常滿雞煲火鍋專門店 (Closed)

由於last time有個麻麻回憶,不過又想食佢地滋味雞煲.見個幾月無食過就決定俾多次機會try again.好彩今次上菜速度明顯有改善,算你啦!我同Jerry要佐滋味雞煲,雪花牛粒、木耳豬肉丸、象蛂旁仔、粉絲、響鈴卷各一碟,仲有隻鮮雞蛋係俾我自己!!正所謂各處鄉村各處例,本人食野偏愛味道濃啲,所以中意食乾雞多過濕.呢度啲煲就剛好合晒我要求.汁令到啲雞上晒色,又入味,好味啊!雞肉仲好滑添,汁既味道偏甜少少.木木耳豬肉丸好爽口,因為有條條木耳絲係度,豬肉亦都唔鞋,ok.象蛂旁仔幾新鮮,keep到鮮味,入口一咬就斷.響鈴卷一黎就聞到一陣油味,見個碟有張吸油紙,我先知原來呢間既響鈴卷係自己炸!我buy呢個!個質地係脆唔會似盒裝個隻咁硬,淥左食都仲係脆脆地堅香口,仲要唔油呢下緊要嘛!!!粉絲同蛋係我至愛,張粉絲滾左陣之後,再夾番落我放左生雞蛋個碗度食,隻味道好特別,熱既粉絲會痴左啲啲雞蛋花,香得黎又滑嘟嘟,好味!!!

見最近d雞煲舖愈開愈多,齋聽朋友講已經聽過好幾間,所以今晚約埋幾個朋友黎食翻次.朋友係依頭翻工,熟門路揾食,帶佐我地黎依間環境刀幾好,有室內座位俾我地添.見張menu紙大大幅圖show住自己既招牌煲,我地tick佐麻辣味,雞梗係要全隻拉($178)!waiter講,依個係乾雞煲黎,有大,中,小辣.配菜叫了象拔蚌仔,刀有手心咁大隻,佢真係幾彈口既,好味既!鱔片好薄囉,不過碌左陣就食得,幾好,如果再厚d就值回票價,希望下次食會厚翻少少.手切本地牛厚薄剛好,見到脂肪幾平均,sharp左sharp就食,入到湯低味還保持到個牛鮮味,值得讚.講翻個雞煲,其實唔太多汁,剛剛好黏到件雞,原汁原味食都唔會好咸,差唔多食完雞waiter見到自動幫我地加湯,估唔到幾好服務!

第一次去常滿食野, 俾我既感覺係~~好食!!!1. 滋味雞煲 - 呢個汁有一種獨特既香味,吸引我地係咁食.而且隻雞唔肥不過好滑, D肉好香又唔鞋鍋,呢個掂.2. 雙拼餃 - 皮薄得黎裡面函好飽滿,有波菜同九菜.我就鍾意食波菜多D, 味道好夠同香D.3. 釀蓮藕夾 - 有舊肉夾係兩塊蓮藕中間,碌過之後我食左舊好粉,有舊可能碌得唔夠耐,所以仲係好爽口下.兩種口感我都好鍾意.最後當然係叫罐BEER啦,兩個人TOTAL叫左六罐,搭埋D滋味雞食勁正!!!兩個人食得唔多野,下次多d 人再黎過!!!

平安夜同女朋友突然想打邊爐,又唔想食樓下果d cheap雞邊爐,心血來潮醒起,朋友介紹過幾次呢間位於荃灣既常滿. 女朋友問係咪真係咁好食啊???唔理,試番次咪知囉! 我地山長水遠入去到, 間鋪頭差唔多係條街盡頭.坐底無耐就點左朋友勁力推薦既滋味常滿雞煲(女朋友唔食得辣所以無叫到辣), 煲都幾足料幾好味, 食完滋味雞再落湯, 呢個食法之前未試過, 感覺好新鮮, 湯俾定我地食完可以自己加, 唔洗下下都要叫人,呢個做法幾好, 我中意!! 之後有個哥仔介紹試下象拔蚌仔, 餐紙上面仲未有, 好新鮮爽口份量夠, 完全唔似酒樓食個d死蚌咁無味得個咬字. 之後叫埋例牌肥牛同手打墨魚滑, 牛肉質嫩肉味都唔重, 呢個啱女朋友食, 因為佢唔係太食牛! 墨魚滑好'交'、新鮮、又夠彈牙.侍應服務態度不過不失, 可能有段時間太繁忙。最後埋單二百八到,食物水準唔錯,會再幫襯!!!

‘常滿’上次同男朋友黎食過覺得味道幾好, 今次同屋企人再黎食,9點幾已經高朋滿座,而且地方大左好快就有位啦!老豆見少食乾雞煲所以就叫左一隻 常滿麻辣雞煲.今次上菜速度比上次快左,有改進,脾個讚距!!! 送菜個伙記仲教我地食完雞先落湯 落汁,甘樣可以keep到個味.雞煲好快就食得,再次食既感覺唔同左!比起上次點汁食,反而今次雞既味道更加香濃、入味、嫩滑,食個時仲有陣陣麻辣同焦香,好好味!!連媽子都係度讚!之後見到張MENU有手切肥牛同雪花肥牛,兩樣都要左.其實兩者我覺得分別唔大,手切肥牛肥瘦比例恰好, 食落肉味較重,雪花肥牛比較滑口脂肪較多,兩者同火鍋都係完美既組合!!好味~

老公生日去荃灣二坡坊揾野食。去到一品雞煲太多人，轉了去常滿食雞煲。地方整潔，服務員十有禮。但食物質數沒有吸引之處，雞是雪藏雞，無味。打邊爐湯底無味，食物仲偏細小。豉油及醬油要另加錢，飲品偏貴，王老吉$12一罐，整體食物價錢都偏貴。試一次已夠，沒有下次。

想一大班人來個聚會,附近另一間已上位10位才可以訂位,我們只得7人,這個店又說可以預留座位,就1行7人約個21:15時刻吧!到達時全場滿座,已告知是訂了位,只說很快有人結帳第一枱就給我們,最後等了又等,接近半個小時!一點動靜都沒有!最後7個人餓著肚子轉食其他地方!其實,9時多,大可以hold枱告知客人21:00/21:15要交還,不然就不要接受訂位好吧!最後要我們在這個雨夜下白等了半個小時…..還會再吃嗎?免了!辛苦了阿姐,知道你們都是無辜被鬧吧!

原本去一品,因為太多人等位,又岩岩俾幾個易拉架吸引,走左去二波坊呢間常滿雞煲,呢間野地方唔大,可以坐出面,不過而家天氣熱到無可能,店內裝修幾好,最欣賞係佢每個碗碟同盛器都印有自己公司LOGO,感覺幾有誠意.雞煲方面可以選擇1-5程度既”辣”,同埋1-5程度既”麻”,我地就叫左個3級”麻”+2級”辣”, 多”麻”少”辣”…正!!!佢地牛都幾多花款,佢地原來雙併係唔洗加錢(暫時),我一行3人4款試晒,再加少少野,同埋雞煲,已經夠晒飽^^推介牛牛: 牛脊,牛頸,牛腋,牛胸邊

是日，和男友去荃灣吃飯，天氣好熱～他突然說想去吃辣的，我想吃新店，結果我們就去了這間常滿了。人真的不多，我們選了店內。滋味雞煲非常惹味，雞肉不錯，滑，又入味，我滿喜愛的。牛肉很有趣，不老不鞋口，口味有點像高級牌的山竹牛肉炸魚皮好咬口，也夠脆，就是沒什麼特別，這種東西其實也不能難吃得到哪裡去～本地手切牛頸脊不得不說，師傅刀工不錯，而且牛肉夠鮮，老公很喜歡，幾乎一碟給他一個人掃光光１０分給８分是不錯的，下次可以推介給在荃灣住的姨姨

記得呀老婆之前推介過常滿o的雞 今日放工經過 就叫埋佢出尼食啦佢叫左個咩滋味雞煲 半隻108 都幾抵 因為同老婆都中意食辣 我本來想要大麻大辣 但系比老婆格硬改左做中麻中辣中麻中辣辣度勁 麻雖然夠香但係就冇見o個o的一大粒一大粒o既花椒粒 依o個抵讚叫埋個安格斯牛肉 係荃灣尼講算係小有唔錯o既安格斯牛肉 唔錯~炸響玲都做得幾好 新鮮即炸 上枱熱辣辣 正!整體尼講係ok 但鋪頭細間左o的 好彩去有空枱 唔係就要等下啦= =

每次吃完辣，在家裡肚子極痛的時候總會問自己為何要這樣虐待自己？近來我都選擇不吃太辣的東西，一來是不想肚痛，二來也是為了身體著想，始終吃太多辣對腸胃也不健康，所以我跟鬆弛說，每星期最多只可以吃一次辣，四川又好、雞煲又好、泰菜也好，只能吃一次。週日的晚餐，又由鬆弛拍板，他有八成機會以上會選擇吃雞煲，果然不出所料，這一次我們去荃灣區。之前從openrice那裡拿了免費戲飛，在荃新天地那邊的戲院看完之後，我們走到二陂坊，還未夠七點，一品雞煲那邊已經人頭湧湧，不過這一次我們試一家新的。店子不大，室內已經坐滿客，因為下雨的關係，室外只能多放四五張檯，不過室內的冷氣會滲出來，所以坐街邊也沒有想象中熱。始 終不知道雞煲水準如何，所以還是先試雞煲再決定要不要加火鍋料。通常我們去新店都是叫中辣較穩陣，不知為何今天他卻點了大麻大辣，大概是覺得這裡的雞煲不 會辣到那裡去吧。雞煲上檯，還要多煮一會兒才能吃，蓋子一打開，店員把雞肉翻了翻，醬汁非常杰，甚至只能說有醬而沒有汁，所以醬都重重的包著雞件，氣味濃 烈。先試一件雞，果然是大麻大辣，辣得我上咀唇至鼻子下面的人中位很痺，不斷滲汗。至於雞件，夾到有一兩件還未完全熟