Gastrobox The Cameron (Closed)

在這兒多次惠顧，但晚餐則第二次，第一次晚餐是前年這個月，各方面都十分好，有點念念不忘，不過今次有點失望。今次又係食二人set。沙律跟以往一樣好，新鮮味道好。餐湯是黑松露野菌湯，今次很creamy，不過我自己就較喜歡有雜菌碎粒既口感。主菜，大蝦意粉同肉眼扒，份量偏小 。我地只係2個女人食，份量還可以勉強接受。肉眼扒叫了5成熟，侍應2次確定我們是否真的要5成，幸好是叫了5成熟，肉眼偏薄，已經超過5成熟，應該算是7成了，有些邊位已經接近9成。味道可以，肉質有小小諧，不過都不算差 。係個汁就杰左啲，放一陣表面已經凝固左。最後是日甜品是芝士蛋糕，這個甜品是我最失望的，上次吃的焦糖燉蛋真的令我念念不忘。這件芝士蛋糕一啲都唔好食，又甜又漏又硬，估計是出面買回來的。可能唔叫餐，散叫會好啲。

和女友食生日飯, 於是上網搵下餐廳, 搵到呢間評價都好似不錯的GASTROBOX, 滿心歡喜地希望和女友享用一餐美好的生日餐。一入到餐廳, 如大部份評價描述中的環境十分不錯, 一坐下就有人問你要有汽水定礦泉水, 我地要左有汽水, 盛惠55元睇左MENU後, 本想叫左二人餐, SERVER推薦單點MENU上的食物品質會更好, 於是點左佢地特別推薦的西班牙黑毛豬加龍蝦, 另外點左龍蝦湯,野豬香腸伴巴馬臣芝士蘑菇,忌廉野菌芝士意大利粉, 先飲左個龍蝦湯, 味道還能接受, 就是太咸, 飲一啖湯就要飲番啲水, 個香腸味道都OK , 蘑菇就不行了, 有啲怪味, 然後之後發現, 我實在太天真了, 黑毛豬肉又硬又鞋, 味道比三大快餐店仲要差, 龍蝦韌到無法形容, 惟一可以講就係佢可以被咀嚼及吞下肚, 味道更不用評價了, 重頭還在RISOTTO度, 我的天呀, 小弟算十分鐘意食RISOTTO, 結果和女友食不得三分之一就要放棄佢, 佢令我發現, 其實我自己煮的食物唔係真係食唔落的.........結果我女友甜品都唔想食就要走, 埋單六百幾, 學費算是交足了。

假日午市人流不多，環境高雅清靜午市套餐價錢實惠，我們選擇了”香煎比吉打魚香檳忌廉汁配千層薯”和“鮮蝦野菌意大利飯”，味道不俗，唯一美中不足的就是現在餐湯不能加錢轉龍蝦湯。

放假最煩惱就係諗去邊度食飯，為左去商場影下美戰嘅相，於是來到尖沙咀，選擇呢間餐廳食lunch，其實之前都食過晚飯，都覺得ok，先再來。啱啱開門不久，所以人唔多，大約四、五枱。幾鐘意呢度嘅環境，玻璃窗夠大，視野廣，而且枱櫈夠闊落。樓底高，冇壓逼感，店員招呼都跟到足，好似高級西餐般，幾細心lunch menu都幾抵食，假日有5款，例如卡邦尼、天使麵、煎雞扒、意大利飯、烤西冷，價錢係58至98蚊，性價比幾高嘅，以呢種環境同服務。套餐包左餐湯、啡/茶；可以另38蚊升級有埋煎三文魚凱撒沙律、甜品，幾有彈性。餐包好軟熟，而且有香草香，加少少牛油，一流。餐湯係甘荀忌廉，打得杰身，好滑溜，忌廉味會比較重，配麵包都好夾。朋友追加左沙律、甜品，我當然係痴餐試一試，沙律都幾足料，新鮮爽口，三文魚輕輕煎過，冇乜特別嘅，但我鐘意啲麵包粒，好香脆。烤新西蘭西冷牛扒燒汁配千層薯係我點嘅，點左七成熟牛扒，上枱都算ok，稍為熟左少少，但肉質都唔會好韌，或者鞋口，以100蚊唔洗嘅價錢都好高質。烤到面頭微焦，十分香口，燒汁帶少少酒香，nice伴菜係椰菜苗仔，我好鐘意呢隻野，口感好特別，又juicy，纖維高。千層薯聽落好得意

好朋友生日，上網搵到呢間餐廳，感覺門面同氣氛唔錯，就訂位啦。可能每間餐廳做法不同，一般我喺openrice訂咗位，餐廳都會打比我confirm既，不過呢度就無，但anyway搵到我既reservation就OK啦！不過我網上訂枱既時候有remark到朋友生日可唔可以係甜品寫字，咁我就再問下啦，阿經理話我無比朋友名，叫我比返，雖然我落remark時係問題，我諗住確認有得寫先再比字囉，但變成我比漏嘢，anyway照比啦。朋友因為塞車遲咗到，本身我睇中咗個二人餐，但其實我地唔係太好酒，想問下有無得轉，阿經理話無得轉，咁我地唯有再睇餐牌散叫。到再落單時阿經理都幾不願意serve我地，都係叫其他同事。未落單前都有提供麵包，鬆軟好味。前菜我地叫咗個水牛芝士蕃茄沙律，有三文魚，仲有啲蟹肉，成個沙律好清新，尤其係個蕃茄好新鮮沙律醋等調味都恰到好處主菜叫咗個羊仔鞍，加配半隻龍蝦。龍蝦整得剛剛好，剝殻後仲好juicy既肉汁，好味羊仔鞍都幾嫩，有羊羶味，但可以接受，我地都覺得幾好食。最後呢個意大利飯都無令人失望，夠入味又夠咬口。餐牌上甜品選擇太有限，本身想同朋友叫個甜品慶祝，但真係揀唔落手，最後都係轉場。總

其實唔係第一次嚟呢間餐廳，呢度係成班姊妹最鍾意嘅地方，貪佢就腳，環境好，食物又好食。不過依家好難訂位，可能客人多咗。訂唔到星期五夜晚，不過星期四都ok啦，好彩大家都就到時間呢次嚟到嘅食物 ok進步過上以前，而且仲有新驚喜!必食嘅一定係龍蝦湯啦。我哋個個都飲，碗碗都飲清，實在太好飲!啲主菜、扒類都好好味。女侍應好細心，我哋麻麻煩煩嘅要求 (例如幾成熟呀、配菜要咩唔要咩呀) 佢全部都做得好清楚。 佢仲推介咗個意大利有機紅酒畀我哋， very good 呀，啱曬配啲咁好味嘅扒。食食下發覺唔夠食，我哋再問個肥仔侍應有啲咩好介紹。佢介紹咗個西班牙極級黑毛豬扒喺我哋，呢個係最大嘅驚喜，八個字形容: 外脆內嫩，肉鮮味香。掛住玩同埋傾計，影得好少相，希望文字搭夠。期待下次嘅聚會再嚟呢度，再發掘新驚喜

I had my dinner here in Gastrobox tst to celebrate my first bday here in hk ,it was so amazing experience i had there, very nice ambiance that you can unwind after your long day at work ,they had alot of mouth watering food that you can have with a very affordable price😋and the most important is the service every where you dine even if theres a nice view and luxury food but if the service is horrible it's nothing,but in this restaurant you can experience beyond your expectation☺️THANK YOU SO MUCH

今晚朋友生日又很久不見，所以想找間環境好啲坐得舒服嘅餐廳試下。之前save 左呢間餐廳，所以就趁呢個機會試下。在前一晚打電話黎book 台，應該是個經理嘅人聽電話，個人態度好飄忽，開頭聽電話時語氣有啲差，問我姓咩點串，咪串俾佢聽，佢聽唔到叫再串多次，串串下佢又叫停左話自己識串，感覺有啲無禮貌。想問下有咩甜品揀可以寫埋happy birthday 係碟，佢反問翻:你想要咩甜品呀？ 態度感覺好唔友善🙈🙈 但最後收線前又態度幾好。開頭覺得只係個別員工態度，並不足以影響對餐廳嘅印象。今日去到，望到環境系唔錯嘅。啲吊燈同牆邊為餐廳添加唔少氣氛。跟住叫左set dinner ，蘑菇湯幾好飲，沙律有蟹肉同芒果，又鹹又甜都幾開胃好食。意粉清得黎都幾有味道，而且隻蝦煮得剛剛好。牛扒叫左7成熟，但出黎效果似9成，得中間位有啲生，其他位幾乎全熟，味道尚算接受到。set dinner 原先包熱咖啡/茶，其中一杯叫左凍檸茶，埋單先知要加四十幾蚊，覺得有啲唔抵，呢個價似單點多啲。見到隔離台都點左set dinner ，而且其中一杯系凍檸茶，相信如果知道要加四十幾，應該都唔會叫。食嘅期間，啲人真系收碟收得好快，碟牛

朋友飯局，地點方便好重要，加上價錢合理，環境優雅就更好。其實都唔係第一次嚟Gastrobox,只係上一次食lunch, 覺得幾好，今次試晚餐，經openrice 訂位仲有15% off, 正。因人未齊，先點個小食英式蘋果炸魷魚圈，食住等。Caesar salad with Salmon英式野豬香腸伴巴馬臣芝士及蘑菇一定要試，一放上枱已經聞到陣陣香腸香味，試一口，香腸軟硬適中，醬汁和菇菇非常配合，好味道忌廉野菌蘑菇意大利燴飯：有口感但又唔會太膩烤特級安格斯西冷烤西班牙特級黑豬排: 肉質juicy香煎帶子卡邦尼 忌廉扁意大利粉：意粉有蛋味，有咬口，好味道因為預備左生日蛋糕，未試甜品，下午再試。服務良好，幫我地影相之餘，仲自動推介最佳拍照位置，避免反光，細心服務值得一讚

真心覺得好失望，餐廳坐得幾舒服，但周邊既人講野大聲到怕，食物賣相，味道都覺得差，服務都差，話8點前嗌酒有六折，到check單時發現無計到，無下次，以後唔會再食（我book 3/8 19:30,早幾日打比我confirm booking，但日子錯，仲話幫我改，我無book錯，咩叫幫我改，當日準時19:30到，話我遲到，差啲比左張枱其他客，話我book左19:00，仲係度寸我，未見過有咁差既服務👍🏽）

本人從未吃過一次如此急促的生日晚餐，居然在這間佈局高級的西餐廳遇到如此受壓迫的快餐經驗。前幾天在OpenRice訂了這間餐廳，今天中午這間餐廳的員工也打電話給我確認這個7:00pm 的Booking，當中那員工並沒有要求在我們需要在一個指定的時間內完成晚餐，故我和朋友並沒有任何心理準備。當我的朋友準時到達後，餐廳的人安排了兩張二人位的枱比我地五個人，由於那兩張枱合併後仍然非常之細小，在我們的多番要求下，才願意給我們多一張小枱合併在一起（其實餐廳當時只有數位客人....）。同時他們詢問我們是否可以於八點半交枱（即要我們個半鐘頭內交枱，但是當時候我哋啲朋友都未到齊），並且在15分鐘之內問了三次幾時叫歺，那種壓迫的態度已經令人極度冇癮，根本就想盡快離開呢間餐廳。未食夠一個鐘，已經開始問我地食唔食甜品，但係我哋成張枱啲嘢食都未食完，根本已經唔想再叫其他嘢食，10分鐘後又再次問我地要唔要甜品，咁樣樣不斷嘅催逼，叫我地點食落去....8:20pm 部長見我哋已經食完，就即刻將收據放在我哋嘅枱上面，部長仲出聲叫我地盡快埋單，眼見其他枱的客人可以慢慢享受他們的晚餐，但我和我的朋友居然要食一個焦急的生日

本身見到有寫生日祝福服務所以book左食生日飯，打左電話confirm，留哂字句，結果到最後甜品嚟到係無寫到！！！！！！！！！！！！ 十分失望 ，以後唔會再嚟食！！而且本身甜品質素不好，不推介

Booked a table here after seeing the photos of the beautiful and grand interior design on the Internet, but the meal turned out to be quite a disappointment. True that the design was pretty nice, but the restaurant is way too small and we were seated right in front of the fake fireplace so I couldn’t even move my chair when I had to go to the bathroom. Anyway, let’s focus on the food, which wasn’t as good as expected either.Wild Mushroom Cheese Risotto ($138)The best dish of the meal. Very chees

生日飯真係唔好揀呢間啦⋯⋯⋯⋯啲嘢食未食完想傾下計啫，又走過黎想收走你，一早book位時已order左生日甜品，又無record咁，收完正餐碟問我地需唔需要叫甜品...唔係嘛要提返個待應先記得我地係已經點左甜品個生日甜品拎出黎時唔單止無爉燭，仲無祝福語無人名，叫佢加返個名...係呀係有加返happy birthday & 人名係個碟到呀，個男經理再補多句”你點呢個甜品係插唔到爉燭架”就行開左，大佬！個甜品係插唔到，但旁邊個粒士多啤梨唔會插唔到掛！丫~又係既！切到8分之1咁大粒，點插丫 真係多謝晒！乜氣氛都無晒！

是次用餐主要是好友生日飯，坦白說，一年見面次數不多，本來就是見個面比吃甚麼重要。不過這裏用心的服務實在讓我印象深刻，驅使我第一次打食評 環境方面，這裏確實並不大，不過感覺旺中帶靜，也算是坐得舒適，也很適合聊天的感覺。幾個女孩坐下來先顧著談天，吃點面包，也沒細閱餐牌，只是很隨意點了四人餐，剛好這個餐的甜品是火焰雪山蛋糕，也算配合生日飯這個主題。（我們其實是五個女孩子，大家都食量不大，事實這個餐份量完全夠我們吃）首先來餐湯，四人餐來四份湯之外，侍應主動附加吉碗一隻，這樣我們可以自行分配。然後是沙律，不得不說份量比想像中大，（質素就是很正常的三文魚沙律🥗）再來是意粉和意大利飯，份量是跟外邊一樣的正常一人份，兩款也都ok, 當然意大利飯不易掌握，本人吃過不少「伏」的版本，而這間我覺得是ok 的。之後就是全晚主角，牛扒 （抱歉我忘記是甚麼扒）由於我們沒預先預訂，因此餐廳說需要三十分鐘解凍時間，不過前面吃著吃著就不覺得等好久。塊扒有我塊面咁大，還有份量十足的車厘茄，小椰菜，薯角作配。但想不到是成份餐上桌是先讓我們拍照📷，然後配菜留下，牛扒就給侍應拿去切件了，完全不用自己動手。牛扒肉味/質不錯，配菜