滿福庭

Open Now

Now Closed

  兄弟二人在觀塘晚膳，今晚想吃中餐選了 鱷魚卹中心7樓的 「滿福庭亅試試這間酒樓樓味道如何。這裡一般酒樓裝潢光線充足座位闊落舒適。設有魚缸生猛海鮮多款小菜和套餐多項優惠經濟抵食！家庭便飯，朋友聚餐適合不過。紅燒妙齡乳鴿 68元體積肥大肉厚骨軟，肉嫩滑肉汁豐富鮮味外皮香脆。好滋味！ 碧綠雲耳炒龍躉球  178元整碟小菜色澤鮮亮！很精美！密糖豆清甜脆口，配合其他配料口感清爽。主角龍躉球份量足，厚切肥美甘香很有魚味，皮層煙韌中帶滑充滿骨膠原。豉汁帶子蒸豆腐   148元豆腐常嫩滑，帶子鮮甜好清新。豉汁鮮味好餸飯。瑤柱雞翼貴妃雞  /半隻  135元皮色黃閃閃的很漂亮，皮脆有肉香嫩滑。送頓晚飯吃很滋味舒服也抵食和服務都很好。滿意！

📍 滿福庭- 觀塘探完表姐個BB，順便係觀塘食飯，問爸爸想食咩？佢就話想食酒樓。之後我哋就求其入咗一間，依間酒樓嘅裝修有一個好大嘅廳，仲有一個大舞台，好適合舉行婚禮🤵店内環境裝修別致，非常光猛~枱與枱之間夠寬敞，座位闊落，坐得好舒服😌食物種類選擇豐富~以海鮮為主🦞所以都會有活海鮮係度游水💧即撈起即煮，果然夠晒新鮮🦐🦞🦀✨鮮雜菌乾燒伊麵大大碟嘅乾燒伊麵，差唔多可以分到七碗鮮雜菌多到可以每啖都食到🤲🏻份量真係超多🍜伊麵食起身比較煙韌兼且有鑊氣同時炒得比較乾身唔會覺得油膩！✨新鮮黑毛豬咕嚕肉好想在夏天吃既一道菜 咬下香口而味道又酸甜開胃黑毛豬肉好鬆軟，又夠哂味🐷佢個炸皮係超薄加超脆除咗甜酸適中嘅蜜汁之外拉絲嘅糖漿更能帶到咕嚕肉嘅味道絕對係我人生食過最好食嘅咕嚕肉🐷✨翡翠炒斑球夠鑊氣👏🏻大大塊班球鮮味、爽口加鮮嫩用深海龍躉用斑球，大約有六件斑球魚肉彈牙得黎帶啲紮實口感，魚皮煙韌充滿膠質！配料以西蘭花做主題🥦被全部嘅西蘭花包圍翠綠色，果然係色香味俱全🐟✨紅燒乳鴿紅燒乳鴿，皮脆肉嫩，夠晒Juicy！即燒熱辣辣，厚肉唔乾柴。必點❣️

這家酒樓的內部裝修新，環境高貴華麗，座位舒適，侍應服務殷勤，中菜美味。餐前小食鹽焗花生，不用收費，花生香脆，帶少少咸味。海蜇手拍小青瓜68元，份量多，海蜇爽脆，青瓜鮮甜，雲耳爽口，醬汁帶少少酸味，很開胃。紅燒乳鴿68元，鴿皮香脆，鴿肉鮮嫩多汁惹味。深海龍躉有四款食法，其中翡翠炒班球178元，龍躉肥美，西芹新鮮，雲耳爽口，咸味適中。晚飯孖寶288元，豉油皇海生蝦，賣相美麗，醬汁濃味，脆皮醬燒雞，雞皮香脆，雞肉美味。奉送紅豆沙，豆味濃，微甜。茗茶每位15元。

早排同屋企人喺觀塘想搵地方坐低飲啖茶食個包，搵到呢一間喺地鐵站附近嘅酒家。呢間餐廳主打係精緻嘅點心同粵菜佳餚，重點係佢相當抵食，職員招呼又有禮貌，所以係食飯時間佢哋都成日爆場。👍🏻**四季海皇餃**海皇餃睇埋相已經覺得佢大大粒好抵食，一試發現佢皮薄而且有韌勁，餡料都十分豐富，包括蝦肉、馬蹄同菜脯等等。🥳**馬蹄牛肉腸粉**腸粉皮薄Q彈，餡料則用咗新鮮牛肉同馬蹄混合而成，口感帶點脆口，整體嚟講都算唔錯。🤩**蒸蘿蔔糕**傳統蒸蘿蔔糕而家已經買少見少，唔係好多都有得食。蘿蔔糕有好濃郁嘅蘿蔔餡料，食落有一絲絲甜味。加埋蝦米同埋臘肉做點綴，令味道更加上一層樓。😋**蠔皇鮮竹卷**鮮竹卷外表包裹有酥脆的麵皮，咬開後裡面夾雜了新鮮蔬菜同雞肉，既鮮嫩又帶點甜味，芡汁味道亦都恰到好處唔會太鹹。😁**脆皮燒腩仔**呢度餸除咗係餐廳招牌菜都係我嘅推薦，腩仔肉質肥瘦相間，皮脆肉軟，入口即化。可以再點埋中式嘅芥末醬，令到味道更加豐富。🥰**豉汁涼瓜斑腩炒河**真係要讚吓佢哋嘅斑腩肉質新鮮又嫩滑，仲要快快都勁厚勁大塊，佢同涼瓜啱啱可以做個完美配搭。😘

星期六同媽咪去觀塘滿福庭飲茶，大概12點去攞位好快有得入座。百合鮮蝦鳳眼餃：鮮蝦十分彈牙，百合又帶來了清香的味道，而蟹籽增添了嚼勁，整體好有驚喜。活剁生拆韭黃鮮蝦腸：韭黃的質地脆嫩，鮮蝦則帶有一定的嚼勁，腸粉又薄又滑。七味黃金豆腐：黃金豆腐外脆內軟，口感細膩、柔軟，加入了七味粉帶來的香辣風味。銀芽鴨絲炒麵：炒麵非常有鑊氣，鴨絲帶有一定的嚼勁，銀芽則脆嫩可口，而且午市有特價，又大碟又抵食。薑汁豆腐花：豆腐花細軟滑嫩，入口即化，甜品為整頓午餐畫上完美的句號。

滿滿亭酒樓地點方便，位於觀塘開源道鱷魚恤中心7樓，地鐵站A二出口行大約兩至3分鐘就到，酒樓地方闊落，燈光夠晒光猛，店員仲非常有善豉汁蒸鱔$188鮮嫩的鱔魚切件，搭配豉汁和其他調味料進行蒸煮，時間拿捏得剛剛好，入口鱔魚肉質鮮嫩，彈牙有嚼勁，並且能夠保持其原有的鮮味。豉汁調味料混合而成的醬汁，具有濃郁的豆豉香味的口感，鱔魚在蒸煮的過程中吸收了豉汁的味道後，魚肉變得更加美味南非蒸網鮑$136食材新鮮只用簡單的蒸煮方法，以保持鮑魚的鮮嫩口感和原有的味道，蒸煮的時間剛剛好，鮑魚入口肉質鮮嫩、口感彈牙，帶有微妙的香氣和風味，並且保持了鮑魚本身的原味，蒸鮑魚不會添加太多濃重的醬汁或調味料，食鮑魚本身的鮮美，原汁原味新鮮黑毛豬咕嚕肉$168豬肉非常林身，做到外脆內軟，味道酸酸甜甜，夠晒開胃，配菜仲有洋蔥，青椒，紅椒，菠蘿，蔬菜爽口，又夠新鮮蟹粉海皇豆腐煲$148蟹黃味道非常濃郁，用來送飯一流，仲有好香濃嘅豆腐味，入邊有很多隻蝦仔，非常爽口，上面放有蔥花，外觀非常吸引藍妹$48啤酒凍冰冰入口清涼又舒服

以前這里的雞孔，熱腾腾冒烟，闪亮光澤，新鲜嫩滑，而且冇芋頭，非常好吃，今天23/4早茶，發现早点優惠纸，特價点心纸，甚至散叫单点纸也找不到，叫侍应帮手也找不到！p.s.特價紙的点心比10个赞，小弟佩服，真的很难諗到，因为10几样睇完都5想叫，真系絞尽脑汁。另外，這里的收银已埋单几次，没听過一次多谢，拍得住澳牛西口西面！

今朝約班人一齊8點去滿福庭飲茶，入黎坐低左，叫左一壺觀音茶一壺普洱，但系壺茶好耐都未黎到，見到有個帶眼鏡肥肥地著住西裝嘅女人行過，問咩野事，我話我嘅茶未到，之後行開左，等左10分鐘茶仲系未到，可能她唔記得左，叫左第二個著黑色西裝嘅女人，先開到茶俾我，我提出要求，但系黑色西裝嘅女人態度惡劣，個樣仲黑口黑面，好似唔耐煩甘樣，我地黎食飯飲茶傾下解，使唔使甘樣呀！見到都冇胃口食啦，不過你地開個茶有甘難嗎？甘耐都冇人理我，但D點心系Ok,茶又夠靚，就系好似地方完全冇人理

通常有得三兩個朋友約埋一定會話去飲茶，今日我哋便去APM附近嘅滿福庭，就算朋友四方八面過來都無問題，夠哂集中。一坐低兩個朋友都好似好餓個個爭住叫自己鍾意食嘅野，我當然都唔執輸叫番一兩款。開動啦！。。。豉香蒸排骨梗係必叫之選，粒粒都係肉排仲好入味；香煎蘿蔔糕配上辣椒醬，外表煎得脆脆，入面就軟糯而且蘿蔔又香；七味炸魷鬚夠哂香脆惹味；虎皮釀尖椒本身尖椒會帶少少辣辣地，鍾意食辣就一定會話正；潮州蒸粉果，餡料好足而且花生仲仍然係脆；欖菜肉崧四季豆，肉崧好惹味同四季豆真係好夾，可惜我晏晝唔多想食飯如果唔係一定要碗白飯送哂啲肉崧；我哋仲叫過個海底椰雞腳炖湯潤一潤；差啲漏左甜品焦糖燉蛋布甸，大家一定唔可以唔食，超正但太好味無影相，今日真係叉足電一陣去shopping都無問題。

就嚟到飲茶時間摟🍵！今日決定試下「滿福庭」，坐落喺繁忙嘅中心，但一入到嚟食就覺得好有閒情逸致。頭先試咗幾款點心，呢度仲真係有幾樣正！酥炸鯪魚球，粒粒外酥內軟，蜆芥醬畫龍點睛，真係香口到爆炸🐟！陳皮叉燒酥，松脆得嚟點點陳皮的酸甜，簡直係開胃過癮到唔得嘞！蒜香荷塘蓮藕餅，脆呀！鮮呀！肉香蓮藕夾埋一啲啡色輸過啲high class菜囉！醬皇荔芋鴨腳扎，一啖嗲毛豬皮，一啖嫩滑芋頭粉，相互配合夠哂章味！脆皮腩仔飯咬落去脆卜卜，配上芥末醬，攞命唔絕手😍！飲茶之餘，仲撞正祝壽大蟠桃，熱辣辣，蛋黃蓮蓉夠香夠甜，順滑得嚟唔膩口，真係食到個幸福感爆燈。攞飽食飽飲茶，「滿福庭」真係值得再嚟！

極差！擺到明唔夠食材，為敷衍客人東揍西拼胡亂拼做一碟，左右兩邊色水完全唔同，被揭發後更砌詞狡辯，乳豬又係咁，燒雞又係咁，當客人盲既？今日同屋企人預早做節慶祝，點知攪到勁嬲！唔夠食材就唔出咁多枱啦，攪到乳豬同燒雞都要東湊西拼先整到一隻上枱。又話火槍燒兩邊唔同，又話炸兩邊火唔同，個㕑房都唔知做咩野！D侍應又亂咁噏當秘笈，都唔知比咩客人食！好好一餐飯，攪個個都嬲爆！一定唔會再有下次，奉勸想預備係度食做節春茗，請再考慮下，唔係比左錢又一肚氣！一😡🤬

家人生日飯，見呢間餐廳劣評較少，所以揀咗呢間酒樓食中菜。小菜一般，性價比低叫咗個蟹…好霉好明顯係死蟹唔新鮮，問個侍應，個侍應仲死撐話「新鮮㗎，我哋啱啱五點係魚缸拎起備菜㗎」咁無稽嘅嘢都講得出…我哋八點先食飯，你五點拎定隻蟹？唔係有客人叫先去魚缸拎海鮮㗎咩？仲要全晚得幾枱客…又唔忙，洗乜備菜….然後我哋有個糖水未上，同佢講，佢竟然話廚房已經收咗工…之後求其係廚房拎啲蛋散出嚟當甜品俾我哋…未見過一間中菜酒樓咁馬虎..難怪果晚晚市得果三四枱客…下次唔會再去🫠🫠

突如其來的颱風假 自然醒後 打算趁颱風未加強之前去飲茶 不想走太遠 所以決定在鱷魚恤中心眾多酒樓之中選擇一間 十一點多到場也不需要排隊蝦籽燒賣皇 $44.8燒賣有豬肉的油香 爽口的蝦籽同蝦肉增添了口感 豬肉同蝦的比例剛剛好 不會太油膩永和鎮鮮竹牛肉球 $30.8與一般牛肉球不一樣 以蔥花混合牛肉同馬蹄粒 配搭起來味道不錯 而且牛肉球不會太實 粉感不在 紫金名醬豉蒜蒸鳳爪 $29.8鳳爪口感出色軟腍 但保有一定咬口 可惜調味有點太重手 有越食越鹹的感覺 相對其他點心 比較油膩三姐潮州蒸粉果 $20.8粉果皮薄滑 餡料飽滿 可以食到蘿蔔 韮菜 花生 肉碎 蝦米 十分出色 半肥不瘦叉燒腸 $34.8腸粉皮薄滑身 可惜叉燒分佈不均 加上叉燒比較瘦 扣了不少分數茶位: $15/位 (颱風關係加價)面對滿滿的食客 雖然服務姐姐有點勞嘈 不過仍然十分感謝颱風仍提供服務的行業整體食物味道不錯 每樣點心上菜時都熱辣辣 環境光猛舒服 座位之間有一定距離 即使當日有差不多8成滿座 整層地方大 不會十分嘈吵 不過價錢就偏貴 同區有其他更加抵食之選擇

想轉下口味，而且有鱷魚恤中心嘅50蚊coupon，所以星期六上咗去7樓滿福庭飲早茶。可能我哋早嘅關係，八點多搭𨋢唔使等，上到去門口都唔使等就有位喇，而且眼見仲有幾張吉枱添！當然係試優惠點心啦， 星期六日每款點心加兩蚊點咗四碟優惠點心，潮州粉果和山竹牛肉都係兩件，潮州粉果勁多花生，但啲花生偏硬，唔鬆化，山竹牛肉球都算大粒(忘記影相)，牛肉球口感麻麻，有好多根南乳蒸豬手，上枱賣相麻麻，味道還可以，略嫌八角味偏重，但豬手炆得好冧，老人家都好容易食蜜糖脆麻花係今次我哋覺得最好食嘅一款點心，而且CP值好高, 非常鬆化普洱茶飲落唔錯，好順滑，碗碟尚算乾淨，酒樓環境光猛，裝修仲算好新，坐得幾舒服。但啲員工服務質素就真係一般啦，有好大嘅改善空間嗰隻，估計我哋都未必會再去lu如果以呢個價錢，觀塘有其他酒樓都做到，而且食物水準和服務質素仲高過佢啦。以上內容純屬個人口味和感受分享，可能有主觀成分在內

觀塘 Apm / 鱷魚恤的食肆多不勝數，這間「滿福庭」（個名改得好好：福滿福滿、幸福常滿）很少來，即管試試！入到去，一點太陽的自然光都沒有，窗簾完全掩閉一睇點心紙，好有驚喜！粉紅色紙，最平一碟 HK$6.8（無睇錯）最喜歡這種「兩粒」的份量，小食多滋味，不用「夾硬食晒 」。鯪魚球和燒賣好有水準，味道和質感都好好，不會食到不知食咩，好有鯪魚味，燒賣都好結實。但不太喜歡這裡的服務態度，無水要等好耐，侍應服務都好差，對熟客和陌生的客，好大差別 ，她大們不斷跟熟客傾計，被完全忽略 下次都不想來。