Franape Bar & Restaurant (Closed)

早前响太子酒吧區一帶食過晚飯，發現沿途有不少的餐廳可以發掘，所以今次揾咗間帶點法式風情的餐廳食飯。餐廳內的枱椅分開兩邊，一邊是 bar 枱，坐定定睇波好有 feel，而我們坐在方桌的一邊，坐得都幾舒服。看著餐單，還是感覺 set dinner 價格最相宜，所以我們每人都要一個，另外還點了一個單點菜式。我們先飲一下餐飲，再食幾塊餐前薯片，不久就上了第一碟菜。黑松露芝士焗薯條半溶芝士同薯條本身就是絕配，撈埋一 pat pat 黑松露一齊食，真係好熱好甘香可口，老公食到停唔到，前菜上枱無耐就清碟啦~前菜前菜方面，我們選了 凱撒沙律伴鴨胸 和 水牛城雞翼。凱撒沙律伴鴨胸 上面的脆脆麵包粒都唔細，差唔多成粒方糖咁大，而鴨胸粒的大小跟麵包粒差不多，肉質好軟身好容易吞咬。而 水牛城雞翼 的醬汁是有辣得來有少少酸，食落十分惹味。主菜在點菜之前，老公給我打了一個眼色，所以兩個菜都是以他喜愛的元素去選擇的。首先就係 大蝦海膽墨汁天使麵，一上枱老公已經瞄住條海膽，一開始已經差不多食咗半條，我都唔執輸食一d，果然係好滑好鮮味，而天使麵係好爽口彈牙，食到個口黑黑的。另外仲有 肉眼扒伴雜菜紅酒汁，肉眼的紋理好明顯

舊朋友飯聚，剛好有機會試到新餐廳的美食。店內氣氛好舒適，店主對於裝修格調頗執著，連飲品下的杯墊也是發光的。朋友發辦，點了不少美食。有部分是三文魚的成品，賣相不錯但不屬我杯茶。小食中最愛Fish and Chips，魚肉條皮薄但炸得香脆，魚味香濃。著條是生炸的，入口很脆。醬汁亦有兩款，一甜一酸，任君選擇。主茶中豬手同意粉皆好好食，足料又製作用心。而我最欣賞的是法式鴨腿，鴨腿和雞腿的分別是更多肉，而且味道更濃厚。配上特製的醬汁，鴨香更突出。伴碟的配菜亦有不少種類，十分有心思。另一款法式珍珠雞拼蝦卷亦令我們眼前一亮，雞肉出奇地十分鮮味多汁，西式的煮法但有中式的質感，很驚喜。蝦卷口感亦很佳，蝦味很鮮甜。最後我們更點了甜點，兩款甜點一款耐看，一款耐食，各有各精彩。朱古力味十分香濃，質地軟滑。杯子蛋糕十分好看，看得女士們心花怒放。

朋友相約在太子的Bar and Restaurant，入到去眼前一亮，無旺區的嘈雜，反而有一種寫意的感覺。遲到的我無份點菜，只有吃的份。先點一杯飲品，上檯時放在閃光杯墊上，好有氣氛。朋友知我心，點左水牛城雞翼，醬汁酸酸甜甜好開胃。之後上左一個三文魚薄脆，十分有驚喜。三文魚他他混和左魚肉同醬汁，甜甜地好好味。底部的薄脆係類似西班牙餅的東東，一軟滑一爽，再配上爽口生菜，口感十分豐富。另外的沙津同小食都唔錯。沙津新鮮。牛油果醬好特別，係大廚特別調製的。炸魚薯條有兩款醬汁，好貼心。主菜方面，各有各精彩。德國豬手調味好好，少少咸亦有點香味。鴨腿香而不羶。意粉亦好足料，加入唔少配菜炒香。呢道珍珠雞係店員特別推介，好Fancy的一道菜，擺碟十分有心思。雞肉非常嫩滑，而且好有鮮雞的雞味，唔點醬汁都好入味。呢道菜是從未食過的新菜式，我地個個都好滿意。最後一個驚喜係CUP CAKE，無諗過呢類酒吧餐廳都有自家製cup cake，賣相仲好吸引添！坐左成晚，飲飽食醉，每人三百，性價比都幾高。

燒雞翼，我鍾意食❤️我真係好鍾意食雞翼，平時水牛城雞翼一般都好辣，而呢個辣味岩岩好，唔食辣既我都食到，一碟七隻，我食左六隻😇😇😇太好味👍🏻Dinner set 有水牛雞翼+肉眼+甜品+野飲，約$200 價錢唔算太貴，而且支持飲食夢想小店👍🏻肉眼扒叫左4成熟，好多肉汁，雖然唔算好大塊，但有埋脆卜卜薯角，同其他蔬菜，男人都夠飽，男朋友大讚好甜品係撻+雪糕，平時以為set甜品好少，但仲有埋雪糕球，所以成個餐都超抵（有選擇簡）仲有Happy Hour ，啤酒減$10-$20，仲送脆片（仲可以添加）一路食好食既野一路嘆啤酒，咁先至係人生！服務員好盡力好值得讚賞，企係街邊介紹美食，又成日換碟收碟，好快手👍🏻有得現場睇波，冇興趣就拍下拖，係太子B1出口附近，好方便😌.推介食物：水牛城雞翼、肉眼扒下次會再同姊妹食

當晚，約了兩位男性朋友到旺角行花墟年宵市場！行年宵市場之前，我們一行3人走到太子通菜街一帶找間餐廳醫肚食飯！ 這裡有不少酒吧雲集！找到近街口有間酒吧西餐廳 Franape Bar & Restaurant！ 門面細小！看到餐牌價錢並不貴！ 於是，便走入去！我們被安排到四人桌子，牆上的型格壁畫，帶出藝術氣息！而且播放強勁的音樂，氣氛不俗！  卻是地方淺窄！難免覺得嘈吵！ 食飽後，沿通菜街前往花墟年宵市場！發覺其裝潢及裝飾跟同街的 Channel 3 很相似！ 除了供應酒類之外，不乏 cocktail 及手工啤酒！還有多元化的食物可供選擇，包括：小食、沙律、主菜、意粉、薄餅、甜品！Dragon fruits squash $54當男店員送上，連同不停轉色的杯座，的確生色不少！ 我也不禁拿來自拍一番！ 整杯滿載火龍果籽，清新高纖！ 混合 soda 入口很爽呀！墨西哥脆片店員送上墨西哥脆片，口感硬脆的墨西哥脆片，食落惹味幾醒胃！相信佐酒也不錯呢！不過我們三人都不飲酒！雜錦德國腸拼盤 $88一客四大串，以價錢來說，份量已經交足貨！每串都兩款的德國法蘭克福腸，並以香草提味！熱辣辣香噴噴！ 皮脆肉惹

男朋友考試all pass ! 一於同佢食餐好的慶祝一下！我地兩個都鐘意食肉，決定要食扒😋係太子既呢間 bar & restaurant ,有得happy hour ,有得睇波又有晩餐食！唔錯唔錯！ 前菜叫左個凱薩沙拉拼鴨胸肉，個鴨胸肉出乎意料地好味，肉質一啲都唔'鞋'，仲每塊都有少少脂肪，恰到好處，唔太膩但又有油香。主菜方面，男朋友叫左個肉眼牛扒，七成熟！真係好好好好食！肉質juicy ，軟硬度適中，油脂亦剛剛好！最特別係個醬汁，有少少冧酒味，同牛扒好夾！仲有個薯蓉都一定要試！好creamy !同埋都有少少冧酒味！好似食緊冧酒味雪糕咁我就叫左個西班牙豬腩肉燴白豆，個醬汁有少少似沙嗲汁，但又帶酸酸甜甜咁，幾好味，夠開胃！佢仲會配個法包俾你點黎食～肉方面，好似食緊雞肉咁，切開好軟一絲絲咁，幾特別既一道菜呢個apple cider 好飲！有少少酒精但唔濃烈！

男友今日揸車接我收工，就順便去左旺角食飯，呢度有得揸車又好情調好方便。入到去店員好nice好有禮貌，我地兩人嗌左兩個dinner set，食物好好，一定要再嚟，又吾貴。先嗌頭盤，我選了三文魚多士同蕃茄芝士焗肉丸，多士好好食，除左三文魚，仲有特別醬料同蕃茄仔，多士仲好脆，有兩件岩岩可以同男友一齊share，另外嘅肉丸蕃茄醬好夠，岩晒我喜歡食蕃茄，而且都食到芝士，即嗌即整，熱辣辣好味道。主菜嗌左大蝦海膽墨魚汁意粉，大蝦好大隻，海膽好鮮甜，加埋墨魚汁面食好好味，而墨魚汁又好多，好香，呢個墨魚汁面可以話係我食過最好食嘅墨魚面丫，好creamy又好香墨魚味，雖然食到成口黑，不過咁好食都值丫。另一主菜原本嗌牛扒不過冇，反而俾我地食到超正嘅豬手，真多謝店員推介，真係好好食，肉非常嫩滑又淋，但皮就好脆好脆，好似食緊乳豬嘅皮咁脆，好好食，皮下面仲有少少脂肪同肉痴住，所以層皮好好味，諗起都回味。set仲有飲品同甜品，飲品都吾錯，今次冇飲洒，飲左梳打，吾錯，甜品好正，食左朱古力批同桃枇，都有雪糕跟嘅，好滿足嘅一餐。

老公剛從泰國回來，所以晚餐打算食好啲，便來到太子這間酒吧，飲杯酒談下心~~~環境:不算大, 但也坐到7-8張枱~ 有高腳枱, 有普通枱~天花掛滿了皺紙花球, 我個人很喜歡~^^ 牆上亦掛有兩個電視, 同朋友飲酒睇波就啱晒~ 老公二話不說就點了肉眼牛扒做主菜，而我揀選了一個墨汁海鮮意粉。沒想到平日的夜晚卻坐滿了客人，上菜也真的要等一段時間，還好我們並不趕急，便叫了一支門神啤酒和鴨肶珍寶珠，邊喝邊等。因為老公喜歡喝波打酒，所以就點了灶君蜂蜜黑啤。灶君蜂蜜黑啤$75：坦白說，我們很少到酒吧，有點outdated，我們覺得這品牌的包裝很特別。老公說這黑啤沒有健力士那麼苦，但還是有很好的酒花味，加上微微的蜂蜜甜味，很不錯。鴨肶珍寶珠$62: 賣相很吸引，擺設很精緻~第一啖咬下去的時候沒有吃到鴨肉，正覺得失望只是普通的炸薯蓉....再吃第二啖時想不到裏面的鴨肉原來不少，外脆而不油膩，加上細滑薯蓉及有咬口既鴨肉，很夾呢~~~~吃了一粒有點飽，但再吃一口沙律refresh一下，又想再吃了~~ 老公表示送酒一流。肉眼扒伴薯蓉配砵酒汁 $238 :終於主菜來了，半生熟的肉眼牛扒煎得十分香口，不會過熟又不會

和男朋友食晚飯，佢話想去d 類似bar既餐廳輕鬆下，咁朋友就介紹左呢間係太子附近既餐廳，位置好方便，就係旺角警署門口對面，而且門口仲有得泊車，非常方便，唔怕抄牌噢！門口設計簡單，色調好舒服。店員為我地介紹限定菜式，我同男朋友就好興奮咁討論要食d咩好～侍應好快上左薯片比我地，jeng呀又係薯片～餐具好有心思，唔係普通既白色碟，而係好多花紋既正方形碟。真係好多選擇，唔知食咩好～呢度HH飲酒價錢都好平，平時得閒都可以黎呢度飲杯，同frd吹下水～我叫左杯applecider，因為唔太想飲酒，男朋友又要做司機，更加無得飲～男朋友叫左橙汁～哈哈，鴨脾珍寶珠：賣相已經好靚好靚啦，好多沙律配菜，仲有小竹籤，可以方便一啖放落口。味道有d好似薯蓉，但有鴨肉的味道。外面好脆，但入面好軟。德國腸拼盤：我同男朋友都好鍾意食腸仔，哈哈，應該係我鍾意食多d！有四大串，每一串都有唔同款既腸仔，味道好特別，而且好入味。發現我同男朋友既口味越離越似，我地又係鍾意食雞翅。水牛城雞翅：以為會好辣，原來唔太辣，皮滑而且肉嫩，配沙律醬一流！叫小食已經食到好飽啦～仲有主菜未上！香辣燒豬手：真係好大分！我同男朋友睇到都呆左！唯有努力

想飲手工啤酒，又是落bar時候，今次選擇旺中帶靜的Franape Bar & Restaurant，喜歡牆上的型格壁畫。被安排2人座位，老實說有點擠迫，而且空間有點細，少不免有吵耳的聲音。墨西哥脆片好好味，原本收費是$30，有點貴。現在的酒吧不單單只售賣酒類，食物選擇相當多元化，小食、主菜、甚至甜品，而cocktail 、手工啤酒也好多款。本來想點Lindemans 的桃味啤酒，不過已售完，就選了黑加倫子味 Framboise lambic beer $68，果香味很重，甜中帶酸幾開胃，不錯不錯。水牛城雞翼 $58有7隻份量十足，雞肉嫩滑，而調味適中，少少辣幾惹味，而旁旁的西芹及蘿蔔條點沙律醬一流。香辣燒豬手 $188想食要預先下單，因為要等約25mins，份量比想像中大。豬手肉腍，部分外皮幾脆口，不過略嫌整隻焗未夠香口及乾身，加上豬手太過肥。法式朱古力撻拌雪糕 $98朱古力味夠濃，不過份量對於我們2人會較多，如果份量少點，而價錢調低的話，會更親民。

咁岩係附近做完野,經過一日嘅workload,真係好想飲吓野relax吓一於同男朋友去太子酒吧街覓食!!呢間Franape Bar & Restaurant位於比較街頭嘅位置,而且湖水藍嘅門口裝修好搶眼門口嘅服務員仲好有禮貌咁同我地介紹餐廳食物,原來呢間餐廳仲有法國菜食!!餐廳設計得幾靚,一邊播住英文歌,完全無舊式酒吧烏煙瘴氣的感覺,而且時間尚早,人客唔算多,仲好有情調添~~係咁好嘅環境下食飯真係好放鬆一打開memu,我同男朋友都好驚喜,選擇好多而且樣樣都好有創意特色,想必大廚有一定能耐呢~而且侍應一邊好細心咁同我地講解唔同酒嘅特色同味道, 因為餐廳仲有多種手工啤提供, 可以選擇自己岩嘅口味!!我同男朋友就點左兩個好有特色嘅前菜, 一個牛排同意粉,價錢比起好多西餐廳都平,所以都可以放心叫第一樣係鴨脾珍寶珠!!外層炸到金黃,包住鴨肉薯仔蓉,好惹味,好似馬芥休球,十分有創意,係外面無食過!!!之後係吞拿魚牛油果脆筒,脆筒賣相好得意, 裡面有吞拿魚牛油果,兩樣加埋十分creamy又鮮味!飲品上場啦!!!真係好靚又好飲,係mango milkshake,甜酸岩岩好!而且會不斷變色,影相好靚最重

姊妹多年不見相約吃好野她是從前對我好的一人我要回禮問女侍渴什麼生啤？介紹一隻 星洲品牌Tiger 🐯 於是友舉啤我選擇bailey Happy hour Happy price 52$/一大杯味淡我喝了一口幾好我的😰😢baileys😴酒精濃度偏高完全料不到喝咖啡變成喝烈酒兩姊妹淘的有點意思醉意消愁女侍介紹一個限量意大利面焗龍虾海胆燴意聽著樂意便先來一個都好足料我吃虾頭女友吃肉吃半飽了⋯⋯她原來極為飲得再叫一客牛排說明8👏安士我稍微放心因為牛我絕對多多益善木盤上牛肉下一大堆牛油薯泥伴2 款汁好有形的粉紅色砵酒泡沫一杯非常值得一嘗仲有黃芥末醬淺嚐即止砵酒無疑更討女生喜愛牛肉七成我怕生更怕死女生動不動就傳出大陸又xx感極兇狠等不過我一向吃熟食除了魚生喜歡吃牛平日偏好黑椒汁今晚要就下老死見她飲飽食醉樣子⋯⋯都滿意總是開心共享樂約3？小時幾年才如此一次深感太少良朋相見恨不能更密更放更亂說真的話⋯⋯說真酒起了一定的壯胆作用最滿足是牛肉最頂癮⋯⋯靠濃郁的咖啡baileysMaybe I have a bit Drunk 😵

通常黎到酒吧街都係飲酒多 不過每次行過見到有野食既 仲要主打食西餐真係得個一兩間 今日就飲野之前先醫左個肚 呢間係正警局隔離 街頭第一間 鋪頭細細 幾張台 我7點幾已經黎 但係座左一半 叫左呢隻手工啤酒 好好飲 車厘子味 感覺似似緊車厘子既汽水咁 甜甜地 好易入口 最緊要冇苦澀味慢煮三文魚加脆米通個米通甜甜地 加試沙律醬 三文魚入口即溶 仲有魚子醬係上面 呢個比相像中好食好多 好有驚喜吞拿魚牛油果脆筒呢個好得意 一開始見到個樣以為好油 點知食落去完全唔覺得個皮有炸過 d吞拿魚好溶 再加埋牛油果好鮮甜既感覺燒豬手配酸菜沙律D豬手勁林 個皮燒得岩岩好 唔會好乾身 呢個真係推介一定要食 不過呢個一個人真係食唔晒 好大份下法式珍珠雞配蝦卷呢個我覺得個蝦卷係晒特別 佢用左麵粉整左個皮 再包住勁粗既蝦肉係入面 好好食 黑松露芝士薯條呢餐兩個人食係叫多左 食到勁飽 d侍應超好 又會介紹野食 又會主動幫你執野 加水 可以一試

過年是個喜慶的日子，到處喜慶的賀語，喜慶的對聯，喜慶的紅包，喜慶的衣著，今天，就相約朋友到太子酒巴搞一個喜慶的聚會。何謂喜慶的晚餐？看看這營光閃亮的飲品，足以讓你整晚沉醉在喜慶和歡樂的氣氛當中。這是位於太子的酒巴，法國餐為主。酒巴外觀，低調沉實。原來裡面卻是那麼歡樂和喜慶。特有的裝修風格。抽象而發揮你的想像，讓你沉醉，與外界的繁鬧完全不同，這裡讓我們無限放鬆，什麼壓力都拋之腦後。坐著談著，杯子又變成桃紅色.......我們坐下後，侍應有效率地呈上墨西哥脆片，又香又脆，配上浪漫的飲品，聽著背景有情調的音樂，就這樣也可以坐上整晚，可以整晚放鬆的心情，夫復何求？坐著談著，杯子又變成黃色........今晚的主菜是鵝肝豚肉漢堡。師傅毫不吝嗇，把一大片厚厚的鵝肝配上砌好的漢堡，肉汁豐富，顏色吸引，材料十足。鵝肝的濃香配合漢堡令人樂於其中，好好享受。坐著談著，杯子又變成綠色........光從它外表的顏色已經在告訴你它有多好吃，黑豚腩淋而不韌，白豆就淋而入味。它們的結合簡直絕配，味道很香濃，肉汁豐富。細心又貼心的師傅還配上法包，我們連汁也不放過，搽在面包上吃了。坐著談著，杯子又變成藍色了.....