大自然素食

Open Now

Now Closed

而家實行緊9乘素食，出街見到就純素食嘅餐廳都覺得好開心，見到呢間即刻試，一個人去食唔到幾多花款都照食。除咗一般素食，仲有純素日本menu ，對於葷食者係一個good try out. 今日叫咗個椰皇黃耳墩湯，素三文魚生，素軟殼蟹卷物。前菜佢俾咗個茄汁車厘茄，有啲怪，本身車厘茄已經好新鮮，唔明白點解仲要留一個茄汁上去。個燉湯係very good, $3x 唔貴，原個椰子上，下次會再食。素三文魚生片，貪得意試吓，都唔錯，口感顏色都似，素軟殼蟹卷物本來唔錯的，但係諗咗一個較為酸嘅芝麻汁上去，其實唔太需要，買單一條友食咗兩舊水。另外碗筷同埋枱面有啲痴立立，希望會有改善。

每次一去到啲阿姐都大大聲話幾位呀！好似喝狗咁樣，個個黑口黑面，唔知係咪太忙定係情緒年齡問題，落單態度勁差，問人地要咩呀！最近一次初一自己去食下午茶，一坐底，冇一個係會自動自覺拎餐牌比客人，要叫先拎，重要好唔願意掉係張枱到就走左去，首先叫左個凍豆腐，再一個蒸餃子，蒸餃子黎到我怕啲餃子凍，叫一個姐姐比個蓋我，佢就係廚房拎隻白色膠碟比我，我話我要個蓋喎！佢就話啲蓋洗晒！咁樣我話唔洗啦唔該晒！姐姐黑晒面咁拎番隻碟入廚房，我想知道，點解啲籠蓋洗晒唔可以比個客人用嘅呢？我都係做飲食業，而家啲服務態度咁樣，會唔會衰左啲呢？唔想做就可以選擇唔做，每個客人黎到光顧，客人就係你地老細，無客人黎食野，邊個出糧比你地，重要收加一服務費，問心有咩權利去收呢？重有，我果日食左$80.4，專收錢姐姐話＄80蚊得啦！點知又收左＄81蚊，加一都唔止重要拎埋果幾毫子，我覺得好唔合理囉！個個都收多幾毫，你地如果有得出貼士咪好多？有一次我真係好嬲，有一日十五，又係下午茶時間3點鐘，坐我格離個姨姨食唔晒，叫左個姐姐拎個袋黎袋幾舊壽司，我聽住又係專收錢果個姐姐，話等等呀！起碼等左十分鐘，我覺得你忙住埋單，可以叫其他同事去幫你拎，

這間店舖職員的服務態度有待改善，餐廳運作一片混亂。星期三的下午三時正，下單半小時以上仍未有食物上桌，追問之下上了20分鐘前加單的一個粉絲鰻魚煲。一邊吃一邊三番五次地問了不同的職員，之前下單的一個乾炒牛河甚麼時候來？有職員說：「單上有寫就是有下單的，要再等等。」眼見職員拿著一碟碟的食物到其他客人的桌上，再問，「我幫你追追。」另一個職員就說：「漏了單，現在再寫。」最後等了一個多小時，再問職員，原來河粉已賣光了…但完全沒有職員主動告訴我們，我們非常有耐性地白白等了這麼久。途中有兩台客人入座後離去：「嗌極都冇人理。」職員這樣的服務態度，愛理不理，叫人如何會再來這間大自然素食光顧呢？時間緊迫的人要注意用膳時間。這是一次極差的用膳體驗。

行完尖沙咀，到左晚飯時間，大家問食乜，我話不如食素啦，所以就黎左大自然素食！依間餐廳都幾闊落，我地3個人，佢俾左張卡位我地，服務態度唔錯👍🏻我地點左2個必點小食 ，法式牛油果多士$17 +沙律木瓜$16 牛油果多士好大塊，而且鋪滿好多芝士同牛油果醬，超邪惡但好好味😋 多士超脆！沙律木瓜，有青瓜絲同素蟹籽，健康之選，木瓜又甜又多汁！ 👍🏻👍🏻👍🏻另外再叫左個沙窩雲吞+焗芝士南瓜🎃飯沙窩雲吞都有5粒，窩裡有菜同翅，味道清淡，雲吞皮又唔會太厚，大大粒 👍🏻份量足夠！最後焗芝士南瓜🎃飯，原個南瓜上枱，南瓜好甜，炒飯底乾身再加芝士焗，味道香口，健康得黎又係素，真係唔錯！

最近一個食素既朋友帶我黎呢一間食素，本身以為都係啲傳統既齋 (其實都油)，但呢間有驚喜😍 因為有好真既素魚生1. 魚生沙律壽司😂😂😂 好似啲吞拿魚蓉壽司，但當然個油脂味係沙律醬個度引出黎，得意係上面加埋芒果，成件事就Fresh左，夾既😍2. 三文魚刺身又外呢個係驚喜過魚生沙律壽司，真係同真既無好大分別，係真係有魚生個種凝膠狀嘅質感，我上網睇係用蒟蒻之類做，咁當然個「魚」味同真既唔同，但建議加埋豉油同Wasabi，真係好Amazing😂 整體上會為佢特別口感再黎，但就唔會經常😂

以前每月都幫襯，疫情超過2年無黎食。服務差😒可能冇人工加。啲食物仲差😞😞叫咗一碟片皮鴨，上菜嘅薄餅皮係凍㗎，唔熱點可以比人食，啲素肉炸到燶晒🤯涼瓜烙份量縮一半😣炒星洲米粉變咗炒葡汁米粉，仲要碎濕濕😔

食晏晝都唔知食咩諗住食得清淡啲嗌素食啦揀家鄉炒米粉外賣返屋企佢仲會跟一碗素湯嘅湯都有啲鹹㗎啦嘩點知個炒米粉咸到呀油到呀食完兩三個鐘仲要覺得好油好似食咗好多味精咁樣咸到唔係推行健康素食㗎咩之前都食過幾次 水準真係好參差時好時壞好似越做越Hea咁但真係唔覺得佢好健康今次真係好失望一個炒米粉炒都咁仲唔健康過啲茶餐廳佢一個外賣都$46唔算平㗎本身對湯都有少少期待點知都係咸然後晏晝少一個選擇唔會再考慮佢啦應該

今日係同3位男士來吃午飯傾生意，係內廳，隔音系統做得好好，完全唔會嘈親隔離 👍🏻👍🏻👍🏻4個人都點咗5道菜，每人一盅燉湯。燉椰皇簡直係皇牌，杞子黃芪黨參素翅燉湯，好香椰香，燉湯超級甜 🥳🥳🥳一向都係必選嘅陳皮骨，猴頭菇啖啖肉，鬆脆鹹香又有甜甜嘅陳皮碎伴住，不能抗拒 🤩🤩🤩叉燒也是必吃，今日跟咗荷葉包，自製了叉燒包，暖暖的包配上乾身甜脆邊嘅味道適中叉燒，無得輸 😘😘😘避風塘一口豆腐也是出乎意料之外的美食，尖沙咀店嘅豆腐比較大件，避風塘炒料舖曬上豆腐面，有點兒怪怪。之不過，豆腐外鬆化內軟熱，配上鹹香炒料，又要比返個 like 佢 😅😅😅服務員介紹咗黃魚，造型真係好似條魚 😅😅 炸得夠曬香脆，配上甜酸汁醬，都幾好味😋 不過就唔係我杯茶 🤣🤣最後係上湯鮮竹浸菜芯，老公唔鍾意食翡翠苗，改咗菜芯。嘩，今日嘅菜芯甜爽到不得了，超級正。我最愛鮮竹 👍🏻👍🏻所有食物嘅味道，與及質素都係好讚，約嘅生意人嚟食飯都好有信心 😘😘😘玄米茶係唯一嘅茶，無得揀，我哋就習慣咗好耐啦 👍🏻👍🏻👍🏻服務態度專業，環境衛生皆好 😅😅😅

難忘的一晚。。叫3個餸等足一個鐘先到，要追3次先到，黎到仲要小得可憐，3件素羊，4薯仔，2件紅蘿白，5塊薄餅，收我$116，仲要勁難食。。。之後食食下，有人黎話 廚房截單，3 個餸可以食到人地截單，我地忍唔住都笑咗出嚟，真心要唔會再黎。

唔知係咪因為下午茶時間既關係，3點幾去到大自然素食，都差唔多滿座。幾個staff 都好勤快，好快幫我地安排好座位。兩個人叫左個黑松露芝士焗意大利雲吞、口水雞、越式香芒軟殼蟹米紙卷同腰果露。大自然素食個menu 好豐富好多選擇亦都吸引，因為都唔多黎，所以都係揀佢有一頁推介既多。口水雞其實同出便一般既素肉相似，都係豆味偏重，只係合格。米紙卷米紙比較硬，而且芒果唔夠多。黑松露芝士焗意大利雲吞就相對吸引好多，濃郁既芝士再加好多款既菇同唔同既蔬菜，真係好好食，下次黎既話都一定會再叫。腰果露又係出色，有腰果香之餘個質感仲厚薄得宜，一盎都夠兩碗兩個人食，又係如果再黎會叫既野。聽聞大自然素食唔同分店既水準參差，尖沙咀分店就幾唔錯。

從前很喜歡大自然素食，也光顧過他們不同的分店。記憶中太子店服務員態度一般，但食物的味道不錯；銅鑼灣店味道也很好，服務也比較貼心；荃灣店座位比較舒服，食品也不過不失；而尖沙咀分店，記憶中的服務是很一般，但味道還是可以的。今日心血來潮，掛念幾款素菜，所以去了尖沙咀店晚餐。由於我每次都會叫指定的幾款菜式，所以對於原本的味道有很深印象，可惜今天同樣的菜色，味道大失水準，真的令我感到很失望☹️而且店內回音很重，有點嘈吵。當然，服務員的態度還是老樣子，看來短期內也不會再光顧此分店了。

依家素食已經唔再係一件悶事🥰，仲好有新鮮感，因為款式選擇實在太多。大自然素食，以前都成日食，不過之後越開越多新式素食店，就少左黎食😅。今次都係order左呢款法式牛油果多士，大大件，口感非常好，焗得香脆，多士上滿滿既芝士加香軟既牛油果，配搭好夾，不過太大件，食一片已經好膩🤣🤣。千島荔芋香酥鴨，芋泥好香，中間應該夾雜住腐皮去炸，扮得好似香酥鴨既質感😆。不過又係食兩件已經好飽素北京烤鴨，素鴨加埋甜醬既配合，真係好似食緊片皮鴨，但係略嫌包皮太厚😶，影響左個口感。欖菜肉鬆四季豆，味道好咸，呢個唔建議order🥺。椒鹽豆腐，炸得啱啱好，外脆內軟不錯🥰。太極鴛鴦飯，蕃茄味濃，個人口味，喜歡食紅色多過白色😋。依家好多時都會食素，因為可以清理一下自己🤣🤣。素食咁多選擇，真係日日食都得。

上兩星期同舊同事們gathering食齋。呢間齋舖其實都幾多分店，不過自己就第一次食。選擇都幾多，除了中式，仲有日式選擇。大自然燒味拼盤有叉燒、大腸、油雞、南乳燒骨同素鴨。當然都係齋口唔齋心。 其中個大腸橫切面好似，入口都有幾分似。 另外油雞(雖然我覺得似燻蹄)，上面部分整得好似燻蹄皮，入口仲彈牙添。法式牛油果焗多士估佢唔到咁大件， 牛油果質感同顏色像蟹膏，看似邪惡，實則健康之選，味道也不錯。 唔怪得係推介之一。香煎蓮藕餅除了蓮藕，還有豆腐做主要材料，味道正正常常，未見驚喜。竹笙黃耳蛋白翅叫個湯羹濕吓口，滋潤下。味道比較清淡，不過齋舖咁多煎炸野就啱啱好

最近肥妹仔食得太多肥野，想食番啲素食減底下罪疚感🙃放工近近地就係尖沙咀搵間素食店間餐廳就位於尖沙咀美麗華，都幾易搵，但就真係好熱，好似冇咩冷氣咁🥲一路食一路流汗不過野食嘅質素都唔錯家👍🏻但由於太熱嘅關係，我地都唔係坐左好耐就走了蜜汁叉燒皇青蘭葉三絲炒日本拉麵 (呢個真心麻麻🥺）法式牛油果焗多士鰻魚牛油果卷避風塘一口脆豆腐沙嗲粉絲鰻魚煲濃湯粉絲什菜煲⭐️⭐️⭐️⭐️⭐️⭐️食物：8/10環境：6/10抵食：7/10

同學聚會我建議去大自然素食，除了我是常客外，其餘3人都是第一次光顧，全部讚不絕口招牌菜燒味拼盤實在必點之選真心好食過正宗燒味😹另一驚喜是松茸黃耳花菇燉湯，竟是特價每盅$9.8（大大盅）味道清甜瑤柱扒西蘭花🥦荔茸香酥鴨，保持水準，但那咖喱羊實在有點失望咖喱味淡，素羊肉只得2-3粒（味道一般）雖然好飽，但我都點了腰果露做甜品喜歡夠哂熱，味道剛好不太甜，大滿足。