Fun Fun 串串鍋 (Closed)

第一次寫食評 第一次食串串鍋 叫左鴛鴦鍋 揀左最出名既麻辣火鍋同豬肚湯唔夠5個人要加20蚊先有鴛鴦麻辣火鍋最小都好辣 建議食唔到既就唔好食 d 肉整體黎講幾好 黎得都算快 無乜漏單海鮮就少 得魚同蝦甜品就得豆腐花自助個邊d野都唔錯 refill得幾快 不過肉類一出就會俾人拎晒 野飲有驚喜 有支裝可樂同忌廉其他大路野好似綠茶個d都有不過張枱有d唔乾淨 因為周圍都係麻辣火鍋既汁建議自備紙巾 因為太麻辣 食到成件衫都濕晒 滿頭大汗多人服務 有禮貌放題 每人158 加1服務費

係FB 見到好多人留言話唔錯.. 所以當日即興上openrice book位訂左晚上19:30 .. 去到時侯都需時等位.. 環境都比較焗..等左概45分鐘左右 20:10入座..我地三個人點左個麻辣湯底(可選 : bb辣/小辣/中辣/大辣)我地點左小辣.....湯底概 10 分鐘就到左.. 味道.. 辣度可以.. 唔係太咸..食物上 COMMENT :  牌子食物比足你  芝士腸 廚師腸 餐肉 .. 全部都唔係是但垃圾質素 .. 以呢個價錢佢又比到呢種食物質素 真心算係抵哂fill野食速度都算快.. 唔會好快就咩都無哂 最後.. 整體COMMENT : 會再返黎食.. 但下次會叫兩邊鍋.. 因為全麻辣食唔到公仔面(佢地係提供出前一丁)同埋佢地手腳都算好快..落完單10分鐘以內就上得檯..希望會一直保持啦.... 以一百幾十食得咁質素麻辣鍋..算係咁啦.... 

星期五出旺角食飯，預咗會好多人，就算我有book位我都預咗要等，但都唔係咁過份囉！本身book咗8點，我7點50分上去報到先，跟住聽到佢叫緊：7點鐘x小姐4位。我以為我聽錯，佢叫多次：7點鐘x小姐4位。8點鐘都黎緊，仲係叫緊7點鐘既飛。成條走廊逼滿人，全部都係book咗位，大家都等到心情煩躁。等到8點20分，先叫緊7點半既人入去，仲要係隔好耐先叫得一張，仲有好多7點半既人等緊，幾時先叫8點既人呀？！睇咁既情形唔過9點都無得食，同朋友轉場食其他。間鋪知唔知咩叫book位？根本佢地無計返自己容納到幾多人，係人book位都接受，結果大家堆哂係出面呆等！

今次約左中間點旺角，所以唔洗7點已經到左餐廳啦~😌😌上網睇到呢間好平所以上黎試下~🧐🤓有4款湯底揀，我地兩個人加左$20揀鴛鴦鍋：🥢招牌重慶麻辣鍋(小辣) 和 🥢花膠木瓜蟲草花雞湯鍋人面雞件都幾多同嫩！花膠也有喔！幾大粒！❤️座位出面有兩個冷凍櫃放左好多配料，任拎！👍🏻好似大陸麻辣燙咁，不過就自已淥！同埋係放題~~~🥰🥰配料選擇好多：各種菇類、丸、菜！仲有🥢雞中翼，淥落麻辣鍋好好味！😋🥢👑👑春雞腎都好正！👍🏻👍🏻最好既係佢有好彈既韓國麵、烏冬同埋寬薯粉！好正！另外仲有一張追加配料紙可以點🥢肥牛個d，記住寫台號啊！佢都出得齊同快既！食到幾多叫幾多！🥢👑👑安格斯牛GOOD GOOD！另外啊！出面仲有3個飲品櫃！要咩有咩！👍🏻可樂係枝裝既！👍🏻🥰仲有🥢豆腐花同🍨阿波羅雪糕！$138講黎CP值好高！👍🏻👍🏻😋

成日喺ig見到人地吉下吉下咁打邊爐，之後先知道呢啲叫串火鍋，呢晚終於可以試到！呢晚揀咗嘅Fun Fun串串鍋位於旺角鬧市中嘅百寶利商業中心，旺角地鐵站E2出口轉右直行就到～我哋book咗7點半，係$158嘅價錢，任食兩個鐘。留意返$158已經係最貴嗰個時段嘅價錢，超值！呢晚嘅客人都唔少～～坐低咗之後就叫咗個湯底先，或者叫埋啲追加配料，之後就可以出去攞嘢食喇！食材有好多種類，包括丸類、肉類、豆類製品、海鮮、菇類、菜類、麵等等等等。豉油配料返到位，湯底同叫咗嘅餸都已經到齊曬。等佢滾就可以開始淥嘢食喇！花膠木瓜蟲草花雞湯鍋其實好多人食串串鍋都係叫麻辣嘅，但我哋唔食辣，就嗌返雞湯啦～好足料，真係有花膠架～隔離食客個鍋🤣打邊爐當然唔少得嘅梗係響鈴～一開始我覺得啲響鈴擺咗出嚟咁耐，一定淋曬，點知淥一淥之後仲有少少脆口～好食！好可愛嘅八爪魚～好好食嘅芝士腸，size比平時嘅長🤔雞翼好食！飲品種類夠曬，而啤酒就要$25一支～甜品種類都唔算少，有阿波羅雪糕杯、豆腐花同啫喱～講真串串鍋同平時打邊爐差唔多，不過有啲嘢吉下吉下又幾過癮～最緊要價錢唔貴！同朋友打邊爐傾吓偈嘅好地方！同埋，老闆好好人！我哋食過咗兩

今日同友人相約係旺角食晚餐，揀左依間放題邊爐，冷凍既季節最適宜打邊爐，平平地樓下仲有現金卷派出。上到黎餐廳既鋪面比起普通既餐廳細同埋需要等位坐位比較狹窄坐底第一件事當然係揀好湯底（因為得二人關係員能揀一個湯底，除非加$20做鴛鴦湯底）因為友人唔食辣既關係，得地揀左花膠木瓜冬蟲草花雞湯底開頭以為無咩配料係入面，但黎到原來配料好足野飲方面比較多選擇，啤酒就需要另外加錢顧名思義串串，可以串住放落邊爐完全唔需要擔心野食係邊爐消失食到最後仲有好多甜品選擇👍

打邊爐就打得多，但近排潮流興既串串鍋就第一次試我地揀既fun fun串串鍋係旺角西洋菜南街，位置非常方便；價錢方面，非常經濟，7點前入座每位都係$148，任飲任食兩個鐘，以旺角區黎講都真係好抵地方唔算好大，但坐得寬敞唔逼夾，亦都有大枱，一大班人聚會都無問題有支裝忌廉同可樂食麻辣一流食物款式足夠，質素亦相當唔錯重有雪糕任食調味料齊全肉類可以填紙order，份量足、唔漏單、上枱快串串鍋，真的不能沒有麻辣超正，小辣都好夠辣，超濃郁惹味，就算加左湯都唔會溝淡雖然說穿了都係打邊爐但一串串咁食又的確係另有一番風味試左好多款配料，以呢個價錢食到呢個質素係真心抵食！必食：麻辣牛（辣得好過癮）、腎（結實爽口）、雞翼（大大隻肉質滑）、芝士腸（夠芝士）、魷魚（爽口）、白魚蛋（好食過四海），重有海帶、魚類都非常不錯

今晚約左班friend開遲來的新年飯，友人約左去旺角百寶利打邊爐，依間之前未食過，朋友仔試過話質素唔差內有自選調料吧有部分配料可以order任食另外大部分配料自己任取湯底有4款，我地揀左招牌重慶麻辣湯底麻辣味湯底濃，都幾麻及幾辣，好開胃大部分食物同店名一樣，一串串黎打邊爐雞腎串非常好食，好爽，唔點調味都夠味鵝腸，配麻辣鍋，又爽脆又辣芝士腸好芝士，好食魚皮餃味道不錯，白魚旦夠彈牙串串雞翼，一隻一串，食時十分方便配合價錢及服務，下次可以再encore

平時火鍋都係一份份上碟，哩間火鍋店大多數係一串串架，又幾有趣過癮仲要價錢唔貴，7點前入座都係$148加1，星期五六日加$10（2小時任食）串串自助吧裡食物款式都算多，肉類較少，比較多係蔬菜類。飲品款式同數量都多呀，仲有啤酒飲。然後到個鍋啦，湯底揀咗麻辣中辣，其實唔係太辣，不過都食落條脷幾麻，幾一串串食物放入去打邊爐，真係好特別好吸引，一串串食落都好方便，唔洗用筷子🥢我覺得最好食係雞腎，食咁十幾串呀，好爽口彈牙，一D都唔老呀D肉麻辣雞肉串就無咩辣味，腌製的味道都一般；蔬菜類同出面無咩特別，但食材新鮮既仲有剔剔落單紙叫咗一份份既食物，有牛肉真心好味，任食既質素黎講確實係非常好，牛肉既厚度適中，肉質嫩口，一個字正，不過每次落單一碟份量好少（以上是每次落單的3人份量）然後沙白size好細粒，成粒BB硯咁🙈不過都新鮮，蝦好搞笑係煮熟了咗上碟，每次落單每人得1隻蝦，份量比較少鴨紅同平時食開無咩特別，是一般既感覺；魚皮餃都普通正常最般食埋個雪糕同芒果布甸作完結，雪糕雲呢拿味，都幾好味；布甸無咩芒果味，一般般（芒果布甸因為趕住賣單無影相）埋單人均$173，2小時任食真心好抵，食足2小時無停過，可能係D

知道呢一間鋪頭既原因係因為之前食汀汀既時候見到，本身見價錢咁平冇咩期待。又咁岩個日朋友約出黎，諗佐一又不如試呢間啦，湯底選擇竟然有蟲草花揀，算係一個驚喜，講真串串既選擇唔算多，但refill 算好快，材料食得出係新鮮既，打邊爐既材料都係好新鮮丫，而且佢既汽水竟然唔係罐裝，而係玻璃樽，係我認為玻璃樽既汽水係特別好飲既，呢樣算係小驚喜。食完後同朋友既結論係會再幫襯既，畢竟價錢味道都係一間cp值幾高既餐廳。

位於旺角百寶利有一間超抵食$138串串鍋！價錢$138-158加一任飲任食兩小時。建議係openrice訂座，星期一至四就任何時段都$138店內人頭湧湧，座位都會比較逼少少。調味料就基本野都會有，如果有埋蠔油會更似正宗串串鍋。湯底有4款（麻辣、花膠雞、酸菜豬肚、芫茜皮蛋）4人或以上免費轉鴛鴦鍋底除自助區食物，另外仲有一張紙可以order。我就叫左胡椒酸菜豬肚鍋酸菜同豬肚份量都好足，唔太食得辣嘅朋友都好建議叫呢個。飲品方面都幾多選擇，最吸引梗係任飲支裝可樂、忌廉啦。啤酒都任飲。甜品就有布甸、豆花同阿波羅雪糕。兩個大層架擺放住一串串嘅配料， 食物refill 速度算好高效率。食物質素普遍都屬中上。芫茜牛肉串、雞腎、麵筋、魷魚、薯粉大推！腸仔仲食得番廚師腸嘅質素。睇色擇都睇到配料都幾新鮮。另外order 仲有蝦、沙白、鴨血、鵝腸等。少不了黎番個大合照先。全部一串串甘，想食咩一望就望到，勁方便。

有次經過旺角見到有人介紹呢間串串鍋餐廳，見到好吸引所以就上咗去食晚飯。佢哋啲鍋嘅湯底都有好多款式選擇的，唔想食辣都有唔辣可以揀，我就揀咗麻辣湯底，因為我超級鍾意食辣，不過我只係叫左小辣，都已經好辣好辣，所以唔食得辣既朋友唔好揀辣呀。。。飲品有好多選擇，因為佢係放題模式，所以夜晚自己出去拎。食物種類都好多俾你揀，唔會冇嘢食，不過佢大部份都係麻辣燙嗰啲類型。另外仲有海鮮，但就要畫紙俾店員，海鮮都幾新鮮尤其是大蜆，啖啖肉，好甜，好好味，鮮蝦都彈牙。。。另外仲有肥牛揀，都好新鮮。d餸菜索晒啲辣汁，好入味好正。最後佢哋都有甜品選擇，豆腐花，布甸同雪糕。另外最細心係有圍裙俾你拎，防止麻辣湯底濺到件衫。。

今日約咗個非常食得辣嘅大胃王食晚飯，所以我已經估到佢會想食麻辣火鍋，搵餐廳時見到依間開張無耐嘅四川串串鍋，仲要係限時任食，而且位於旺角，位置都相當方便我哋，就二話不說揀咗佢啦。首先雖然店面唔大，但環境乾淨，而且食物嘅選擇亦都非常多，雪櫃入面自取嘅食物非常多選擇，各丸類、菜類、肉類以及麵嘅種類都好多。飲品同甜品嘅選擇都有好多，仲有比較少見嘅飲品揀。而除咗有雪櫃擺放嘅食物外，各枱面上都放咗可以揀選其他肉類、海鮮同湯底嘅點菜紙。湯底方面我哋就揀咗中麻辣同胡椒酸菜豬肚湯，麻辣嘅中辣辣度非常夠，胡椒酸菜豬肚湯就味道啱啱好，連埋酸菜食好惹味。雖然湯底夠味，但餐廳都有好多醬料提供。本人就覺得辣椒牛肉同蕃茜牛肉都好好味。魷魚都出色，爽口彈牙。追加配料嘅安格斯牛肉非常出色，我哋都不停encore。最後食返個薯粉同甜品真係非常飽。埋單人均只需要$176.5，通常食依種四川串串麻辣鍋都比較貴，依間可以限時任食，又抵食又好味，一定會再黎幫襯。

蒸完身又做完運動 未夠6點就好肚餓同老友黎試下呢間任食兩個鐘既串串鍋🍢🍲湯底揀左麻辣 中辣越滾越辣 服務員好好 keep住幫我地收竹簽同碟 再幫個湯底加水除左出面大雪櫃既串串可以任拎之外仲可以任點剔剔紙既追加配料不過要加錢既我地就無點喇初頭上黎可能未夠食飯時間 無乜人但過左半個鐘就坐滿人喇食到超飽 仲有豆腐花同雪糕🍦好滿足食到咁飽 每人埋單都係百幾蚊 下次可以再黎食

book 左枱都要等成個鐘先入得，門口等位又迫又近後樓梯，一路聞到人地啲煙味。入到去坐位都好迫，我地3個人坐張2人枱，背脊就係食物櫃。見Facebook有人介紹講到好好所以先黎試，但影出黎同實際完全唔同，平就真係好平，但食物同環境都麻麻，下次寧願俾多啲錢食其他餐廳！