金船長餐廳 (Closed)

提起大角咀金船長 一定冇理由唔知道佢得獎食品，黑松露馬卡斯芝士夾心薄餅， 今次真為呢個pizza而來, 而且入到去已見到， 大大隻字寫住得獎作品，所以唔會漏點了。 今次得我同老公兩人， 所以點咗個細size 16吋， pizza內涵夾著超級多的黑松露, 外皮沾滿了濃郁嘅芝士， 內軟外脆， 侍應介紹這三種食法，第一種就係最原始，就咁食。第二種呢就係沾了佢哋每日新鮮釀製嘅葡萄醋食，第三種就係加上沙律菜一齊食。 無論點食都係咁好味。另外點了焗田螺，炸軟殼蟹，美國肉眼牛扒，甜品點了梳乎厘。法式焗田螺， 往時食開都係薯蓉焗， 但今次流質很多，有大量蒜香牛油可搽麵包， 田螺肉保留了水分很鮮嫩。炸軟殼蟹放喺長碟上，賣相精美，入口軟腍，外皮炸得脆脆的， 冇油益味。美國肉眼牛扒配薯菜，黑椒汁。 薯菜烤得剛好，還保留著水份。 黑椒汁另上， 食客可以自行決定落幾多，貼心服務。 牛扒五成熟剛剛好， 保留了肉汁， 如果可以加多塊牛油係底，熱碟上一定更美味。梳乎厘高高聳起， 外形鬆泡泡， 充滿空氣感 ，吃下感覺輕盈， 是近期比較喜歡嘅一種甜品，好味道。

金船長餐廳可謂大角咀老牌西餐廳，印象中開業超過十年，屹立不倒，都幾堅架！七點幾嚟到，都已經好多食客用餐。好，開餐，睇下有幾堅先。蟹肉素魚翅南瓜湯配左塊香脆多士。湯裏面有一絲絲蟹肉，南瓜味濃，有又一絲絲南瓜，有啲口感。加上素翅有啲煙韌，唔錯。法國鵝肝蘋果沙律鵝肝厚切，味道唔酥，入口即溶。沙律以為會係蘋果絲沙律，原來係沙律菜同粒粒嘅焦糖蘋果。金船長小食拼盤雞翼、青口、芝士豆腐、魷魚圈，全部新鮮整起，夠晒熱辣辣。黑松露菌醬意式馬斯卡普芝士夾心PIZZA，聞說係得獎作品。第一次試呢種質感嘅pizza，中間黑松露好香，餅好鬆脆，加埋面頭好多芝士粉，成個味道估唔到係咁夾，我同朋友都激讚！👍🏻👍🏻仲有個自家製提子果醋，酸甜度適中，好refresh。法式焗金獅魚柳 西西里番茄汁魚柳上面加左蒜蓉同麵包糠一齊焗，好香口，上脆下軟，口感好正。宇治抹茶紅豆奶昔抹茶控必試，抹茶味好濃又低甜，拍得住啲主打抹茶嘅餐廳。仲有一大pat紅豆，大滿足。加州牛油果沙冰牛油果如果要買飛機貨要十幾廿蚊個，船貨又易爛又冇咁好味，呢杯咁大杯，又打得香滑，好飲兼抵飲。心太軟心太軟絕對有流心效果，但朱古力味唔夠濃，加上將個雪糕放喺心太

朋友最近搬屋去左大角咀，咁就諗住同佢食餐好既慶祝，見到呢間金船長餐廳，見網上評論都幾好又得過獎，所以就同朋友黎左呢間食！而入到去店員就即刻介紹左呢個黑松露菌醬意式馬斯卡普芝士夾心比薩，咁既然店員咁極力推薦，咁我地當然要叫啦！同一般比薩唔同，係切好再擺放成好似pancake咁，入口貿地似脆身既夾心餅，帶有黑松露香，而最特別係餐廳自家制提子果醋醬汁，令到味道更清新，仲有d有機既蔬菜，完全無油膩既感覺，咁好味難怪會得獎啦！炸香脆軟殼蟹，我咁中意食蟹可在連殼食真係太方便，軟殼蟹十分脆口，加埋沙律醬仲惹味！美國肉眼牛排12安士，牛味香濃，一切開d肉汁出哂黎，肉眼非常嫩滑，唔會好多筋，醬汁入味！飲品叫左杯加洲牛油果沙冰，入口好綿滑，唔會飲到冰粒，打到好似奶昔咁，陣陣既牛油果既香味傳來，唔會過甜反而好清新，又特別又好飲 必飲推介！食西餐點少得甜品呢，我就叫左份朱容力布朗尼拼雪糕，布朗尼賣相大體吸引，切成一粒粒方便入口，朱古力味十分香濃！呢間水準十分不錯，難怪係意大利菜得獎餐廳！

今年Nosir生日去看黃子華最後一次Talk Show，所以我們提前一天食生日飯慶祝，大商場雖然舒服，但倒模式的食肆看來欠缺了新鮮感，所以我們走進大角咀這個重建中的新舊交替的區域，尋找特式小餐廳，這次我們找到金船長餐廳⋯門表看上去不算突出，餐廳內裝橫簡約，有點像舊式西餐廳，然而卻又在佈置上花了一點心思，天花板上簡單一個漁網，網內放置簡單的海鮮模型，打造成一條漁船，跟餐廳名稱很配合呢﹗暗黃的燈光也滿有氣氛呢﹗餐牌圖片大張又清楚，很吸引客人多點幾道菜呢﹗來到金船長，當然要試試他們的得奬菜式：黑松露醬意式馬斯卡普芝士夾心比薩這個黑松露醬意式馬斯卡普芝士夾心比薩最大特色是有三種獨特的食法：1. 直接享用，比薩外層香脆，濃濃的芝士香味，外脆內軟，夾著黑松露醬，黑松露跟芝士的味道意外地配合，互相溶合而不搶焦，絕對為味蕾帶來驚喜﹗2. 配合自家製提子果醋來享用，個人非常喜歡這個提子果醋，酸酸甜甜而且陣陣提子的幽香，卻沒有令芝士味減退3. 加上有機沙律菜及提子醋一起享用，在酸甜香脆之中帶來另一種清新的感覺，口感層次層層推進，難怪成為得奬菜式，來到金船長確實是必點菜食，非常出色﹗餐廳設晚餐，或餐牌上任何

餐廳位於大角咀大全街，上次來都已經好幾年之前了。原來餐廳裝修過，一邊牆整咗好多航海主題嘢，另一邊牆就介紹餐廳嘅主打菜式。而頭頂就整咗啲魚網，放些塑膠貝類、魚蝦蟹、水泡等做裝飾。感覺煥然一新，無以前咁老土。每張餐檯上面都放咗不同的燈塔燭台，都幾有心思。小食揀咗【黑松露菌醬意式馬斯卡普芝士夾心比薩】和【法國鵝肝3oz蘋果沙律】，主菜揀咗【美國肉眼牛扒12oz】和【焗金獅魚柳】，飲品揀咗【黑牛】和【加州牛油果沙冰】，甜品就叫咗【心太軟朱古力布甸】。【黑松露菌醬意式馬斯卡普芝士夾心比薩】呢個原來係得過獎，牆上介紹的就是呢個pizza。有三個食法。第一個就是就咁食。面頭有好多好香嘅芝士粉，裡面就有黑松露醬。Pizza餅係好脆的。三樣嘢夾埋嘅味道都好夾，大家都無搶大家的味道。第二個食法係，加些提子醋。我覺得提子醋嘅味唔特出，仲會整濕件pizza，減低咗個脆口感。第三個食法係，再加有機菜。感覺上，好似有種食椰絲的感覺，但係又將黑松露的味道奪去咗。所以，都係鍾意咩都唔加，就咁食。兩杯飲品一齊上。牛黑都好耐無飲過了，可樂底加朱古力雪糕，令人懷念。牛油果沙冰好 creamy，好有牛油果香，少少甜，好香滑。

好耐無入黎大角咀食野了，適逢今日有朋友生日🎂就相約左好幾位best fd黎到金船長食晚飯！！黎到好似置身於大海當中，果然鋪如其名，店內裝潢全都是關於大海的物件，甚為有特色🛳⚓️我地total4個人一人點一個set dinner另外再加幾款小食同埋一定要食ge黑松露pizza，聽講係得獎菜式來的，令我們期待萬分Menu上有多款精選菜式供選擇，睇到眼花繚亂首先黎到ge係飲料🥤左起士多啤梨沙冰跟餐$16黑牛$30宇治抺茶紅豆奶昔$38跟住就到主角出場了6吋 $108真係超香黑松露味，侍應一放上枱經已聞到原來呢個pizza有三種食法，侍應放低左之後細心為我們講解1.可就咁食，外脆內軟口感一流2.配合自家制提子🍇果醋食用3.加上有機沙律菜夾係中間食用本人較喜歡點提子🍇醋食用，味道酸酸地幾過癮小食有法式焗田螺配法式多士$68焗蜜糖雞翼5隻$45餐湯跟配：紅白兩款選擇自選菠菜跟餐$25田螺焗到好香香草味，放係多士到食一流雞翼焗到熱辣辣香噴噴，出面塊皮咬落去仲係脆卜卜的～～yummy😍😍😍菠菜焗得超cremy,放入口陣陣忌廉味主菜4款：美國豬鞍扒配白飯12oz$188美國西冷牛扒配意粉10oz$278香

難得黎到大角咀食飯，唔想再去奧海城，但又想搵間靜靜地嘅餐廳，路過金船長，見入面黑黑地，幾有情調就入左黎。餐廳入面嘅裝修有啲船上風格，上面有啲魚網裝住啲海鮮模型，主題呼應返餐廳個名。本住set一定抵啲嘅諗法，見到有dinner set 就毫不猶豫咁嗌左。海鮮蕃茄湯，味道普通，蕃茄味略嫌唔夠fresh，海鮮都見到嘅。主菜嗌左個燒紐西蘭羊架配薄荷燒汁，5成熟。煎得一啲都唔韌，羊肉令人難以接受嘅膻味都冇乜，加埋燒汁食，唔錯！因為同友人過黎食，另外都有嗌多個主食，炸軟殼蟹南瓜意大利飯。軟殼蟹炸得勁香，不過南瓜味略嫌唔夠，如果可以見到有南瓜蓉係度會更好。另外，餐廳必點嘅黑松露菌醬意式馬斯卡普芝士夾心比薩，一上枱就已經切好一塊塊比你。上面佈滿芝士粉，加埋黑松露嘅香，係超正！除左就咁食，餐廳仲有推薦其他兩種食法，都幾得意，可以嘗試。甜品方面，心太軟朱古力布旬。擺盤好靚，都做到心太軟必有嘅流心效果。金船長梳乎厘揀左薑汁味，真係食到濃濃嘅薑汁味，加上勁有空氣嘅口感，係surprise嘅出色之作。宇治抹茶紅豆奶昔同凍檸水，解渴。

昨天去朋友家聊天了一會，她介紹我們到依區附近的一間出名的意大利餐廳，餐廳榮獲開飯網及新城財經台的最優秀獎項，自己在網上也曾聽過，它是得獎的食店，有機會更要品嚐下啦 ~裝修雅致特色，自己猶如置身於船艙𥚃一樣，加上柔和的燈光，令人感到好 relax！我最想點的就是餐廳的得奬作品 : 黑松露菌醬意式馬斯卡普芝士夾心比薩。餐牌上還有很多選擇，扒類、意大利飯、Burger、Pizza、小食、特色甜點及飲品等，款款都好特別，樣樣都想點呢 ~黑松露菌醬意式馬斯卡普芝士夾心比薩   $108外層舖滿芝士碎，中間夾著惹味的黑松露醬，帶少許鹹香味，全片比薩焗得香脆可口，特式的小吃，十分好味。侍應細心地向我們講解三種食法，味道各有不同，美味非凡！美國特級肉眼牛扒  (12安士)     $298加 $96  配 3安士法國鵝肝   超巨大的牛扒，第一次吃 12安士，原來是非常大塊的，熱辣辣的鮮嫩牛扒加上惹味醬汁，肉質軟腍不韌，有少少咬口，牛味豐郁，配合伴碟的脆脆薯條及烤過的蔬菜有南瓜、翠玉瓜、茄子，越吃越起勁，實在太美味啦！如果不是優質鵝肝咬落會有根，不好吃。但這餐廳選用高級食材，法國進口的鵝肝入口即融，濃

今日去開九龍區返工，順道去試下金船長餐廳..因為呢度係得獎餐廳...咁當然要去試下先...我地當晚19:30去到...已經坐堂滿席了！黑松露菌醬意式馬斯卡普芝士夾心比薩...呢款係得獎菜式，咁當然要試下啦！雖然望落去似一塊夾餅，但餅既上面有一層厚厚的芝士...而中間有黑松露醬...味道都好分明，同埋亦都有幾種食法...可以配上自家制提子果醋同埋有機沙律菜...食多件都唔覺得滯😊香煎老虎蝦配龍蝦汁意大利飯..大大隻虎蝦新鮮彈牙...意大利飯軟硬適中.....另一款主菜點在美國豬鞍...肉質鮮嫩..好淋唔會好”鞋”口....👍🏻最後點了甜品紅桑子蛋糕...味道甜而不漏...岩晒唔係太食得太甜既朋友仔...😋

同朋友約左係金船長餐廳見面聚舊，呢間餐廳令我諗起一套我好鍾意嘅日本漫畫海賊王，一見到個名就有種莫名嘅好感。沙發卡座，呢個環境好岩傾計食野。餐廳嘅裝修有好多海盜船、大海、燈塔嘅元素，有種入左海盜餐廳嘅感覺。燈塔裝飾擺左係檯上，輕輕點綴我地嘅飯桌，帶黎絲絲嘅情調氣氛。店員親切有禮咁同我地推介左黑松露菌意式馬斯卡普芝輕夾心比薩 （$108）。呢個菜式原來拎過素食大獎，外皮鋪滿芝士粉，內有黑松露，店員話有三種食法，單食、沾每日新鮮製造的醬醋 同 配沙律菜食。 啖啖濃郁嘅芝士香同松露香係口入面四散。🤣鮮吞拿魚田園沙律 $88，擺盤美觀，賞心悅目。吞拿魚配上特調醬汁同沙律菜，令魚嘅美味更跳脫。波菜煙三文魚車仔意粉 $82 ，車仔麵就食得多，車仔麵粉就真心未試過。我諗店家應該對自己嘅廚藝非常有信心先會俾呀客自由配搭😂。好彩我地搭出黎嘅都幾好食，非常足料嘅波菜同三文魚，搭上卡邦尼汁輕輕烤焗。👍🏻每口意粉都好濃嘅卡邦尼汁，份量好充，但我都自己ko到大半份！美國肉眼牛扒 $298 ，靚扒係貴得有價值，我地叫左三成熟，而廚師火喉拿掐得剛好，真係做到三成熟，外面經煎封過👍🏻，唔錯，入口嫩滑juicy，好。

之前去大角咀交收，順道搵下有咩好食同大帝食下，見到金船長係開飯熱點就去訂位試下。當晚交收我同對方都早左少少到所以順帶早左到金船長，餐廳裝修帶海洋氣息，有船舵，魚網，假海洋生物等既裝飾品，環境較暗都幾有情調。侍應推介得獎菜式黑松露菌醬意式馬斯卡普芝士薄餅，真係幾好食，外面脆脆地好香芝士味，裡面夾左松露菌醬，除左淨食外仲有2種食法加點自家製提子汁，酸酸甜甜好清爽會減低芝士既膩，最後加埋伴碟沙律更加清新，3種食法都好食，我最鍾意第2種食法。仲叫左香煎鵝肝伴蘋果沙律，法式焗田螺，燒紐西蘭羊架，煎海鱸魚意大利飯，蟹肉素翅南瓜湯，心太軟同梳乎里加埋一杯黑牛同凍檸茶。鵝肝幾大塊，煎得香脆加埋醋汁同煮過既蘋果提子乾一齊食解膩，好味法式焗田螺好香熱辣辣，我地用包點埋d油同汁一齊食蟹肉素翅南瓜湯好香濃既南瓜味，又甜又香，大帝都追住飲。燒紐西蘭羊架肉嫩帶點羊羶味，好食，先覺得羊肉都係帶點羶味先好味煎海鱸魚意大利飯好濃既奶油味好香，但飯有d硬，可以軟番少少，鱸魚皮脆肉嫩滑唔錯。心太軟同梳乎里都幾好味，心太軟有流心，朱古力味唔會太甜梳乎里發得好高形都幾靚，主要俾大帝食，佢都好鍾意食。黑牛係我先生飲，佢話細細個已

今次又黎到大角咀覓食見到呢間野有好多好多like就黎食黑松露菌醬意式馬斯pizza係呢間餐廳既招牌菜所以一黎就叫左一個先呢款賣相似cheese cake咁唔係平時嘅pizza樣食落面頭脆卜卜入面就較鬆軟面頭仲有落芝士粉d 黑松露係中間鬆軟位置咬到中間就feel 到陣香味店員就教左我地有三種食法: 1. 咩都唔加直接食 2. 點少少每日鮮制既提子醋再食 3. 點完再加上有機既沙律菜個人建議先用第一食法試真個黑松露味之後直接試第三食法因為個提子醋味道清新微酸又有少少甜落多左都唔會好大味我特別鍾意隻味而加埋D沙律菜就食落更有口感另外再叫左個海鮮千層麵賣相好吸引好多汁好多芝士份量十足夠2-3人分鍾意食芝士既人應該好啱食呢個燒紐西蘭羊架燒既手勢幾好我地叫左7成熟感覺上就剛剛好但近骨頭既位置就會難咬少少調味方面做得唔錯食落冇咩膻味就算怕食羊肉既朋友都可以照試而隨碟配上既薯蓉特別好食芝士牛油落足料食落口感好滑味道亦十足另外配上既烤蔬菜入面烤南瓜尤其出色食落香甜到不得了亦feel到好新鮮算係意外既收穫最後仲叫左金船長梳乎里味道同口感都比得上D出名既梳乎里即叫即整拎出黎既時候熱辣辣面頭漲卜卜焗到金黃色剛

一向知道大角咀有很多高質素的西餐廳，這天終於有機會一試究竟了。這家「金船長餐廳」一聽名字便知道海鮮有一定水準，但這天我們三個小生全都是食肉獸，點知多是肉類，想不到卻是有意料之外的驚喜。餐廳不算大型，小小的一間，卻是十分有情調。桌上的小型擺設、天花掛着的漁網和海鮮裝飾、微微暗黃的燈光以及寧靜的環境，都令氛圍更加舒服。唯一破壞氣氛的，是小弟面前兩位男性朋友的臉 廢話就少說了，我們很快便點了餐，而飲料亦很快送到。小弟點了一杯加州牛油果沙冰。飲料剛送到，便被它的顏色吸引。淡青的顏色不但預示着牛油果的芬香味，更是一種代表健康的顏色。而喝下去，正正與預期一般，牛油果的醇香充滿了口腔。但有一樣和想像中不同的，就是飲料事實上不像沙冰，反而像是牛油果奶昔。雖然和預期的不一樣，但奶昔般幼滑的口感和奶香味都令這杯「牛油果沙冰」更為好喝，以質素補救了。幾乎是同一時間，沙律亦送到了。我們點了一個法國鵝肝蘋果沙律。本以為是新鮮蘋果沙律，誰知原來是煮熟了的蘋果，先嚐一口，醬汁卻是酸酸甜甜，再配上一些提子乾，十分開胃，亦能中和鵝肝的肥膩感。再說說主角鵝肝。煎得恰到好處，表皮有一個個半焦的方格，而裏面的鵝肝熟透之餘又保

去了奧海城行街，之後朋友帶了我去附近的餐廳食晚餐。這間金船長餐廳開業多年，其中黑松露薄餅更是獲獎名菜。朋友點了檸檬什飲，清新去油膩；我的懷舊黑牛，朱古力雪糕加可樂。金船長小食拼盤，有雞翼、魷魚圈、青口及炸豆腐，每樣有三件，夠幾個人分。法式田螺配多士，田螺無沙又腍，不過都比較油膩，旁邊的蒜蓉多士鬆脆。得獎菜黑松芝士薄餅，不得不一試，薄餅中間夾著黑松露，表面沾滿了芝士粉，黑松露香氣撲鼻，配上自家製的提子醋，帶點甜甜酸酸，十分開胃。另外點了一個美國肉眼扒，牛扒大過我塊臉，表面煎至焦香，肉質嫩腍，而且有肉汁，旁邊的薯蓉又香又滑，非常飽肚。車仔麵意粉又幾有特色，可以選擇自己喜歡的配料，下次可以試下。

約了舊同事去了大角咀的金船長餐廳，這間餐廳早幾年已經很出名，經常大排長龍，今日終於有機會試下佢個黑松芝士薄餅。煙三文魚海鮮鮮果沙律配千島汁鮮果沙律份量十足，有蘋果、雪梨、火龍果等新鮮蔬果，還有些沙律菜墊底，清新開胃，配上煙三文魚，幾乎等於一個主菜的份量。黑松露芝士薄餅配提子醋薄餅中間夾著黑松露，香味濃郁，表面有很多芝士粉，加上點提子醋可減輕飽滯感，同時能提高食慾。炸軟殼蟹南瓜意大利飯意大利飯煙韌，味道creamy，不過軟殼蟹比較油膩，整體比較飽滯。黑松露牛肝菌雲吞牛肝菌及黑松露味道香濃，比肉製雲吞更吸引，加上雲吞皮又不糊口，做得非常出色。加州牛油果沙冰&檸檬什飲前者牛油果味濃郁而且濃稠，非常飽肚；後者檸檬開胃清新，可減輕油膩感。