Fun Fun 串串鍋 (Closed)

重慶麻辣火鍋不嬲都係香港人至愛，我都吾例外！尤其呢兩日凍左少少，又係邊爐出動嘅時候🥰🥰🥰時興嘅串串鍋已經登陸旺角！我就即刻上去試試啦！有幾款湯㡳選擇！我就選擇左鴛鴦💕💕胡椒酸菜豬肚＋麻辣（小），麻辣湯底我叫小辣，我都覺得幾辣，所以大家要留意啊！留意隔離有張紙係可以追加的！有我最愛嘅魚云同花甲😍😍😍😍見到個賣相已經胃口大増😋😋好多食物都用竹簽串住，我估方便滾卦！吾使下下搵返d食物😅😅吾知岩吾岩蔬菜茹類都有好多款💕💕飲品都係任飲！百幾蚊任飲任食係正丫！醬料區都有好多野揀👍🏻俾多張相大家參考😆有機會大家不妨上黎試下💕

天氣凍凍地。想同個老友撐下枱腳打邊爐。去開旺角就上嚟唎間Fun Fun串串鍋...之前都有嚟過呢度.....就係畀佢哋嘅自助形式火鍋配料所吸引可以鍾意食乜就食乜仲要係任食。入到去見到佢哋嘅火鍋配料櫃都相當吸引。形形色色不同丸類都包羅萬有。除咗火鍋配料之外。仲有安格斯牛...脆肉鯇....任食唔嬲。因為我同老友都食得辣。所以我哋嗌咗個bb辣嘅麻辣火鍋湯底。呢個只係bb辣嘅麻辣湯底都辣得相當勁抽。呢個原只八爪魚相當爽口。亦都非常彈牙。而且脆肉鯇任食。我亦自家製咗一個麻辣海膽丸出前一丁。麻辣湯底加上，出前一丁麻油。味道真係滋味無窮。

好記得人生第一次食串串鍋係去西藏旅行時在拉薩食既, 還記得行完壯觀的布達拉宮後既難忘晚餐.估唔到香港竟然會有串串鍋食, 當知道剛開D間店就立即訂位找回味道啦.D間餐廳超抵食, $158任飲任食兩小時, 初初以為平野無好野, 完全係大錯特錯.首先飲品選擇都好多有各式樽裝汽水, 烏龍茶, 果汁, 仲有香港製造既啤酒任飲添.揀湯底就一定要一半麻辣湯, 一半酸菜豬肚湯. 兩款湯底都好夠濃好香, 好夠味, 食落真係有少少似係拉薩食既味道. 野食方便, 有分自助區和入單兩種. 自助區既十分有驚喜, 每部都係一串串, 有花椒牛肉, 芫茜牛肉, 花椒牛肉, DD牛肉超好味, 同拉薩食既味機乎一樣, 同埋完全無諗過係香港可以食得返咁有特色既串串鍋. 當然自助區還有好多野食啦, 雞翼, 雞腎, 牛柏葉, 多款雜丸, 多款茹類, 多款蔬菜, 仲有公仔麵, 烏冬…….超多野食, 任君選擇.入單都有好多款食物, 牛肉都已經有好幾款, 仲有魚, 沙白, 蝦, 豚肉, 羊片, 鴨紅, 全部材料都夾個湯底. 食完D咁濃烈既味道, 自然好想食返D甜食, 餐廳仲有雪米磁, 朱古力和雲呢拿雪糕任食, 食完成個人超滿足

今日星期五，食兩小時，每位174元重慶麻辣湯鍋(小辣）湯底味道，與國內的即食火鍋，麻辣湯底的味道一樣雖然好紅，但係我覺得唔辣可能😆我越嚟越食得辣Honey係唔食得辣嘅人，佢就食到成臉都係汗🤣先講食物，食物質素好好，種類又多，所有食物都好好味，全部都細細件，逐件攞，食幾多攞幾多，絕對係好事，既唔會浪費，又可以試晒所有嘢。個人特別喜好：所有串串類-牛肉、內臟都好好味，夠嫰滑！任飲細支裝汽水、罐裝果汁、烏龍茶...任食阿波羅雪糕：芒果味、雲呢拿味、朱古力味得返一杯，多都冇開心大發現，原來阿波羅牌子的雲呢拿雪糕，與富豪雪糕車的軟雪糕味道是一樣的差嘅係，我畫左紙仔，第一轉好快就來，見啲質素咁好就加單，點知等左好耐第一張加單的食物都沒來，入第二次紙，同時和職員講聲，可能漏單請不要重複單，點知隔咗好耐都冇來，我就入第三次紙，又講返同一內容說話，跟住先至攞返第一次加班的食物給我，而我隔離枱都同一命運，加單都係冇來，之後隔離枱加單食物都有來，佢見我咁慘就分一半俾我！食到1.5小時，就會比張單你埋單！其實你哋唔願意比食物客人，咪全部放晒喺出邊俾人攞囉！何必要hold起晒啲單呢！我見服務員將加單的紙，放在收

餐廳係旺角百寶利商業中心排隊嘅人好多 好彩唔洗等好耐就有位叫得串串鍋 即係所有火鍋料都係一串串成串放入個鍋 煮熟就可以好方便拎返而且仲可以拎住食 好有風味串串鍋放題任飲任食 $138 加一一入到門口就有好大個凍櫃一邊係牛豬不同部位一邊係蔬菜同丸類選擇非常之多 花多眼亂特別要提係有豬大腸 麻辣牛肉 牛柏葉牛根 雞翼 鳳爪 窩筍等等湯底加左$20揀鴛鴦湯底以為價錢平會將貨就價 但牛肉出奇地靚必食嘅有雞翼 平時以為係燒先好食個原來打邊爐都係好正豬大腸食落爆多油 八爪魚爽口飲品方面有樽裝可樂 罐裝啤酒 完全交到貨

花膠蟲草花雞湯底，超足料，淡湯好好飲，極讚！！！店內雖然開冷氣但有幾把風扇，個爐幾好雙層防風，其實打爐爐個火都好重要，試過個爐唔好用d火吹到唔定d野食滾下唔滾下，真係會食到火滾！！！$138依個價錢任食重有海鮮真係超值，魚頭，沙白，海蝦等等，特別想講下海蝦佢依到係比熟蝦，依個做法都好既，唔會儲存得唔好壞左食落會霉，依到d蝦食落都唔痴殼幾新鮮！！！自助模式，好多選擇，凍櫃夠凍d野食都好乾淨！！！自助醬油部，寫曬名唔會唔知係咩依到有參加充電計劃大家可以留意下喔！！食完曬食番個甜品，感覺就完美曬最後總結，三個字“平靚正”，不過間野好多人好旺要等位，下次醒目d訂定位！！

一直以為百寶利得D年輕人鋪，估唔到都有間麻辣串串鍋麻辣串串鍋係近年內地一種潮流火鍋，同友人一直都好想番深圳食，可惜一直都夾唔到時間好彩，原來香港都有！完全可以止止口痕我地都未食過串串鍋，驚會太辣所以就揀咗個鴛鴦鍋一半麻辣小辣, 一半花膠雞湯自助醬料區有蒜蓉、蔥花、芫茜、辣椒、沙嗲醬、炸蒜、豉油 等等不過其實食麻辣都非常入味，唔洗再點醬自助火鍋配料區所有串串都係呢到自己拎超多選擇!!!而且就算冇晒, 都REFILL得好快材料都算新鮮足料個人超推 寬條粉！加入麻辣湯真係好入味其實除左自助區嘅野食，仲有得ORDER一盤盤嘅肉仲有, 唔記得左影相嘅野飲同雪糕! 正~$138/120分鐘任飲任食 真係超值

之前食串串鍋既體驗係大陸，個時覺得幾新潁一串串幾方便，最近係微信圈見到朋友食依間餐廳，一於約埋知己去試！！！當日一出電梯個陣麻辣味已經撲鼻，好多人好熱鬧！！！除左凍櫃既自助食物，重有依張紙可點，同樣免費的！！！飲品有啤酒氣水果汁，都蠻多選擇！！！凍櫃既食物有牌寫住係咩食物，例如牛筋春雞腎等等，依點做得幾好！！！又想試蟲草花膠雞湯又想食麻辣湯，所以最後叫左個鴛鴦鍋都係加多二十蚊！！！食物選擇蠻多！！！埋單$138一位，從食物質素同味道黎講性價比高！！！

最近喺內地好興食串串鍋，見今期咁受歡迎，我同朋友都諗住趁依個熱潮試吓，咁就揀咗一個位置比較方便嘅地方黎試吓店舖唔算好大，上到去已經坐滿晒人，因為我哋都未食過串串鍋，驚會太辣所以就揀咗個鴛鴦鍋之後就急不及待去咗揀串串食啦，見到都幾多選擇，肉類同菜類嘅選擇都好多麻辣嗰邊一開始食唔算好難，但食食吓就越嚟越出味啦，辣嗰邊最啱就係用嚟煮肉類食，貪佢夠惹味，除咗一般嘅豬肉牛肉雞肉之外，佢亦都有少少海鮮，就好似八爪魚仔咁，食落好入味有啲牛肉或者魚類嘅食物，就要另外用紙仔落，保持到佢新鮮素類同菜類我哋就會選擇放喺另一邊唔辣嘅湯底，佢呢度有鮮腐皮，木耳等，食完辣嗰邊嘅火鍋，再食返清淡啲嘅菜，感覺會健康啲

原本感覺都ok 但臨最後15分鐘，收錢個人都提左一下埋單 咁我地都諗多人夾錢會耐費事等陣阻到人 我就即刻行埋出去埋左單先但冇諗過3～4分鐘後.....有個職員講都唔講，就行黎將枱上啲垃圾倒入我朋友仲夾緊個鍋到😠😨😨........................你話如果出面好多人等位呀果啲正常都會提一提要收野！！何況我地仲未超時..........❗️！！又唔係死吹都賴死唔走果啲 .洗唔洗咁趕客😡🙄

因為我地本身卜左台既所以我地黎到就入得一直都係深圳就聽得多串串鍋係香港都係第一次食咋大部份打邊爐既料都可以係出面櫃以自助形式去拎都有唔少既類我地總共叫左兩個煲一個係中辣既呢個真係搞唔掂因為佢不斷咁煲 其實係會越煲越辣好快對呢個煲就投晒降咁大家都頂唔住 要專攻呢個清湯鍋其實d配料都係普通打邊爐料只係用串串吉住就比較有gimmick而比較特別既料應該就係莞茜牛肉呢個出面比較少見佢肉串既調味都係比較濃郁 唔錯!佢都會有甜品提供番不過就得雀巢既杯裝雪糕同埋細細粒獨立包裝既雪米磁都好過冇啊

串串重慶式火鍋在香港實在少有，有的話都是每串計很少有任食，一知道我就訂位試試。意想不到閒日晚上都滿坐而且要排隊，幸好訂了位，可想而知受歡迎的程度，不過試完我就知道了，百多元的價錢可以任食任飲而且質素絕對不差，排隊果然是有原因的。招牌重慶麻辣湯小辣咪道濃郁，一點都不馬虎。先說說自取款式很多，蓮藕片超好食，淥完都仍然爽爽脆脆。芫茜牛肉果然如其他食評一樣形容的好食、新鮮牛肉包著芫茜超香超消新，難怪每次有店員端出來都是最快被掃清的一款。雞翼調味不錯不會太咸，午餐肉在麻辣鍋會變得超好食、所以每次都必要的。丸類都好齊全，有芝士丸、牛丸、墨汗墨魚丸等等一定有你喜歡的！另外有一張是點的紙，沙白記得不要淥太久，時間剛好的話會非常滑！鴨紅配麻辣鍋又是常識一定要的！牛肉牛梅花很嫩滑很軟，安格斯會比較有牛肉味有咬口，整體都不錯的。最後再食埋雪米滋就完美了！

難得朋友請食飯，想試下之前網上推薦既邊爐+串串鍋。去到望到裡面位置唔多但已經爆滿。我地book咗7點半 去到點知同我地講book咗都要輪等位，我地第4張檯。。。等咗足足45分鐘先有得食。服務: 得罪講句，如果都係甘等 我洗唔洗同你book位啊？如果等交檯 20分鐘內我都ok，45分鐘係咩玩法嗎？老老實實未試過book位食飯要甘樣等法，不如取消你個訂位服務改為全部等位算x數啦。 0/5環境: 入座後比咗4人檯我地(我地5個人)，3個人坐得逼d都算了。。隔離張大檯靠得近埋 又有班垃圾港孩係甘走出走入 比人踩咗無數次，之後有班後生既又係瘋狂撞我大佬啊 想食餐飯都甘x辛苦。。。地方窄到爆，行出去都難。 1/5食物質素: 叫咗麻辣+胡椒豬肚湯底，湯底係幾香幾辣。 芫西牛 麻辣牛有驚喜，蝦新鮮，大致上所有食物都唔差既。串住食有串住既過癮，但係估唔到炸魚皮要額外+錢，另外因為串住關係每次fill up都唔多，可能一次就比人掃走曬，但refill時間都算快架啦 起碼都keep住有得食。飲品有玻璃支裝忌廉 可樂，其他包裝飲品，冬瓜茶，但如果有類似無糖既烏龍茶就好了，全部都係有糖飲品 4/5價錢: 7點前

第一次食四川串串，見到新張期間$138 平平哋就去試吓，上到去一眼見哂，食物及飲品放哂喺近門口，最尾尾有間VIP房，起初以為很少食品，但原來會不斷轉換食品，基本上食品同港試火鍋差唔多，特別推介：莞茜牛肉、麻辣牛肉、腎、豬大腸、鴨血，喺未食之前都以為細細串唔覺飽，但就因為細細又快熟，不經不覺頭一個鐘已經有七成飽，當日我哋係揀咗花膠蟲草雞湯底，如果唔食得辣可以試吓，味道還可以的。純屬個人評分，以10粒星星滿分。環境：⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️清潔：⭐️⭐️

服務態度極為惡劣本身食物種類不夠多,只係寫紙仔肉類加單，加單並沒有按單上菜，好像食窮他店般，不為我們提供服務，感覺不公平代客，如果嫌煩倒不如不做生意，門面寫着任食卻得不到該服務，深感不忿。本身湯底鍋煲遲來起碼有二十分鐘，地方淺窄欠缺清潔 枱底全是食物渣滓 地面頗為油滑 着高踭鞋或平滑鞋底更為要小心，可能只是人手不足或者人流太多，此情況見怪不怪，可是服務態度差要是一個極大缺點。雖然價錢可能是便宜，建議三思光顧！