盈福28 (Closed)

今天去到馬𩣑山與朋友聚聚，佢地竟然有好介紹，帶左我去一間中菜館，一去到口已經有好多人排隊，好彩我哋一早攞定飛，如果唔係就有排等😊。因為我係第一嚟，所以我點左一D好普通的菜式諗住夠穩陣😅，點知D嘢食嚟道竟然有意外驚喜，賣商有花啲心思。這個咕嚕肉望上去就覺得佢好好味，旁邊仲擺咗半個菠蘿，好得意。食落口外邊脆脆地，入面肉質好林，酸甜味啱啱好，值得一試。仲有這碟腸粉個名好得意，所以叫左睇下係咩，點知黎到，原來係一碟XO醬腸粉上面放咗大蝦。腸粉同大蝦都好入味，又唔會太辣👍但係我最鍾意嘅係呢碟砂礓豬手，豬手全部起晒骨，仲切到一粒粒，個汁好好味，食完唔停得口，這碟豬手就係咁成為我的至愛😋👍👍。下次一定會再去試埋其他菜式。

今日訓到天然醒，有個朋友入黎馬鞍山探我，所以去左新港城搵野食，叫左早餐？叫做午餐？是旦啦，反正都一樣！搵到間餐廳叫盈福28，點解食呢間，係因為我地同行有小朋友，而佢呢間餐廳又放兒童餐張相係門口，所以就入左去。點左幾樣野，味道係唔錯既，食物份量都可以。唯獨個兒童餐就有d貴。只是一小舊蛋包飯，一份薯條仔，到份細沙律同一包QOO 既野飲。價錢竟然買成$68蚊。果然小朋友同女人d錢係容易賺。為博小朋友一笑，真係貴。哈哈！

盈福28點心好cute，所以去了平日少踏足的馬鞍山，星期天都不多人，應該是價錢不平吧...點了一樣好抵食的燒乳鴿 $38/隻，皮脆肉嫩~~真是令人回味。猛虎咬一口 $39太貴所以點一個share，賣相幾有趣，包夠鬆軟，是我們喜愛的包種，至於腩肉算入味鬆化。點了併盤，不過紫薯包、叉燒包放涼了，賣相、味道都較差。柚子蝦餃夠熱，皮算薄，帶著柚子清新，創新之餘，味道也不錯。脆皮啤梨，有火腿、忌廉餡，又不太似咸水角，味道怪怪的。鮮蝦雲吞擔擔麵 $69擔擔麵夠辣、重花生醬味，確是不俗，而雲吞大大粒有鮮蝦，意想不到的驚喜！一餐lunch也要二百多元，幸好信用卡簽有9折，只是剛巧我聽到隔壁檯客人說起才知道，餐廳則沒有告知。

與媽媽很久沒有一起吃午餐了，決定同媽媽來盈福28試下！真係每樣都好精緻，乳鴿好抵食 ，裝修又靚 ，值得一去。最後跟媽媽食得好開心，預番三百蚊左右，service幾好。

商場大裝修...............看見這間新潮上海菜............一於試一試...........!!乳鴿..........說要一早訂.......訂了4隻....但見隔壁枱也是即時下單叫的.........味道不錯 入味 👍豆腐..........很滑...........很開胃.......!!!炸子雞........不夠辣味................味道尚可.....!!另外叫了螞蟻上樹 也不錯👍

久不久會到馬鞍山吃飯，新港城高度集中，這天就來了這間。餐廳環境可以，空間大而且很乾淨。叫了醉雞，雞很滑，很香口，不過份量不算很多。皮蛋豆腐顯功架，全部都是心機錢，很好味，豆腐很滑。飽類也見出色，豬肉很冧，不過一個人不要吃，吃不完，最好是四個人，每人一小件就剛剛好。手抓餅也可以，很香。乳鴿我喜歡吃，炸得很香脆。炒菜就沒有甚麼特別，也是那些，不會特別不好味。咕嚕肉有驚喜，肉身很軟滑，吃下去口感極好。乾牛河也是必叫項目，炒得很香，河粉很軟熟。腸粉也是必叫，炒腸粉一向少吃，這個我樂意推介，炒得很入味，吃完一件又一件，很快就吃完了。炒飯也特別過人，底下有芡汁，感覺新奇，而配搭是出奇地好。南瓜芋頭也是我喜愛的菜式。整體而言，餐廳用心製作，招呼中上，價錢合理，人均消費百多元，地點就在新港城，火車站樓上，很方便。如果有需要來到馬鞍山吃飯，這地方會合你心意。

今天路過，看見不用等位，就來試試看。食力薄弱的三人，隨意叫了以下食物：哈哈蝦燒賣$49、農場點心系列(含柚子蝦餃及脆皮啤梨各兩件，叉燒小豬嘜一件、紫薯喵星人一件)$118、粉紅玫瑰$29、星形芝麻球$39、金香四季豆$89及海鮮茄湯泡飯$79，連加一及茶水約四百元左右埋單。食物某程度是以光速的速度上桌。哈哈蝦燒賣：吃不出蝦肉，肉饀咬下去偏稔，口感只是一般。農場點心系列：賣相算是賞心悅目，但食味方面，絕對有改善空間。柚子蝦餃：柚子味的蝦餃皮不錯，但是蝦肉饀料跟燒賣有著同樣的問題，咬下去偏稔，缺乏彈性。紫薯喵星人及叉燒小豬嘜：被友人及寶貝吃了，無從評論，但賣相悅目。脆皮啤梨：其實是鹹水角，造型迫真，不過肉饀料偏淡金香四季豆：其實是鹹蛋黃炒四季豆，香脆，鹹蛋黃惹味。粉紅玫瑰：其實是用紅菜頭汁染色的饅頭，不過可沾有玫瑰花瓣的煉奶伴食。星形芝麻球：味道不俗，但沾了芝麻，反而未能突出Tiffany Blue的賣相。海鮮茄湯泡飯：蕃茄湯惹味，但海鮮份量偏少。整體而言，點心賣相悅目，絕對是相機呃like必選，但食味部份，個人認為還有很大改進空間。

去烏溪沙營會，中間有時間出去食個快lunch，一出天橋就見到呢間，又唔駛等位，所以同2個同事去試試。店面幾闊落、幾新淨，裝修以藍色同木色為主，幾舒服。店員都好熱情咁招呼我地，語氣好友善，入到去感覺已經幾好。因為食lunch時間唔多，所以係set lunch menu中快快手咁揀左三個餐，一齊share黎食。menu中大大隻字寫住「鮮材實料 無味料」，就想睇下D食物係咪真係佢寫得咁正。一黎上左一人一盅湯。每個人個盅湯都有幾件烏雞，好似真係幾正咁。飲落，好夠味，好甜，又有少少甘甘地。平日唔太鐘意飲湯既我都飲晒，係幾正！點心有柚子蝦餃，蝦肉大大隻，爽口彈牙，仲有D柚子蓉，感覺幾清新。叉燒小豬嘜，可愛既叉燒包，D肉唔太肥，個味又唔會太甜，幾好！咕嚕豚肉，外面炸到好鬆脆，裏面又鬆軟，酸酸甜甜，又唔會有陣好強烈既醋味，nice! 黑椒花生芽雞柳，豆芽食得多，花生芽真係第一次食。花生芽比豆芽粗，所以更加有口感，同埋多汁，唔錯唔錯。瑤柱瓜粒肉碎泡飯，好清甜好消暑。最後要趕住走，所以冇時間試埋個甜品。成餐飯都好滿意，下次要再黎試埋個甜品先

果日入馬安山搵friend聚一聚佢強烈推薦呢間fortune young點心咁我就入去trytry喇！咁岩tea time ，點心一律50%off餐廳環境好大好舒服好適合一家大細聚餐，仲泊到bb車添由於我好肚餓叫左好多樣野食！有隻豬仔樣既係叉燒包，賣相好可愛食落竟然都好好味，唔係得個樣！另外果三個包係流心奶黃包好好味桔型蝦餃，個蝦餃皮係有桔味嫁，好搞笑不過我就中意傳統蝦餃既味道，不過一試都無妨既!而燒賣同春卷都係好味既可以再黎

放假天最怕的是出街搵食, 無可奈何困在家裡大半天了. 今晚惟有出一出去溜溜, 順道食飯去. 到了馬鞍山一間大型商場, 剛巧改裝了一半的那個場, 見有幾家新餐廳進了場, 就去試一試. 假期人多要等是沒法子的了. 坐下看餐牌, 價格悄為貴了一點, 奈何家陣租貴人工又貴, 我哋食量地嘅梗知啦!樓價租價個個月升, 升到自己都怕, 唔知幾時先會停. 所以出街食飯, 真係要知道我哋俾嘅, 唔係食物錢, 一半係租, 水/電, 1/4係人工,仲有嗰1/4係....食材同老細嘅利潤,做生意真係幾困難. 兩口子清清地,叫咗三樣嘢! 一個菜一隻燒乳鴿同一個湯飯. 落樓兩百多少少, 都好合理. 水準值得推介有燒乳鴿, 至於嗰碟菜同湯飯, 平平無奇及材料太少了! 我個人感受啫!唔通....??有意機會兼一去年到唔洗等位, 都會再試其他啲菜嘅.

好耐無寫食評，人大左 餐廳整體滿意也不想倒人地米。係網上話"「盈福28」 4月26日起推出新品及初夏感謝月優惠。首次推出下午茶創意點心半價，而午市及晚市亦推出8折優惠。"一心諗住有優惠，帶家人試菜 順便興祝。行到門口見到心知 "騙案".....家庭飯，選地點一的都唔易。行到過來 就算無平也照去試試吧。當日叫左2個午市套餐 + 小小點心，套餐都算唔錯：湯+飯(炒飯/湯飯/客飯)+點心+甜品。咸肉粒炒飯，唔夠獲氣 及 勁小量咸肉。點心 大部份都好一般總括:唔抱太大期望下去食,是可以。 影相來講,食品外觀係不錯。

一家三口再次幫襯，約中午一點到達。雖然是星期六但客人不多，入座後點了多款點心及一碟瑤柱蛋白炒飯。柚子蝦餃 - 食落有柚子味道，有煙韌口感，賣 相特別，不俗叉燒小豬嘜 - 賣相可愛，叉燒夠瘦哈哈蝦燒賣 - 蝦肉彈牙，豬肉亦不太肥金雞嘴嘟嘟 - 即雞包仔，包皮太厚，很少雞肉蜜汁脆薯絲 - 即蜜糖薯條，一般香麻抄手 - 麻醬夠多，抄手熱辣辣，不錯腸粉扎扎跳 - XO醬炒腸粉+4隻中蝦，夠惹味瑤柱蛋白炒飯 - 飯好乾爽，味道恰可，好總結各款點心味道不錯，只是有一兩款較弱。

一家人食飯，試下樓下新開既盈福28, 食物有讚有彈啦，但整體黎講都唔錯。最後叫呢個四人餐 ($598) ，都幾抵食。乳鴿(原價 $38 壹隻), 當晚差唔多枱枱都有叫，好大隻但唔老，炸得啱啱好，好香口，四人餐包左兩隻。猛虎咬一口(原價 $39), 新派野，有啲似台灣既刈包。 賣相幾得意，不過肥豬肉堅肥，女仕可能未必鐘意，套餐有 2 件。荷葉飯 ($99) 賣相唔錯，足料，而且每粒飯都有鹹蛋黃黐住，幾好食。 松子鱸魚 ($198),原條炸得好靚， 酸酸甜甜，配白飯一流。 炒菜 🌱($79), 我諗過多幾年炒碟菜都要過百蚊。😩 四人餐仲有頭盤沙薑豬脚(原價$49) ，同埋鍋香辣牛腩 ($99) ，豬脚因為有沙薑好開胃，牛腩正常啦。最失望反而係另外叫嘅擔擔麵 ($49) 💀，真係好細碗，兩啖食晒，而且味道冇咩特別。性價比非常低。

有點失望，荷葉飯比較乾，味道淡。乳鴿不錯熱辣辣～另外豬肉包都好食，但無驚喜...無試小炒，但感覺唔會有鑊氣，鍾意精緻點心的人會喜歡，但本人覺得傳統酒樓點心更合味道😬而且茶唔熱，待應收野快，點菜反應快試菜都快

上海菜、京菜、粵菜都係我嘅心頭號所以馬鞍山新開左呢間我就好有興趣好想試下～開頭我唔係比佢哋嘅菜式吸引。。。而係因為佢哋啲公仔點心好cuteeeee所以貓仔、豬仔、玫瑰嘅包點我都有叫味道就一般般啦 不過個樣真係好得意嘅叫一個尼影返張相就okay。。。其中既奶皇包同腳板包就味道唔錯啦～但係反宜其他餸我就覺得真係幾好味喎松子魚好大條 炸得好靚好鍾意食水煮魚嘅我都冇失望個汁撈飯真係一流 價錢又唔貴 99元 份量都好OK今次睇相都知叫咗好多餸菜樣樣都好唔錯 所以一家人食晚飯我都推介可以來呢間到試下匯豐卡仲有九折