大自然素食

Open Now

Now Closed

初一十五都會食下齋，呢日黎到位於荃灣廣場的大自然素食，第一次光顧有驚喜!點了冬瓜素鴨湯飯，清清地但又幾入味，雖然冇肉但都好清甜，如怕冇味太齋的話，可以加埋佢地特制的辣椒油。小吃有醃制了的小車厘茄，清新開胃。試過這間素食後，發現原來食齋都唔係咁Dry!下次會再光顧。

一心想去麵包放題，不過見快三點鐘，如果這時間吃得太多麵包一定食不落晚飯，唯有放棄。於是又去返有半價茶市的大自然。一坐下，店員就即時奉上醃青瓜及玄米茶$10，幾分鐘後我見到轉了漬車里茄，啊，其實我想食車里茄啊。(泣)上次吃過的涼拌牛蒡絲$18今次繼續重溫，因為我平時都不會買牛蒡來煮食，牛蒡爽口，有少少酸味有少少麻油香，清新宜人，KO完一碟都好飽肚了。上次食炒麵，今次就試下三絲炒上海年糕$29，份量對一個人的話就剛剛好，配料有少量芽菜﹑素火腿及紅椒絲，年糕煙韌，沒有實心情況出現，醬油味帶甜，油份不誇張，食後不覺濟。最後要原價加一埋單$10.4，人均消費同去酒樓飲下午茶差不多價錢，不過就免了等位時間。

唔知係咪佢預咗d人點都等到三點下午茶先食? 我地兩點九去到, 已經有人圍住, 有d有飛有d冇, 但之後嚟果d客人係冇人理的, 個個企响門口, 入面d伙計唔會行出嚟, 淨係响入面執枱, 搞到差不多三點, 先有個伙計入嚟帶咗book咗枱果d客入去, 跟住到已經拎飛, 最後先到乜都冇的客人, 不過都唔駛急, 大把位, 都坐唔滿, 係差不多三點半到開始多人, 大部份都坐滿~見其他客人叫完冇耐, d餸都好快上枱, 果然神速~  前菜今次係車厘茄, 但好似加咗d麻油? 但我老公驚佢放咗出嚟太耐, 唔係太衞生, 所以試咗一粒之後都冇再食~跟住我見之後入嚟果d係食青瓜, 唔通我地d車厘茄係lunch時段果d?   麻香珊瑚草開頭食還可以, d珊瑚草爽爽地, 又有麻油香, 但食多少少開始頂唔住, 因為麻油太多, 而且加咗d辣, 於是我地決定食哂其他餸, 到最後仲食得落先食埋佢, 如果唔係真係食唔落其他嘢, 佢d油頂住個胃~  麒麟西檸鴨脯鴨脯應該係鴨胸,因為啖啖肉, d鴨脯係沾粉炸過, 所以好香好脆, 但d粉又唔會太厚, 而且每舊之間都有三色蔬菜夾住, 分別係檸檬、蕃茄、青瓜, 中和番d油膩感

電腦又壞了，我發現它好喜歡趁我窩在家的日子就"大病發"，實在氣人﹗幸好友人今天有時間出來取電腦及檢查，地點就去方便大家的荃灣區﹗由於大家都未食午飯那就食埋先吧，因我記得大自然素食在下午時候有半價，而我一直都好想試，既然來到這裡就不如來一頓素菜餐吧。經友人向店員查問過後，知道了半價時段是在2點45開始，但我們早到了好多唯有在商場內等到夠鐘吧。到2點45我們準時回到餐廳，店員都好醒目即時帶我們入座，本來靜得很的餐廳在15分鐘內瞬間填滿食客，不久更要等位了，哇﹗看來大家都是等到半價時段才來食飯哦。XD問清楚及明白後，餐牌內絕大部份食物都有半價優惠(除非有注明的就例外)，不過加一收費就以全單消費來計算。這裡沒有茶葉選擇因只有一款玄米茶，都OK啦，清清地，兼幾香。每枱都預早放定一碟辣翠肉瓜，辣辣地都幾惹味。我們主攻半價的食物，款式都有不少所以不會話無啖好食。先來一個涼菜涼拌牛蒡$36(半價$18)，還以為半價會偷減份量點知又沒有，份量更比預期之中的多呢﹗牛蒡刨成絲，入口爽身帶微脆，用麻油和黑芝麻去調味，麻香滿瀉，很是美味。主菜點了一碟麵，炒日本拉麵$58(半價$29)，和涼菜一樣都是好足份量﹗配

本來同老婆撐枱腳嘅生日飯，因為佢要加班而改期，所以，佢今個生日嘅第一餐慶生飯反而同佢屋企人爬咗頭食先。自從佢加入「綠色星期一」行列之後，就連平常食蔬肉、素食都多咗，既然喺佢嘅生日，自然由佢決定食乜，故此，選址荃灣廣場嘅「大自然素食」，一來帶點新派有啲新意，二來對我哋嚟講就腳，搭西鐵一個站就到。雖然一早訂枱，兼提早到場，都要等上10min，可見週日晚嘅大自然素食幾咁旺場，亦睇到時下有唔少人喜歡食素，歸根究底，素食總讓人覺得健康啲 。入到店內，果真全場爆滿，原來，都已經將啲枱櫈排得逼逼狹狹，環境雖則喺咁，但總算仍不失雅致，牆上掛上一幅幅水墨畫，多添一份平和。除咗散點餐牌，相信唔少客人貪方便而揀「自選套餐」，因為套餐中有一系列自選菜式，比散叫抵啲之餘，又甚具彈性。自選套餐分為2人（$188）、4人（$368）、及6人（$548）選擇，包小食、湯羹及自選小菜或粉麵，另收茶芥及加一。我哋一行5人結果就要個4人自選套餐，包小食1客、湯羹1客及小菜 / 粉麵自選4款，另再額外加多碟芋頭魚及炒麵，務求生日飯食得豐富一啲，有雞有魚 ，老婆話點咁多怕唔怕食唔晒，唔會，有小弟同弟婦兩個包底王，一定可以一

下午茶3點開始, 5點前結帳~早去到留定位, 行一陣街2:50開始入得 ! 除了沙律, 椰皇, 等冇得平之外, 其他的有半價優惠~讚!芝麻手撕雞味道淡了一點, 似扎肉味多D~沙爹串燒這個十分推介 !!! 味道夠, 又香 !!! 好好味~~~原個木瓜沙律雖然冇得平, 但13個幾1個, 都抵呀~沙律幾清新, 入面仍有木瓜肉的 ! 夠甜~ 2個人分1個好夠食~百合上湯浸菜唔記得個菜苗是哪種, 有少少味的好大碟~ 腐竹好入味~羅漢齋炒面好味道~ 個面仍然好脆 !!! 亦夠多料~沙鍋雲吞翅一大窩 ! 個湯同浸菜的上湯一樣的~雲吞幾大隻, 因此皮會較厚, 連湯一起吃會好D~差不多5點店員就會來通知先埋單~服務不錯~下午茶真的好抵~

基於半價的吸引力，所以一直都想來試這裡的下午茶，基本上餐牌上所有的餸菜都有半價優惠。三點可以入座，五點前結帳就有半價，無需等位。一行三人，一共叫了五樣食物，先來兩個味道很一般的菜式。這個炒拉麵的味道和平日吃到的豉油皇炒沒兩樣。這個西檸鴨的質感比較差，同時有種不太新鮮的味道，不知是鴨肉問題還是炸粉問題，家人對這碟餸亦大感失望。若只食雲吞的話，味道較淡，好像沒有下鹽般，不過連同湯、少許冬菇一起吃的話味道就剛好了，清清淡淡，很不錯。再濃味一點，就是這個沙嗲串燒，沒有研究這是模仿哪一種肉類，只知這串燒的肉質結構較鬆散，配上不太辣沙嗲汁，味道亦算不錯，像真度頗高。最後是牛柳卷，為是次最滿意的食物，三人吃過皆表示出乎驚喜，牛柳香口，入面夾雜金菇和筍，但味道較咸，無論是用餐的過程或之後，我們都飲大量的水，油份亦不少，吃的時候油從另一邊不停滴出來。Eatharder亦曾於晚餐時段有去過尖沙咀分店，總括而言，幾次的經驗鍊綜合出這間餐廳食物質素倒是不錯的，不過尖沙咀分店的服務實在太差了，但尖沙咀分店有刺身和壽司吃，荃灣分店只有刺身。 

新春團拜聚會昨日終於齊人, 由於有人茹素, 而且15:00至17:00有半價優惠, 所以選擇嚟呢度. 睇返荃灣分店嘅食評, 近期劣評都不少, 主要係講未食完就催人埋單...職員態度唔好..., 但最近我哋嘅係呢間, 咁是但啦, 試下囉! 預先BOOK咗15:00, 7大1細.14:55去到, 即刻入得唔使等(仲以為要齊人先入得添). 雖然我哋係坐最入, 但一舉手都有人招呼, 主動加茶及收碟. 上菜速度都幾快.好! 講下食物先--雖然係素食, 但真係做得好似葷, 某些賣相甚至連味道質感都好似, 勁! 原隻木瓜沙律--木瓜清甜配上爽口嘅青瓜絲. 百厭仔一個人清晒整個就知好味啦! 原盅竹笙素翅燉椰皇--一開蓋已聞到很濃嘅椰香, 飲一口湯, 好清甜好正! 榴槤酥--我自己就唔食嘅, 朋友話好味喎. 芋頭魚--入口鬆化, 滿口芋香, 掂! 咖哩羊腩雜菜農夫包--咖哩汁香濃, "羊腩"入口真係好似. 但農夫包一上枱已林了, 頗為失色. 燒味拼盆 (炸大腸/乳豬/鰻魚/葷蹄)--炸大腸/乳豬入口香脆, 真係好似食緊肉食架. 鰻魚就最似, "肉"質較林似魚肉, 連魚腥味都整到出嚟, 勁!

許多時候我的星期一都會選擇回家自己煮晚飯的，因為我的Green Monday習慣並不為大部份朋友所接受，這晚約了朋友逛街，本來都是打算吃點簡單的，不用對方遷就，幸好朋友表示願意去吃素菜，所以終於有機會一嚐我想試了很久的大自然素食。我幾乎每個星期都會到一次荃灣，常常經過荃灣廣場的大自然素食。每次我都留意到有很長的人龍等位，我很怕等位的，而且荃灣有許多好的餐廳，所以每次見到有人等位都令我打消了光顧的念頭。是日我們逛完街大概是九時多，店子的門口就是出奇的沒有等位的人，這麼難得，當然不用考慮就決定衝入去了。甫一進入店，才發現原來店子很小，只有幾枱大圓枱，我幾枱二人枱，但兩邊的落地玻璃令空間感較大，而且格調高尚優雅。我們被安排坐在門口入內右手邊的一張二人枱，接近落地玻璃的，枱子很小，放上了茶壺、茶杯、餐具後，看上去基本上都已經沒有空間放太多的餸菜。茶還未奉上前，店員已經即時放上前菜小食 -- 涼拌車厘茄。這車厘茄酸酸甜甜，用芝麻汁涼拌，很開胃的，不消一會兒已被我消滅，哈哈。茶的選擇不多，幸好還有我喜歡的鐵觀音，不過這店的茶味很淡，有點將白開水的。我們拿起精緻的菜譜，菜譜很精美，而且幾乎大部份都有

好耐之前食過一次~菜式新穎..水準都唔錯~食店夠光猛乾淨不過地方比較細..檯與檯之間距離超近~但都算坐得ok舒服既依家好多食店都有限時制~趕住做多幾輪生意臨入座前..服務員交代幾多點前埋單有8折~將個選擇交返比客人不過佢地本身上菜速度都超快..收野又快..急急上埋糖水已經知咩事呢先黎每人一個.."原盅竹笙素翅燉椰皇"我本身好like食椰皇燉品..依個鹹食燉湯都好味有竹笙..北芪..龍眼肉..素火腿..素翅打開椰皇蓋已經超香椰子味~燉湯又超夠熱..味道非常清甜"籠仔荷葉雲耳蒸雞"用猴頭菇代替雞件~配上雲耳..草菇另外有薑..蔥..紅棗~蒸出黎既味道好似猴頭菇肉夠厚身~清淡中夠入味"雜菜燒汁鰻魚粒"外層炸得鬆脆~但素鰻魚肉口感好腍而燒汁味道偏甜左少少~多吃比較有點漏最後送上糖水.."自家製豆腐花"賣相一般~但入口都算滑..係厚身果種滑而唔係好薄身跣入口果種幼滑~整體食物+服務都ok呢

好友一家由美國回來渡假, 相約另一朋友一起晚飯, 有大有細, 有人不吃豬牛, 要有bb椅, 又要有得泊車... 於是想起之前去過荃灣大自然素食.下午訂十位晚上6:30, 轉頭回電話說沒有大圓枱, 除非可以7:30交枱; 可是我沒有要求圓枱啊! 長枱便行.晚上6:25到, 朋友們更早, 卻已安排了一張圓枱給他們. 沒有人要求過, 沒所謂.飯吃到一半, 竟然上糖水, 我有點啼笑皆非,問:這麼快? 侍應說單出了, 便要端出來. 可是未吃完飯呢我說. "攤下先囉!"這是回答! 到吃糖水了, 吃了一半, 我暫放下歇一歇, 順便洗一洗bb的匙羮, 這時侍應來將枱上所有碗筷收去, 連我未吃完的糖水, 也準備取走! 而這碗糖水, 是在我面前, 我的臂膀之下的! 這時, 只不過7:30.侍應來問: "東西都到齊了嗎? 沒有其他需要?" 潛台詞是"請快埋單". 不過我忍不住說: 我唔敢再叫呀! 你地咩都收了, 幾乎食緊嘅都要收, 仲點叫呀! 門外似乎已有人等大圓枱, 明白的, 大家將就一下, 我也不會為難你... 可是, 這餐飯為何比快餐店還匆忙? 店內一幅好大的題字:"良辰美景好友叙舊話當年..." 離

今日下午茶到荃灣廣場大自然素食遇到不愉快經歷，這間食店食物係一般,都尚可接受, 但員工的服務態度就差極了(除了哪穿著黑色衫的員工) 剛剛食飽冇耐, 都未及飲枱上杯茶就被一位侍應走來收哂我地枱面既碗, 本來都冇咩問題, 接著佢就要求我們結賬，我同侍應講坐多陣先, 佢就扮聽唔到, 即刻就拎張單過黎要我地找數！仲話今日出面好多人等架，讓下啦! 聽到後我都好生氣，真的太離譜了！我本來都打算坐陣就走, 但聽完佢講到咁, 真係好嬲, 我唔會再去呢間度食，更會叫我既朋友唔好去！‏

我同老公两個人去食晚飯，依家經濟環境唔好，梗係點套餐。但今次有些失望，樣樣小菜的味道差唔多，好似食緊一種食物 (豆腐)，不過用唔同的煮法烹調，就連汁料都一樣。下次唔去。

因為有親戚一向茹素, 而大自然素食甚有口碑, 便於兩天前Book了臺. 可惜人太多, 門面的職員很忙, 既要招呼門口的客人, 亦要應付裡面的客人, 最後book了臺仍要等25分鐘因為有進食時限, 所以待應全晚都好像催你交臺似的不過老實說, 這餐素食水準的確不裕!1. 雞絲粉皮花生醬甜度適中, 粉皮爽口2. 燒汁鮮蘆筍牛柳卷招牌菜!! 賣相味道都令人相當驚喜!! 居然吃出肉類的鮮味!3. 籠仔荷香茄粒梅菜蒸飯普普通通, 沒有預期中的荷香味4. 蠔皇琵琶豆腐5. 鬆化竽頭魚口感鬆脆, 比外面做的竽頭魚更出色6. 原隻菠蘿咕嚕肉7.這餐廳令我對素食另眼相看, 原來食齋都可以這麼津津有味!最緊要是, 食齋對身或心都有莫大裨益!

自從光顧過香車街的香積廚素食後,吃得清淡的飯腳同事常約我吃素午飯,還說初一十五也吃吃素,只是天氣漸漸熱,香車街的環境已不是我這怕熱的月巴人可以支持的了,不如改為鄰近荃灣廣場的大自然素食吧。一直對這家新式素菜館有點抗拒,只因不太喜歡素菜裡有著太多什麼素乳豬、素牛肉的名稱在內,幸好店前的午餐餐牌中的名字較像素食,算是有個好開始。在玄關處等了一分鐘,我們被安排在沙發座的二人桌,還是距離較寬敞的,令本來佔地蠻多的我也坐得好舒服。荃灣廣場大部份食肆也有大玻璃窗,這裡也不例外,午間日光透射著一列玻璃窗,在視野較清的日子景觀的確不錯,加上店裡顏色以素白為主,視覺上很清雅柔和,天花上的新穎設計吊燈比華麗水晶燈多了一份親切溫暖。待應先送上前菜酸青瓜及清茶一壺,茶葉在茶隔裡看不到真身,從帶著炒米香的茶味很像日式玄米茶,加上點點像是綠茶的茶葉,總體的茶香也算不錯,比一般的茉莉花茶多點特別。小碟青瓜據說蠻辣,只是同事其實不太吃得辣,對我或其他食客來說可能只是小兒科的微辣,看她說辣卻沒有停筷,那讓她慢慢享用好了。忽然侍應再送來兩盅湯,原來午餐還有湯的,真好! 是日素湯是牛蒡甘筍湯,以湯色來看是蠻夠老火,除了主要