炒．多汁又惹味班腩厚肉．份量十足✨鮮蝦菜苗餃✨晶瑩芋粒餃晶瑩通透．餡料飽滿仲有多款點心只係$20.8✨排骨陳村粉✨香茜牛肉腸✨安蝦鹹水角✨蠔皇鮮竹卷整體食物有質數．價錢抵食朋友話下次再嚟香港都要再嚟呢間

細個皇太后👭🏻成日帶我黎鱷魚恤中心飲茶🫖，依家到我帶番佢啦😌印象中我地未食過依間，所以鍾意試新野既𝟐母女，就即刻決定左😂店內有超大電視📺 • 天花掛滿水晶燈💎，仲有細個必衝去睇既魚缸🐟木桶豆腐花，仲係推車仔🛒嫁，好有回憶💭~•~•~•~•~•~•~•~•~•~•~•~•~•~•~•~•~•~•~• 💁🏻‍♀️蝦餃 • 燒賣一定係飲茶切嗌既點心🥢依𝟐款都係大大粒，個名都有個"皇"字真係有原因🤪▪月半灣水晶蝦餃皇啖啖都係滿滿蝦肉🦐，外皮唔會好厚🥟.▪蟹籽燒賣皇 豬肉唔會實的的🐷.▪鮑汁炆雞腳炆得夠入味，但又唔會甩甩下🐥腳掌位好飽滿，仲有大粒花生墊🥜.▪蟲草花貴妃雞靚粥真係冇諗過係咁大碗。勁多雞件🐔 • 蟲草花，粥底綿綿☁️☁️雞油令粥變到黃色，但食落又唔會油淋淋💛 加埋蔥 • 胡椒粉，正正🥄.▪脆蝦紅米腸粉 滑滑腸粉皮包住🤲🏻米脆脆網皮春卷🫔，(春卷餡)蝦 • 木耳 • 菜🥬 • 甘筍🥕....▪茶(可揀)🫖鐵觀音 / 香片 / 壽眉/ 普洱 .讚讚店員們💕服務好好 • 有禮貌，主動幫我地加水 • 換碟....~•~•~•~•~•~•~•~•~•~•~•~•~•~•~•~•~•~•~•🔺需加𝟏𝟎

星期六想飲茶又唔使點等位，去觀塘飲茶真係一個不錯嘅選擇。今日去咗APM附近嘅滿福庭，等咗一陣就有位，超快！三姐潮州蒸粉果粉果外皮薄透，包裹著超多餡料，裡面的花生好香，整體好有口感。蠔皇叉燒包叉燒包外皮柔軟，咬落去鬆軟，內餡則是豐富的叉燒，口感多汁，絕對係飲茶必食之選！香茜滑牛肉腸粉腸粉滑而不黏，牛肉香嫩，且搭配了香茜的清香，午市仲要有特價，抵食！福建炒飯炒飯的米粒分明，炒得恰到好處，裡面加入了蝦仁、火腿和蔬菜，色彩繽紛，未食已經垂涎欲滴！

和媽咪來了觀塘行下APM，順道在鱷魚恤中心的滿福庭飲茶🫖一入門口，已感到地方非常寛敞。我們坐下後，便看看餐牌，叫了一些點心，及一些抵食小菜。我們叫了蒜蓉粉絲蒸元貝(四隻)、紅燒乳鴿、香菇棉花雞、金湯冬瓜盒，甜品叫了雙皮奶。~ 蒜蓉粉絲蒸元貝(四隻)：元貝肥美，配蒜蓉粉絲蒸，非常惹味，價錢$78，簡直超值。~ 紅燒乳鴿：皮脆肉嫩，醃得入味，不用點任何醬汁都夠味。~ 香菇棉花雞：傳統的點心，棉花、冬菇大大件，雞肉細滑。~ 金湯冬瓜盒：金湯是南瓜湯，冬瓜盒內釀了碎肉，味道清新，適合夏天食用。~ 甜品：叫了雙皮奶，白白滑滑，滋潤養顏。整體來說，滿福庭水滾茶靚，午市的特價小菜，經濟抵食，點心款式多，既有傳統的，亦有創新的，任君選擇。加上招呼親切，坐得舒服，確是三五知己，聚餐的好地方。

今日去咗觀塘滿福庭飲茶，午市點心超值自選點心加配精選組合，點心2款配精選1款＄158、點心2款配精選2款$208，叫咗兩個點心，蜜汁叉燒腸，鮮蝦菜苗餃大隻新鮮又好食、加多一個邪惡小食椒鹽鮮魷魚鬚鬆脆可口食唔停，另外仲有（迷你）瑤柱蛋白炒飯，但一啲都唔迷你，熱辣辣特別好食。平日12:00-3:30午市特價點心$20.8一個，蠔皇鮮竹卷、香脆綠茶餅嚟到都係熱辣辣。酒樓有一個超級大嘅電視，中午嚟飲茶仲可以睇埋電視㖭。

今日中午同同事去飲茶，觀塘出名人多，所以我哋一早嚟霸定靚位。呢間酒樓座位都幾舒服，枱與枱之間唔會太密，都有適當的空間。蠔皇鮮竹卷$20.8呢款係特價點心，抵食，有三大條鮮竹卷，個蠔油汁整得唔錯，鮮竹卷的腐皮都幾入味，同埋唔會太油，入邊餡料亦豐富。月半彎水晶蝦餃（頂）隻隻蝦餃都脹卜卜，粉嫩透紅，鄙薄餡靚，入邊有筍粒，爽口彈牙嘅蝦仲有少少肥豬肉，所以食落零舍甘香。三姐潮州蒸粉果（小）粉果皮未咬開已經望到入面餡料豐富，有大量沙葛粒，花生，少少韭菜，蝦米肉碎，好香口。花雕酒香煲仔叉燒包（中） 幾特別嘅一種叉燒包，用煲仔上，上枱時侍應響外面淋上花雕酒，頓時香氣撲鼻。打開煲仔蓋，裏面有三個生煎包咁樣嘅叉燒包。包好鬆軟，而且帶有花雕香氣，入邊嘅叉燒亦都香甜美味。鮮蝦菜苗餃（大）賣相好靚，晶瑩剔透，入邊嘅菜苗夠多，充滿蒜香味。海皇釀玉環（大） 好精緻的點心，節瓜脯中間釀咗蝦膠冬菇豬肉，再打了一個玻璃蛋白芡，一點也不油膩。半肥瘦叉燒腸粉（大）腸粉皮都幾滑幾薄，入邊叉燒餡料豐富，唔會太肥，亦唔會嚡。食到最後，侍應仲送我哋豆腐花做甜品，非常開心。豆腐花熱辣辣，甜度適中，豆味香濃，不錯的甜品。

星期六媽媽帶著我到觀塘飲茶撐枱腳，而滿福庭可說是她的飯堂，平日她總愛到這裏嘆一盅兩件。這天食客挺多，幸好酒家佔地夠大，不用等位就可以入座。蠔皇鮮竹卷鮮竹卷內放了大量餡料，如木耳及蝦肉等，腐皮吸收了滿滿蠔油湯汁，外軟內爽，非常鮮味。酥炸韮菜角韮菜角外皮酥脆，內層香軟，入口不油腻，配合韮菜及雞蛋餡料，口感豐滿。酥炸蜆介鯪魚球鯪魚球大大個，漲卜卜，黃金色澤，外酥內Q，口感結實彈牙，蘸上帶點鹹香的蜆介醬，香口滋味。七味炸魷魚鬚魷魚鬚上加了惹味微辣的七味粉，入口香酥爽彈，不油不柴，推介。頭抽肉片炒河炒河挺夠鑊氣，頭抽味足，但味道不會過鹹，肉片口感爽脆有油花，有點像吃著豬頸肉，巨好吃。