Fûhn (The L. Square) (Closed)

銅鑼灣呢幢大廈出名多嘢食，今次又再到訪，黎左呢間幾多好評既越南菜Fuhn！一層一間餐廳地方唔算好大，但枱與枱中間有足夠空間唔怕逼夾。餐牌有好多主食，沙律，小食等選擇，店員仲介紹咗新菜式同新既酒精飲品俾我地下晝仲要返工飲唔到酒，但揀咗兩款新推出主菜試下佢😍順化湯粉一上枱大大碗粉好誇張！湯頭鮮甜，配料既洋蔥同香茅為湯頭帶多少少香料味，係咁飲都唔怕口渴。配料有黑毛豬、豬手、扎肉、牛𦟌同雞丸，我最鍾意雞丸同豬手，好惹味。呢款粉會跟埋一小碟辣椒醬，我食咗半碗原味半碗加辣，各有風味好過癮🤤 XO醬雞絲蝦炒金邊粉朋友嘅金邊粉好有鑊氣，香草味濃，金邊粉炒得夠乾身而且有大大隻蝦，都幾飽肚三上小食拼盤小食拼盤有蒜蓉牛油雞翼、手打蝦餅同春卷各兩件，價錢少貴但蝦餅真係好好食！！！炸粉好薄而且入面fill滿蝦肉，好正😍牛油果奶昔、蝶豆花青檸梳打呢度嘅飲品都好有特色，朋友嘅牛油果奶昔香濃幼滑，我既蝶豆花青檸梳打顏色超靚，味道酸得來有少少甜味，好開胃！

餐廳 ： Fuhn @fuhnhk 地點 ： 銅鑼灣駱克道459-461號 The L. Square 1/F 今日去咗銅鑼灣食個early dinner 😆夏天已經來臨，熱辣辣嘅天氣，令我好想食酸味味嘅撈檬😋🎀香茅雞扒撈檬$75 賣相都幾靚，雞扒配香葱再撈埋個汁，正呀🤤 越食越開胃😆🎀火車牛魔粉 $128( 安格斯牛、牛坑腩、手打牛丸、牛筋片、牛腩邊，牛柏葉 )乜牛都有D 😆 可以配河粉 or 金邊粉 ，我選擇咗金邊粉😬安格斯牛 + 牛丸 + 牛坑腩 呢三款係最好味😋個湯好好味，食完碗粉之後連湯飲哂🤣🤣🎀特上小食拼盤 $198(蒜蓉牛油雞翼、春卷配生菜、手打炸蝦餅、扎肉粒、椒鹽軟殼蟹、雞肉串)嘩…..分量十足 ，絕對對得起$198呢個價錢有選擇困難嘅人就唔好諗，一定要揀呢個拼盤一定唔會後悔😂😂呢個拼盤樣樣都好食，其中我覺得最出色係炸蝦餅+ 扎肉粒炸蝦餅非常彈牙，唔會有勁多炸粉👍🏻👍🏻👍🏻扎肉粒真係第一次食，對於食肉獸嘅我覺得口感非常之正🤤🤤🤤軟殼蟹都幾大隻喎👍🏻👍🏻👍🏻食完一餐咁濃味的early dinner ，返到屋企都無口渴的感覺，即係無乜味精，呢樣好重要👏🏻👏🏻👏🏻

〔 美國安格斯生牛肉金邊粉 〕 $78 .份量唔細牛肉片都好多, 牛肉容易咬開,牛肉味濃, 湯都好濃郁.〔 香茅豬扒河粉 〕 $78 .湯非常濃郁, 豬扒好香香茅味, 唔會話太油肉質唔錯, 豬扒份量好多.〔 三上小食拼盤 〕 $108 .拼盤有炸蝦餅/牛油雞翼/越南春卷, 三個都炸得非常香口, 牛油雞翼牛油蒜香味入口好Juice, 炸蝦餅脆口彈牙非常厚切.(好味指數: 9/10)

近排想喺銅鑼灣食越南菜 見呢間啲評價都唔錯 所以就去一試😚👅𝑃𝑎𝑛-𝑓𝑟𝑖𝑒𝑑 𝐴𝑛𝑔𝑢𝑠 𝐵𝑒𝑒𝑓 𝐻𝑢𝑖 𝑇𝑖𝑒́𝑢 𝑤𝑖𝑡ℎ 𝑆𝑢𝑛𝑛𝑦 𝑆𝑖𝑑𝑒 𝐸𝑔𝑔 $88呢碗撈金邊粉調味唔錯 有少少辣去叼下味 安格斯牛都唔會靭🥰再加埋太陽蛋嘅蛋汁 呢個價錢嚟講算唔錯😛👅𝑃𝑟𝑖𝑚𝑒 𝐴𝑛𝑔𝑢𝑠 𝐵𝑒𝑒𝑓 𝐹𝑢̂ℎ𝑛 $148呢個推薦大家一試 湯底幾濃郁 又唔會好鹹 有啲牛骨味😋佢嘅配料都幾豐富 有安格斯牛肉同牛丸 牛坑腩 牛筋片 牛腩邊同牛柏葉 最出色係和牛丸同牛坑腩🤤和牛丸牛肉味好濃 牛坑腩幾淋 好味道😍👅𝐺𝑎𝑟𝑙𝑖𝑐 𝐵𝑢𝑡𝑡𝑒𝑟 𝐶ℎ𝑖𝑐𝑘𝑒𝑛 𝑊𝑖𝑛𝑔𝑠 $58呢個牛油味幾香 上枱嘅時候仲好熱 炸得好香脆 好食🤩總括嚟講 呢間喺銅鑼灣嘅越南菜性價比幾高😋大家不妨嚟一試🙈😋 好味：8.13/10🤑 價錢：7.99/10🤗 服務：7.78/10😝 環境：7.23/10😚 衞生：7.56/10🤩 整體：8.00/10

This used to be a good lunch venue with many interesting menu items.Now the prices have increased, but they seem to have reduced the quality of the ingredients - the soup now tastes like dirty dish water, and the chicken pho, for example, has only a few small pieces of chicken. Not good value for money. The service is also very poor, with argumentative staff. I won’t be coming here any more.

一向東南亞菜都有好感，最鍾意周圍試。今日黎到銅鑼灣呢間叫ＦＵＨＮ既餐廳。ＦＵＨＮ呢個字我估係越南字。我係平日下午去，所以相對上唔係好多人，所以餐廳好有空間感，而且可以慢慢睇下餐廳既裝潢最後我叫左香茅豬扒煎蛋飯，蝦餅２隻香茅豬扒煎蛋飯，餐廳好細心咁將豉汁另上，咁就唔擔心客人會唔會過咸。而蛋係太陽蛋，Ｄ蛋汁撈埋飯同豬扒食，真係好好味。豬扒厚度適中，配上香茅同蔥油既味道，真係無得輸。至於蝦餅係最一個驚喜位，蝦餅炸得好好味，又唔係好油，又夠熱，又脆身，內裡蝦肉又夠，２８蚊２隻，都算非常抵。下次會再黎試多Ｄ其他野～

難得放工就約朋友係附近食飯糧尾冇乜錢就打算食啲平平哋嘅嘢最後就揀咗食越南牛河分量不是太大，食完也有一點餓整體牛肉質素也合格，中規中矩河粉的質地也不是太林，可接受呢個價錢，呢個質素，算係ok整體體驗 7/10

🐷 西班牙黑毛豬湯金邊粉黑毛豬切到好薄片而且肉質好嫩好好味肉同脂肪既分佈仲要好均勻口感爽滑得恰到好處🤤👍🏻仲要有香濃既豬肉味但又唔會係騷果隻個湯係未落香葉同芽菜既狀態下我飲左第一啖已經覺得好好味充滿香蔥加黑毛豬既香濃肉味落埋香葉同芽菜就令個湯味道更加豐富食完呢個湯金邊粉真係非常滿足🥰🥑 牛油果奶昔以為食完個金邊粉已經夠滿足點知飲埋呢個牛油果奶昔之後佢輕輕既牛油果味再混合奶味而成既清新甜美🤤為我既晚餐劃上完美既句號😆❤️食完成餐飯真係感覺好滿足🥰而且店員既服務態度都好好👍🏻

今次是跟朋友第一次試這間越南菜由於我們在下午五時享用晚餐，所以人數較少。我們點了越式豬頸肉飯+太陽蛋、香茅豬扒撈檬、鮮蝦米紙卷和三上小食拼盤。他們很快上餐，足料份量，當中炸蝦餅，值得一試，熱辣辣，又不會太油膩。他們的炸物水平高，三上小食拼盤全部都是熱的。Good而豬扒撈檬另上的調味料，如果醬汁可以調配再酸味再多少少，比較好。因全部倒入撈檬，吃不到酸味。

#晶食評#美食家水晶的尋食日記#fuhnhk 餓咗成日，喺銅鑼灣做完皇帝頭療就去咗周圍尋美食醫肚啦😋😋😋，咁啱見到好朋友前幾日食咗呢間叫Fuhn嘅北美越式餐廳話唔錯，就決定揀呢間餐廳食我嘅感恩節大餐啦～今次就點咗個呢間餐廳自家製的特式濃湯雞絲粉配春雞脾啦😋😋😋自家特式濃湯雞絲粉配春雞脾其實會叫呢碗粉，完全係因為佢一碗解決咗水晶選擇困難症，呢樣想試試果樣又想試試，咩都想試試，但肚就得一個的糾結👉👈👉👈👉👈呢個都係點解水晶唔係太鍾意一個人食飯的原因，咩都想試試，但得一個人，真係好慘的😣😣😣今次呢個粉有齊扎肉、手打雞肉丸、春雞脾啦～話哂今日都係感恩節，喺外國嘅傳統係家家戶戶都會喺呢一日聚埋一齊食火雞的😋😋😋咁水晶咁掛住外國，就梗係要食番隻燒春雞脾應吓節啦💜💜💜配菜會有洋蔥、蔥同薄荷葉咁粉方面可以選擇番金邊粉同河粉來到發現呢碗粉用的是巨碗來，超大隻😱😱😱而且都真係超足料，淨係扎肉都三塊，然後有兩粒手打雞肉丸，啲雞肉丸好好食好彈牙👍👍👍臨走先發現，原來餐廳入面另外有埋USB位可供客人充電的，好窩心丫👍👍👍

有一日放學落銅鑼灣食晏晝，就決定同朋友嚟食越南野～～午市套餐個價錢都好合理，餐廳環境位置都幾多，一般樓上鋪都好迫夾，呢間都可以接受😲越式扎肉撈金邊粉加太陽蛋 $68扎肉嘅口感都幾好丶幾新鮮，份量都唔少撈金邊粉好好食同普通唔同 佢本身已經配左醬汁俾你醬汁雖然比較辣但係好香口 配埋蛋黃醬口感真係好好😆😆不過我女仔一個食就覺得啱啱好男士嘅話可能份量比較少啦價錢配搭埋嘢飲，如果叫特飲都係加返+$8左右😆喺銅鑼灣嘅午市來講價錢同質素都好好🤤！！

地道越南粉。这家前後來過三次，今次來感覺它涨價了？味道还是一樣的好食。🌟🌟🌟🌟安格斯生牛肉湯粉 $78，＋扎肉4片 $12，＋牛丸2粒 $15安格斯牛肉大讚，很有牛味👍👍👍我點的和牛肉丸，不知為什么埋單的时候發寫的是牛丸，我說味道怎么略顯普通哈哈哈小食看圖片感覺好棒，價格看起来略貴，糾結了半天还是沒下去手。算了，那就來個豪華加料牛肉粉吧。

今日趕上堂，就快快脆脆去咗附近食嘢啦！不過最後都冇食快餐，上咗餐廳去咗越南湯河，好彩上菜速度都算快，半個鐘就搞掂！越南菜喺呢個地段食，佢都算係中價位，呢個質素都尚可扎肉越南湯河湯底都少少濃郁，唔會太鹹，亦唔會覺得有味精，食完唔會口渴！配菜九層塔薄荷葉等等都算新鮮，配落都好唔錯！佢嘅河粉係偏軟琳嘅，好似越南湯河嘅口感都係咁，我自己就鍾意硬番少少，咁就好d!扎肉都OK嘅，正正常常囉！整體來講，都算唔錯！

估唔到越南嘢都可以有依啲新意，撈檬上面加隻太陽蛋，簡單得嚟又層次豐富曬，有少少港式嘅風味，而且真係幾好食。另外啲小食都好高質，鹹蛋黃薯條出現喺越南菜餐廳已經夠驚喜，仲要係我食過最好食嘅鹹蛋黃薯條，夠香夠濃仲要起曬沙，仲要淨係38蚊，真係唔講得少，必食!

今日叫咗兩杯牛油果奶昔，其實冇乜牛油果味，不過又唔太甜，可以接受，另外叫左個特色濃湯雞絲湯粉配春雞脾，我哋要左，金邊粉有啲雞絲，有3片扎肉，有1.5粒丸，好孤寒，同埋極細嘅春雞脾，味道方面普通，收成$118，再叫咗個酸魚露葡萄沙律，完全係冇味，仲有一大塊淋左嘅蝦片，超難食，再叫咗一個三上小食拼盤包括蝦餅，呢係最好味、雞翼炸得太燶，春卷味道可以，最后再加左個豬頸肉紙米卷味道都係一般