Fun Fun 串串鍋 (Closed)

Fun Fun 串串鍋 主打火鍋任飲任食120分鐘，只需$158一位！FB專頁打卡，仲贈送小食一客！有6款湯底可以選擇，我哋選擇咗壽喜燒鍋，本身鍋底食材已經有好多，包括有肥牛、芋絲、多款蔬菜等！湯底帶少少甜味，可以食到食材本身嘅味道！火鍋配料選擇有好多，肥牛、豚肉、芋絲、萵筍片、雞翼、魷魚、牛柏葉、蟹柳、蟹籽丸、芝士丸 及多款蔬菜等等！食都食唔哂，一定可以食到飽！仲有兩大個凍櫃嘅飲品都係任飲，同埋阿菠蘿雪糕杯及豆腐花做甜品！

今晚再相約友人出來吃晚餐，疫情下可以相聚共享晚餐，在百忙中可以抽空出來鬆一鬆真的是不容易。上來環境尚算不錯，友人表示在香港未試過串串，今晚就不如試下。今晚就叫招牌重慶麻辣湯鍋（BB辣）及壽喜燒鍋兩款，店內的飲品也很合我的口味。我們不斷叫安格斯肥牛，正好肚餓，肥牛吃下去也很鮮甜，出面拿回來的串串也十分爽口，一邊與友人談天說地，不知不覺時間也流逝，一路吃一路吃也忘了吃多少牛了我們六點半左右到步，一開始人流不多，談到一半身邊就越來越多人，期望可以疫情快過。

火鍋任食當然係我最愛，但見到出面自助區有咁多一串串食物嘅火鍋放題都係第一次試!服務員安排咗入面4人卡位比我地坐!呢間火鍋店地方唔算太寬闊!但冷氣依然足夠凍!火鍋湯底都有不同選擇，少量點選食物，仲有多款自助形式及串串食物...我先點咗藥膳胡椒魚肚湯做湯底，冇一般傳統嘅藥膳味道，裡面有紅棗，紀子，黑木耳，葱，黑胡椒及魚肚，都係一般大衆嘅味道!醬料放醬料區可以自由選擇!火鍋必食一定係安格斯肥牛，黑豚腩片啦!見到有款叫串串泡椒牛個名夠特別就點咗黎試下…安格斯牛肉肉質很好，薄薄一片很嫩滑!而黑豚腩片味道都唔錯!自助區仲有多款食物添......有魚蛋，貢丸，龍蝦丸，牛丸，芝心魚蛋，辣麵根，生根，嚮鈴，豆卜，豆腐，炸竽頭，生菜，金菇，菇類都唔少，魚柳肉，個別包裝湯丸有兩口味(花生/黑芝麻)而最特別係"超長"蟹柳棒!呢度係任飲任食，仲有3種口味雪糕(雲呢拿，朱古力，香芋)

今晚朋友約食飯，佢話帶我食串串鍋。 聽到覺得有d新意，咁我就話好呀。而家先知道，原來呢幢大廈係有嘢食嘅。 一出𨋢就見到就見到大大個招牌， 價錢仲好抵添。上到黎已經好多人，呢度地方唔大唔細，坐得都算舒服。出面有兩個雪櫃，左邊雪櫃就自己夾，另一邊就已經整好一串串。飲品甜品同雪糕都係自己攞，所有嘢都係任飲任食。先揀湯底，朋友揀左藥膳胡椒魚肚湯。呢個湯底都重胡椒味，但係又唔太辣。裏面仲有啲魚肚，食落都已經入曬味。呢度種類非常多，一般打邊爐配料都有。丸味道ok，菜選擇唔多，但勝在夠乾淨。我就特別鍾意兩款腐皮，咬落去芝士味特別濃。另外蟹柳亦特別長，仲有一款用膠袋包住，朋友以為係糯米糍。但睇真d上面寫住火鍋配料，其實係湯圓，但果樣似麻薯，差d佢就生食。湯丸有芝麻同花生味，兩個都幾好食。整好一串串果d，種類都多架。一串串食起上嚟都幾方便，唔會散開晒，唔駛特登搵返掉咗落去啲配料。呢個我就特別鍾意食嗰啲魚串，有湯底味道，原汁原味，幾好味。除咗出面嘅配料，仲可以用柯打紙點。 我哋就點咗安格斯肥牛，黑豚肉片，串串泡椒牛，魚皮餃同豆腐。肥牛唔算太肥，口感都幾好。黑豚肉片豬味較濃，淥得比較耐又唔會覺得韌，亦唔覺得

行過行過樓下見到個牌 7:30前離坐$158 睇落d湯底都岩口味就上去試下~ 5點上到去已經有兩枱食緊!! 除左枱面黃色紙係要落單先有 其他野都係自助架~可以加$25要鴛鴦鍋 揀左兩個湯底左邊係椰香海底椰雞湯 - 椰子味好出 d雞都好滑 值得落料前就咁飲番碗湯先~ 右邊係藥膳胡椒魚肚湯 - 飲一大啖即刻咳一咳 藥膳味唔重但胡椒味勁出 用黎淥黑豚腩片再加d蒜同辣有譚仔feel😆 野食黎講 安格斯肥牛肉味都幾濃 不過第二round開始黎既都幾肥下 反而串串芫茜牛同出面自己拎既金菇牛都係瘦牛 岩晒我!! 而且又食下菜感覺幾健康食左好多串!! (本身每次黎每人一串架咋 之後可能上菜姐姐見我地一直encore 俾多幾串我地✌🏻)最後拎左幾粒麻糬 老闆即刻走埋黎提係煮黎食唔係甜品黎架 花生味好食過芝麻味 一咬爆餡 超濃味 出奇地正!! (過左陣老闆過黎問食左未 就開始討論依粒野同清d既湯就夾 麻辣湯可以唔多夾 仲話要同d客介紹下🤣)

任飲任食$158一位，呢個時勢真係超平！首先就可以選擇湯底、我怕好辣所以冇叫麻辣鍋。揀咗胡椒豬肚湯。呢度嘅湯底非常足料，味道好夠濃，加多幾次湯胡椒仍然非常辣。呢度火鍋配料可以寫紙，有肥牛、豚肉、芋絲、薯仔片、萵筍等等。另外出邊冰櫃亦都有唔同嘅火鍋配料有菜類、魚蛋、蟹子丸、芝士丸等等。串好一串串嘅亦都有好多款式，有雞翼、水魷魚、牛柏葉、紅腸、蟹柳等等，真係多到數唔晒。呢度嘅食材算唔錯，唔夠飽仲可以食個公仔麵、烏冬等等。我覺得呢度嘅肥牛質素算幾好，有牛味而且唔算太肥、肉質放題算幾好。除咗食物仲有多款飲品任飲、仲有阿波羅雪糕及豆腐花，呢個價錢咁多嘢食真係非常經濟！

自疫情之後我同阿叔都少左好多就街，難得今日我地出旺角行街都想搵間好坐又舒服既餐廳，為左好好咁享受晚餐，我地揀左後食打邊爐，兩小時任食，正基本上所有野都係任有任食，湯底都有好多款揀同平時打邊爐唔同，佢啲食材係而一串串的，老老實實，其實我覺得串住滾真係冇乜作用，不過我又覺得佢地都幾有心機逐件串我地嗌左胡椒魚肚湯，胡椒味好重，唔食得辣既我覺得有少少辣，但湯底好夠味食材方面，我地都唔係大食既人所以唔係拎左好多野但食物有驚喜！呢間有沙白、墨魚咀、鵝腸、雞腎平日都打邊爐都好少有，仲要味道新鮮好食！肥牛同豚肉都用好野唔係一埋肥膏個隻，好味好抵食！真係唔好睇佢舖頭細細，真係值得再來翻兜

Fun fun串串鍋的價錢不算貴，可以任飲任食兩小時，所以任何時段也十分旺場。甫坐下先選湯底，當然加25元要鴛鴦鍋吃兩種口味啦！大部分串串和火鍋配料都是自己去拿的。牛肉、煙肉、鴨胸、魚塊、雞翼、雞腎等串串；還有餐肉、丸類、餃子、豆製品和新鮮蔬菜，連麵食都有數款，應有盡有，一次是取不完的哦！食物櫃的另一邊也有不同醬料讓大家混出想要的味道。取食物時記得戴口罩啊！回座位後，湯底已經到了，吃串串吃招牌重慶麻辣湯鍋是必要的吧，用上多種辣椒和香料秘製而成，固體料的部分很多。湯的味道香辣複雜，麻香的感覺愈吃愈濃厚，爽！另一邊就選了滋潤的椰香海底椰雞鍋，透白色的湯有清甜的椰子味，還有椰肉和雞吃，可以用來解辣。這盤只是我們吃的一部分。他們的牛肉串串配甚麼都不錯吃。店家的配給速度很快，餘下半盤左右就會開始補給。很喜歡吃這個，超大條的蟹柳串串！除了串串，千萬不要忘記枱上的黃色紙也可點菜！安格斯肥牛的雪花分佈平均，脂肪量不算很多，紅色的肉每片都切得勻稱，涮十秒左右就煮熟了。看這自然的捲曲，讓我倆口水直流。果然是安格斯，入口就有濃郁的牛味，牛油酥香，質感柔軟，是瘋狂encore之選。馬上拿個出前一丁做個麻辣牛肉

記得以前同朋友去四川旅行，出返成都通常都會食串串火鍋，一來嗰度冇香港咁多唔同國家嘅菜式，二來串串就好似放題咁，乜都有，每一串都係細細舊，想食乜自己拎，唔怕話叫左一碟火鍋料冇其他人食。但喺香港雖然多火鍋店，但串串火鍋就唔多，約左當年嘅旅行腳飯聚，最好梗係黎返個串串火鍋懷勉下。Fun Fun串串鍋係一間串串火鍋店，黃金時段任飲任食兩個鐘$158/人，冇額外醬料費，加埋一都唔洗$180，價錢算平，火鍋料同野飲選擇唔算少，我覺得最大賣點係麵款好多，有成五六款揀，連韓國即食麵同營多都有。火鍋料大部份用竹簽串起，有肉有菜，除左自助區見倒嘅火鍋料，枱上面嘅點菜紙亦另外有十幾款火鍋料可以order。野飲方面，果汁涼茶汽水都有，連比較少見嘅沙士同台牌都有。鴻福堂涼茶有好隻味。甜品方面，除左雪糕雪條，哩度仲有豆腐花。雖然冇收醬汁費，但醬料選擇絕對唔馬虎。湯底有六款揀，有辣有唔辣，食串串一定要揀麻辣湯底，但為免太油，我地就加$25揀左鴛鴦湯底，另一邊揀左椰香海底椰雞鍋。麻辣湯底我地揀左中辣，辣得過癮，但麻味就唔算太重。而海底椰雞鍋就幾香椰子味。趁湯底未滾先每人拎罐野飲先。自助區嘅火鍋料每樣都拎左啲，肉都係比

串串鍋，選擇小麻辣湯底。剛開始唔覺得辣，慢慢吃後面的辣度開始提升……喜歡辣的朋友，三五知己可以一試。汽水雪糕種類/不過不失，地方不大，屬於樓上鋪，人氣挺高，頭輪晚市都坐满了。

香港人喜歡吃火鍋已不用多說，特別在炎熱夏天，也要開著冷氣吃火鍋，難怪巿面上都找不到同款式的火鍋店。台式養生火鍋已吃不少，最近又多了一款為串串鍋，在國内已經流行已久，除了鍋底收費，食物以每串計算，不同食物有不同收費，今天在香港也可以享用串串鍋，懷緬一下串串鍋的風味。串串鍋顧名思義為是把食物串為一串，放入鍋中，待食物熟透，拿著竹串而吃。Fun Fun 串串鍋與國内串串鍋不同之處，就是以一個價錢收費，指定食物可以任食任飲，還有甜品，安排上確實簡單好多。難怪可以吸引大量年青食客，任飲任食，還有甜品，2小時吃飽，就抱著肚子滿足地離開。******************************Fun Fun 串串鍋位於年青人必去的旺角區，不是地舖，從電梯而出就到門前。Fun Fun 串串鍋地方不算很大，但座位也不少，還有獨立房間，方便食客想有一個空間，享用火鍋。整體環境都乾淨舒適，服務員都很勤快，無論是加添火鍋食材，把枱上多餘食物盤或已飲完飲品，都會很快處理，服務確實不錯。收費上相對簡單，以入座2小時計，午巿HKD88/人免收加一。晚巿以19:30為劃分界線，19:30之前收費為HKD138/人

FunFun串串，不是串燒是火鍋😱一串一串放入火鍋，然後一串串食，又真係幾特別😝 FunFun串串火鍋裝修簡潔，自助形式，食品串串好一串串放在冷凍櫃自取！食品款式多，有長蟹柳😱蠔，雜丸，菇類，蔬菜，土魷魚等..也有其他食物是入紙落單...飲品也有很多選擇⋯⋯而甜品有百福豆腐花和多款口味嘅阿波羅雪糕😁安格斯肥牛，肉質新鮮，厚薄適中，剛剛適合打邊爐🤤黑豚腩片，肥瘦適中👍🏻芫荽控必點..串串芫荽牛，是用鮮牛包住芫荽🤤🤤串串泡椒牛，也是用鮮牛包住迷你椒，有少許椒但夠惹味！沙白（蜆）夠鮮甜沒有沙！很少有的鴨血也是任點啊！湯底也有6款選擇，今日選擇河椰香海底椰子雞湯底，滋陰潤肺又可以養顔😂湯底清甜，雞件夠滑！

約咗朋友旺角DINNER，呢個經濟差既環境，當然要平靚正喇~見到呢個價錢，立即心心眼，湯底仲有好多選擇添~有剔剔紙可以自行決定份量，有付費亦有免費項目，任君選擇~雖然辣既湯底會惹味D，但朋友唔食得辣，而且都係女士，為咗養顏，就要咗個椰香海底椰雞鍋~出面凍櫃有好多串好既食物，亦有丸、菜、菌類......應有盡有，仲見到好多款唔同既麵，有靚湯底當然要用麵嚟吸收湯底既精華喇~開心仔呀!甜品方面有亞波羅雪糕(有三款口味添~)另外，仲有特式亞條同豆腐花，全部都係個別包裝，夠哂衛生!醬料都由自己配搭，可調教至自己最鍾意既口味~重點來了！食肉獸狂點肥牛片同豚片，油脂比例很OK，不會太肥/太瘦~另外，有一個ITEM係極推既!就係串串芫茜牛！芫茜最近大行其道，有好多食物都以芫茜為主角，對於芫茜控嚟講，絕對係佳音，串串芫茜牛只放入鍋一陣就食得，除咗牛可以保持嫰滑之外，亦可保留芫茜天然香味~而且一口大細，極度方便~

作為一個鍾意食麻辣火鍋、肉同串串既人，有D咩係好得過一次過滿足曬3個願望？最近去左旺角百寳利一間【Fun Fun串串鍋】，午餐/晚餐7:30前離開/晚餐都係3個唔同劃一價錢任食。有6款湯底可選，另外加$28可以叫鴛鴦鍋。我地就叫左重慶麻辣小辣。味道都算ok，不過小辣都算幾辣、唔太食得辣可以叫BB辣。牛肉片、豬肉片同某D食材係要用紙點，而其他丸、蔬菜、某D肉類同串串、飲品、甜品都係係外面自己攞。個人幾推薦牛肉同豬肉片，肉質都算ok，而且好吸湯底！另外薯仔片、紅薯粉、響鈴、鷄翼都非常推薦。而且蔬菜都有好多種類選擇。另外好特別有一個麻辣牛肉，除非你好食得辣或者唔係叫麻辣湯底，我建議唔好攞，因爲真係好辣！飲品種類都好多。總共都有3個凍櫃。甜品有雪糕同豆腐花。個人覺得食物種類多，又任食，係幾抵，不過有少少美中不足就係衛生/清潔情況需要改善一下。

見網上介紹呢間Fun fun串串鍋午市放題唔使100蚊，咁抵即刻book位黎試下。十二點鐘上到黎餐廳，見已經排晒隊，仲個個係熟客，咁即係好野黎啦。一坐低就落左湯底先，叫左麻辣鍋併壽喜燒，鴛鴦湯底要另加25蚊，都合理呀。麻辣湯底略微不太辣，bb辣度容易接受嘅。壽喜燒幾好，仲有唔少配料送添。自助bar拎的火鍋料，款式不算多，各類蔬菜，丸類，餃子，午餐肉等。落單點的牛肉芫荽卷同牛肉泡椒卷都好好味。落單點的肥牛都幾好。最正係有芫荽拎呀，長蟹棒都正啊。諗緊呢個球狀物係咩黎，原來係魷魚。仲有牛筋，粉腸等，拎黎打邊爐又幾得意喎。雖然啲肥牛望落麻麻，淥起上黎都幾好呀，唔鞋口亦唔算太肥啦。飲品有罐裝茶，鴻福堂樽裝，韓式罐裝等，啤酒則要另加錢。呢個芝麻同花生味嘅麻吉燒攞黎打邊爐好得意，其實即係湯丸，個鹹鹹甜甜咁幾好味。甜品有豆腐花仲有杯裝雪糕同牛奶雪條，都係任食㗎。埋單約一百蚊人頭，的確係好抵嘅價，任飲任食喎，淨係唔洗洗碗都正啦，哈哈。