漁品酸菜魚火鍋放題 (Closed)

認住依一個餐！係超值！根本食完兩個人係會飽到反艇😎😎做嘢做到七點幾先收工，就即刻四圍搵食。7:30左右嚟到，餐廳都幾熱鬧好彩唔使等位，坐低已經有唔同嘅工具等緊你開餐，仲有一大鍋熱水可以洗餐具👍🏼個套餐包兩罐飲品，可以喺依個餐牌上面揀，職員就會拎俾你。黃金魚皮，最快上枱嘅就係依一樣，由於肚餓嘅關係，好快俾我哋隊晒，鬆脆，又唔太油膩，幾唔錯。跟住就喺個主角，估唔到個爐咁巨型！係因為條魚都真係好巨型！講真，依條沙巴龍躉真係好出色！非常厚肉！又滑。密密食條魚，好多肉，超滿足！佢哋仲標榜係冇激素馬來西亞貨，用料夠誠意👍🏼可以揀香辣，酸菜，或者蕃茄。我哋就揀咗香辣味，味道調校得好好，完全唔需要其他醬汁，都夠晒惹味！同埋佢真係好大條，基本上食完都已經飽飽地💪🏼💪🏼所以，依個二人餐，分分鐘要三個人先食得晒😋😋除咗一大條龍躉，仲可以揀蔬菜或者菇類拼盤。另外仲有響鈴、炸芋頭、同埋烏冬個響鈴都好出色，因為佢係比較大嚿，比較多層，而且又係好鬆脆！浸左辣湯好好食！加埋烤魚本身有冰豆腐，鴨血，蒟蒻，薯仔片，蓮藕等等配菜，真係不停食不停食，都keep住有驚喜。全部野都係實際又好味，真係非常值得推薦給一個套餐👍🏼👍🏼

一心想試烤魚, 點知午市得放题…算啦, 就食放題, 點之…超伏揀左酸菜魚, 胡椒豬肚湯, 通通得個咸, 味精湯底+所謂嘅任食, 其實得豬牛肉, 韭菜餃, 手打蝦/墨魚滑, 超油嘅魚皮餃, 芋頭, 魚皮同响鈴umm…吾堆介整體比一般傳統火鍋酒樓質素差…無誠意, 就算無限時+有幾多優惠都吾會再去…PS. 小心D youtuber嘅推介

平日夜晚去開大圍，搞掂埋夜晚果餐先返歸，四圍行下試下新野，就發現到呢間樓上唔起眼既鋪仔。上到樓唔係太多人，餐牌有任食同套餐揀。今晚唔係太餓，所以點左二人餐，好似都幾多野食。任食都其實都幾抵，下次都可以返來試下。舊樓樓上舖來講都算乾淨企理。店員姐姐都幾友善幫得手。二人餐有魚有配菜，標榜馬來西亞沙巴龍躉，份量都幾足，仲差少少食唔晒。味道方面有偏淡口，魚肉都新鮮，個蛋黃炸魚皮最香最好味。如果住沙田大圍呢邊，突然想過下癮食烤魚，都推介來試下呢間。

放假同老公兩人去呢間朋友推介抵食既漁品火鍋先，呢度地方都幾大，去果日平日都好多人，好熱鬧有任食火鍋既自助調味區我見招牌係食烤龍躉，所以決定試下呢個餐$398/兩位，而湯底當然係揀我最喜愛既酸菜味啦另外每人加左$20叫左兩杯特飲，右:紅西柚荔枝特飲左:藍柚白桃梳打，味道不會偏甜，幾開胃等左大約15分鐘，期待中既沙巴龍躉終於到喇酸菜湯微帶辣，湯內仲有好多配料，有萵笋，冰豆腐，木耳等等，魚肉好結實，入口十分嫩滑有口感，加埋啲超級入味既酸菜湯底，簡直係絕配，十分惹味，連我平時唔食既魚腩部分都唔放過，鐘意食魚既朋友一定唔可以錯過個餐可選雜菇或雜菜，我揀左雜菇，啲菇煮熟後充滿曬啲酸菜魚湯既精華，變得好鮮味黃金炸魚片，每塊都充滿曬啲咸蛋黃，好邪惡，好香口，不過對於我來講就咸左少少，我重口味既老公就食唔停芋頭煮完後，好香綿，最後用呢個咁鮮味既湯底煮埋啲烏冬，食完好滿足下次想試下呢個套餐先

早幾日行過積存街見到樓下好多人等緊，先知原來樓上開左一間專食烤魚專門店見到呢度烤魚係賣點用沙巴龍躉，原條沙巴龍躉有1.5/4/7斤份量揀，適合唔同人數嚟都可以有啱份量，亦都可以揀當火鍋咁食法，除左單點散叫亦都有放題最後揀左鴛鴦鍋酸菜魚拼水煮魚，每邊份量都好多，魚肉好滑下面配菜煎左金菇、豆卜、娃娃菜，仲有我打邊爐最中意既薯粉😋吸晒湯底既精華第一次咁樣當打邊爐咁樣熱住食水煮魚同埋酸菜魚安格斯牛板鍵食落估唔到咁有牛味同埋唔會好似肥牛咁肥，食完之後我見到放題餐牌都有呢款牛，諗住下次嚟放題食抵返👍🏻

今日同屋企人食呢間魚出名既店，人都很多，我地入去睇餐牌諗左好耐，叫放題好定烤石班好，結果我地叫$398既1.5斤頭班烤魚套餐，d魚係馬來西亞無激素魚。圖中桌面上就係佢包既野食，同2支野飲。出面拎得既野都係放題先拎得。魚皮：好脆，咸蛋王，唔會太咸，烤魚：覺得大條，味道方面，我地叫左個酸菜湯：味道勁香，夠濃！胡椒味好出，酸菜都比好多，成個湯底令到條魚甜甜酸酸既感覺令我同屋企人都覺得，提示：如果唔食得辣，就一開頭好似我地咁，拎走哂d辣椒。不過最後都係有d辣。響聆：應該係自己炸，厚身，吸魚汁食=菜：都係靠魚汁，好味。👍烏冬：都係魚汁令佢好食。👍芋頭正常。最後我地2個男人係食唔哂d烏冬，因為太飽，結論係398呢個價錢，我覺得平過你返大陸食果d鯰魚，同埋食得安全。如果經過我會想去多次😋

今天與朋友到大圍逛街, 大概8點左右選擇這家店吃烤魚. 好久沒吃過烤魚, 非常期待. 環境有不少打卡的地方,挺好的. 店員招呼我們進去坐下, 我們點了一個烤魚套餐, 香辣味的.  大概10-15 分鐘就上來了.好大的一盤烤魚, 還有不同的配料. 有響鈴, 炸魚皮, 芋頭, 不同菇類,  還有烏冬呢. 我們開始吃烤魚, 肉質挺不錯的, 肉多而且嫩. 如果不夠辣的話記得把肉泡在湯裏,保證爽. 而本來裏面也有不少底料, 鴨血,  薯仔, 木耳. 挺豐富呢.而魚皮的咸香很出色, 是次成爲我最愛的配料. 芋頭的話個人覺得煮久一點比較好, 入味一點. 而響鈴的話, 怕辣的朋友不太建議放進去, 因爲很吸辣! 一不留神就嗆到了呢最後加入烏冬，吃得很飽總的來說，這家店的烤魚不錯呢！

估唔到大圍都有咁正宗嘅烤魚食，今晚就同媽咪嚟試下！呢度有單點，亦都有放題任飲任食，亦有套餐叫，因為我哋食量唔多，所以揀咗單點點咗1.5斤原條烤魚 ($298) 係來自馬來西亞嘅沙巴龍躉，餐單上說是無激素的，好健康！食落無碎骨，魚肉滑！湯底入面已經有冰豆腐，蓮藕，洋蔥，酸菜！今次叫咗酸菜味，湯底酸味辣味都濃，好惹味！驚喜位係有好多唔同款嘅辣椒喺入面，有一粒好似蕃茄仔原來都係辣椒黎，咬咗一啖已經爭啲辣死咗三款辣椒個樣：另外叫咗鴨血 $55/10塊，好抵食落比豬紅滑同軟身，好味漁品嚮鈴卷 $28/4件應該係自家製，唔會好重油炸味，新鮮脆口，都唔錯蝦丸 $60/6粒蝦丸都係自家製，所以唔會好硬身，好有蝦味，亦都好彈牙，我覺得係呢度 **必點菜式**雜菜拼盤 $48最後仲食咗杯香港製造雪糕，好滿足好飽呀！其他放題／套餐餐牌：

今日去到大圍食 "漁品酸菜魚火鍋放題" 火鍋店都幾大, 每張枱都相隔有少少距離的. 不過職員就唔係太夠了. 最好加多一至兩個啦!烤原條沙巴龍躉2人套餐$398。星期一至四仲要唔收加一的。先嚟一煲滾住嚟洗餐具. 算係咁啦!一上枱就見到有一個牌自我介紹。來自馬來西亞東岸的烤原條沙巴龍躉，每條都約有1.5斤重，我哋兩個人揀咗酸菜味，好吸引呀!套餐包括烤原條沙巴龍躉(約1.5斤重) ，黃金炸魚皮，響玲+芋頭一份，什菇或什菜拼盤二選一，稻庭烏冬一份有2個，非酒精飲品2罐。烤原條沙巴龍躉有好多味道揀的. 我地揀咗酸菜味.沙巴龍躉真係好大條，肉質嫩滑，魚肉厚身，首先我飲了頭啖湯，非常野味又開胃。因為酸菜味道適中， 又唔會太鹹或太辣。之後等慢慢滾起, 所有精華浸入晒到所有配菜。配菜又好多，有冰豆腐、 雲耳 、 紫洋蔥 、薯仔、連藕 。 黃金炸魚皮一份黃金炸魚皮，每件魚皮舖滿了咸蛋黃，又香又脆，食到停唔到口。什菜拼盤有金菇，蔬菜2-3款, 蔬菜新鮮。響鈴芋頭雙拼一份響鈴滾10秒就食得，雖然只是10秒, 但已吸了湯的精華。芋頭先炸過再放湯的. 又粉又香。稻庭烏冬一份有2個最後食埋稻庭烏冬，飽晒。以上套餐確

之前食過一次，食物環境都不錯，今次有朋友生日🎂提議再選漁品慶祝生日於是一行4人用openrice訂座。當日準時5點30分到達入座，防疫措施必做，量體溫及安心出行，待應安排入座。坐了不久才知座位滴水及冷氣機位十分寒冷，所以問服務員可否幫忙調效細一點溫度，他的回應是不能。最後成晚好似入咗冰箱打邊爐。

友人介紹左我地食大圍呢間漁品酸菜魚火鍋，食左魚之後留返個湯仲可以打邊爐。講起酸菜魚，我嘅口水分泌不其然增加，諗起嗰種酸辣適中帶有麻辣嘅味道、鮮香開胃，難怪成為著名嘅川菜。食店雖喺橫街小巷，但唔算難搵，因為當走到食店附近時，絕對可以靠酸菜魚香味到達目的地。店內打卡位都幾多，行樓梯上去都已經有3個，場內燈光柔和，感覺似大陸著名烤魚店。冷氣足夠，座位亦寬敞舒適。細心位係設有電爐煲熱水洗碗，真係會洗到層薄油出黎所以每次食飯真係要清潔餐具自助調味區，不過真係絕對唔需要，因為湯底係非常濃郁惹味。我地order左1.5斤酸菜魚，本來想叫4斤重沙巴魚，但原來要預早book的。另外叫左個雜菇拼盤同牛板腱。火鍋配料都新鮮，牛肉油花均勻，肉質細緻，最適配呢個湯底打邊爐，美味非常。酸菜魚賣相好靚，原條沙巴龍躉先經煎炸放入酸菜湯後，魚肉嫩滑彈牙又夠入味，帶住陣陣嘅孜然香氣。底層仲有豐富配料：大豆芽，豆腐、洋蔥、西芹、莞荽等，一菜兩吃。酸菜夠鹹夠酸同冇罨味，再加入花椒、紅泡椒及辣椒乾等，帶有唔同層次嘅香味同辣味。而湯汁味道集合鹹、酸、辣、香、甜、麻，複雜多變，辣度易接受，帶酸開胃，令人一試愛上。大魚大肉後，叫左紙

名叫雖然酸菜魚 但係淡茂茂係酸菜水嘅味 好似清湯加啲酸菜水落去 恰啲魚落去就叫酸菜魚 魚肉就散嘅❌刺身拼盤正正常常冇乜特別 有一隻蝦冇咗半忽背脊 見到條黑色蝦腸 建議挑左條蝦腸會好啲😉小食拼盤 有四款 除咗有呢一餐最好食嘅蝦多士之外🥰其他都又唔係難食又唔係好食 但食咗第一夠就唔會有第二嚿🤷🏿‍♀️海鮮拼盤 如果有魚片會好啲 鮑魚上枱都仲係生嘅⭕️嗰個胡椒豬肚湯先係經典 第一次見啡色嘅胡椒豬肚湯 可能自己見識少啦食開都係奶白色㗎 感覺就係加啲牛骨粉掉幾舊豬肚粉腸落去 咁就叫鍋底 仲要鹹到甩轆🤮話就話任食 其實冇嘢俾你揀 我諗得10樣左右 有豬肉牛肉（牛肉係靚嘅）炸魚皮。響鈴。芋頭。魚皮餃韭菜餃（韭菜餃有香濃韭菜味）。蝦滑墨魚滑（墨魚滑蝦滑都不錯）同埋蔬菜拼盤就係咁多😳甜品就系一人一個雪糕🍦咁樣嘅質素收275😅唯一有啲誠意係白酒汽酒啤酒任飲 我哋六點幾去10點前離座 算可以坐耐少少 但係都冇下次🙅🏿‍♀️

熱辣辣，最啱就梗係食又熱又辣嘅烤魚啦！講咗好耐要嚟食，終於夾到一齊食啦！見到烤魚 2 人餐 4 百蚊都唔使，直接落單啦！一坐低最驚喜係啲餐具用一煲熱水滾住洗，直接洗到水滾就最安心啦！未有魚先食黃金炸魚皮，好脆！唔會放到腍晒，咸蛋黃味香得嚟又唔會咸得濟！啱啱好～等咗一陣烤魚就到啦！大大條烤原條沙巴龍躉終於上菜啦！除咗龍躉仲有好多配料㗎！有蜂巢豆腐、蓮藕、薯仔等等嘅配料，相當豐富！龍躉嘅骨唔算難挑，大大塊魚肉配埋香辣湯底，非常惹味！淨係一盤烤魚都好大份，但套餐又點止得咁少！！仲有一盤三層嘅響鈴、芋頭同稻庭烏冬！飽肚感十足，響鈴脆但又唔會太油，單點都值！仲可以揀雜菜併盤/雜菇併盤，放落香辣湯底，真係愈食愈辣呀！每人圍返都係 2 百左右，食到攬住個肚腩，大滿足！

上次喺依度就食過火鍋放題，性價比都非常之高。今次嚟到是另一樣嘢就係烤魚套餐。一如既往店舖都好細心咁畀一盤水我哋去清洗杯碟餐具。烤魚套餐包咗一碟小食黃金炸魚皮。鹹蛋黃味好香好濃，魚皮卜卜脆，非常惹味。呢度烤魚嘅特別之處就係用咗上盛嘅原條沙巴龍躉。眾所周知龍躉係非常昂貴嘅食材，用嚟烤魚真係超級少見。我哋叫咗蕃茄味，蕃茄湯底甜甜地亦好濃沃。因為用咗龍躉嘅關係，真係啖啖肉冇乜骨食得放心。其實蕃茄湯底仲包咗好多配料例如洋蔥芫茜薯仔等等，加入咗少量嘅辣椒刺激味蕾，所以整個味道都好香口。套餐包括咗嘅蔬菜應有盡有用料亦非常新鮮兩個人夠食有突。套餐亦包咗幾款飽肚嘅食物例如響鈴芋頭同埋烏冬。啱曬男仔成飽用嚟填飽肚子。而呢幾款菜加上蕃茄湯底亦非常夾，非常美味。

去沙田做gym，剛好見返舊同學，一於揾地方食飯聚下，佢住大圍果邊，樓下有間漁品酸菜魚火鍋放題店，抵食又好味，星期一至四重冇加一。餐廳主打火鍋放題，亦有提供套餐和散叫。見到有烤原條沙巴龍躉，有套餐也可以散叫，我哋好想試吓，所以放棄放題，揀咗食烤原條沙巴龍躉，3種味道中揀咗酸菜味，龍躉來自馬來西亞，師傅將龍躉開邊後烤熟，再用酸菜湯底炆煮，還加入多款配菜，有冰豆腐、酸菜、蘿蔔、蓮藕、大豆芽、雲耳，芫荽等。一大盆上枱滾住食，魚有1.5斤重，份量十足，烤過的龍躉表面金黃色，浸在酸菜味湯底內，吸收酸辣的味道，魚味鮮濃，肉質細嫩，魚皮含豐富的骨膠原。真係好惹味！加配咗火鍋配料，鴨血嫩滑。西班牙黑毛豬梅肉，肉味香濃，肉質鮮嫩。蝦丸鮮味彈牙。