元気寿司 (Closed)

發生米奇事件還敢去吃元氣? 嘻嘻, 食死先算吧!好友的細心和關心令我有點感動, 你今次又請客, 十分不好意思, 也十分多謝, 下次輪到我義犬報恩啦, 哈哈!!今次比較出色的是油甘魚和槍墨魚壽司, 前者入口軟糯甘香, 後者爽口鮮味.朋友令我笑逐顏開.

是晚元宵,偏偏作病,應該係傷風的先兆,但我又想食壽司,於是兩小口子近近地去元氣,今次見有PROMOTION,醬油漬吞拿魚壽司,我唔多好吞拿魚的,食落覺得好淋,另一款蝦壽司,好爽,都有蝦味,當然唔少得食我最愛鮮帶子壽司同日式炖蛋,另一半最愛的海膽手卷,每次都唔食唔安樂, 埋單$253,好飽,有力同病菌打仗了!^^

二月頭有去食!漏了COMMENT！餐單可選的老實講真的不多　！熱食更加少之有少　．．．．唯一燉蛋OK 囉!

年初二屋企人食飯, 經過元氣, 買份壽司外賣($198)味道都係一般水準, 值得讚係非常快手, 由落單到取貨大約等15分鐘有齊豉油碟筷子, 算細心

好耐無食過元氣,難得朋友話想食, 我一於俸陪到底!味道同以前食開既無乜分別! 之不過size 就由腳指公變左做手指公size，刺身更加慘不入目，又細又薄，可惜我無影低相...我情願去峰壽司好過嘍~

應該幾個星期前去食過, 但冇時間打食評, 而家先打..話說已經好夜, 都差不多12點, 我同男友見肚餓, 係apm唯一未關既係元氣, 所以我地入去食..嘩...簡直係離晒大譜, 一間負責任既食店都唔可以因為夜同埋d 野賣唔晒, 由得佢係度繼續轉囉..我地係迴轉帶到拎左:軟殼crab卷: 未食過d咁難食既壽司囉, d crab凍到硬, 放左可能都有2個鐘以上豬扒手卷: 我真係唔明點解元氣係用一d 坊間即食既手卷, 舊豬扒仲要係又粉又爛, 我地好似食緊人地食剩既野咁, 我心諗, 而家我冇錢比呀!!!仲有2碟不知名既壽司: 總之勁難食, 仲難食過百佳!! 仲要碟碟都15蚊, 都痴線的我諗食晚最好食係碟腐皮卷夜晚就將賣剩的壽司, 繼續轉, 凍到掟得死人的壽司都照比人食, 我以後都唔會再去任何一間元氣食野!!!早知行遠d 去24小時麥記好過!!食到一肚氣!!

第一次和女兒去食壽司,本人其實對凍食食物不太喜歡但呢間俾我感覺不錯*食物還可以不過有d就凍左少少..

輸送帶上的碟雖然多，但來來去去都是那些，晚餐時間連招牌元氣卷、彩虹卷都無，要order，要等，咁就麻煩，我去元氣，都是貪快趣，趕食趕吃，半個鐘頭食到飽再行街睇戲。其實食物還算好，價錢合格，只要有多些選擇，就好。

很久沒有來元氣了, 今天下午和兩位同事在此用膳.邊食邊講, 所以也不太記得食過什麼了.炸蝦卷- 蝦肉爽口但不鮮甜, 入口偏油.元氣卷–食落脆口, 感覺幾新鮮製作.三文魚壽司–三文魚偏削.墨魚鬚壽司- 墨魚鬚一整排, 賣相幾吸引, 食落卻無墨魚鮮, 只得爽字.北寄貝沙律壽司–一貫水準.生牛肉壽司–牛肉味不濃, 但入口不會韌.烏貝壽司–爽口不腥.北海道帶子刺身–肉質嫩中帶點纖維質感, 有光澤, 鮮甜可口.日式蒸蛋–料算多, 有冬菇, 蟹柳, 日式魚蛋, 魚翅, 蛋蒸得不過火, 但又不算很鮮甜.蟹子沙律–不過不失.胃口好像愈來愈小.

D軍襤壽司既料相比CWB時代同世貿比較小。每次都會食既飛魚子﹐北寄貝沙律&海膽墨魚都變相小左。每次係迴轉帶上拿果D都係暖﹐有D唔新鮮既感覺。同埋好像擺左好耐, 乾爭爭咁。迴轉帶上仲拿左碟劍魚腩﹐點知食落去有“月星”味。所以之後都特登落ORDER。但係送到來擺入口時發覺所有壽司同樣係室溫﹐望落去一樣乾爭爭咁。同CWB送來果D料又夠凍﹐又新鮮真是好大分別。

早兩日無啦啦成班人黎左呢度食晏, 冇咩特別原因, 純粹開心, 唔知會唔會係咁原固, 所以覺得食物質素都幾好!坐底就已經立即劃野食, 有三文魚壽司, 吞拿魚壽司, 煙三文魚壽司, 他他牛壽司, 赤貝壽司, 北寄貝沙律壽司, 小柱壽司, 辣味螺肉等等......要數最好味壽司, 師傅首推吞拿魚壽司, 吞拿魚非常新鮮, 入口即溶, 好好味; 其次有他他牛壽司, 他他牛壽司牛肉好腍, 非常鬆軟, 好得; 煙三文魚壽司又係得喎, 三文魚煙得好香, 加埋d沙律醬就好醒晨, 真係食到停唔到口; 其他壽司都中規中舉, 不過不失!總括而言壽司質素頗好, 夠新鮮, 至少師傅唔會覺得有邊樣唔掂, 不過由落單起差唔多等左成半個鐘先有得食, 其間仲要催左兩次, 係咁等, 不斷吹水又不斷唱等了又等, 真係等左好耐, 攪到師傅我都唔敢再加單! 下次都會再黎, 不過希望唔使等咁耐啦!

普普通通的壽司店, 冇乜幫喜, 冇乜招牌菜, 唔算太貴, 但用料亦唔算太好, 只係勝在夠方便.上星期去, 只係普普通通咁order左個海膽壽司, 同埋三文魚壽司, 填飽壽司肚就ok喇, 冇乜特別驚喜囉, 所以亦都唔會失望.

not bad, better 元錄。

尋晚原本想去買星期六戲飛,點知只預售到星期五,加上心情麻麻, 晚飯時間就黎元氣開餐,滿足帶子癮,第1碟帶子壽司麻麻,無乜鮮味,跟住食三文魚刺身,好肥美,又厚切,燒三文魚壽司,元氣卷,他他牛壽司(有少少甜??),燉蛋(每次必食)等等,最後臨走再叫帶子壽司,今次好正,好好味,夠新鮮!滿足晒!心情都好番d,"食"的確可令人開心!^^

gor日半夜(around 10:30pm)去食元氣, 完全唔新鮮都算la, 仲要見到有隻蟲在迴轉中的碟上(被膠蓋困住)!! 好可怕! 叫碟加州小卷仲要爛容容咁, 好明顯個師父無心機整la!!!!!!!!! 服務員態度都麻麻~太可怕, 以後都唔去APM元氣呀!