盈福28 (Closed)

自從搬離開馬鞍山後已經好少返去，早兩日一返到新港城，成個商場大變，變到我都差啲認唔到路，仲多咗好多新食肆，最後揀咗盈福28，因為貪佢而家做緊8折。坐低睇吓Menu，啲餸個樣望落都幾精緻，不過最吸睛係38蚊一隻乳鴿，三條友食，決定來一雙。上菜之前，侍應畀埋手套我哋，好細心。隻鴿唔算細，味道都幾好，性價比幾高，差唔多枱枱都有叫。另外仲叫咗皮蛋豆腐、松子魚、黑醋雞花同龍鬚芥蘭。個皮蛋豆腐有驚喜，個醬同出面一般嘅麻醬唔同，佢加咗少少芫荽吊味，芫荽味唔算太濃烈，但成個感覺清新咗。黑醋雞花單骨上，經炸過後外皮帶酥脆，肉質亦夠嫩，個黑醋醬唔嗆喉，味道算平衡得幾好。佢有兩大條菠蘿伴碟都食得，不過略嫌燒得唔夠火喉，有啲酸。松子魚好大條，四、五個人食都好夠，個龍鬚芥蘭亦炒得爽脆夠鑊氣。呢餐8折後平均每人百𡃁蚊，以呢個價錢、呢個質素，值得返兜。

第二次去了， 很有驚喜。 這裡的乳鴿不單很嫩， 骨子也很香，十分回味。 咕嚕肉用了半肥瘦梅頭，啖啖肉。 再配了燒新鮮菠蘿。比一般用罐頭貨觀賞價值明顯高得多，而宜汁多好味。第一次吃麻醋撈麵。 雖然麻醬味把醋蓋過了，但也值得一試。但敗筆在最後場鮮茄濃湯浸時蔬。 失望在用上了皇帝菜。這類濃味場菜，第一不是人人接受， 第二唔鮮茄味跟本唔夾。 古古怪怪的但環境認真一般。 枱和枱之間只有8吋距離，絶無私隱可言。 價錢方面不算是街坊價了。 二人也要三百多元。

今日兩個人試下呢間食物整體上都👌🏻價錢都👌🏻服務👌🏻員工有禮貌👍🏿👍🏿兩個人坐位有點擠迫..食物唔夠放每個坐位都有個小型垃圾筒..好細心可惜乳鴨8點左右就無😢呢個猛虎咬一口 入面係豬肉味道唔錯👍🏿肉夠林..酸酸..甜甜例牌鳳凰自醉..啖啖肉👍🏿食哂成碟先得一舊骨不過有一兩舊比較老水煮魚..無骨..啖啖肉..👍🏿麻比較重..唔會好辣芽菜同埋粉皮都入哂味荷葉蒸飯..好香蛋黃味四季豆..好香既蛋黃味不過兩個人食..太多..下次叫多d人試

閒日晚上約七點幾黎到呢度，唔洗等位，非常好整體黎講食物賣相好可愛，環境都乾淨舒適，店員有禮服務又好。丘比皇帝菜 $38呢個係冷盤黎既，皇帝菜好新鮮，又嫩又爽脆，同芝麻醬都OK夾既。猛虎咬豬 $39 (一件)個名同外脆都好趣致，可惜味道麻麻，不值一試。入面有一塊腩肉、芫茜、酸菜、甜既花生碎同茄汁。咁多樣野撈埋一齊，又咸又甜又酸，怪！店員見我地share，提議幫我地切開一半，服務細心係加分既。脆皮啤梨 $59個皮煙韌既質地似咸水角，有清香綠茶味，切開係有少少拉絲既芝士、雞肉同火腿。又幾好食，值得一試雞先定蛋先(辣子雞) $109個idea幾好，辣子雞旁邊有兩個雞蛋，原來果兩個雞蛋係份子料理黎咖，入面係芒果汁。不過係為造型而整，芒果汁同炸雞既味道唔係好調和。炸雞本身好重孜然粉味，搞到好似食羊肉既感覺。雞肉切得太細粒，炸到好似油渣咁，得番炸皮，中間乾到無咩肉剩。唔推薦松子鱸魚 $198手工菜，個汁既味道唔錯，不過炸完就食唔出魚肉既嫩滑，同埋炸漿都係偏厚。

星期日最開心就係一家人外出試新食店，Lee間店新開無耐一直都好想試，因為有好多特別及有特色嘅食物，真係好啱大人同小朋友一起試下。上次無訂位要等無得食，今日專登提早訂座，6點開餐，店內地方又舒服又乾淨，比多個like先。先嚟個前菜"青芥木耳"，本身我個人好鐘意食芥辣及木耳，芥辣略帶刺激攻鼻感，木耳又爽脆，真係可以唔停咁食，又加上木耳有益，真係無得輸呀！再講下最想試嘅美食"玉桂香鴨"，一上菜就一人一件先，個個都讚，好香，皮脆帶小小鹹味剛剛好，真係好惹味，再嚟都會食。"有機豆漿娃娃"小朋友好鐘意，娃娃菜清甜，連豆漿都比佢哋飲埋，真誇張。"咕嚕豚肉"初初覺得價錢係貴咗D，上菜先知真係足份量喎，因為好多豚肉。只係豚肉略為"淋"咗D，唔夠香脆可口，個汁唔夠酸，但整體都OK嘅，仲有一件燒菠蘿，雖然凍咗，但都好甜好味。至於特色就係一D有不同造型的食物喇，今次試咗其中兩款 : 第一款"粉紅玫瑰"，清淡玫瑰花香配煉奶，味道OK。第二款"紫薯喵星人"，啱晒唔願食嘢嘅小朋友，一見到就會坐定定，乖乖地慢慢食，味道都唔錯。還有兩樣，愛好咸蛋黃味道嘅話，可以考慮下 :"荷葉蒸飯"，內有蝦及咸蛋黃，成個蒸飯包括蝦肉及

算是第一次入馬安山 原來好多野食因為睇到雜誌介紹 見到個 tea set 甘特別就黎試下 Tea set 裏面相當多野 春卷 要講下 外層炸得好脆裏面係 脆玉 好好食啤梨 以為係甜點 插上一支百力滋 外型做到真啤梨一樣 相當有驚喜 外層係咸水角既 皮 入面原來係芝士 加上 火腿 唔錯😋😋😋兩隻可愛 貓咪樣既包包🐱🐱 裏面係 芝麻及蕃薯做餡 吸晴 加上椰汁糕 及 好靚 法式 蛋糕 好滿足 另一驚喜:炸乳鴿 原來係本店No1 外皮香脆之餘重有肉汁滲出來 好食 最後 是麻辣燒賣 入面係糯米 辣辣地好特別一定會再來的 試試其他美食 滿足

因為餐牌的相片吸引！加上第一次食唔到最想吃的乳鴿！所以去了兩次才寫這篇報告！首先要説：「乳鴿真的是招牌必食之選！」鹵水很好味，乳鴿浸得入味！而且即叫即炸！皮脆肉嫩！我選擇原隻上，食到最後都是熱辣辣，正！然後要讚個沙薑豬手，很入味！豬皮爽脆、不油膩！菠蘿咕嚕肉也是很高水準！而且有冰凍新鮮燒菠蘿！也是必點推介！蔬菜類中我比較喜歡濃湯蟲草花翡翠！不會像炸金針菇鹹到苦！松鼠桂魚真的很有氣勢！以這個價錢又咁大條真的很超值！甜酸汁非常開胃可口，唯一缺點是炸的有點乾！魚肉上粉多了一些，外觀美麗夠挺身好看，但是吸收汁水後吃起來有些靱！可惜！另一使我要分兩次光顧的原因：有些點心只有午市時間供應！包括：春卷、柚子蝦餃和芝士白汁雞肉啤梨。春卷和蝦餃有點失望！春卷唔油膩但是也不夠脆！蝦餃更不要提，打開籠蓋～咁樣嘅！啤梨外型很吸引！吃完令我想起啤梨型咸水角！饀料換成西式餐點，也算是有新意！點心還有玫瑰花卷、喵星人飽、潮語流沙奶黃飽、虎咬豬划包⋯⋯等！因為外型設計美麗！以相機食先的話，確實很引人！不過除了流沙包，其他就不會再點了！酸味味鳳尾蝦是大蝦版西檸雞！西檸汁非常好味！而且炸得蝦殻（尾部）酥脆！正蔥油雞不過不

夜晚黎左位於馬鞍山分店嘅盈福28（鋪名好難記），朋友推介乳鴿平靚正就叫左兩隻share，真係唔錯，唔覺得油 味道調配得好好 淡淡咸香味🍽。每張枱已預先放置雞脾手套仲有迷你筒俾我地放骨。紮紮跳即係大蝦，同豉油皇腸粉係幾新穎嘅配搭 腸粉夠大彈滑唔黏牙😋黃金即係用咸蛋黃粉漿炸成嘅食物 冇諗過上枱疊到咁高 3，4個人食都覺得有啲濟 建議多人分享再加菜食而呢個担担麵就份量略少 麵質與牛腩麵相約，湯冇濃濃花生香味 本人覺得係鋪頭自創風味？呢度上菜時間奇快 趕時間嘅食友應該好滿意，而我自己就鍾意慢慢黎喇☺️

和家人去了<盈福28>食飯~點心非常精緻可愛! 完全是呃LIKE之作! 唔單止好睇仲好好食~ *最喜歡這個啤梨形點心，裡面是忌廉汁火腿雞肉，very creamy~! *其他貓貓，豬豬，和玫瑰花點心是紅豆蓉餡, 而笑哈哈包就是奶黃包。全部都幾好食，如果奶黃包係流沙嘅仲正!*猛虎咬豬- 虎印包內裡其實包住五花腩和配菜，漿汁有似BBQ sauce, 非常惹味! *松子鱸魚炸後外脆內軟，配上酸甜醬非常開胃。*菠蘿咕嚕肉-都不過不失，喜歡個肉同菠蘿分開上，個鮮菠蘿超級鮮甜多汁! *自家手爪餅-配上肉鬆和自家醬汁，好食而且不油膩。*乳鴿-這裡的乳鴿也是招牌菜之一，也是我食過最好食嘅乳鴿。非常多肉juicy! *龍鬚芥蘭配濃湯- 簡單的介蘭配上師傅的刀功，變成一道不簡單的菜式。總括來説，Hungry Bear非常喜歡這裡的食物，絕對是水準之作，而且價錢屬於中等，難怪每天都排曬長龍! 期待下次再來!

年初二不用拜年就係屋企休息左一日然後晚餐就去左新港城睇下有咩食呢間盈福28同佢隔離間莆田都算新開(至少我仲未食過)本身屋企人想食莆田多啲因為新年食得太多油野 莆田望落清啲但等左好耐都無點叫過飛就去左盈福28入到去我地坐門口位個位極似係唔夠枱臨加多張咁食客不停出入佢個廚房是開放式的先黎口水雞絕對驚喜因為無諗過凍既雞都可以咁好食佢個汁係少少麻辣的感覺但又唔會好辣啲雞雖然係新鮮雞但係唔會食到有好大陣雪味加上唔多骨都算係啖啖肉呢碟賣相好靚佢砌到好高好似座山咁啲粉皮好滑加埋個芝麻醬好正佢個芝麻醬好特別比較濃同埋有啲好似芝麻幼粒係入面咁擔擔拉麵就麻麻地麵煮得過腍另外個味有少少奇怪食落淨係得辣味雲吞拉比擔擔拉麵好味個湯幾清唔會太味精啲雲吞都幾多蝦又新鮮最後係最好食既荷葉蒸飯首先賣相好靚係面頭有好多隻蝦然後佢啲飯每一粒飯都係會比啲類似鹹蛋黃嘅嘢包住食落好特別好好味

同朋友慶祝生日，平時都見這家餐廳大排長龍，今日年30晚卻不太多人：菜名都定得很有心思，點心造型非常可愛，最後點了幾個菜：荷花蒸飯 - 好大份，味道不錯玉桂香鴿 - 非常之多汁，外脆內嫩，必食！咕嚕肉 - 好大碟，好香脆桂花山藥 - 份量有點小，一般橙香鱸魚 - 可能太多香橙汁，令到原本應該香脆嘅鱸魚都淋晒奶黃物語 - 造型趣怪，流沙做得很好，值得一試金香四季豆 - 非常有驚喜，有香脆蛋黃外皮，好香口又爽脆！ 上菜時間很快，地方大座位舒適，服務一流，味道也不錯

近來馬鞍山開左好多新店，呢個係其中一間星期六晚6點半未夠黎食，直入，無人等位有d古怪🤔上湯菜苗：驚喜係黎自翡翠豆苗上面既咸香炸金菇(如果我無食錯)，非常香口，又有菜苗中和番d熱氣和咸味炸乳鴿:本來唔打算叫，但見隔離檯叫左4隻（有2個人，但得1個食乳鴿），心諗有無咁好味呀，於是我們都叫左1隻，略嫌大隻左少少，唔夠「乳」鴿feel紫薯包和芋頭包:每隻$2x，唔值麻醬抄手: 就係因為唔要辣先唔叫紅油抄手，點知都係辣既荷葉飯：正正常常

来到新装修後的新港城商场的＂盈福28＂的餐馆一乐也的呀！😀😀😀😀😀首上了件菜名是＂猛虎咬猪＂👍👍👍👍👍外层面饼夹着块外肥瘦，有五香味浓浓的五花腩肉，还有些咸菜在内的，嚐在口里，真是油滋滋丶香喷喷丶可又不是太腻的口感的呀！👍👍😀😀價格可要39圓一份的，可真夠貴的呀！🙄也上了只＂玉桂香八鸽＂👍👍👍👍👍那味道真不错的，皮脆肉嫩的，肉質鮮嫩，肉香得来兼带有多汁的，真夠捧捧的呀！👍👍👍👍👍價格38圓一只！此算是還可以吧？！😚

初開張商場正進行大型翻新工程，到處沙塵滾滾，所以無去一試。最近情況稍定，兩口子決定去吃晚飯。約晚上七時半到達，店內客人不多所以不用等位。點了幾個小菜：玉桂香鴿熱辣辣上枱，皮脆夠入味，難怪多枱食客都點選。荷花蒸飯味道稍淡，材料不夠只得幾隻蝦，一般。鍋香辣牛腩不太辣，而且牛腩夠多，稔及入味(份量太多最好三至四人食)。金絲湯翡翠(應該是炸金菇菜和嫩菜苗)，金絲有咬口但稍為咸一點，賣相特別。總結各款小菜大致不錯，有特色，值得一讚。

此餐廳新近落戶新港城，眼見假日晚飯時間都人頭擁擁，一於試下呢間餐廳能否打破馬鞍山呢個美食沙漠的稱號。餐廳的裝修及環境很舒適，枱與枱之間的擺放距離較遠，感覺舒服。一行二人，點了幾個精緻小菜，先來試試荷葉飯。揭開荷葉，香味撲面，有很濃的蝦味，飯以上湯煮成，非常入味，一啖蝦一啖飯，好正，下次一定再叫。魚湯時蔬，點頭較少，味道尚算可以，中規中矩，未見突出。手抓餅，很脆很鬆化，而且熱辣辣新鮮制成，係我食過最好食的手抓餅，一客似乎唔夠喉。乳鴿是招牌菜之一，餐枱一早已擺放即棄手套和盛骨的容器，似乎餐廳想告訴你乳鴿是必定要點的菜式，只可惜乳鴿偏細隻，較油而皮不夠脆， 應該是翻炸貨式， 不過鴿肉很入味，食完都算滿足。此餐廳菜式的價錢合理，唯份量較細小，要叫多幾樣。總括來說，這算是不錯的餐廳， 會再encore.