常滿雞煲火鍋專門店 (Closed)

當天, 六人眾, 一起到這間遠近馳名的 常滿雞煲火鍋專門店 吃雞煲 .... 門面, 真是普通得 .... 難以形容 ~ 木敦茶 $ 48味道是比較特別, 入口清甜潤喉, 坊間不常見 ~滋味雞煲 $ 188/一隻滋味醬汁味道是比較特別, 雞件很入味, 皮薄無脂肪, 味道是既甜且辣又帶點麻, 非常有個性的一個雞煲, 有一種吃下去便難以停口的感覺, 無改錯名 ~手切本地肥牛  $ 218 (細) 牛頸脊 - 片片厚薄相稱, 盡顯廚師的刀功 ! 油脂分佈清晰, 紋理分明, 紅潤光澤, 質感嫩滑, 要人垂涎欲滴 , 放湯稍灼即熟, (我愛吃三成熟) 入口鮮嫩無比, 肉味無窮 ~ 封門柳 - 不韌卻很有咬口很有嚼勁, 肉味卻一樣香濃豐腴和滑, 肉味的層次感既粗獷又軟綿, 能刻劃出一種獨特的原始野性, 食落肉質鮮嫩無筋, 絕對精彩 !即炸嚮鈴 $ 38新鮮即炸, 鬆化、不油膩, 放湯略灼數秒便可吃 ~手打四寶丸 $ 88墨丸 一吃便知是手打貨, 爽口彈牙又帶有墨魚味 ~蝦丸 也不是平凡貨, 肉質彈牙爽口, 而且是吃得出蝦肉, 味道很鮮 ~梅酒千層肉 $ 78浸在梅酒裏醃漬的豬腩肉, 片片切到厚薄相

天氣雖然仲係好熱, 入秋後就成日好想去拾下拾下啦~~打邊邊既同時梗係食埋雞煲先過癮!!!今次山長水遠咁黎到荃灣''*跟朋友們聚一聚外, 另一目的就黎【常滿】打邊爐食雞煲飲啤酒!!!(有點麻甩的說~~~)由於朋友們未到齊既關係, 就先點了飲品及小食醫醫肚''*店員推薦我們點木敦果茶 (HK$48)木敦果來自泰國, 具排毒及幫助消化, 是泰國版的涼茶喔!!味道很像我們飲開既夏枯草呢~小食就點了泡椒鳳爪 (HK$58)這個真的是很辣的一道小吃, 用泡椒來浸泡；開頭食落沒感覺到太辣, 慢慢就開始發出麻辣的感覺~~口感很爽及有嚼口!!另一款小食是可以兩食的【心太軟】(HK$58 / 3串)這是第一層的腐皮來, 再拿去炸成金黃色；作為小吃可以蘸上胡麻醬食用, 外脆內軟, 名副其實的心太軟呢~~亦可以於火鍋時浸一浸湯底後食用；吸收了不同味道的湯底, 會有不同的味道喔!!!主角來了, 半隻麻辣常滿雞煲 (HK$118)我們點了小辣,一上台就已經聞到那一份辣味, 好香!!!由於唔辣既雞煲真係不夠過癮, 但有幾位友人不吃辣, 就點小辣讓他們試試~~將醬汁及配料拌勻再煮到佢滾就食得啦~~雞煲內配料不少, 仲

自上月入秋以來，已正式踏入秋季，意味著秋天已經開始，在寫這篇文章的時候，距離中秋尚冇約兩個星期。既然如此，亦是吃火鍋的時間了。今年入秋的第一個火鍋，選在荃灣二坡坊的常滿，亦是吃雞煲的火鍋店。還未吃雞煲以前，先來幾個小食，開開胃納。泡椒鳳爪（五十八個大洋），它上桌的時候，與白雲鳳差不多，但是吃起來卻有辛辣味道，而且有點惹味的感覺，可是在下還是覺得幾辣吧，吃過兩三隻後不再吃了。跟著便是日式八爪魚（四十八個大洋），完全與不十常在日式餐廳吃過的一模一樣，吃起來酸酸甜甜，柔靭度適中。頭竹心太軟（五十八個大洋）是一個製豆品的頭一層的腐竹，還未落在湯底以吃一個，感覺是鬆脆的，當放在湯底，卻又另一番滋味。今晚選了一個滋味雞煲（一百八十八個大洋一隻），當中以藥材泡製，故入口時，有點藥材的味道，雞件有著微辣的感覺，而且幾滑吧。吃過雞件後,便可加入湯底，為即將打邊爐打開序幕。另一個火鍋是惹味咸菜胡椒豬肚火鍋（六十八個大洋），喝一口湯底，均有種濃郁的胡椒味道，豬肚煙靭適中，不錯吧。細手切肥牛（二百一十八個大洋），選用特級肥牛，牛肉幼嫰幼滑，放在兩種湯底，有著不同的層次，味道也不一樣嘛。自從第一次打邊爐開始，每

秋意漸濃 , 自不期然會對串燒、熱窩有遐想 , 假日懶惰未想出街 , 要吃唯有選擇的食肆要在近區 ...... 荃灣是過不錯的選擇。是晚聚會地點在常滿 , 此雞煲店實在是無時無刻的滿人 , 雖然在二陂坊裏開了兩間店舖來貯納多一些食客 , 但是店面依然逼到爆。我們一行四個家庭 , 六人均是口味各異 , 所以我們點了一個全隻的滋味雞煲 $ 188 及惹味的鹹菜胡椒豬肚湯 $ 68。 由於我的喜好是雞煲 , 我當然會把注意放在滋味雞煲上。 叫得做雞煲火鍋店 , 那當然鍋底陣容鼎盛 , 首先辣度可由「微」遞升至「勁」, 鍋底款式除了雞煲之外 , 鹹菜胡椒豬肚、椰子礦泉水滑雞、韓式泡菜豆腐、川芎枝竹魚頭等等任客選擇。 至於火鍋生料的款式多 , 看點菜紙的密密麻麻 , 有蔬菜、海鮮、牛肉、豬肉、餃餃丸丸 ...... 嘩 , 好亂吖 ! 喝酒當然要佐酒小食 , 至於小菜只限逢星期一至四供應。 飲品中對這酌 $ 48 的木敦茶有興趣 , 由泰國來的木敦茶 Bael Fruit Tea , 入口清甜 , 幫助消化 , 有助清潔血液中的雜物 , 洗淨並加強腸道健康。 鍋底未到 , 小食先來 , 泡椒鳳

大白鼠由未出世仲係阿媽個肚的時候已經住荃灣, 所以荃灣有什麼正野食當然難唔到我啦~ 而今次去食的常滿雞煲專門店, 為於荃灣二陂坊, 還記得小時候那兒超多大排檔呢!是日為平日晚, 所以都唔需要等位, 坐低就先飲jar 店主自家煲的木敦茶清一清D熱氣先先來個小食, 泡椒鳳爪 HKD58, 佢用醃製過的辣椒再浸泡白肉鳳爪, 好開胃之餘不過如果唔咪咁食得辣的朋友仔就要小食多滋味!來食雞煲火鍋專門店, 梗係要食佢個常滿雞煲 (HKD228) 啦, 雞煲的醬汁食落去時我以為好似食日式燒食汁, 但之後又有淡淡的藥材香味, 果然係主廚秘製 正; 而因為我地有朋友仔唔咪咁食得辣, 所以只食小辣雞煲, 但大家如果識食的話一定要食麻辣啊!至於雞肉好滑好有雞味, 經細問後原本店家用的是新鮮清遠走地雞, 怪不得咁有雞味啦, 必食~另外我地還叫了惹味咸菜胡椒豬肚湯 (HKD68) , 好足料,胡椒味好重, 所以我一飲第一啖後D胡椒超攻鼻!!這個我食火煱必食的響鈴卷(HKD38), 及這間店獨有的心太軟 (3串HKD58), 哈哈, 大家唔會以為我咁快食甜品,其實這個心太軟是豆製品, 外面為響鈴脆脆的質感, 但裏面

先來一酌自製木敦茶 HKD 48在泰國非常普及, 具備養生功能,可幫助消化, 利尿排毒等功效。甜甜的像菊花茶, 是健康又美味之選!點了一客泡椒鳳爪 HKD 58別被它那純潔外表騙到,吃下去可是由骨子裡麻辣出來!雖吃不慣辣, 仍感滋味非常,骨肉皆香, 是為開胃推介!椒鹽鴨舌HKD 58非鴨舌愛好者也必愛上,鬆化口感, 吃得忘形。滋味常滿雞煲(一隻) HKD 228厚鐵鍋身, 導熱及保溫性佳，烹調過程中可保留食物水分及原味。雞煲可自選辣度，這次選了小辣。聽聞這裡的辣勁比外面的來的猛!先慢煮一回兒便可品嘗。店方採用新鮮走地雞,咬下去能嘗出雞肉極為嫩滑!濃濃的秘製醬汁滲透其中,辣中帶甜, 吃起來一級棒!加入豬骨湯及秘製滋味醬汁,瞬間化成火鍋湯底, 惹味非常!一鍋兩種食法, 抵!不愛麻辣的, 可試試惹味咸菜胡椒豬肚鍋 HKD 68濃郁的米白色高湯, 與麻辣雞煲恰恰相反,胡椒帶出優雅淡然的香辛風味,是招牌雞煲以外的重點推介!手切肥牛 (超級) HKD 248雪花分佈平均, 肥牛厚薄有致,紋理清晰分明, 盡顯師傅功架。輕輕一涮,肉質軟腍無渣，吃不到筋位,牛味極為出色!梅酒千層肉 HKD78麻辣雞煲辣

經常聽家姐話帶我去荃灣常滿食雞煲，今晚難得媽咪生日，於是我地一家六口，終於去到位於荃灣二陂坊的常滿吃雞煲慶祝媽媽的牛一了﹗常滿係二陂坊原來都有成兩間咁多，我地就是但入左其中一間分店啦﹗好快就有位啦，可能我地都算幾早到，仲未係晚飯最多人嘅時間啦﹗入到去店員就安排左一張卡位比我地，可以坐到成8個人，所以我地一家六口，坐呢度都幾舒服。一坐低，第一件事當然係望下餐牌有咩食啦﹗嘩，就咁睇圖都流曬口水啦﹗而且超級多選擇囉﹗我從來未食過一間火鍋店有咁多野食謙選擇架﹗樣樣都好想食丫﹗見到張點菜紙上面，有D紅色手指公嘅圖案，我地估應該即係話個樣野係好味咁解啦﹗家姐係常客，佢話一定要叫雞煲，媽咪又話想食胡椒豬肚煲，咁就叫左半隻雞煲同一個胡椒豬肚煲。黎個小食先啦﹗係我最愛嘅椒鹽鴨舌先，好好味丫，鴨舌好容易同D骨分開，脆卜卜又好香，一流﹗家姐話要點心太軟，我話甜品不如食完正餐先點啦﹗點知原來佢指嘅心太軟係呢個囉﹗聽講呢個心太軟來頭唔少野，每日限量供應架﹗唔係成日有得食，今日真好彩，有得食﹗點下個麻醬然後就食得，又幾好味播，外脆內軟，入面包住D好滑嘅豆腐，口感好特別。我地唔食到太辣，於是只點左BB辣。嘩﹗半隻雞

入秋啦~~ 入秋啦~~ 又係打邊爐季節！雖然，香港人打邊爐其實不分季節，但始終覺得，入秋先打，係最好時節！！搬了屋，去荃灣很方便，所以跟朋友一齊到荃灣搵食！去了「常滿」~~ 發現新店比以前更靚，食物的款式也更多了！泡椒鳳爪HK$58不要睇少這個鳳爪白雪雪的！個泡椒的辣，可是慢慢地麻出黎！如果喜歡食麻辣的朋友，這個絕對不能錯過！不會有極度搶喉的情況，但那種麻，却是麻了很久一陣子！過足了癮！心太軟HK$58店員推薦了的心太軟，總是以為是甜品。上枱時，怎麼像是腐皮的東西？還附有了一碟的麻醬。炸得脆卜卜、熱辣辣的。一問之下，是用上第一層的腐皮去做，炸得金香。單食，不會濃味，淡淡的豆香，有著卜卜脆的外層，內裡却是軟綿綿的。怪不得改名叫做心太軟了~~除了單食，還可以浸一浸在湯底，咁就可以吸收埋湯底精華，一物多食！麻辣常滿雞煲HK$118雞煲，主角終於黎啦！好鬼香的雞煲！聞都聞得到辣度同一般的雞煲不同！~ 不太食得辣的我，平時雞煲食小辣！今次在這裡也同樣點了小辣。但想不到，LEVEL絕對不同！拌勻汁與配料，就可以食。雞塊很滑，醬汁是水一點，但絕麻辣度過足了癮！麻度很夠，可以食完很麻很久！辣度也是跟其

潮州酸菜豬肚煲、四川魚香茄子煲、客家豆腐煲、順德焗魚雲煲、廣東薑蔥生蠔煲......形形式式以煲作烹調的菜式多不勝數，可是時下打得火熱的雞煲火鍋，其淵源似乎無從考究，記憶中第一次嚐的雞煲火鍋是來自台灣，亦有說雞煲是由四川、重慶傳統的香辣雞煲演變而來。不管怎樣，雞煲在香港已潮興了好幾年，而氣勢也沒有減退，仍是不少香港人的心頭好！當晚跟愛好雞煲的友人來到荃灣的「常滿」。「常滿」位處於熱鬧及利便的二坡坊，裝修雖不豪華，卻帶著街坊們的親切感。木敦果產自泰國，具排毒及幫助消化等功能，亦是「常滿」唯一提供的自煮飲品。入口富有一種獨特的香氣，加進了輕甜作調味，對我來說有如飲用一般的廣東涼茶，用作化解雞煲火鍋的油膩也不錯，但友人偏偏接受不了那股味道，確是個人口味之別！在等候兩位友人期間，我們先要來小食。泡椒鳳爪富嚼勁，不會過腍，達到我喜歡的理想質感。入味程度也恰好，可是泡椒的香氣及辣度應可再提昇一點，使泡椒鳳爪的風味更形突出。頭竹心太軟經輕炸後，不減軟滑和豐富的層次感。原來它是由首層的腐皮製作，所以特別幼嫩香滑，頭竹心太軟之名來得甚為貼切。蘸上芝麻醬後，感覺兩者不算太合拍，還是將它留下當作雞煲的配料吧

自從幾年前興起一陣雞煲潮，幾乎十次朋友聚會有八、九次都會是吃雞煲！任飲任食那種娜娜吃過一兩次便厭了，覺得食物質素參差只能填飽肚。有一次無意中與朋友聊起，知道荃灣有數間雞煲算是較為出名好吃，便揀了其中一間常滿試試，果然不錯，娜娜夾夾埋埋已經光顧四、五次了！這裡有兩款雞煲可選，由於有朋友不能吃辣，我們便選了個滋味常滿雞煲（另一款是麻辣）。雞煲味道一如以往的好，愛食重口味的人一定會欣賞，惹味喔！人多有個好處就是能多點幾款火鍋配料！我們一行四人，前前後後叫了十多款吧。肉類要了肥牛和駝鳥肉($42)，兩樣都不錯，後者賣相就像鮮牛肉一樣。另外朋友又點了手打雙滑拼，要了蝦滑加墨魚滑($73)，口感頗彈牙，在場其他台也有不少人吃呀！午餐肉($32)、白鱔片($98)、響鈴半份($22)。白鱔片第一次試，雖然價錢稍貴，但魚肉的質地不錯，亦沒有太多魚骨。響鈴是娜娜在常滿最愛吃的，浸一浸湯依然脆口；但這次食物一來到便令人好失望，非常瘦身，只有一兩圈，雖然口感依然不錯，但也太呃秤了吧！由於掛住食，後期來的食物（油麥菜、蘿蔔片、魚皮餃、烏冬等等）都忘了拍照，整體上食物質素也是OK的，而價錢方面供大家參考一下。最

一行7人，訂了7點，由於到了3位，見很多空枱，又沒有人等位，就問問服務員可否俾我地三位入坐先，但對方一口拒絕話要齊人先俾進入....我地企響門口等左20分鐘，仍然無其他人等位，內裡仍然只得兩三枱客，其中一位朋友唔耐煩出聲發問，對方見我地黑面終於通融俾我地入去坐....真的不明白，明明沒有分時段限制交枱， 又沒有人排隊，為何唔俾我地入去坐住等呢？唔通要食客企出面等營造滿坐爆場既場面？朋友首先order了凍茶， 但漏了沒有加糖水，於是叫服務員糖水， 但叫了8次，服務員每次都話”黎緊!就到!”……但我地等了1個鐘埋單前先到... 最後當然要求取消雞煲，確實比正常出面少, 雞肉還可以，但汁太甜，不過不失本地手切肥牛， 一行7人叫一碟大， 都可以食剩…係我地食過最差的肥牛， 很瘦，一點肥膏都沒有，放落火鍋滾5秒鐘都已經很"鞋"，無肉味，朋友係食肉獸都話難食...真的不感想像食開”一X雞煲” 諗住試下其他，點知賴野，一定無下次

早排一行三人去了荃灣打邊爐，搵到這間常滿都幾多人幫襯的，所以決定試試，因為時間還早，好彩即時有位，因遲些出排晒隊了，其實這店的雞煲應該較出名，我隔離檯有人點了，我聞到好香，我們坐低後就點了冰豆腐、雜菜、干魚唇、安格斯牛肉(大)、牛胸尖、雪花牛粒、蘇杭餃、白菜餃、手打墨魚丸、梅菜豬肉丸、梅酒千層肉、人參藥膳鍋人參藥膳鍋:其實我覺得這湯底都幾貴下，裡面沒咩特別的材料，最搞笑有豬紅在裡面，而且飲唔到有咩參味！安格斯牛肉(大):牛肉好新鮮，花紋都幾靚，咬落好嫩滑，夠晒牛味，唔錯蘇杭餃:同梅菜豬肉丸既味道一模一樣！白菜餃:都係一般般牛胸尖:這個係我最愛，這部份的牛味特別濃架，而且很爽脆的梅酒千層肉:酒味真係好香好香，千層肉咬落有彈性，唔錯

是日好友生日加上久未會面的舊同事聚舊，好友來自馬來西亞，非常嗜辣但不喜麻辣之味，曾帶她吃麻辣雞煲，但她很怕那川椒麻味。誰知可能她來港時間久了，習慣港式味道，這次居然說她也很愛麻辣雞煲。好，這樣就帶她到我暫時覺得最好吃惹味的雞煲。以往在荃灣吃雞煲多數到一品，但自從吃過常滿後，我和綿仔都覺得一品好吃但偏甜，常滿味道濃，麻辣味比較適合我倆。其實已到訪十次以上，但每次都是二人晚餐，試的款式不多，這次一行七人，終於可以大快朵頤。小店有自己套裝碗碟，很有誠意。七個人兩個煲，有兩友人不吃辣，就點麻辣雞煲（小麻小辣）和滋味雞煲（不辣的）各半隻。麻辣煲有大量紫洋蔥及芫茜，清甜香口惹味。煲滾後, 侍應會幫忙把雞煲撈均, 美味嫩滑的雞肉就在底。如想享用走地雞, 只需加$20.這是滋味雞煲, 說是不辣的, 我沒試, 友人告知也有一點點微辣，可能來自表面的大紅椒。一如正常吃雞煲程序，吃罷惹味濃郁的雞件後，加入上湯再放進邊爐配料享用。這裹上湯是每枱預放一大瓶，暖暖的，自助型式，很方便，亦可按各人喜好加添多少。本地手切肥牛，雪花滿滿，非常嫩淋，香滑牛味濃，好味！吃雞煲最滋味就是吃豆製品，特別是冰豆腐，豆腐經冰製過程

剛剛係荃灣行完街，諗住去食野，其中有個朋友想打邊爐，佢就提意左去常滿雞煲火鍋，我因為好小聽到這間名字，因我本身都唔係荃灣人，，不過咁多人一齊食我都係無咩提意既，最終去左食既，一去到六點幾倒，但都要等左十分鐘先入到去坐，跟住我立克緊係睇下有啲咩好食啦，見啲朋友係咁話要去這間食，所以一坐低就叫左兩個雞煲先，咁啱又見到啲牆身有啲套餐，我心諗啱晒，我地咁多人食，套餐一定夠食啦，我一見到個牛肉餐立克發光，佢地一共有三個套餐，最緊要就係138蚊超低嘛！！ 當然緊係叫晒三個啦！！ 哈哈！！當雞煲黎既時候我都唔覺有咩特別，但雞煲一滾起既時候打開個蓋超香囉，忍唔住就好快咁食左一舊，個汁送飯真係一流，不過打邊爐叫白飯又好似怪怪地，都係算啦打返邊爐吧，我覺得都真係幾好食，唔怪之得個朋友話想黎哩度食！！食完個雞咁啱啲套餐又黎到，我一睇到，哇。。。都擺放得好好睇喎！！所以我都影左一張相留念下！！嘿！！重有好多野都幾好食！！！重括黎講係冇介紹錯既！！我下次都會叫啲朋友黎試下！！

同兩個朋友在荃灣打邊爐，咁其中一個話佢朋友推薦呢間常滿，仲話好食過一品，咁諗住去試下啦，一試......出事本來3個女仔諗住嗌半隻雞就應該夠，但見到佢半隻雞個煲咁細（好似一人一窩咁細），點打邊爐啊？所以就嗌夠一隻，諗住個煲大啲食得開心啲。個雞黎左，煲滾左，一入口.....唔夠味，已經有少少唔開心，佢客人又唔係多 點解都好似煮唔夠時間完全唔入味咁架。有食雞煲的人都知道，識食一定係食紫洋蔥，見個煲裡面得咁少，雖然覺得$22隻洋蔥好似搶錢咁貴但都order多一碟。好快食完個雞（比正常出面少），加湯打邊爐，叫左響鈴（$38/8件）最平的普通肥牛（$88/7塊）（係呀 無睇錯 係得7塊咁大把）（但我承認佢比任食的肥牛好食少少）菜呀 墨魚滑（彈牙但一啲味都無）瑤柱白菜餃（恕我搵唔到瑤柱同埋只吃到白恰豬肉味）水餃（無味）。之後我地無再叫其他野，因為成個湯底都無味淥咩都無味。