常滿雞煲火鍋專門店 (Closed)

朋友外國回來 佢話想食雞煲 每次雞煲都係霖起一品，今次想試新野。見到荃灣有間常滿雞煲 食評唔差 所以去試下。 網上訂座好方便 BOOK左7點半 當日平日未見爆座 STAFF服務好好 推薦我食靚牛同鮑魚未上菜之前都穩我吹水傾計 好NICE先上原味雞煲 <少辣少麻>味道唔錯 無一品甘濃味 3個人叫一隻鷄剛剛好。＄168肥牛<細>本身係選擇＄118美國肥牛 職員推薦我時另一款靚肥牛，堅滑堅好味!鮑魚＄25/隻都係職員推薦 OK凍豆腐同之前食開唔同 佢真係雪到硬曬上檯比你，但佢會索曬d汁後食好好味脆扑扑響鈴好正!餐飯埋單3人 ＄7XX其實唔算貴下次會再幫親

🍂荃灣有好多本地地道美食，想食🐔煲的話，新界的朋友都會諗起荃灣兩間頂頂大名的🐔煲店。兩間之中我就比較喜歡常滿，因為坐位比較寬敞已取得較高分一點。今次來到，諗住清清地打個邊爐，我的朋友都知道我是打邊爐達人。我對打邊爐用的煲也很講究。因為個煲一定要夠傳熱，啲湯先會夠滾！打邊爐最重要啲湯夠滾，唔係的話，就咁浸熟啲餸是冇意思的。🔥湯夠滾就是這樣子🐮牛肉併盤平日我很少食併盤的，一般都是喜歡食牛頸脊。餐廳員工推介便試試看。牛頸脊、雪花肥牛、白色那片牛胸油都好好食！當然這裡座位有限，沒有房間供應，我會稱這裡為自己友兩三人食之選。❤

半年前食過，半年後同同一班朋友再嚟。原本有兩間地鋪，我哋上次坐靚裝少少嗰間已經執咗。依家得返一間地鋪，得十張細枱左右。我哋前一日打電話嚟想訂七半，但店員話得七點，但無限時。枱留15min，人數過半先入得。我七點到，見店內已坐滿，有啲疑惑，不過原來旁邊唐樓樓梯上兩層，有個無招牌嘅單位變咗「私竇」，四正裝修開咗幾圍。「私竇」燈光比較暗，但反而更有feel，環境比上次貼地，幾張大枱圍爐好有氣氛。有電視播電影同波。得一位姐姐加一個啤酒妹，人手不夠，難免有啲錯漏，但姐姐算勤力有禮，尚可體諒。有時我哋更會自助去攞湯加湯。。老火湯無咗，所有自家製飲品都無咗。叫了一隻雞份量嘅麻辣雞煲，$198，少麻少辣。雞件不多，而且唔係真．一隻雞，入面有三四隻雞翼尖同雞腳。麻辣度適中，惹味帶少許香辣。勝在唔油，聽其他食客講，呢度雞不經油泡，所以唔會好似出面一般雞煲咁勁多油。就算之後加水打邊爐都好清，唔使去油都得。火鍋配料，墨魚滑、凍豆腐、響鈴都好正，菜嘅份量都多。每人$200頭，如有有citibank卡仲有折。

7點walkin等位等到8:45先入得，全部放哂A飛2人枱入，B飛3-4人一張都冇入過，有5人走都拆開話係2張2人枱，放2人入😡啲呀姐仲堅稱話2人枱。咁就唔好比3-4人飛啦，全部做2人生意咪算囉！以後叫人點嚟等位食😡😡😡😡😡

首先唔係賣廣告係openrice book位準時到方便又稱心 重有碟小食送4個女子咪叫1隻雞唔記得左咩名但中價錢既牛牛 唔錯超推介 即炸響鈴 口感新鮮 同雞煲濃湯 簡直合襯新鮮墨魚滑蜂巢豆腐 又係誠意之作豆腐既冰係熱辣辣雞煲內吸收哂湯 入哂味值得1試炸魚皮同蓮藕都唔錯影少左好多相 因為掛著食另外 荃灣而面少d行過來舖頭要搵下先得試到甘好食同高質素雞煲行多2步都肯洗手間乾淨服務唔錯座位舒服寒冬神級推介再提1次經openrice book位 好方便呀我都會再book

食物質數好但價錢不算便宜，打邊爐要狂飲野的我在此也不會肆意地點野飲，人手略嫌不足，但地方乾淨舒服。明知呢間打邊爐真係常滿座，於是早一日網上booking, 但當日打電話去reconfirm booking卻說沒有訂單資料，但我嘗試walk in, 還好最後職員說找到了，如果唔係都唔知要等幾耐喇！

常滿雞煲我黎過好多次，剛剛試的時候，滋味雞煲令人一試難忘，係我食過咁多雞煲最好食的一間，事隔大半年，見天氣凍凍地，再同老婆黎試，今次黎沒以往多人，服務員態度非常友善，值得稱讚，今次我們跟以往一樣點了半隻滋味鷄煲再加配料打邊爐，雞煲水準保持到，非常美味，但反而配料方便質素開始下降，由於常滿價錢不算便宜，所以我期望食物質素會比一般好，但相反地食物質素一般，跟普通的酒家沒分別，只能說我會買雞煲配白飯作晚餐比較有興趣。

個雞煲得個'咸'字……又吾辣又吾麻……其它火鍋配料真係吾新鮮……尤其個推介墨魚蟹子滋滋麵，手打波菜蝦滑……咁嘅價錢食依D質素……真係想叫佢取消……隔夜配料……個餐牌仲話推介……諗住加D羅馬菜做伴碟……令到個賣相值依個價……一食就知咩料喇……吾會有下次……

『上次推介給你的火鍋店，可以嘛?』愛吃火鍋的朋友仔問。 『非常好啊，近來天氣轉冷，今個星期也想和娘子再吃火鍋，有其他食店推介嗎?』Step問朋友仔。 『當然有…UMM…如果食店在荃灣的話，會否離你們很遠呢?因為有一間位於荃灣二陂坊的火鍋店也是非常出色，喜歡食牛的你，一定非常喜歡。』朋友仔道。 『荃灣? 沒有問題啦，娘子的娘家在荃灣，我可以和娘子回娘家探外父外母後再到二陂坊食火鍋!!那麼這間火鍋的名字是??』Step問。 『這間店叫常滿…』 ------------------------------ 老實說，就算平時Step和娘子逛荃灣，通常多在西鐵站附近、荃景圍、眾安街等用膳；今次專程行到二陂坊，發現這裡食肆林立，周圍人山人海，就像一個美食天堂一樣，令Step和娘子像發現了一個新天地般雀躍不已!! 由地鐵站過來二陂坊，沿著眾安街一直行，沿途會穿過沙咀道，之後再行大約5分鐘，就到了二陂坊，而常滿就在左手面的橫街小卷裡面； 當行到常滿門口時，才發現原來有2間店舖，一間在橫街，而另一間在對面，一問之下原來要先在橫街的常滿登記人數拿取籌號，之後再由Waiter安排坐那一間店舖； 在等

荃灣我娘家真的是超多野食, 尤其是一到晚上路德圍, 二陂坊, 三陂坊每間菜館都坐無虛席, 而且非常熱鬧, 是少有舊式大排檔熱熱鬧鬧的感覺. 不過我今次同相公食就不是坐出街開張枱在水渠邊就食果隻, 就是這間食雞煲及火鍋的常滿啦~ 之前常滿只有一個舖位 現在在對面都租多間舖, 而且都非常旺場的說, 9 點多來到仲係咁多人之餘仲要等位 好, 打邊爐前先來個開胃小吃先~芥末魷魚 (HKD48) 粒粒爽口鮮甜的魷魚, 加上芥末醬料及其他蔬菜蔬果切粒切絲, 就成為一道野味的芥末魷魚沙律啦~ 平時食雞煲就食得多, 今次就來個鴨煲先, 滋味米鴨煲 (細煲 HKD88) , 雖然是細煲, 但都幾大鍋的說, 而且都有好多料似的, 試下先~ 米鴨的皮好像燒鴨個鴨皮似的, 好香之餘口感還有點點脆皮口感, 問過店員說原來這個鴨先扣入如香菇馬蹄等食材後再炸, 到有客人落Order 時再切開鴨成件連扣入的食材一起放入這個煲連秘製醬汁一起煮, 而成為這個米鴨煲了呢~ 而秘製醬汁像有海鮮料煮似的非常野味, 不過話明秘製當然就唔話你知點做啦~而這個秘製醬汁值得欣賞的地方就是其鹹味及味道並不會蓋過鴨肉的味道之

朋友聚餐叫左個滋味雞煲先，叫左個本地手切肥牛，珊瑚蚌象蛂蚌，手打四寶丸流心丸，雞子心太軟⋯⋯最驚喜係流心丸入面係好似蛋王咁嘅心，佢地星期一做緊個二人餐同任何時段都有有做緊優惠都幾抵

做野做到有氣無訂透，真係得食先安慰到我，同同事加完班去左依度食雞煲依度原來出名滋味雞煲，以自家制既滋味汁取勝，叫左個大辣滋味汁辣汁可以叫佢另上比你，想食幾辣先至加入鍋或自己點汁食，因為真係超級辣同夠惹味雞件啖啖肉又夠入味，食到咁上下加少少湯，灼一灼塊特選手切本地肥牛，油脂分佈好平均，入口好重牛味，好有口感

新滋味麻辣火鍋今日凍凍地，同朋友去左打邊爐，想試新野，去到見到有鴨煲就叫左來試，隨手叫麻個白飯，醬汁香濃慢帶麻辣，越食越開胃，加埋d自家製火鍋物，尤其是"手打醉心墨魚丸"，"黑椒牛丸"，"鮮炸響鈴"，"頭竹心太軟"同"牛胸尖" 新鮮勝!

第一次呢間，就有中伏感覺，d雞太老，份量又少，最慘係d味好差，辣味強過麻味太強，完全蓋左本身的麻味，有d似街邊辣魚旦d味。sorry ,完全沒有想再食的感覺，對比起其他同類的。

樓底高，水泥灰色有點raw味的牆身，淺木色裝修配深色布藝梳化位，裝修有現代感。一隻雞份量有點少，雞偏瘦無咩肉，叫少辣不會太辣，我唔太食得辣都可以接受，唔會辣或麻到食咩都唔知。加+$10配老火湯，款式經常轉，正值38度的炎夏，特別炮製冬瓜荷葉薏米雪耳紅棗湯，消暑去濕，抵讚。用老火湯底打邊爐又比就咁雞煲加湯健康唔會一層油，而且食到食材原味。安格斯牛牛味唔太夠。芝心包爆芝小心辣咀。雲吞調味不輸雲吞麵鋪，皮薄清爽，蝦肉彈牙。粟米超甜，推介。冰豆腐份量多，吸湯一流。金沙墨魚丸$88六粒但中心咸蛋黃份量少而且完全唔流沙，非常失望。