Garden Bar & Restaurant

Open Now

Now Closed

-🔸芝士魚餅 $48🔸單骨雞翼 $58🔸松露雜菌薄餅 $148🔸法式香烤蝴蝶雞 $168-上星期有日放工同男朋友撐枱腳，見到依間餐廳裝修幾靚幾igable，係花園風格，店內有好多盆栽裝飾，仲有個打卡位𠻹！先叫咗兩款小食，邪惡嘅流心拉絲芝士魚餅同埋熱辣辣嘅單骨雞翼，簡單用胡椒鹽同擠幾滴檸檬汁已經好好味。主食叫咗一隻烤雞，外皮加上惹味嘅醬汁，令燒烤風味更加突出，而且皮薄肉嫩，仲有肉汁滴出嚟啊～仲有一份好驚喜嘅Pizza，一上枱已經聞到好香松露味，食落雜菌同芝士味道非常夾，餅底係超薄嘅脆餅，男朋友大讚好味呀😋

餐廳：Garden Bar & Restaurant (尖沙咀)地址：尖沙咀柯士甸路7-9號煥利商業中心地下A號舖啱啱新入職，壓力愈嚟愈大，依家除咗食嘢之外好似都搵唔到啲咩好奏效嘅減壓方法🥺，喺仲未返Shift之前趁住假期同好朋友去咗尖沙咀花園主題酒吧餐廳Garden Bar & Restaurant飲返兩杯🍻一入到餐廳四圍都有養眼嘅植物裝飾擺設🪴，仲有一個corner放咗張綠色嘅梳化仔比人影相🛋️，簡直喺有得食有得飲仲有得打靚卡📸今次想同大家分享嘅喺餐廳最近推出嘅Beer Set Promotion，真喺超級抵‼️‼️我同朋友叫咗個set($288)喺有1款主食，3款小食同4款啤酒可以揀，兩個人叫一個set都夠我哋傾足成晚、食足成晚🍴、飲足成晚🥂，而個promotion仲由每日3:30pm做到9:30pm，無論你放工過嚟，定喺dinner time想過嚟，都可以平住飲食，而豪放咁同朋友促膝詳談🗣✝️主食——紅酒法式香烤春雞伴薯條 Red Wine Roasted Spring Chicken with Fries用咗體積同骨架細小嘅春雞🐓，肉質較為細嫩鮮美，春雞份量有半隻，雞皮燒得微脆惹味，

今日相約朋友出黎食飯，為左大家交通方便又容易搵到野食, 最好不過就係去尖沙咀，又多選擇又可以fine dining, 想搵間坐得舒服，可以坐低慢慢傾計，行左一陣，見到依間餐廳，無論燈光及裝修都好別緻，沒有落地玻璃好開揚, 望到街景，仲有柔和既音樂播放，感覺好chill好relax, 大家都一致認為ok, 咁就坐地左啦。Menu 都有各式各樣既選擇，我地就點左個小食同兩個main course, 小食係日式炸豆付， 豆腐外面炸到脆身，但裡面仍然好嫩滑，日式醬汁味道甜甜地又好香濃，加埋木魚絲一齊食，非常好味。 另外叫左個千島醬海鮮Pizza, 唔好以為係普通野，食落有驚喜，薄薄既餅皮好香脆，同平時既pizza 餅皮好唔同，海鮮好fresh, 有大蝦、青口、蟹柳、墨魚，唔會焗都d海鮮過熟，火喉岩岩好。最後就係烤有骨豬肉眼，賣相一流，仲有薯條跟埋，見到籃薯條，忍唔住即刻食，剛剛炸起，熱辣辣又香脆。豬肉眼肉味濃厚，原汁原味，點少少海鹽芥辣，已經足夠令味道提升。其實依間餐廳，仲有唔同種類既酒精飲品及啤酒, 唔中意飲酒既，又有花茶，適合唔同口味既人，約埋成班朋友，食下野，飲下野，絕對係上佳既選擇

Garden Bar & Restaurant🦋🌺🌹｜尖沙咀 有氣氛 靚酒 美食 齊集既餐廳｜🌞尖沙咀出左名就係多bar and restaurant, 今日就同朋友黎試下尼間餐廳。哇一入到去，就已經好有氣氛，好relax, 果然係以花園為主題，成間餐廳都有好多花草，木系既餐檯，燈光偏暗，但點著曬蠟燭，仲有好多打卡位。🐚醉螺一上台就已經好香既酒味，啖啖肉咁。食落味道都好濃郁，仲有好香既酒味係後面。配酒一流呀！口感仲好彈牙添，完全唔會難咬。🐟日本味淋魚乾日本既魚乾真係別有一番風味。仲記得以前食過，對佢既味道唸唸不忘。今次既魚乾仍然都係有陣炭燒既香味。味道方面，有日本燒醬汁既濃郁同甜味。魚香味都好重。配啤酒一流呀！cheers~好想買返屋企食🐚白酒忌廉煮青口配水晶麵包尼個青口都幾好食，雖然唔係好大隻，但勝在夠鮮味。不過原來白酒配忌廉，青口都幾好食，佢真係幾有風味。不過其實煮完都無酒味，但佢個汁配上青口又幾特別。青口口感都好軟，好有鮮味。不過我鍾意將水晶麵包點汁食。尼款麵包好特別，外面好脆，內黎口感好紮實又軟，但唔係鬆軟。似係長法包，但唔係完全一樣。🍕松露雜菌薄餅其實我本身唔係太鍾意黑松露既

一入餐廳見到bar枱已經覺得好正，餐廳用綠色草作裝飾，好輕鬆好舒服，仲有個打咭位，吸引唔少女仔食食下嘢過去影番張相。Beer Set Promotion $2684:00-9:00pm有一個啤酒set promo，有三個選擇，我地叫咗有1個main+3個小食+4枝啤酒嘅set。紅酒烤春雞配薯菜春雞有半隻，燒得非常嫩滑，咬落仲好有肉汁，外皮用紅酒醬汁醃過再烤，香烤到有少少焦香，味道好好。香炸魷魚鬚魷魚鬚好新鮮，咬感爽口彈牙，而且烤過有微微燒烤香味，再配上日式芥末醬，十分惹味。忌廉海膽餅海膽炸得好脆，餡料由忌廉、海膽，青瓜等等混合而成。相當唔錯。鱈魚乾鱈魚乾好鬆脆，味道好香，有啲似平時食開零食果隻鱈魚乾，但係鬆脆版，口感好似食薯片。腸拼盤 $138食完beer set有啲唔夠喉，所以再叫多個腸拼盤助酒，拼盤有雞肉、豬肉腸、辣肉腸、芝士腸4種腸，份量都好多。助酒一流。

“𝙎𝙚𝙘𝙧𝙚𝙩 𝙂𝙖𝙧𝙙𝙚𝙣 👒”誤打誤撞黎到呢間 非常高質 環境唔錯 食物水準同性價比都好好好高 絕對值得再黎環境 ᴇɴᴠɪʀᴏɴᴍᴇɴᴛ☁️餐廳鋪面非常大 走廊好闊 近門口有打卡鞦韆位(⸝⸝⸝ᵒ̴̶̷ ⌑ ᵒ̴̶̷⸝⸝⸝)✨ 夜晚舖頭既燈飾都好靚 店員服務亦好好食物 ғᴏᴏᴅ🥢✦ ᴛʀᴜғғʟᴇ ᴀɴᴅ ᴍɪx ᴍᴜsʜʀᴏᴏᴍ ᴘɪᴢᴢᴀ 🍕꒳​˓ יִ🍄🎋꒱·˚極推! ! ! 拉絲已經係基本 松露味好重 餅底脆身 超級好食 會想一啖接一啖 我地五個人share 好唔夠喉啊( т ̫ т)♡✦ ғʀᴇsʜ ᴜʀᴄʜɪɴ ᴡɪᴛʜ ᴄʀᴀʙ ᴍᴇᴀᴛ ᴘᴀsᴛᴀ ʕ🥘🧽 𓐄❕⁺˚另一高質推薦～ 海膽份量多而且味道重 應該係食過最足海膽既一個 非常creamy⌒♡.。✦ ᴏʀɢᴀɴɪᴄ ᴘʀᴇᴍɪᴜᴍ ᴀᴍᴇʀɪᴄᴀɴ ʀɪʙ ᴇʏᴇ 🦖· ˚ ༘ ˙Ⱉ˙⛰相對下較失色 應該係上兩樣既標準太高 扒較硬身(叫左五成) 同埋都有根既 唔算好抵食✦ ᴍᴜssᴇʟs ɪɴ ᴡʜɪᴛᴇ ᴡɪɴᴇ ‎· ˚ ༘ 🎫𓂃꙳ ⋆🥂青口份量多 我地share都覺得ok 汁既配搭就正常發揮啦✦ ᴅʀɪɴᴋs (秘境/ᴄɪɴᴅᴇ

Garden Bar & Restaurant 主打西餐，同時亦係一間酒吧！餐廳裝修及佈置以花園為主題，仲有多個打卡位，nice!Lunch set已包括精選餐湯及沙律！磨菇湯將磨菇湯打成幼粒，菇香味十足，而且口感豐富！柚子油醋沙律 沙律菜新鮮爽口，配上柚子油醋，好開胃！千島醬海鮮薄餅 $88薄餅底夠薄夠脆，加上少許千島醬及芝士，好滋味！紅酒燴法國春雞（半隻）配薯菜 $98雞肉嫩滑，帶有淡淡紅酒香及醬料，有特色！

唔好以為我寫錯地址，係真係柯士甸路，不過都係係佐敦柯士甸道行入去就係柯士甸路啦，非常方便😁門口見到入面裝修絕頂靚，像個小城故事中的花園........「小城故事多，充滿喜和樂，若是你到小城外，收獲特別多」二人同行、一人半價👏👏👏👏果然係一個大收獲👍👍—————————🟧Special Set：美國頂級天然榖飼翼板牛扒套餐：配是日餐湯🥣是日沙律🥗🔺自家手打磨菇🍄忌廉湯———全部新鮮磨菇🍄打制、磨菇的香、磨菇的甜、滑滑的忌廉湯🥣、濃郁的足料美味👍🔺雜菜沙律———-新鮮蔬菜配黑醋汁，醒胃又健康，沙律🥗菜又爽又脆口，吃出新鮮的味道👏🔺 美國頂級天然榖飼翼板牛扒：主角牛扒出埸，配上香草🌿牛油🧈意粉，意粉🍝軟硬口感適中，牛扒咬落去有質感，「靚景配靚扒.吃出好心情」😋——————————🟩Garden set lunch：野菜湯烏冬套餐：配是日餐湯🥣是日沙律🥗🔺自家手打磨菇🍄湯———全部新鮮磨🍄菇打制、磨菇的香、磨菇的甜、滑滑的忌廉湯🥣、濃郁的足料美味👍🔺雜菜沙律———-新鮮蔬菜配黑醋汁，醒胃又健康，沙律🥗菜又爽又脆口，吃出新鮮的味道👏🔺野菜湯烏冬：滑溜溜的烏冬，足料多款蔬菜🥬，有冬菇、金菇、包魚菇

好耐以前喺呢間酒吧食過晚餐。今次試下lunch set。套餐$68起，包括番茄濃湯及法式油醋沙律。番茄濃湯口感香滑而且酸甜開胃。以咖啡杯盛起賣相都幾靚。🍕煙肉洋蔥忌廉薄餅 $78餅底薄身香脆。Cream cheese加上煙肉同洋蔥，鹹香美味仲帶有淡淡煙燻香氣。🥩焦糖蘋果配豬扒 薯菜 $88豬鞍扒大塊又厚肉。雖然豬扒簡單以鹽同胡椒碎調味，但配上焦糖蘋果就變得好滋味。焦糖蘋果香甜軟腍，亦令豬扒帶有果香，又減少咗油膩感。薯菜包括翠玉瓜、粟米仔、蘆筍，煎得好香口。

話說仲未有得去旅行，香港郊外又逼爆，想去個chill 少少嘅地方都好難搵😣今次介紹呢間餐廳係主打chill 同埋花園💐主題嘅打卡餐廳。 我同2位朋友就點咗3個lunch set ($78+) , 分別係千島醬海鮮Pizza🍕、乳豬腩片欖油蒜蓉辣椒意粉🍝同埋紅酒燴法國春雞🍗。Lunch set上菜先有個沙律菜🥗同忌廉湯。沙律菜用料新鮮，忌廉湯creamy又濃郁，而且裝湯嘅杯外型好有特色。藍光胡椒粉都幾型🤣✅千島醬海鮮Pizza好cheesy🧀餅底都好crispy✅意粉嘅豬腩片份量足又爽口，蒜蓉、辣椒🌶️令意粉個味更為突出✅紅酒燴法國春雞配意粉，肉質嫩滑而且juicy. 不過個汁再濃少少我覺得就perfect lah

最中意就係有特色環境嘅餐廳架啦~ 依間經過門口覺得好高級嘅西餐廳，原來佢個午餐set好抵食架~ 趁有機會就去咗試試佢 ！ 首先原來入面都有幾多打卡位，特別中意對住街嘅開放式位置，光線最靚！仲有好多小盆栽做裝飾，做小道具就啱曬 ~ 開放式位置隔離嘅大枱都幾靚，真係幾有庭院嘅感覺~ 打卡friendly(*ﾟ∀ﾟ*) Food /Dessert : 📸📸📸/5 Environment :📸📸📸.5 /5 Price 💰Special Set 美國頂級天熱穀飼翼板牛扒 —— $128牛扒好厚實唔會係薄薄一塊，切開非常完美嘅淡紅色，仲非常juicy 添~ 點小小鹽而且好夠味，至於意粉係橄欖油炒意粉，唔會搶咗牛扒既風頭, 重要係唔會太油，幾推薦大家叫架！ 拿玻利意大利麵 —— $49 (午餐第二份半價！ )意粉超足料！Bacon 好大舊而且有不少蔬菜例如紅椒同蕃茄~ 而且意粉茄味好重~ 不過我覺得有啲鹹，適合重口味嘅朋友~ 套餐仲包埋湯同沙律~ 表現都正正常常~ 推薦值: ⚜️⚜️⚜.5 /5 想食高質嘅西餐lunch 記得來依間！ 而且食8次lunch set (儲印花) 就可以free 一次架啦

下晝同朋友去尖沙咀食野，一入到餐廳已經覺得好靚，仲有個秋千影相位，好有心思！同朋友一人點一個lunch，每個set都包磨菇湯同柚子油醋沙律。沙律既份量夠，入面有沙律菜、青瓜同小蕃茄。d菜好新鮮，伴埋柚子醋食好開胃。磨菇湯用料足，每一啖都係到粒粒磨菇蓉👍🏻而d湯係用隻靚靚有蓋杯裝住，即使唔係即刻飲哂都唔會咁快放涼。雞扒包大大件，餐廳將嗰包切開一半，方便進食。麵包用了法包，十分香脆。雞扒好大塊，煎得很香，入面有蕃茄醬。我自己就加咗前菜的沙律菜，好夾嗰包。至於野菜湯烏冬，湯底好清甜，而烏冬咬落亦好彈牙。仲有唔少菇類，配料好豐富！因為做緊二人同行，一人半價既優惠，埋單每人都只係60蚊左右，呢個價錢喺尖沙咀食野真係好抵！另外食正價既套餐亦有印花儲，儲夠8個就送一個餐😋

今日約左朋友去尖沙咀食野，搵緊食咩既時候，見到哩間餐廳做緊二人同行，一人半價既優惠，仲要本身個套餐已經包沙律同餐湯，成件事勁抵，於是就決定入去試下。餐廳行大自然路線，裝修好靚，有假草牆同埋花花千秋，好啱打卡。重點係餐廳係咁播周杰倫既歌，啲中學回憶返晒黎🥺講返正題😂餐牌既選擇唔少，今次我地就揀左一牛一意粉🍝🥗套餐包餐湯同沙律柚子油醋沙律既蔬菜新鮮爽脆，用上柚子醋調味，味道酸酸甜甜，好開胃。蘑菇湯係將蘑菇打碎，加上少許忌廉及橄欖油，所以好重蘑菇味，亦夠creamy。🎈美國頂級天然穀飼鐵板牛扒🐂 $128Organic Premium America Flat Iron Steak配有粗薯條，牛扒厚身大份，牛味濃郁，有咬口之餘亦有肉汁，配上少許鹽調味，味道更突出。🎈乳豬腩片橄欖油蒜蓉辣椒意大利麵🍝 $88（半價之後只係$44！！！）Sucking Pig Belly with Aglio Olio意粉上加左菊花瓣🌼意粉軟硬度適中，味道微辣，蒜香味濃郁，幾惹味。乳豬腩片薄身，肥瘦相隔，味道唔錯。整體黎講，哩間餐廳真係勁抵食，兩個套餐$200都唔洗😂晚餐真係好少$200都唔洗就埋到單，性價比真

之前去開尖沙咀做嘢，行過見到呢間餐廳幾令，心入面就bookmark 左，今次終於搵左到機會同朋友黎食啦✌🏻就係比呢個窗口吸引，估唔到入到餐廳仲有個千秋打卡位，成間店好green好似去左後花園咁💚我叫咗美國頂級天然肉眼扒，熱肉桂檸檬蜂蜜茶，朋友就叫咗香煎北海道帶子配黑松露忌廉闊蛋麵+水果茶是日餐湯係南瓜湯，唔會煮得好稀，幾稠糊濃郁，連我朋友麻麻啲南瓜都飲晒😆之後就上左個麵，帶子大大粒，又鮮甜，麵煮得岩岩好，唔易斷，味道唔會過咸之後就到主角💖叫左medium well，油脂分布幾好，唔鐘意肥皂嘅都可以輕易切除（主要係邊緣位置）。比朋友慫恿我食熟番茄，估唔到係咁特別同比生嘅更甜。醬方面都幾鐘意佢嘅黃芥末，實在太幸福😋呢個環境加食物，正✨

同朋友食飽飯， 想搵個坐得舒服嘅地方， 繼續傾下計 。如果係平時， 應該會上返諾士佛臺， 不過食飯當日好似疫情都係未緩和， 所以唔想去啲人太多太嘈嘅地方。 喺google map揀咗呢一間酒吧， 嚟到嘅時候全場得一台客， 應該仲係熟客因為所有waiters都走曬去嗰張枱度玩, 等咗好耐終於可以嗌杯嘢飲🤣 佢哋啲嘢飲做得好靚, 餐廳有啲櫈都係放得好靚畀你打卡。因為好靜， 所以其實傾計都好舒服。 我哋都好鍾意佢嘅嘢飲， 雖然個樣好靚， 不過都係飲到酒味。 唔似得有啲酒吧係整得好靚， 但係好似飲果汁， 我本人完全唔想吸收冇酒精嘅任何糖分😂比佢4分！