豐味車仔麵

Open Now

Now Closed

第一次幫襯，地方清潔，因現在疫情關係，當我坐下時特別再用布沫一次檯面確保乾淨，店員又有禮貌，感到可安心食嘢，今天叫咗一碗4餸粗麵+一杯凍飲，特別要求麵腍d，經驗話我知一般店鋪煮麵時間太短會好硬😅，麵送上，餸放喺麵上是整整齊齊，有心機擺放，值得一讚，豬大腸軟腍而有彈性，豬皮爽而腍，蘿蔔腍而冇渣，這三款都好食，其餘一款唔記得個名，味道都ok，粗麵尚算不錯。整體非常滿意，日後再去旺角，又多間食店選擇。

係旺角番工，想食車仔麵，就上網搵下附近有咩黃店有車仔麵食，俾我搵到呢間豐味車仔麵。佢個門面真係整得好靚，係門口未入去已經會俾佢吸引，加上門口貼左「支持全面封關」，更加令我想入去支持下！入到去，鋪頭唔大，位置唔多，但食車仔麵黎講，佢既裝潢都幾靚幾特别，枱枱櫈櫈坐落都好舒服。價錢算係中等，但食物質素係幾高，今次叫左個三餸麵，個人黎講係幾鍾意！冬菇牛筋滷水蛋烏冬 (冬菇汁湯底) （$42）推介指數：9/10冬菇牛筋都燜得好淋，我個人係鍾意淋小小既冬菇同牛筋，感覺好易入口，口感會更好，今次就正中要害，呢2樣餸我都俾滿分！而滷水蛋就無乜驚喜，不過不失，覺得可以再重味一點！本來想叫清湯，但夥計問我要唔要試下個冬菇汁湯底，佢話好食好多，咁梗係要試下！果然，食落清甜得黎冇乜味精味，真係好好味！但佢餐單上面係無的，我個人幾鍾意果種味，建議大家可以試一試！烏冬方面都就正正常常啦，都幾彈牙唔會浸軟晒。但成個車仔麵既配合都係十分有驚喜！42蚊可能係算係有小小貴，但係呢一區，同埋入到去個環境，會覺得係好衛生，坐得好舒服。市面上有d唔洗30蚊就食到碗，但環境衞生都好差，食物質素亦唔高。俾42蚊我覺得都係抵，仲要係

呢間車仔麵，我和我老公經常光顧，因為快靚正，服務一流，我今次Order左蘿蔔紫菜冬菇米線 冬菇汁湯底 ，（其實差不多次次都點呢樣，因為我食素，哈哈哈）蘿蔔夠淋，冇渣， 紫菜冬菇好入味， 冬菇汁湯底濃郁帶有少少鹵水汁，下午茶時段會送埋餐飲，都幾抵食，餐廳簡單裝修，但幾寬敞 ，好乾淨，枱和餐牌唔會立痴痴 ，但最主要吸引我們光顧N次的係服務真的好好，待應人手唔多，通常只有一位高高瘦瘦的靚姐姐和一位水吧大隻姐姐，一腳踢，但她們手腳快，好醒目，有活力，十分十分有笑容和禮貌，又會記得熟客口味！都幾有親切感，一間值得推介的餐廳！

喺旺角食車仔麵嘅選擇唔係好多睇OpenRice睇到呢一間評價都唔錯見佢食物種類都幾多選擇 價錢相對比較貴見呢間運作方式同文記差唔多但食物質素係咪不相伯仲呢？其實食物份量真係好少 四舊牛腩 幾舊豬大腸 兩件雞翼正常味道係唔錯嘅 尤其是牛腩好入味 彈牙 而豬大腸滷水味好勁 食過返尋味可惜份量太少喇 我仲未試出咩味已經比我食晒我叫咗加底 但食完之後都覺得唔飽但係咁都要$50 個價錢真係太離譜如果份量比較多啲嘅話仲可以接受 食物質素唔錯但係價錢方面有待改善一次有多

師傅喺旺角區，見有啲肚餓，諗咗一陣食乜好? 師傅記得呢度有一間食店係食車仔麵，而且水準都唔錯，所以諗都唔使諗，即刻行過去食碗車仔麵先。入到去人唔多，由於又係下午茶時段，所以都有好多位坐，坐低之後個靚女侍應都好快埋黎師傅身邊，幫師傅落柯打。望左陣師傅就決定落單，一口氣柯打左幾款餸，分別係豬紅，豬皮，豬腸，牛腩同埋牛柏葉，而麵底就揀左油麵，跟住就配中辣，個靚女小姐仲話加埋腩汁好唔好，師傅當然話好啦，變咗腩汁加中辣。由於下午茶時段，所以有杯飲品會送返，師傅就揀咗杯凍檸茶 走甜。落完單唔使等左好耐，就有得食。師傅先試下個湯底，湯底味道幾濃，加上香香甜甜，幾好味，再將辣醬汁撈勻，變為辣湯底之後，個味道變得非常惹味，甚為吸引。再試下個豬紅，豬紅都係一粒粒為主，又唔算滷得好入味，但又唔算好差，口感都好煙煙韌韌，唔會一夾就散，都可以。至於豬皮就比較參差，都係屬於半爽半腍嗰種，如果啲豬皮可以再爽口少少，就會更加好啦，而且非常入味，所以都可以。豬腸又係一絕，炆得超腍，加上腸身超肥美，超好食，呢個豬腸絕對係師傅必食推介 。另外兩個餸都比較令人驚喜，分別就係牛腩同埋牛柏葉，牛腩好香，要肥有肥，要瘦有瘦，唔係碎

先申利！我係超級車仔麵控！一有出名的車仔麵我都去食！上網見到豐味食評不錯！仲要話服務好好！咁就要試下啦！叫左4送車仔麵！豬腸、冬菇、魚肉春卷、菜心，菜心度度一樣唔特別去講，其餘食評如下：豬腸：好淋有特別整過，好味唯獨有d肥，唔知有冇得order瘦腸，有的話就perfect!冬菇：世界級、超入味、勁爽口，如果再大舊d就冇得彈！魚肉春卷：不過不失，但應該入湯前已不脆了，如果keep住新鮮炸的話就冇得頂湯底：清湯加秘製辣汁不錯！不過應該配多少少腩汁更好！凍檸茶：正正常常！不錯！服務：加曬分！男女老細都超好禮貌，殷勤、招呼又周到！食野求開心！服務好一定come back! 走時更有飲品劵送for下次用！太抵讚了！總括：一定有下次！

下課後到旺角覓食，意外來到這間在西洋菜街內的車仔麵店。一入到店面即傳來陣陣酸辣的香氣，原來除了港式車仔麵，還有酸辣粉和麻辣燙可以選擇，二話不說轉投了酸辣粉和麻辣燙的懷抱。酸辣粉選了蘿蔔、芝心丸配薯粉，蘿蔔香甜，薯粉煙韌而且份量不少，酸辣湯底酸爽不會過鹹；麻辣燙的湯底和酸辣差不多，少了酸味，微辣的湯料很開胃。麻辣燙和酸辣粉兩餸一麵都是40元，車仔麵三餸一麵亦只需42元，另有數款麵食選擇，在同區算是親民。

服務：很好，有禮貌，友善地方： 乾淨衛生湯底： 我叫小辣，真正的車仔麵呀！！！餸： 好味，叫響鈴又可另上價錢： ok 啦，而家食車仔面 d 價錢係咁上下考慮： 男仔可能會唔夠飽會再返去👍🏽

見今日冇咩胃口，就想同朋友食啲有湯嘅粉面，見到一間係女人街裡面嘅車仔麵餐廳，裝修簡約但有整齊清潔，決定一試，我叫咗兩個餸，豬腸同牛腩，鋪頭仲可以俾你加腩汁，我叫咗大辣辣汁，豬腸食落口好夠味，同非常之淋，牛腩做得非常之香，最好味就係個湯底，同佢個辣汁，落咗辣汁之後嘅湯非常之好味道，食到我細個時鍾意食嘅車仔麵味道，價錢合理！

今日嚮OPEN RICE發現呢間新開車仔麵,見到食評唔錯當然要去試試啦~呢間車仔麵做法都幾聰明,將四川,重慶,港式車仔麵三合一,只需不同湯底配料就滿足到客人不同口味需要!場內環境方面都唔錯,坐位唔太迫車仔麵黎講算舒適啦,係唔夠涼囉~外賣包裝方面都做得好好,因為外賣盒有分隔層,就算路程遙遠粉麵都唔怕浸到發晒漲,亦有較好承託力唔怕壓爛蓋!今次叫左2兩碗,分別點左BB辣同大辣,結論係大辣唔辣之餘仲唔夠BB辣好食,老公碗BB辣雖然完全唔辣,不過辣汁冇搶左腩汁湯底味,所食比大辣更好食!至於餸就試左春卷,魚皮餃,雞翼(大腸,豬皮,豬紅,冬菇)括號內係推介餸菜

有天普通的一個週末下午，自己獨自去旺角辦理工程，奈何旺角街道都充滿內地或是外地遊客，確實煩厭😪。未到下午茶時段，只差10至15分鐘，這樣好像被絕殺，有點兒不底，於是去看看唱片再回頭過來。只因看到餐牌寫上，下午茶時段送餐飲，以及餐廳又有酸辣、又有麻辣燙、又有車仔麵，都沒有考慮太多想吃什麼。就在這一刻，發現了驚喜😏。通常去這些車仔麵店，感覺上通常很多中年阿姐，甚或是廣東話都未說得清楚的大媽幫你落單😒；但是在這間車仔麵，竟然兩名店員都是年輕少艾🤫，打扮樸素而乾淨，專業盡心而又顯得精神，不知是店員定還是合資的老闆，令人眼前一亮。🤫店子呈長條形，入門口之後左邊仲有一些單人的面壁位置，右邊就有一些四人座位，我想如果坐迫一點，可能坐六個人都仲得。當然如果你與不太熟悉的同事來，一起面壁都應該可以。點了一個薯粉然之後加一個餸，在外加另一個餸，店員輕輕低聲說道：「下午茶時段送冷熱飲品」😏因此後來，轉了一杯凍檸茶少冰。我就點了一個麻辣燙的BB辣，幸好叫了BB辣，因為辣度都差不多比起平日譚仔的10小辣還要強勁。豬大腸味道夠香，中間有點兒東西，不算挑得太乾淨，但是挑得清空便沒了香濃味道，魚肉春卷不算非常特別，只

第一次食係睇FB見到Hello pinkey介紹 又車仔麵又酸辣粉又麻辣燙 係我中意食既野 去到之後 一試個湯 好香好濃 食完一次 一個禮拜幾乎4-5日都過去食 食唔厭 又唔貴 食得飽！我估佢既招牌菜可能係豬大腸 因為真係好好食 豬紅同牛腩都好好食 不過個牛腩少左dd😂 佢個皮蛋小食 好好食 值得一試！仲有個豬耳小食 第一眼望落去就已經覺得好新鮮 唔似出面果d感覺好似隔左好多日既豬耳😢總體講 呢間餐廳 食物新鮮 口感美味 環境懷舊 好乾淨 2個女員工服務態度好好 好親切又靚女 總之一個字 正！

係旺角行開一個人又唔想食咁貴又想食清D 低卡路里d於是搵搵下就搵到呢間豐味車仔麵店入面 裝修比較簡單又唔算華麗精緻但空間超大 唔洗坐到咁逼因為唔想食辣今次我就叫左個港式車仔麵作為港式車仔面一定要簡油麵底配腩汁餸菜當然就有 蘿白 腩肉 同呢間店獨有既魚肉春卷說實話 一入店果陣 唔太多人以為味道應該麻麻但食左啖就完全改變左呢個想法腩汁味超濃厚蘿白吸到湯底既味牛腩份量又不少十分好味 亦有滿足感然而價錢比一般連鎖米線店更平絕對十分抵食

今次跟男友去試菜呢間應該係新開張，裝修幾新淨，而且都有啲富有香港特色嘅裝飾賣嘅菜式一目了然，主打車仔麵、酸辣粉&麻辣燙相對簡單我點咗BB辣1餸酸辣粉，都要成三十幾蚊，跟餐有一杯中SIZE飲品酸辣湯酸度夠，我鍾意，BB辣係最細辣度，初初食頭幾啖都無乜嘢，但愈食就覺得愈辣，但都係可以接受到嘅程度第一次去食嘅朋友，建議你哋叫BB辣試吓接唔接受到先，唔夠辣仲可以再加辣薯粉好滑好長，湯匙太淺，好難先裝得晒成條薯粉，又好易瀡返落湯度，食嘅時候要好小心，尤其是着淺色衫嘅朋友碗粉份量偏少，其實個人認為同售價唔多成比例可能我太耐無喺旺角食飯啦但呢間新開嘅小店勝在服務態度十分良好靚女侍應好NICE，見我食得慢，估到我應該覺得辣，主動埋嚟話可以俾一碗清湯食咗酸辣粉，再飲清湯，驚喜地發現清湯原來帶甜味，解辣非常有效！結果KO咗全碗清湯，因為真係好好味總體而言，拉勻各方面，都算OK，但無刻意再想去嘅感覺

講到宇宙辣，諗住聽個名好勁丫點知係失望。。。。。。對我黎講同十小辣冇分別🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯🤯蘿蔔唔夠淋好多野5入味