元気寿司

Open Now

Now Closed

閒來無事，與朋友到尖沙咀濕平。到下午茶時間，友人説想食壽司，見有元気，便上去碰碰運氣，希望不會太多人，結果不用等便被安排坐窗邊大枱，正。👍🏻呢間元気已非迴轉壽司，而是火車直送。朋友無試過，覺得有趣，亦見隔離幾枱有小朋友的，每次食物送到都興奮大叫 ，甚有歡樂氣氛。😀😀😀 我亦喜歡火車直送，較新鮮。餐牌用iPad落單，超方便，選擇同以往差唔多，我們隨意點了5客壽司。玉子壽司的蛋不太甜及嫩滑，OK! 三文魚壽司的三文魚不夠厚及新鮮，三文魚味也不足，但$12一碟，算係咁。👌🏻👌🏻炙燒三文魚及迷你鰻魚飯超好味！火燒後的三文魚散發陣陣油香，兼有少少煎香口感，妙！😃😃鰻魚飯的汁香甜，加上獨特鰻魚味及口感，好食到唔停口。［註：因大家都鐘意，我們加再叫多一個，這個份量很適合女孩子。］👍🏻👍🏻👍🏻炸蝦手卷的蝦剛炸好便上枱，蝦不單止又熱又脆，亦十分爽口，好食。😃😃總結而言，元気的壽司雖不是件件精品，以這個價錢，也是十分超值。

元氣壽司大家都食過啦有乜咁特別吖？！今日揀食佢係因為唔使等位，諗住快快食幾件打底就去同啲密友盡情傾計，你知啦好傾起上嚟只係會顧住飲野同埋傾計，係會唔記得食嘢㗎嘛。快食咗幾件壽司，見佢有期間限定嘅築地直送的『池魚』壽司就即刻叫來試試！我仲叫咗最喜愛的海膽魷魚軍艦卷、左口魚裙邊壽司、三文魚腩壽司，同埋油金魚壽司。築地直送即係速遞直送，池魚壽司真係最鮮甜又大件，雖然三文魚腩壽司同油魚壽司都好肥美，但係都要輸比池魚壽司，所以記得下次去食元氣嘅時候，一定要留意有咩期間限定，一定要叫來試吓，相信一定有保證。

一向都好喜歡原始元氣的下午茶餐，一心放假打算再嚐元氣下午茶，但附近只有高速線，就打算都好，食高速線的下午茶，但去到先話暑假唔供應，要9月先有，咁只好散叫其他。軟殼蟹手卷+北寄貝軍艦+火炙牛油赤海蝦+大滿足甜蝦卷+期間限定蟹肉壽司壽司都維持一貫水準，軟殼蟹夠熱，加埋沙律醬好好味，軍艦紫菜夠脆，火灸系列都好新鮮，牛油再火炙，溶化咗，味道好豐富。甜蝦都好多隻，又新鮮，10蚊好抵。期間限定都不錯，好多蟹肉。味道：4/5抵食：3/5回頭率：4/5

幾個女仔夜晚唔知食乜好，食日本嘢實唔會say no自從搬過鋪後都未嚟食過😂晚飯時段拎左飛都要等廿幾張枱，不過好彩等左半個鐘度就有位，仲要大卡位，點餐用pad方便快捷，見住個高速線送餐，好開心好期待d嘢食快d嚟，唔覺意會越點越多😂食物新鮮好味道😊

之前食迴轉壽司就食得多，高速缐壽司🍣就真是第一次食～😝雖然沒有之前的迴轉壽司咁可以一路食一路睇岩壽司就取，但就方便了想點什麼就即刻有的欲望。小朋友見到火車很興奮！

元氣壽司水準高，好多分店又有好多人食。雖然佢開發左一個手機Apps可以用佢嚟攞位攞飛，但其實個個都識😂所以通常都要等幾十張枱。今日心血來潮想食元氣壽司，如果搵係商場嘅元氣一定好多人，竟然比我搵到呢一間呢埋左係角落頭嘅元氣😍😍 我7:45去到，晚飯時間都有好多位🤤 食物水準仍然都係咁高咁好食👍🏼 不過我八點幾走嗰陣開始有人等位了。😂高速線好好玩😂俾我發現左下午茶時段佢有幾個set好抵食👍🏼＄50已經有五六件壽司再加蒸蛋同炸物🤤 等我下次放假去食🤤

剛剛係戶外工作，被太陽伯伯曬完之後成個人溶哂，好想即刻搵個涼浸浸嘅地方食啲涼浸浸嘅嘢，第一時間諗起附近有元氣～除咗食壽司之外，我地都點咗日本清酒，當係提早慶功～ 涼浸浸嘅清酒一入口成個人都爽哂，清酒香味令人身心舒暢～之後朋友叫埋日本直送嘅雪糕同埋蛋糕 ：抹茶味千層蛋糕好夠抹茶味，濃得嚟又唔會苦、唔會‘流’～ 抹茶控必試芝士蛋糕，識食嘅朋友叫佢要雪凍啲，夠凍先好味～ 紅豆牛奶雪糕，估佢唔到咁香滑好味，少少豆香加埋陣陣奶香，味道好夾，口感幼滑，下次要自己一個人一盒

元氣越開越多，可以話係而家最做得起既壽司連鎖店。不過都係抵距既，味道好食，價錢都算合理，又開到周圍都有，要食都好方便。👍🏻👍🏻呢日放lunch同同學又再來幫襯，其實平時都間唔時食，已經變左我地既食堂😂我叫左一個lunch set，lunch set 92蚊有迷你魚生飯，又有刺身（三文魚，吞拿魚，赤海蝦），仲有大碗烏冬，沙律同三件炸雞。三文魚刺身超厚切，好正！炸雞都唔差，又脆，又滑，有肉汁～沙拉就普普通通啦。距有幾個lunch set揀嫁，下次再試其他～

呢間元氣lunch無set, 要散件叫。lunch有好多人排隊，用自助機點野食，省卻人手。order唔算快，魚生壽司尚算高速，但火灸壽司要等成10分鐘先到。味道不錯，若能加快送遞時間會更好

呢間位於尖沙咀新洗中心地下既日式餐廳，中午見佢地有lunch set,價錢吾算太貴，$65-90一個lunch set，包個沙律同日式湯，點完餐後食物好快就到。通常我自己覺得食壽司/刺身點既豉油都好重要，吾可以太咸，但佢地既豉油偏偏就好鹹，而且食物感覺唔算太新鮮，所以我食既候都冇乜大感覺，只覺都過得去，但份量吾算多，正常份量，建議比較大食既朋友可能要點多樣小食先夠飽。而且佢地set lunch既前菜沙律同湯都係好一般，食個lunch黎講吾算抵而且吾係特別好食，所以我吾會推介呢間餐廳比大家。

1. 隨日式燉蛋附上的匙羹有嚴重污漬 (用紙巾也清潔不了), 只好要求更換2. 三色刺身上漏了北寄貝 3. 油甘魚壽司有魚鱗4. 辛辣長鰭吞拿魚壽司有根, 完全咬不開.......

見到開左高速線就來食下, 因為過左Lunch Time, 等左5分鐘就有位, 一入到去就覺得環境唔錯, 幾光猛。但係本人唔鐘意食生野, 所以全部都點左熟野。腐皮壽司: 都好大舊下, 不過就好甜, 食完要即刻飲茶, 如果唔係咁甜既話會好好多。皇帝蟹柳壽司: 係我最鐘意既壽司之一, 蟹味好足夠, 而且價錢唔貴, 抵食之選。炸蝦天婦羅壽司: 每次來都係必食之一, 炸得好脆, 而且食落唔多油, 但係今次就食到幾重油味, 唔夠之前咁好, 退步左。蒲燒鰻魚壽司: 鰻魚都算幾夠份量, D燒汁夠濃味, 10蚊件來講已經好唔錯。燒牛肋骨壽司: 睇落去呢個做成壽司就唔係幾夾, 不過見係10蚊件就試下啦, 食落去牛味幾重, 配埋D蔥就岩岩好, 有驚喜！對於我呢個唔鐘意食生野但係又鐘意食壽司既人來講算係幾多選擇, 當然唔可以同其他高級日本野比啦, 唔係太高要求又想平既話絕對係一個唔錯既選擇。

搬左舖位，又轉為高速線，座位多左好多卡位，環境唔錯食物方面，水準不過不失啦～極太麵黑椒醬油撈麵，簡單配上豬肉及雞蛋，味道不錯！但比較多油～筋子壽司賣相真係麻麻～ 但味道能保持鮮味，仲有少少”爆汁”感～ 鍾意呢種口感嘅你，可以一試！元氣卷三文魚包住軟殻蟹及青瓜卷，能夠帶出炸軟殻蟹酥炸味，又平衡到炸物嘅油膩感炸蝦天婦羅壽司口感鬆化，亦不失蝦嘅鮮味～但係油膱味比較重，相對以前有點失色蟹子壽司 & 蟹子沙律新鮮！但冇特別驚喜～總括來講～ 食物質素不過不失，價錢大眾化，如能改善食品賣相就更好 算係大眾化日本菜嘅好選擇！

今天來到元氣吃lunch。這間元氣是有高速線的，火車運送食物，方便又有趣。不過原來這間元氣沒有lunch set，想填飽肚子的我只好點了兩個丼食和一個手卷。蟹肉三文魚籽丼：蟹肉鮮甜，三文魚籽咸香，配合壽司飯，入口十分滋味。可惜份量十分少，完全不足夠。鰻魚丼：魚肉香味濃郁，肉質彈牙肥厚，配了一些甜甜的雞蛋絲，十分不錯。只可惜份量也是很少。我另外點了軟殼蟹手卷，紫菜很脆，軟殼蟹炸得香脆可口，壽司飯暖暖的，十分美味。

今晚壽司夜 諗住去九龍公園對出既元氣食 貪佢位置順路 點知去到發現變左板長😂太耐無去尖沙咀啦 去open rice 一check先知搬左去新港上到去如我所料要等位 見到係高速線心裏開心左一秒 等左大概三個字就有得入去坐迴轉位 成條高速線貫穿全場送到會著燈 你拎完所落單的食品就可以㩒熄佢示意運送車走佬每個迴轉位都有一部落單tablet 非常方便落左單大概十分鐘就有野食啦🤓🤓等野食期間當然係整wasabi 但打開見到隻色有啲暗同霉 溶溶地咁☹️左口魚一口氣叫左三件 食完大滿足油甘魚都非常厚實新鮮呢個賣相有啲馬虎 可能係架車度嚇親🤔 但想提既係個碟本身有啲蹟 唔知咩事軟殼蟹手卷必叫 炸得鬆脆 但壽司飯偏濕 呢隻蠔都令人感覺蒼涼 無咩精神 但食落口感正常 不過不失之後想講今次試新野 令我相當失望見到薰燒鰹魚 抱著限定的期望等佢送黎黎到竟然花容失色 變左牛肉乾咁款😔食落去仲有陣奇怪腥味 原本都覺得可能係本身咁樣先有薰燒完的感覺😯但臨走時眼前發現一碟色彩豐富的鰹魚飛過 令我覺得佢本身應該同張相真係9成相似 但我食果舊 唔知咩事😑最後全場最出色係呢杯蒸蛋 料足蛋滑 又暖下個胃🤗