大自然素食 (Moved) New Location

星期日中午，到處都要排隊等位，只有這間不用等位，因為好肚餓，就試下呢間......前菜係蕃茄汁加了糖，再撈落車厘茄原隻木瓜蟹子沙律這個小吃幾特別，椰菜絲加沙律醬放在木瓜裡，味道不錯，齋蟹子口感似在吃豬肉鬆。福建炒飯材料是紅蘿蔔粒、粟米粒及齋蝦，炒飯後再加一個玻璃獻汁，味道OK但係齋蝦質地好削。農家燒焗竹筒飯 同福建炒飯嘅飯底一樣，都係粟米粒、紅蘿蔔粒加上齋蝦（又係削嘅齋蝦），炒飯後放在竹筒裡面，飯帶點竹香味道，感覺清新特別。三絲炒年糕三絲係芽菜、西芹及齋火腿，齋火腿味道是有鹹味豆腐乾，沒有特別，至於年糕，完全不彈牙，而且好「粉」，完全沒有年糕嘅煙銀。豆沙鍋餅中間有一層薄薄嘅豆沙，味道不錯。可惜外皮有點油膩。生煎迷你叉燒包即叫即煎，底、面都有煎過，齋叉燒餡料及味道仿真度高，唔講唔知道係齋。店主有心思想做好小食、點心；可惜飯、粉、麵就一般。

大自然素食點解會去食：2018-10-9 今日為摯親嘅生日慶祝一番，平時食開大魚大肉，生日反而想食得健康啲，講真啲，其實都係呃下自己姐！點知嚟到見到好多人，先發現原來今日係初一，仲證實左一件事，就係原來真係好多人會喺初一、十五走去食齋。食物新鮮程度：⭐⭐⭐️⭐️炸芋魚：個形狀有少少似日本魚型豆沙餅咁，切落去鬆化無比,食落去齒頰留香嘅芋頭味！燒味拼盤：呢個燒味拼盤，簡直鬼斧神工，每一樣配料都整到好似同真嘅一樣，例如個炸大腸無論外型、味道、口感，都童真嘅大腸一唔一樣！金沙皮蛋：入口甘香配合埋特色嘅醬汁，都算幾難忘嘅！食物合適溫度：⭐⭐⭐️⭐️由於人流極旺，每樣野都新鮮炮製，對上菜嘅時間非常滿意,確保識嘅每日道菜都係最適合嘅溫度!食物驚喜程度：⭐⭐⭐️⭐️飲咗一支齋啤酒，其實我都唔知道原來小麥係唔屬於齋，總之我飲果支啤酒，簡單啲來講係和尚都飲得！—————————————————服務員態度：⭐️⭐️⭐️⭐️啲侍應好熱情可能係佢哋本身都有信仰掛，同埋當日係初一嘛，仲解釋埋逢初一、十五間餐廳都好爆！—————————————————最重要系。。。我會唔會再去？重遊指數：⭐⭐⭐️⭐️

公司工作愈忙，人就愈吃愈多來平衡一下心情。 今早在家磅重，體重直線上升，l嚇了自己一跳，今餐只好控制一下。 經過大自然素食，原來有半價下午茶折扣。 價錢咁抵又係健康素食，冇理由唔入去吃。 入到去不用等位，但裏面也差不多滿。 裝牌內大部分也有折扣，但好多也是主菜為主。 坐下來即送上番茄沙律及茶，沙律味道少少酸，雖然要收費，但味道幾好。 今次叫了三絲炒上海年糕，好大碟好抵食，不過配菜較少，吃到一半只剩下年糕，感覺有點乏味。

馬鞍山此地向來都是美食沙漠，主因市中心下的中型商場食店雖多但類別很少，而且大部分更是大集團旗下品牌，缺乏吸引力。是日假期與友人來到美食沙漠，看看是否如傳聞一樣相同？新港城中心的食肆款式蠻多的，但素食來說款式有限。平日愛吃油膩肉食的我，第一次品嚐大自然素食，試試素食吸引力如何？1. 麻醬豆腐清新的豆腐是預先制作的冰凍豆腐，表面放上麻醬，是前菜的好選擇。2. 芋頭魚素食齋店最常叫到的炸物。以高溫炸香芋頭形狀的仿魚塊，魚塊餡內的芋頭夠香，但口感較粉。3. 蘆筍炒牛仔柳以大豆磨成塊狀，再壓制成一片片，混合醃料，造型仿似牛柳。雖然明白素食的烹煮在味道上一定不能與真正的牛肉相比，但無奈口感、味道、質地完全不同，但與青椒蘆筍炒製後仍然非常香口，贊4. 鴛鴦炒飯經典的白汁炒飯配蕃茄炒飯，味道不錯，而且飯夠乾身，白汁上的仿蝦肉味道像魚肉，我見每一枱都有點此菜，確實值得叫好！

 上次食完之後, 比咗張coupon我地, 為咗呢張coupon, 我地响到期之前食多次, 今次選擇早飯, 因為7點前埋單離坐有折, 再加埋張coupon就最抵食~ 餐前小食唔知點解好多期都仲係食車厘茄? 其實應該轉下啦~ 潮式涼瓜烙好夠鑊氣, 煎後好香口, 好似大排檔咁香口, 但就冇咁油添, 佢涼瓜同菜脯嘅比例好夾, 我本身唔係好鍾意食菜脯, 但都覺得好正~ 黑松露牛油果醬炒飯炒飯粒粒分明, 一啲都唔油, 不過啲黑松露味麻麻地, 同埋唔係好覺得牛油果味~ 沙鍋菜膽雲吞雞好大鍋, 好抵食, 雲吞大大粒, 入面有菜有菇, 仲有一大堆假魚翅, 個湯濃得嚟唔會太kok喉, 又唔重"師傅", 好似仲有半只雞添~ 有湯飲有餸食, 一個價錢兩個享受, 真係好抵食~ 是日糖水好似同上次都係一樣, 但今次有留肚, 食得落成碗, 依然係唔會太甜, 正~

阿姨嚟探我哋，因為佢係食素嘅，所以今晚請佢去大自然素食開餐。前一日佢同朋友食過另一間大自然分店，因為材料吾靚，所以阿姨本來都麻麻地食呢間，不過馬鞍山呢間嘅質素我地食過幾次都吾錯，最終都係說服左佢坐低啦。今晚叫咗個五個餸，無失望 : 水蜜桃黑松露焗飯 --- 呢個好好味，平日我老婆減肥唔食飯，今晚都食咗三碗。黑松露好香，配埋芝士簡直無敵，水蜜桃酸酸甜甜，更加開胃。(如果啲水蜜桃可以去埋皮就更好啦)法式牛油果焗多士 --- 好欣賞佢嘅cheese。喺素食館都可以食到拉絲嘅芝士多士，都真係唔講得笑。凍豆腐 --- 味道正常，肉鬆&醬油既味道同豆腐好夾。叉燒皇 --- 煮得唔錯，個叉燒都幾叉燒，有菜心墊底，好睇又好味。黑椒金錢扒 --- 嗱嗱嗱，叫呢碟菜就完全可以明白乜嘢叫做圖片只供參考啦。。。 圖片入面塊金錢扒手掌咁大，但係實際上呢， 係一堆比五蚊大 DD 嘅猴頭菇。。。 不過，味道係ok嘅。

好耐冇食過呢大自然, 上次都係去荃灣果間, 今次嚟開買嘢, 就試下呢邊大廚手勢先~ 不過呢度又係要早嚟, 如果唔係好快滿座, 所以未夠六點半已經入到嚟食~由於好耐冇食, 所以好似好多嘢都想食, 咁就叫咗4餸1湯, 對於兩個人嚟講實在太多, 不過間中一次半次就冇所謂啦~ 餐前小食今次係甜車厘茄, 不過我麻麻地車厘茄, 所以係咁易試1、2粒就算, 而且見佢一早放哂响水吧, 好似唔太衛生~ 陳皮白菊素蛇羮秋風起三蛇肥, 估唔到連齋舖都有蛇羮食, 當然要試試, 一窩我地就冇本事食, 唯有叫兩盅, 一人一盅試下~無論賣相同味道都同真蛇羮九成似, 仲要配埋白菊花同薄脆, 真係幾何亂真, 只係欠缺唔夠肥美嘅蛇肉, 否則真係一模一樣, 勁~  飄香榴槤卷其實呢個應該飯後先叫, 好明顯佢係甜品, 不過我地唔理, 想食就叫, 真係好鬼勁榴槤味, 好正, 鍾意榴槤就一定鍾意, 好食過甜品舖果啲有cream榴槤卷~ 佢呢個卷係用網春卷皮包住嚟炸, 啱啱上枱時仲熱辣辣, 脆卜卜, 超正~  燒汁蘆筍牛柳卷對呢碟非常失望, 未食已經睇得出佢好油, 而且好黑, 個芡汁做得太差, 本身其實係素火腿包金菇蘆筍, 應該唔

母親節家人話要食素...就二話不說上嚟望下，見到大自然素食好似幾吸引，又好幾個食過都話好食，就一於試試佢香酥炸大腸@外層有著紅色模樣讓人頗為好奇口感如何，小嚐一口後，外層的腸衣炸的酥酥脆脆，再加上大腸口感本身就頗有韌性，所以愈嚼大腸獨有的味道會在口中愈來愈明顯松子糖醋魚@糖醋魚是我最愛菜式其中之一，微酸微甜，醒胃可口。上台時香味撲鼻，催人食慾，內裡魚肉嫩軟，鮮香兼備薑蓉炒翡翠苗@很簡單清清地的一道菜，但翡翠苗什是爽口士多啤梨骨@排骨炸至金黃脆卜卜後再與士多啤梨醬汁混合，又一道醒胃菜式。排骨口感鬆軟，極易入口北京片皮鴨@"鴨"炸得夠乾身，配上青瓜絲同西芹絲食落都好match~~特別係個甜醬，真係好似正宗北京片皮鴨😍

尋日經過見到下午茶半價..心思思覺得好平就行左入去喇..餐飲杯綠茶係日本餐廳個種綠茶黎既..12蚊一位茶芥..前菜係茄汁車厘茄..但係唔記得左影呀..最先黎既係士多啤梨骨..酸酸甜甜..咬落有d似雞肉..唔講真係以為自己食緊肉呀..之後就黎原個海鮮菠蘿焗飯(有蛋)..有d素海鮮..蝦有d似蒟蒻..炒飯好乾身..粒粒分明..菠蘿好鮮甜呀!!最差既係芝士牛肉焗伊麵..個麵好乾又冇汁..牛肉味道好怪..最好食係個茄子..呢個唔會再叫..最後..最值得讚既係下午茶既份量竟然都咁多..價錢亦唔會特別貴..可以當午餐呀..

同老媽子去拜完年，當然要帶她醫肚。在馬鞍山人生路不熟，好彩用OpenRice 找到唯一一間素食店。最意想不到的是年初二下午茶依然有半價優惠。雖然只適用於正價貨品，又要加一，但其實好抵好抵了！一開始會有這小盤蕃茄仔小食。調了味，有點酸甜很開胃。士多啤梨骨，原價$78。其實是侯頭菇。但超級好味。以前老媽子還能煮飯時，餐餐飯盒都是侯頭菇，吃到我反胃。所以到素食店吃我絕不再吃侯頭菇。但今次卻打破了我對侯頭菇的不快記憶。這個＂骨＂很香口，而且酸酸甜甜，＂肉質＂結實有炸過的質感，跟平時煲湯的侯頭菇有很大分別。連平時對素食零好感的阿哥都一口接一口地吃。馬來小食併盤，原價$138。內有咖喱角、榴槤卷、春卷、吉列蝦卷和蝦片。整體都好味。特別是榴槤卷，有很香的榴槤味而外層又鬆脆。咖喱角入面是香濃的咖喱薯蓉。蝦片很脆。只有春卷有點普通，外層稔的。而吉列蝦卷，因為有濃烈的素肉味我不喜歡。不過外層炸得香口。大自然田園Pizza，原價$118。芝士起絲，熱辣辣，很足料。但餅底有點硬，吃落感覺部分有點生，好像未焗好。可能某幾件太厚太大件了。但整體是好味的。四人只花了$240已經吃得很飽。因為Pizza份量很多。

那條魚就很驚喜，裏面是芋頭，外脆裏綿，因為鹹香綿糯，所以一個人吃了半條都不覺太膩。西蘭花配猴頭菇很適合不太愛吃肉的人，感覺像吃肉，但是又不會使人有飽膩感。期待下次再去試其他的菜式

煎餃子不錯，皮薄有彈性，煎得脆脆的，可口。黃耳本身沒什味道，不過有雪裡紅的咸味帶起，折然不同；又有脆皮豆腐，外脆內軟，好吃。黑松露牛油果炒飯，是牛油果醬，已經有了心理準備是見不到牛油果了，我一向不覺得黑松露是什麼樣的味道，與炒飯一起便有咸咸地囉！好吃的是女婿落單的潮式涼瓜烙，香煎的蛋角內包含了爽口的涼瓜，值得一讚。羅漢齋炒麵是羅漢齋跟麵分開上的，不致於麵被欠汁弄濕了，有心思！

昨日與bb在新港城行過，作為新手媽媽，好難得可以去街走一下，不知不覺到左午飯時間，bb又要餵奶，我肚都餓到響，突然間想起附近開了間素食食肆，立刻找找位置，原來食店位於二樓扶手電梯旁邊，十分容易找到，店面燈光柔和，裝修簡約舒適，等了數分鐘，店員見我與BB同行，隨即安排長櫈軟坐位置，並叫附近食客注意熱水壺的擺放位置，十分貼心，午飯套餐亦十分划算，一個飯餐奉送例湯加餐前小食：味道適中，配菜豐富，蛋香十足食材新鮮，酸酸甜甜開胃之選清香滋潤，材料豐富唯一不太推介，沒有麻香，只有辣味，沒咸味整體來說午市套餐連加一，收費合理，靜靜喝茶，一個人吃過午飯，還可以有位置放下BB 來休息放鬆一下，是不二之選，尤其馬鞍山區，這間是唯一一間素食食店，期待下次再來吃其他的菜式

訂了位，但餐廳的安排超級有問題，訂7:30, 夠鐘去拎位，但訂7點的都仲未可以有枱，仲要前面人中有好幾個訂左位既都仲守緊，一大堆人訂左位，但佢大枱引無幾張，咁樣overbook法不如唔好俾人book

Food is ok but very poor service.. They reminded us if we have finished our dinner after just 20 mins serving our food. Then they came back to see if we could leave the place every 10 mins for 3 TIMES.  Will never go there again.